Լոպետեգին 4 ամսում մնաց առանց աշխարհի առաջնության, Իսպանիայի հավաքականի ու «Ռեալի»

Ինչպես սպասվում էր Մադրիդի «Ռեալը» հեռացրեց թիմի գլխավոր մարզիչ Խուլեն Լոպետեգիին: Նա ակումբի նախագահ Ֆլորետնտինո Պերեսի կողմից ամենաշուտը հեռացված մարզիչն է՝ հոկտեմբերի 29-ին: Պերեսը նախկինում Վանդերլեյ Լուքսեմբուրգոյին մրցաշրջանը սկսվելուց հետո հեռացրել է դեկտեբերի 5-ին, իսկ Ռաֆայել Բենիտեսին հունվարի 4-ին:

Մասնագետն ընդամենը 4 ամսից մի փոքր ավելի աշխատեց: Պերեսի թեթեւ ձեռքով ընդամենը 4 ամսում զրկվեց Իսպանիայի հավաքականից, լավ մարզավիճակում գտնվող այդ ընտրանուն աշխարհի 2018 թ. առաջնությունում առաջնորդելու հնարավորությունից, «Ռեալում» կարիերա ստեղծելու նպատակից: Եվ այս որոշման պատճառի մասին խոսելիս ակումբի ղեկավարությունը բավական կոշտ է եղել Լոպետեգիի նկատմամբ:

«Մեծ անհամաչափություն կա թիմի կազմի (որում «Ոսկե գնդակի» 8 թեկնածու կա, ինչն աննախադեպ է ակումբի պատմության համար), դրա հնարավորությունների եւ մինչեւ այսօր գրանցված արդյունքների մեջ»,- գրված է պաշտոնական հաղորդագրությունում:

2018-19 մրցաշրջանը «Ռեալը» սկսեց «Ատլետիկոյին» Եվրոպայի Սուպերգավաթը զիջելով: Սա, սակայն առաջնության առաջին մի քանի խաղերում հաղթանակներից ու Չեմպիոնների լիգայի խմբային փուլում «Ռոմայի» նկատմամբ տոնած տպավորիչ հաղթանակից հետո դիտվեց որպես անցողիկ սայթաքում: Ժամանակի ընթացքում խաղը որակը սկսեց խամրել ու աստիճանաբար արդյունքներն էլ մարեցին: Սեպտեմբերի 29-ից մինչեւ հիմա կայացած 7 խաղում «Ռեալը» 1 ոչ ոքի է արել ու ընդամենը 1 հաղթանակ տարել: Անցած շաբաթ Չեմպիոնների լիգայում առավելության է հասել համեստ «Պլզենի» նկատմամբ, այն էլ ոչ համոզիչ խաղով:

5 անգամ թիմը պարտվել է, եւ ամենացավալին վերջինն էր՝ 5:1 հաշվով մրցակցի հարկի տակ խայտառակ պարտությունը Կլասիկոյում: Թեեւ խաղի 2:1 հաշվի ժամանակ «Ռեալն» ակտիվացել էր, ու թվում էր՝ ի վիճակի է շտելու իրավիճակը, բայց բաց թողած 3-րդ գոլից հետո այդ հեռանկարը չքացավ:

Տեւական ժամանակ է՝ երեւում էր, որ Լոպետեգիին քիչ է մնացել: Իսպանական մամուլը գրում է, որ նրան Պերեսը դեռ «Պլզենի» դեմ խաղից հետո է ցանկացել հեռացնել, պարզապես ակումբի տնօրեններից մեկը նրան հետ է պահել Կլասիկոյից առաջ թիմին ցնցման ենթարկելուց: Նշվում է, որ «Բարսելոնայի» դեմ խաղն էր որոշելու մարզչի ճակատագիրը, բայց ճանաչելով Պերեսի գործելաոճը, անգամ հաղթանակը Լոպետեգիի համար փրկվելու հնարավորություն չէր լինի, պարզապես մի քանի խաղով կերկարացներ նրա «կյանքը»:

Ի սկզբանե Լոպետեգին Պերեսի համար մարզչի ոչ թե ամենացանկալի, այլ 3-4-րդ տարբերակն է եղել: Ակումբի նախագահն ավելի շատ այդ պաշտոնում ցանկանում էր տեսնել Յուրգեն Կլոպին կամ Մաուրիսիո Պոչետինոյին: Բայց դա նրան չխանգարեց Լոպետեգիին հանել Իսպանիայի հավաքականի գլխավոր մարզչի պաշտոնից ու բերել «Ռեալ»: Երեւի հենց այս փաստն էլ ստիպում է շատ երկրպագուների կարեկից լինել նրան, թիմի խաղացողներին էլ աջակցել մասնագետին մինչեւ վերջ: Մի բան, որը չէր նկատվում 3.5 տարի առաջ, երբ թիմը նմանատիպ իրավիճակում հայտնվեց Ռաֆայել Բենիտեսի օրոք:

Լոպետեգիին նաեւ փորձում են արդարացնել: Շատերը համարում են, որ ստեղծված իրավիճակի միակ մեղավորը չէ: Սա հիմնավորում են նրանով, որ Պերեսի «ջանքերով» այս մարզիչն աշխատանքը սկսեց առանց Կրիշտիանու Ռոնալդուի, ինչպես մամուլում հաճախ նշում են, առանց տարեկան 50-60 գոլի: Որքան էլ Ռոնալդուին շատերը չսիրեն իր սանրվածքին, ընդհանրապես արտաքին տեսքին շատ հետեւելու ու այլ ոչ ֆուտբոլային պատճառներով, խաղադաշտում նա լիդեր էր: Այդպես էր 9 մրցաշրջան, ու դա «Ռեալին» հիմա բացակայում է: Աշխարհում միակ ֆուտբոլիստը, որը կարող է մոռացնել տալ նրան, երբեք «Ռեալ» չի գա: Իսկ այս երկուսին համարժեք ֆուտբոլիստ ներկա պահին չկա. թեեւ նրանց գահընկեց անելու մի քանի հավակնորդ կա, բայց կարծես թե, դա նրանց մոտ շուտ չի ստացվի:

Որ Ռոնալդուի հեռանալն անդրադառնալու էր թիմի խաղի վրա, կանխատեսելի էր, եւ Լոպետեգիի գործը կարելի էր մի փոքր հեշտացնել տրանսֆերներով, ինչի հարցում ամռանն ակումբն ակտիվ չէր: Մի քանի ոչ պարտադիր գնումներ կատարեց: Օրինակ, բերեց դարպասապահ Տիբո Կուրտուային, թեւ Կեյլոր Նավասն արդարացնում էր իրեն, եւ աջ պաշտպան Ալվարո Օդրիոսոլային:

Մյուս կողմից՝ մի պահ մոռանալով, որ Լոպետեգին զոհ է, նա մեղքի իր բաժինն ունի թիմի անհաջողություններում: Նախկինում էլ եղել է, որ Զինեդին Զիդանը ստիպված է եղել խաղալ առանց Ռոնալդուի: Ու ամեն դեպքում «Ռեալի» կազմն այնպիսի չէ, որ թիմը չիմանա՝ ինչ անել «Լեւանտեի» կամ «Ալավեսի» նման համեստ թիմերի դեմ խաղերում:   

Հիմա «Ռեալում» այնպիսի իրավիճակ է ստեղծվել, ինչ 3.5 տարի առաջ, երբ 2015-16 մրցաշրջանից առաջ թիմը գլխավորելուց հետո՝ հունվարին, հեռացվեց Ռաֆայել Բենիտեսը: Այն ժամանակ Պերեսը վստահեց ակումբի պահեստային թիմի՝ «Կաստիլյայի» մարզիչ Զիդանին: Սա ավելի քան արդարացվեց: «Ռեալը», որի աղը մինչեւ այդ Բենիտեսի գլխավորությամբ անկում էր ապրում, ոտքի կանգնեց ու հենց այդ մրցաշրջանում հաղթեց Չեմպիոնների լիգայում: Ընդհանուր առմամբ՝ ֆրանսիացին 2.5 տարում 9 տիտղոս նվաճեց, այդ թվում՝ պատմական արդյունք գրանցեց ոչ միայն ակումբի, այլեւ համաշխարհային ֆուտբոլի պատմության մեջ. 3 տարի անընդմեջ հաղթեց Չեմպիոնների լիգայում:

Նմանատիպ պայմաններում Լոպետեգիին ժամանակավորապես փոխարինելու է նույնպես «Կաստիլյայի» մարզիչ, «Ռեալի» նախկին խաղացող Սանտիագո Սոլարին: Թեեւ Զիդանի հետ պատմության նմանությունը չի նշանակում, որ արդյունքներն էլ նույնն են լինելու, բայց Սոլարիի ուսերիին մեծ բեռ է դրվում, ու սպասելիքները մեծ են լինելու: Ամեն դեպքում «Ռեալի» համար դեռ ոչինչ կորած չէ: Համեմատաբար բարդ են գործերն ազգային առաջնությունում, որտեղ 9-րդ տեղում է, սակայն մրցաշրջանը դեռ նոր է սկսվել, միանձնյա առաջատար «Բարսային» էլ զիջում է 7 միավորով, ինչն ամենեեւին էլ ճակատագրական առավելություն չէ «Ռեալի» նման թիմի համար:

Առաջին խաղը Սոլարիի գլխավորությամբ «արքայական ակումբը» կանցկացնի վաղը՝ հոկտեմբերի 31-ին: Իսպանիայի գավաթի 1/16 եզրափակչի առաջին խաղում կհյուրընկալվի «Մելիյային»:

Տպել
997 դիտում

Ես պնդում եմ, որ դատաքննության ընթացքում մենք տեսնելու ենք այս քրեական գործի իրավական կողմը․ մեղադրող դատախազ

Դատարանը կրկին հեռացավ խորհրդակցական սենյակ Քոչարյանի խափանման միջոցի վերաբերյալ որոշում կայացնելու

Վրաստանն արգելել է ԱՄՆ ռազմածովային ուժերի նավին մուտք գործել իր տարածքային ջրեր

Մեր արտաքին քաղաքականությունը կառուցված է ինքնիշխանության սկզբունքի վրա. Զոհրաբ Մնացականյան

Դատաիրավական բարեփոխումները պետք է իրականացվեն իրավունքի գերակայության սկզբունքով. Արման Թաթոյան

Գրավը կամ ստորագրությունը տվյալ փուլում ի զորու չեն ապահովել մեղադրյալ Քոչարյանի պատշաճ վարքագիծը․ մեղադրող դատախազ

Որևէ մեկը չփորձի ինձ կապել Միքայել Մինասյանի հետ, նա պետք է պատասխան տա օրենքների առջև. Վանեցյան (տեսանյութ) Factor.am

Սպանել եք, պատասխան տվեք, ոչ մի բեկում, ոչ մի ներում. Սարգիս Քլոյան

Կենդանու նկատմամբ դաժան վերաբերմունքը կարող է պատժվել 100-500 հազար դրամ տուգանքով կամ մինչեւ 3 տարի ազատազրկմամբ

Այդ գումարը ես պետք է ինչ-որ մի տեղից վերցնեմ, ես կյանքում պարտքեր չեմ արել. Ռոբերտ Քոչարյան

Վրաստանում հարցվածների 49 տոկոսի կարծիքով երկիրը զարգանում է ոչ ճիշտ ուղղությամբ. NDI

Պաշտպանը միջնորդեց չհեռանալու մասին ստորագրությամբ կամ գրավով ազատ արձակել Քոչարյանին

Երեկվա տոտալ ճնշումները ՍԴ-ի հանդեպ ուղիղ մեսիջ էին այսօրվա դատավորին․ Լեւոն Քոչարյան

Արմեն Սարգսյանն ընդունել է միջազգային փորձագետներ և վենչուրային ներդրողներ Լուիջի Ամատին և Բրիջիթ Բոումենին

Երեք տասնամյակ՝ նկուղում

Հայտարարություն մրցույթի մասին

Ղեկավարում եմ Հայաստանի աթլետիկայի ֆեդերացիան, բնակվում եմ Ֆրանսիայում, սակայն անձնագիրս հայկական է. Էմմիյան

Հայաստանն ընտրել է միջուկային էներգիայի անվտանգ և խաղաղ օգտագործման թափանցիկ և բաց քաղաքականություն. նախարար

Ռոբերտ Քոչարյանը կմնա կալանքի տակ. դատարանը հրապարակեց որոշումը

Վանաձորում փրկարարները բացել են բնակարանի դուռը և լոգարանում հայտնաբերել կնոջ դի