Ակադեմիայի տարածքների մի մասը 50 տարով ուզում են մասնավորին տալ. բողոքի ալիք է բարձրացել

Գիտությունների ազգային ակադեմիայի օրգանական եւ դեղագործական քիմիայի գիտատեխնոլոգիական կենտրոնի աշխատակիցները բողոքի ձայն են բարձրացնում ընդդեմ կառավարության, որը մտադիր է կենտրոնի տարածքների մի մասը երկարաժամկետ վարձակալությամբ տրամադրել մասնավոր կազմակերպությունների:  

«Կա կառավարության որոշման նախագիծ, ըստ որի՝ մեր երկու մասնաշենքերը եւ արտադրության մի հատվածը ուզում են տրամադրել մասնավոր ներդրողների՝ «ԱԶԱԴ ֆարմասյութիքլզ» եւ «Արրատա» սահմանափակ պատասխանատվությամբ ընկերություններին: ԱԶԱԴ»-ը առաջին մասնաշենքի մի հարկում արդեն աշխատում է, հիմա ուզում է երկու մասնաշենքը ամբողջովին վերցնել, իր նպատակներին ծառայեցնել ու ներդրումներ կատարել: Մյուս կազմակերպությունը մեր կենտրոնում եղել է, հետո գնացել է, հիմա ուզում է վերադառնալ»,- ասաց գիտատեխնոլոգիական կենտրոնի տնօրեն Վիգեն Թոփուզյանը:  

Կենտրոնից վերցվող տարածքներում, ըստ նրա, 33 քիմիկոս է աշխատում: Այդ շենքերում գործում են քիմիական լաբորատորիաներ: «Որպեսզի ես նրանց տեղափոխեմ, պիտի համարժեք պայմաններ ստեղծեմ: Այսինքն՝ քիմիական լաբորատորիաներ: Քիմիական լաբորատորիան իր նորմատիվներն ու պահանջները ունի, չեմ կարող ցանկացած տեղ մտնել ու ասել՝ ժողովուրդ, եկեք այստեղ աշխատենք: Իսկ մյուս մասնաշենքերում եղած քիմիական լաբորատորիաներում տեղ չունեմ: Կարելի է խտացնել, բայց աշխատանքի որակը կտրուկ կընկնի: Դա նման է, որ 14 տեղանոց մեքենայով 28 մարդ տեղափոխվի՝ իրար վզի նստած: Չի կարելի, քիմիայում այդպես չեն աշխատում»,- զուգահեռ անցկացրեց Վիգեն Թոփուզյանը:

Նրա խոսքով, իշխանության ներկայացուցիչներին փորձել են բացատրել, բայց ապարդյուն. «Չեն ընդունում, ասում են՝ եկեք կոմպրոմիսի ու վիրավորում են, ոնց որ մատնանշեն, թե նրանք ավելի կարեւոր են, քան մենք: Երեւի թե 20 միլիոն ունեն, դրա համար, ու մենք չունենք այդ միլիոնները, որ իշխանավորները մեր շահը պաշտպանեն»:

Օրգանական եւ դեղագործական քիմիայի գիտատեխնոլոգիական կենտրոնի ղեկավարը նաեւ հավաստիացնում է, որ կենտրոնի աշխատանքը արդյունք տալիս է, այլ բան, որ դա տեսնելու ցանկություն չկա: «Թող արդյունքը մտնեն, դեղատներում տեսնեն: Այս կազմակերպությունը իր արտադրությունն ունի, իր ստեղծած դեղերը վաճառում է, ինչպես ասում են՝ ժողովրդին է հասցնում: Ես կարծում եմ՝ չեն ուզում տեսնել իրենք: Ինչքա՞ն կարելի է: Եվ նախարարին է ցույց տրված այդ ամենը եւ պետգույքի կառավարման կոմիտեի նախագահին: Յոթ ամիս առաջ եկել են, ցույց ենք տվել, ասել ենք, գնացին ու իրենց ուզածով գործը առաջ են տանում: Նախորդ կառավարությունը ուրիշ քայլեր էր անում, գոնե նրանք մի քիչ նրբանկատորեն էին մոտենում խնդրին: Եթե ինչ-որ մեկը դժգոհ է, թող գնա մասնագետներից իմանա, ոչ թե ոչ մասնագետ մարդը ինքնագլուխ գնահատական տա: Ընդհանրապես գիտության հանդեպ վերաբերմունքն է շատ վատ: Դուք նայեք, թե ինչպես են վերաբերվում ե՛ւ նախորդ, ե՛ւ ներկա կառավարությունները գիտության հանդեպ: Ձեռագիրը նույնն է մնում, ոնց որ թե»,- կարծիք հայտնեց գիտնականը՝ հավելելով, որ կենտրոնից մասնաշենքերի ու հողակտորների օտարման գործընթացը սկսվել է 2007 թվականից:  

Պետական գույքի կառավարման կոմիտեից հետաքրրքվեցինք, թե ինչով է հիմնավորվում կառավարության վերոնշյալ որոշման նախագիծը եւ այն մշակելուց առաջ ինչ քննարկումներ են եղել: Կոմիտեի լրատվական ծառայությունից տեղեկացրին, որ որոշման նախագիծը հանվել է կառավարության նիստի օրակարգից եւ այն պետք է լրամշակվի հավելյալ քննարկումների արդյունքում:

Նախկին նախագծից տեղեկանում ենք, որ «Արրատա» ընկերությունը հիմնվել է 2015 թվականին և իրականացնում է նորարարական հետազոտություններ՝ էներգետիկայի ոլորտում: Ներկայումս ընկերությունը նպատակ ունի ընդլայնել իրականացվող գործունեությունը, մասնավորապես՝ Հայաստանում ստեղծել նաեւ պղնձի ստացման նոր մեթոդիկայի զարգացման կենտրոն, որը պետք է կիրառի պղնձի, ինչպես նաև այլ մետաղների (ոսկու, արծաթի) առանձնացման նոր մեթոդիկա՝ օգտագործելով հատուկ կատալիզատորի տեխնոլոգիա, որը բնության համար կլինի անվնաս և առանց շրջակա միջավայրի աղտոտման: Պղնձի ստացման նոր մեթոդիկայի զարգացման կենտրոնի ստեղծման համար «Արրատա» սահմանափակ պատասխանատվությամբ ընկերությունը նախատեսում է մինչև 2023 թվականը իրականացնել 3 մլն դոլար ներդրումներ եւ ստեղծել 40 աշխատատեղ, որը թույլ կտա ներդնել այդ բնագավառի ժամանակակից սարքավորումները, ներգրավել որակյալ կադրեր եւ ապահովել լավագույն արդյունք:

Ինչ վերաբերում է «ԱԶԱԴ ֆարմասյութիքլզ» ընկերությանը, նույն նախագծում նշվում է, որ արդեն իսկ կատարված ներդրումների շնորհիվ ստեղծվել են ավելի քան 30 աշխատատեղեր, այդ թվում ՝ 25 մասնագիտական, իսկ ներդրումային ծրագրի երկրորդ փուլի ընթացքում նախատեսվում է հիմնել փորձարարական արտադրություն, ինչը թույլ կտա իրականացնել նաեւ սեփական արտադրանքի արտահանում հայտնի դեղագործական ընկերություններին, որի իրականացման նպատակով, համաձայն «ԱԶԱԴ ֆարմասյութիքլզ» ներդրումային ծրագրի, ընկերությունը պատրաստվում է 10 տարվա ընթացքում ներդնել 20 մլն. Եվրո գումար եւ ստեղծել եւս 75 աշխատատեղ: Ընկերությունը ակնկալում է, որ վարձակալությամբ տարածքները կտարամդրվեն 50 տարի ժամկետով:

Տպել
3296 դիտում

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը