Հիացած եմ Հայաստանի գեղատեսիլ վայրերով և հայերի հյուրասիրությամբ. Ուկրաինայի ԱԳ պետքարտուղար

16/10/2018 schedule01:30

Ֆրանկոֆոնիայի միջազգային գագաթնաժողովի շրջանակներում Հայաստանում էր Ուկրաինայի արտաքին գործերի պետքարտուղար Անդրեյ Իվանովիչը Զայաթսը:

Օգտվելով ընձեռված հնարավորությունից, պետքարտուղարը ՀՀ-ում Ուկրաինայի արտակարգ եւ լիազոր դեսպան Պյոտր Լիտվինի ուղեկցությամբ այցելեց Տերնոպոլի ազգային տնտեսագիտական համալսարանի Երեւանի կրթագիտական ինստիտուտ: Նախատեսված էր ճանաչողական շրջայց եւ հանդիպում պրոֆեսորադասախոսական ու վարչական աշխատակազմի, ուսանողների հետ: Պատվավոր հյուրերին համալսարանականներն ընդունեցին ավանդական աղ ու հացով:

Հանդիպման ժամանակ Անդրեյ Իվանովիչը շատ բարձր գնահատեց Հայաստանում կազմակերպված Ֆրանկոֆոնիայի գագաթնաժողովը եւ շատ ջերմ արտահայտվեց Հայաստանի գեղատեսիլ վայրերի եւ հայերի հյուրասիրության մասին: 

Քննարկվեցին մի շարք հարցեր, այդ թվում նաեւ նյութատեխնիկական բազան թարմացնելու, ինչպես նաեւ ձեռք բերվեց պայմանավորվածություններ՝ ինստիտուտի լավագույն ուսանողների համար Ուկրաինայի առաջատար կազմակերպություններում անվճար երկշաբաթյա պրակտիկա կազմակերպելու ուղղությամբ: Այս համատեքստում Զայաթսը կարեւորեց ուսանողների փորձի ձեռք բերումը արտերկրում եւ հույս հայտնեց, որ այս նախաձեռնությունը համատեղ ուժերով կկարողանան կյանքի կոչել. «Ժամանակակից աշխարհում շատ կարեւոր է շփումը արտաքին աշխարհի հետ, ճանաչել եւ ընկալել, թե ինչ տեմպերով ու պահանջներով է այն առաջ ընթանում: Շատ կարեւոր է, որ այդ գիտելիքներն ու հմտությունները հետագայում տեղայնացվեն սեփական երկրում: Վստահ եմ, որ սա երաշխիք կդառնա, որ հնագույն հայ ազգը եւս 2800 տարի պատմություն կերտի»: 

Պետքարտուղարը տեղեկացրեց, որ այս շաբաթ, Հայաստան կայցելեն Ուկրաինայի արտգործնախարարի տեղակալ Վասիլ Բոնդարը, որին կուղեկցի Ուկրաինայի Տերնոպոլի համալսարանի ռեկտորը: Բանախոսը նկատեց, որ սա վերջին 4 տարվա մեջ բարձրաստիճան պաշտոնատար անձանց առաջին այցելությունն է: «Թե՛ իմ, թե՛ Կոնստանտին Ելիսեեւի այցելությունը խոսում է այն մասին, որ Ուկրաինայի կառավարությունը տրամադրված է զարգացնելու եւ ընդլայնելու համալսարանի գործունեությունը ՀՀ-ում»:

Անդրեյ Զայաթսը շնորհակալության հայտնեց պրոֆեսորադասախոսական կազմին՝ Տերնոպոլի ազգային տնտեսագիտական համալսարանի Երեւանի կրթագիտական ինստիտուտը՝ որպես Հայաստանի սրտում մի փոքրիկ Ուկրաինա պահելու համար: Իր խոսքը բարի լուրով ամփոփելով՝ պետքարտուղարը տեղեկացրեց, որ համալսարանի ռեկտոր Սահակ Ղուդրատյանը նշանակվել է ՀՀ-ում Ուկրաինայի պատվավոր հյուպատոս:

«Դուք աշխատում եք՝ ինձ գովում են, դուք աշխատում եք՝ ինձ պաշտոն են տալիս»,- դասախոսական կազմին կատակով ասաց Ս. Ղուդրատյանը, ապա դիմելով ուկրաինացի հյուրերին վստահեցրեց, որ իր բոլոր ջանքերը ներ է դնելու է հայ-ուկրաինական բարեկամությունը վերարժեքավորելու, խորացնելու ուղղությամբ: 

Հաջորդ օրը, ի նշան այդ բարեկամության, Երեւանի Օղակաձեւ այգում պաշտոնապես բացվեց Տարաս Շեւչենկոյի արձանը, որին մասնակցում էին Ուկրաինայից ժամանած բազմաթիվ հյուրեր, արվեստագետներ, ինչպես նաեւ Ուկրաինայի հայկական համայնքի ղեկավարներ, ներկայացուցիչներ: «Ես կարծում եմ, մենք շատ ճիշտ ուղղությամբ ենք գնում, քանի որ հայ-ուկրաինական հարաբերություններում դրական տեղաշարժեր են արձանագրվում: Այս միջոցառումը եւ Ուկրաինայի բարձրաստիճան պաշտոնյաների ներկայությունը դրա վառ ապացույցն են: Ուկրաինայում ապրող հայերս, Թավշյա հեղափոխությունից հետո, մեր ջանքերն էլ ավելի պիտի նպատակաուղղենք հայ ուկրաինական դարավոր կապերի խորացման ու զարգացման ուղղությամբ: Կարծում եմ նաեւ, որ ՀՀ-ում Ուկրաինայի դեսպան Պյոտր Լիտվինի նշանակումը ենթադրում է բազմաշերտ, բազմակողմանի համագործակցություն թե՛ կրթական, թե՛ տնտեսական եւ թե՛ միջպետական հարաբերությունների համատեքստում»,- իր ելույթում ասաց Ուկրաինայի հայկական ազգային կոնգրեսի եւ ազգային փոքրամասնությունների խորհրդի նախագահ Աշոտ Ավանեսյանը:

Արձանի իրականացման աշխատանքների ֆինանսավորումը կատարել է Գագիկ Ծառուկյանը:

 

Տպել
2398 դիտում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)