ՀՀԿ-ի՝ Բրյուսովի համալսարանի չհրկիզվող պահարանից գտնված 56 անդամատոմից 5-ը կապ չունի բուհի հետ

Ինչպես ավելի վաղ տեղեկացրել էինք՝ հոկտեմբերի 15-ին Երեւանի Վ. Բրյուսովի անվան պետական լեզվահասարակագիտական համալսարանի (ԵՊԼՀ) ուսանողական խորհրդի չհրկիզվող պահարանում հայտնաբերվել է Հանրապետական կուսակցության՝ թվով 56 անդամատոմս։ Այս մասին հայտնել էր ԵՊԼՀ ուսանող, քաղաքացիական ակտիվիստ Միքայել Նազարյանը:

Հայտնաբերված 56 կուսակցական անդամատոմսից 5-ն ընդհանրապես կապ չունի ԵՊԼՀ-ի հետ, իսկ մնացած 51 անդամատոմսը 2012 թվականի է, որոնց տերերն արդեն ավարտել են բուհը:

Այդ տարիներին ԵՊԼՀ ՈւԽ նախագահ է եղել ՀՀԿ երիտասարդական հիմնադրամի քարտուղար Աստղիկ Ափյանը: Ինչպես մեր զրույցում նշեց Միքայել Նազարյանը՝ Աստղիկ Ափյանի կուսակցական պատկանելությունը գաղտնիք չէ՝ խորհրդարանական ընտրություններին նա եղել է ՀՀԿ համամասնական ցուցակում:

Միքայել Նազարյանը ասաց, որ հնարավոր է՝ անդամատոմսերի տերերը, որպես այդպիսին ՀՀԿ անդամ չեն էլ հանդիսացել: Անդամատոմսերն ուղղակի ձեւական են եղել, բայց, ինչպես ասաց մեր զրուցակիցը, ավելի հավանական է, որ դրանք ստացել են այն ուսանողները, ովքեր ցանկացել են լինել ուսանողական խորհրդի նախագահ, անդամ կամ կրթաթոշակներ ստանալ Երիտասարդական հիմնադրամից, որն, ի դեպ, տնօրինել է ՀՀԿ-ական Կարեն Ավագյանը:

Ընդ որում, անդամատոմսերը գտնվել են պատահաբար: Ս. թ. մայիսին՝ ԵՊԼՀ ՈւԽ-ն ցրելուց հետո, ՈւԽ հաշվեկշռին գտնվող գույքի հարցն է առաջ եկել: Այդ գույքը սպասում էին գտնել չհրկիզվող պահարանում: ԵՊԼՀ ուսանողն ասաց, որ իրենք տեղեկություններ են ունեցել, ըստ որոնց՝ այդ չհրկիզվող պահարանում եղել է նաեւ որոշակի տեխնիկա՝ համակարգիչներ եւ այլն, որոնք պետք է լինեին ուսանողների տրամադրության տակ: Եւ քանի որ չհրկիզվող պահարանի բանալին ունեին միայն 2012 թվականի ՈՒԽ անդամները, ստիպված են եղել պահարանը էլեկտրական անկյունահղկիչով (болгарка) բացել:

Նազարյանը հավելեց, որ իրականում էական չէ, թե քանի անդամատոմս է եղել կամ ինչ նպատակով են դրանք տրվել: Կարեւորն այն է, որ այս ամենն ապացուցում է, որ համալսարանը եւ ուսանողները տարիներ շարունակ հանդիսացել են ՀՀԿ քարոզչամեքենայի գործիքը:

Խոսելով հաջորդ քայլերից՝ Նազարյանը նշեց, որ իրենք պատրաստվում են անդամատոմսերի տերերի հետ հանդիպել, որպեսզի հասկանան՝ ով ինչ նպատակով էր ստացել այդ տոմսերը: Նազարյանը նշեց, որ իրենք այժմ պատրաստվում են ՈւԽ անցումային խորհուրդ ձեւավորել, որպեսզի նոր ընտրություններ անցկացվեն:

Տպել
1370 դիտում

Զովունիում մեքենան դուրս է եկել հանդիպակաց երթևեկելի գոտի և մխրճվել դեղատան մեջ. վիրավորներ կան

Այս պահին փակ են Վարդենյաց լեռնանցքը, Արագածոտնի և Գեղարքունիքի գյուղամիջյան ճանապարհներ

«Առնո Բաբաջանյան» համերգասրահի փոխտնօրենի նկատմամբ քրեական հետապնդումը դադարեցվել է

Մաշինի դուռը բացվեց ու Փաշինյանն իջավ․ բոլնիսցիները՝ վարչապետի անակնկալ այցի մասին

Մենք կշարունակենք պայքարը, որպեսզի ԻԳԻԼ-ը չբարձրացնի իր գարշելի գլուխը. ԱՄՆ փոխնախագահ

Երեխան ընդունվել է վերջույթների կաթվածով. «Սուրբ Աստվածամայր» Բ/Կ-ն պարզաբանում է փոքրիկի մահը

Գրիպի դեմ պատվաստվողները շատացել են. «Մուրացանում» պատվաստանյութն արագորեն սպառվել է

Մաղթում եմ Ձեզ հաջողություն Ձեր կարեւոր պարտականությունների կատարման գործում. Յագլանդ

ՎՏԲ-Հայաստան Բանկը հայտարարում է Swift դրամային փոխանցումների վերաբերյալ ակցիա՝ նոր հաճախորդների համար

Արման Թաթոյանը Նիդերլանդների դեսպանի հետ քննարկել է Պաշտպանի զեկույցը

Բելգիայի Թագավորության վարչապետ Շառլ Միշելը շնորհավորական ուղերձ է հղել Նիկոլ Փաշինյանին

Ոստիկանության միայն մեկ ստորաբաժանման ծառայության շնորհիվ պետբյուջե է վերադարձվել ավելի քան 708 մլն դրամ

Փրկարարները դուրս են բերել ավտոմեքենան արգելափակումից

Սևանի թերակղզուց դեպի Դիլիջանի թունել ճանապարհահատվածում բուք է

Գրիպով հոսպիտալացվածների 95 տոկոսը երեխաներ են. խուսափելու լավագույն միջոցը պատվաստումն է

ՀՀ և Ադրբեջանի ԱԳ ղեկավարները անդրադարձել են խաղաղ գործընթացին, նաև՝ ժողովուրդների խաղաղությանը

Երեւանի քաղաքապետարանի թեժ գծի համարը փոխվում է, կլինի նաեւ ձայնային հաղորդագրության հնարավորություն

Գյուղատնտեսական տարին պետք է դարձնել մաքսիմալ կանխատեսելի. Նիկոլ Փաշինյան (լուսանկարներ)

Բարեկամավան գյուղում ականի պայթյունից տուժած կա

Ադրբեջանցիները կրկին փորձել են խեղաթյուրել Իրանի բարձրաստիճան պաշտոնյայի հայտարարությունը. փորձագետ