Կաբելային մոնոպոլիայի կանխո՞ւմ, թե ոչ շահավետ բիզնես. ինչու դադարեցվեց Շանթ-Յուքոմ համագործակցությունը

Նոյեմբերի 1-ին Յուքոմ ընկերությունն իր բաժանորդներին տեղեկացրեց, որ իրավատիրոջ պահանջով՝ ընկերության հեռուստատեսային ցանցում դադարեցվում է ՀՀ հեռուստադիտողներին հասանելի Շանթ հեռուստաալիքի վերահեռարձակումը։

Ընկերության այս հայտարարությունը մտահոգել է Յուքոմի եւ Շանթի բազմաթիվ բաժանորդներին, որոնք, փաստորեն, զրկվում են բաց եթերի տարբերակով Յուքոմի ցանցով Շանթ հեռուստաընկերության հաղորդումները դիտելուց:

Իրականում, Յուքոմի ցանցով Շանթ հեռուստաընկերության հեռարձակման խնդիրը երկու ընկերությունների ներսում ավելի վաղ էր ծագել: Մոտ մեկ ու կես տարի առաջ, երբ Արմենիա հեռուստաընկերությունը պայմանագիր կնքեց Յուքոմի հետ, հրաժարվելով բոլոր տեսակի կաբելային ցանցերից, այդ ժամանակ էլ սկսվեց «պրեմիում» հեռուստաալիքների ստեղծումը, ինչը որոշակի դժվարություններ առաջացրեց Շանթ TV-ի համար: 

Մեր տեղեկություններով՝ նույն առաջարկը մեկ տարի շարունակ ստացել է Շանթ TV-ն: Յուքոմ ընկերությունն առաջարկել է որոշակի գումարի դիմաց համագործակցել բացառապես իրենց հետ, հրաժարվել մնացած կաբելային ցանցերից: Իսկ Շանթ TV-ին, իմանալով Յուքոմ-Արմենիա TV կապի մասին, ձգտել է ամեն կերպ խուսափել համագործակցությունից:

Այսօր Շանթ հեռուստաընկերության հաճախորդների սպասարկման բաժնի ղեկավար Պարգեւ Առաքելյանը ՀԺ-ի հետ զրույցում ասաց, որ կաբելային ցանցերից միայն Յուքոմից են դուրս եկել, իսկ բացի վերոնշյալից՝ կան այլ կաբելայիններ, որոնց միջոցով Շանթ հեռուստաալիքը դարձյալ հեռարձակվում է: Հեռուստադիտողները կարող են բաժանորդագրվել Ռոստելեկոմին եւ դարձյալ ունենալ Շանթի համապետական եւ մասնագիտացված բոլոր ալիքները:

«Մեր ստրատեգիական գործընկեր է ընտրվել Ռոստելեկոմը, որի հետ զարգացվում է մասնագիտացված ալիքների փաթեթ, որոնք նիշային ալիքներ են, պահանջարկ ունեցող ու թարմացվող: Էլեկտրոնիկայի վաճառքի ցանկացած կետից կարելի է ձեռք բերել մի քանի հազար դրամ արժեցող DVB-T2 ազդանշան ընդունող սարքը, որին կմիանա սովորական ալեհավաքը: Միացնելով հեռուստացույցին՝ հեռուստադիտողները կունենան Շանթի համապետական եթերն անվճար դիտելու հնարավորություն: Ո՛չ պրեմիում ալիքները»,-ասաց Պարգեւ Առաքելյանը:

Պարգեւ Առաքելյանի խոսքով՝ երկու համեմատաբար խոշոր կաբելային ցանցերից՝ (Ռոստելեկոմ եւ Յուքոմ) մեկի հետ էին ստիպված համագործակցել, եւ ընտրությունը կատարել են Ռոստելեկոմի օգտին:

ՀԺ-ի հարցին, թե ինչով էր դա պայմանավորված, Պարգեւ Առաքելյանն ասաց, որ Ռոստելեկոմի հետ ավելի հեռանկարային համագործակցություն են տեսել. «Մեր ընտրությունը նաեւ կապված է շուկայում բալանս ապահովելու հետ, որովհետեւ եթե Յուքոմ ընտրեինք, այս դաշտում էլ ամեն ինչ կմոնոպոլիզացվեր, Յուքոմը կունենար հայկական ամենախոշոր երկու հեռուստաընկերությունների սիգնալ»:

Վերջինս նաեւ նշեց, որ ֆինանսական տեսանկյունից էլ Ռոստելեկոմի առաջարկն ավելի խելամիտ է եղել, որը իրենց թույլ կտա զարգացնել նիշային մասնագիտացված ալիքները: «Յուքոմի առաջարկով մենք ի վիճակի չէինք, իրենց առաջարկած գումարը շատ փոքր էր, անգամ ծիծաղելի, քանի որ բյուջեի առյուծի բաժինը տրամադրում էր Արմենիային»,-ասաց Պարգեւ Առաքելյանը:

Վերջինիս փոխանցմամբ՝ Յուքոմով Շանթի հեռարձակումը սկզբի տարիներին անվճար է եղել, վերջին մեկ-երկու տարին են սկսել սիմվոլիկ գումարի շուրջ պայմանավորվել, ինչը եղել է Յուքոմ-Արմենիա համագործակցությունից հետո: Շանթ հեռուսատաընկերության փոխանցած տվյալներով՝ սիմվոլիկ պայմանագրերը եղել են ամսավճարով, 3 հազարից 5 հազար դրամի սահմաններում գումար է փոխանցվել Շանթին:

Յուքոմ ընկերությունից ճիշտ հակառակը պնդեցին: Ընկերության մարկետինգի եւ հաղորդակցության տնօրեն Տիգրան Սաֆարյանը ՀԺ-ի հետ զրույցում վստահեցրեց, որ բավականին մեծ գումարներ են տրամադրել Շանթին: Ավելին՝ նշեց, որ Շանթի HD որակով հեռարձակման կազմակերպչական աշխատանքներն իրականացվել են բացառապես Յուքոմ ընկերության հաշվին՝ պատշաճ հեռուսատապատկեր ապահովելու նպատակով:

Յուքոմից հետաքրքրվեցինք նաեւ վերջին մեկ տարում պարբերաբար Շանթ հեռուստաընկերությանը առաջարկած համագործակցության իսկության մասին:

Տիգրան Սաֆարյանը վստահեցրեց, որ նմանատիպ պնդումն աբսուրդային է: «Անգամ այս պահին դուք կարող եք տեսնել Ռոստելեկոմի կայքում արված հայտարարությունը, որ Շանթ հեռուստաընկերությունն այսուհետեւ HD որակով հնարավոր է դիտել միայն Ռոստելեկոմ ցանցում: Այսինքն, եթե նման հայտարարություն է արվում, այստեղ խոսք չի կարող գնալ նույնիսկ փոքր կաբելային ընկերությունների մասին»,-ասաց Տիգրան Սաֆարյանը:

Արդյո՞ք Շանթն իսկապես պայքար է սկսել կաբելային ցանցերի մոնոպոլիզացման դեմ, թե ընդամենը գնացել է Ռոստելեկոմի առավել շահավետ առաջարկի հետեւից, քանի որ Յուքոմի հետ համագործակցությունը պարզապես որպես բիզնես ձեռնտու չէր: Երկկողմանի այս արդարացումների ֆոնին մի բան հստակ է՝ Շանթի բացառապես Յուքոմի հետ համագործակցությունը մեծ դիսբալանս էր ստեղծելու կաբելային ցանցերի գործունեության մեջ:

Եթե Շանթ TV-ն էլ հետեւեր Արմենիա TV–ի օրինակին եւ պայմանագիր կնքեր Յուքոմ ընկերության հետ, ապա հանրապետությունում Յուքոմը կլիներ երկու խոշոր հեռուստաընկերությունների դիստիբյուտորը եւ դժվար չէ պատկերացնել, թե ինչ արագություն կզարգացներ վերջինս եւ ինչպես կտարածվեր հանրապետությունով մեկ՝ հետ մղելով ցանկացած տեսակի կաբելային ցանցի:

Տպել
14470 դիտում

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը փակ է բոլոր տրանսպորտային միջոցների համար

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)