Առանց հայտնելու երեխայի մահվան մասին, դա ձեւակերպելու փաստաթղթեր են ուզում. հարազատները բողոքում են

Երեւանի «Շենգավիթ» բժշկական կենտրոնում շաբաթ օրը նորածին է մահացել: Հարազատները վստահ են, որ դժբախտությունը տեղի է ունեցել բժշկի մեղքով եւ դիմել են իրավապահներին:

Ծնունդն ընդունել է բժիշկ Ա.Հ.-ն: Հենց նրան էլ երեխայի հարազատները մեղադրում են անուշադրության մեջ: «Մեր հարսը մեզ ասաց, որ երեխային սպանեց իր անուշադրության, իր գոռոզության պատճառով: Անուշադրության է մատնել, ամեն ինչ ուշացրել է: Նույն վերաբերմունքը ստացել ենք ընդհանուր հիվանդանոցի տնօրինությունից, մեզ ինչ-որ մեկը երեք օրվա մեջ չի կանչել, ասել՝ ցավակցում եմ ձեզ, կներեք, որ այսպես եղավ: Մենք ենք բաժնի վարիչին ման գալիս, գտնում, մտնում ենք իր մոտ, մուրաբայով, մեղրով թեյ է խմում: Ասում ենք՝ երեխայի վիճակը ոնց է, ասում է` տեղյակ չեմ»,- մեզ հետ զրույցում պատմեց մահացած նորածնի հորեղբայր Անդրանիկ Գեւորգյանը:

Վերակենդանացման բաժանմունքի ղեկավարն, ըստ նրա, ասել է, որ փոքրիկը գլխի հետ կապված խնդիր ունի եւ ապրելու դեպքում կարող է թերզարգացած լինել: «Մեզ ասում էր՝ Աստված կանչեք, որ երեխայի սիրտը չաշխատի: Որ հարցրեցինք՝ ինչու, պատասխանեց՝ գլխի հետ կապված վնասվածք է ստացել, խնդիր ունի»,- նշեց հորեղբայրը:

Մահացած երեխայի հարազատները չգիտեն՝ այդ վնասվածքը նա ծնվելո՞ւ ժամանակ է ստացել: Գիտեն, սակայն, որ հարսի հղիության ողջ ընթացքում, որն, ի դեպ, նույնպես հսկվել է «Շենգավիթ» բժշկական կենտրոնում, միայն լսել են, որ ամեն ինչ իդեալական է: «Վերջին հետազոտությունը նույն (ծննդաբերության) օրն է անցել, ասել են` իդեալական է»,- հավելեց նա:

Հարազատներին վրդովեցրել է նաեւ այն ձեւը, որով իրենց տեղեկացել են փոքրիկի մահվան մասին: «Ոտքի վրա գալիս են, ասում՝ ձեր երեխայի մահվան վկայականի համար այսինչ թղթերն են պետք: Այդպիսի բանը ոտքի վրա ո՞վ է մոր ներկայությամբ ասում, երբ նա գիտի՝ երեխան վերակենդանացման բաժանմունքում է, պիտի կարգավորվի ամեն ինչ: Անձամբ ինձ ասել էին՝ հույս կա, որ սիրտը կաշխատի, բայց երեխան թերզարգացած կլինի: Ես պատասխանել եմ՝ ոչինչ, թող սիրտը աշխատի, երեխային տվեք ինձ: Հետո ասում եմ՝ մենք ինչու չենք իմանում, որ երեխան մահացել է: Ինձ մի բժիշկ պատասխանում է՝ ինչ իմանանք՝ դուք որտեղ եք, որ գայինք ձեզ հայտնեինք: Ասում ենք՝ դուք այնքան անտարբեր եք, որ չգիտեք՝ այդ երեխայի մայրը որ հիվանդասենյակում է սթրեսի մեջ պառկած»,- շարունակեց Անդրանիկ Գեւորգյանը:

Մահացած նորածինը ծնողների առաջնեկն էր: Տղա: Մայրը դուրս է գրվել «Շենգավիթ» բժշկական կենտրոնից: Հարազատները, սակայն, վստահ չեն, որ կնոջ առողջությանը նույնպես այստեղ վնաս չի հասցվել եւ պատրաստվում են որոշակի հոգեկան հանգստության հասնելուց հետո նրան այլ հաստատությունում հետազոտության տանել:

«Ոնց կարելի է այդքան սառնասիրտ լինել: Հասկացանք ոչ աշխատանքային օրեր էին, կես ժամ ժամամանակ չգտնե՞լ գալ ինչ-որ մի հարազատի կանչել, բացատրել, մեղմացնել, որ ձեր երեխան այլեւս չկա, խնդրում ենք՝ ծնողներին էլ դուք մեղմորեն հայտնեք: Ոչ մի այդպիսի վերաբերմունք չստացանք»,- փոխանցեց մահացած փոքրիկի հորեղբայրը:

Դեպքի վերաբերյալ հաղորդագրություն է տարածել նաեւ Հայաստանի քննչական կոմիտեն, որտեղ մասնավորապես նշվում է. «ՀՀ քննչական կոմիտեի Երեւանի քննչական վարչության Շենգավիթ վարչական շրջանի քննչական բաժնում հարուցվել է քրեական գործ՝ ՀՀ քրեական օրենսգրքի 130-րդ հոդվածի 2-րդ մասով («Բժշկական օգնություն եւ սպասարկում իրականացնողների կողմից մասնագիտական պարտականությունները չկատարելը կամ ոչ պատշաճ կատարելը, որն անզգուշությամբ առաջացրել է բուժվող հիվանդի մահ»: Նախատեսվող պատիժն ազատազրկումն է՝ 2-6 տարի ժամկետով-խմբ.)։ Ձեռնարկվում են անհրաժեշտ քննչական գործողություններ՝ նորածնի մահվան պատճառները պարզելու ուղղությամբ: Քրեական գործով էական նշանակություն ունեցող հանգամանքներ պարզելու համար նշանակվել է դիակի դատաբժշկական փորձաքննություն, հիվանդանոցից առգրավվել է ծննդկանի հղիության քարտը: Նախաքննությունը շարունակվում է»:

Տեղի ունեցածի վերաբերյալ «Շենգավիթ» բժշկական կենտրոնը մեկնաբանություններ կներկայացրեց գրավոր տարբերակով, որտեղ մասնավորապես ասվում է.

«Ս․թ․ 20.10.2018թ․ «Շենգավթ» ԲԿ է ընդունվել 23 տարեկան Տաթև Ահարոնի Հովսեփյանը` ծննդալուծման: Առաջին փուլը (ակտիվ կծկանքների շրջան) ընթացել է առանց բարդությունների, սակայն երկրորդ փուլի սկզբում (ճիգային շրջան) պտղի գլխի ծկլթման ժամանակահատվածում (պտղի գլուխը փոքր կոնքի հատակում է) խիստ տուժել է պտղի սրտի բաբախը: Անհապաղ իրականացվել է ծննդալուծում վակումային էքստրակցիայի ճանապարհով: Պտուղը ծնվել է կարճ պորտալարով, ծանր ասֆիկցիայով: Չնայած իրականացված ինտենսիվ վերակենդանացման միջոցառումների նորածինը մահացել է: «Շենգավթ» ԲԿ-ի տնօրինությունը եւ ողջ անձնակազմը խորապես ցավում է նորածնի մահվան կապակցությամբ եւ իր ցավակցությունն է հայտնում հարազատներին:

«Շենգավթ» ԲԿ-ի տնօրինությունը խնդրում է ԶԼՄ-ներին մինչեւ դատաբժշկական փորձաքննության վերջնական արդյունքների հրապարակումը զերծ մնալ հուզական, ոչ ստույգ տեղեկատվության տարածումից, գնահատական տալուց: «Շենգավիթ»  ԲԿ-ը հանդիսանում է երրորդ մակարդակի ծննդատուն և ընդունում է ամենաբարդ դեպքերը:

Ի պատասխան ԶԼՄ-ներում տեղ գտած հայտարարությունների, առ այն որ «Շենգավիթ» ԲԿ-ում հաճախ են նորածնային մահացությունները պաշտոնապես տեղեկացնում  ենք, որ 2017 թ․ հանրապետական պերինաթալ մահացությունների ցուցանիշը եղել է 19 ‰ (պրոմիլե), իսկ մայրաքաղաքայինը՝ 25/8 ‰ (պրոմիլե), միևնույն ժամանակահատվածում Շենգավիթ ԲԿ-ում պերինաթալ մահացությունները եղել են 6.06‰ (պրոմիլե),  իսկ 2000 թվականից մինչ այսօր մայրական մահացության դեպք չի եղել»:

Բժշկական կենտրոնը հետգրությամբ նաեւ հիշեցնում է, որ ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Տպել
3204 դիտում

Ճնշում կա՞, թե չկա. «Իմ քայլի» պատգամավորն այդ հարցում վստահում է Հրայր Թովմասյանին

Արցախի պետնախարարն ընդունել է «Հանրային կապերի և տեղեկատվության կենտրոն» ՊՈԱԿ-ի պատվիրակությանը

Օհանավանի բնակիչը հրացանով կրակել է շան ուղղությամբ, դիպել է գյուղի 32-ամյա մի բնակչուհու

ԱԱԾ-ն պարզաբանում է՝ Հ. Թովմասյանի ազգականների հետ կապված ինչ գործողություններ են կատարվել եւ ինչու

Նախագահ Արմեն Սարգսյանը ստորագրել է Ազգային ժողովի ընդունած մի շարք օրենքներ

Պարեկային ոստիկանները բերման են ենթարկել մի տղամարդու, որի մոտ ատրճանակ ու դանակ է եղել (տեսանյութ)

Նիկոլ Փաշինյանի որոշմամբ Էկոնոմիկայի նախարարության գլխավոր քարտուղարն ազատվել է պաշտոնից

Սա իրավաբանություն չի. «Իմ քայլ»-ի պատգամավորը անհիմն է համարում ՍԴ-ի որոշումը

Դիլիջան քաղաքում այրվել են մոտ 4 հա անտառամիջյան չորացած տերևներ, 25 ծառի կոճղ և 2 չորացած ծառ

Երեւանում, «Գրանդ Սպորտ»-ի մոտ բախվել են 3 ավտոմեքենաներ. կա տուժած

Գյումրու «Թռչունյան տան» խնդրից տեղյակ եմ. Ռուբեն Վարդանյանը չի բացառում, որ աջակցություն կտրվի երեխաների կենտրոնին

Քաղբանտարկյալ Նիկոլ Փաշինյանի մոտից անգամ առգրավվել են թուղթն ու գրիչը, տեսակցության իրավունք չի եղել. Կարապետյան

ՆԱՏՕ-ի դիտորդական խումբը գնահատել է ՀՀ ԶՈՒ դաշտային հոսպիտալը

Տեղի ունեցավ Տիգրան Առաքելյանի հոգեհանգստի արարողությունը (տեսանյութ)

Գյումրու ծերանոցը լուծարվեց. աշխատակազմը կառավարության որոշումը բոյկոտում է

Էմանուել Մակրոնը մտադիր է Անգելա Մերկելի և Բորիս Ջոնսոնի հետ միասին հանդիպել Էրդողանին

ՀՀ զինված ուժերում ստեղծվել է կին զինծառայողների խնդիրներն ուսումնասիրող նոր ստորաբաժանում

Ադրբեջանցի հաքերները ՀՀ վարչապետի պաշտոնական կայքի էջերից մեկում գրել են «Ղարաբաղն Ադրբեջան է». Կ. Վրթանեսյան

Երեւանի հասարակական տրանսպորտի աշխատանքը գնալով վատթարանում է. փոխվարչապետի մոտ քննարկում է եղել նոր ցանցի վերաբերյալ

Թուրքիան խախտում է հրադադարի պայմանավորվածությունը. Սիրիան հայտարարել է 13 զոհի, 70 տուժածի մասին