Սահմանապահները չեն թողնում՝ քաղաքացու բեռնատարը մտնի Հայաստան․ այն 2 շաբաթ է՝ չեզոք գոտում է

«Հայկական ժամանակ»-ի խմբագրություն այցելած քաղաքացի Հրայր Անտոնյանն ահազանգում է Հայաստան-Վրաստան սահմանի չեզոք գոտում գտնող իր բեռնատարի՝ Հայաստան մուտքն անհասկանալի պատճառով արգելելու եւ սահմանապահ զորքերի ղեկավարության ու ԱԱԾ աշխատակիցների անհարգալից վերաբերմունքի մասին։

Հրայր Անտոնյանը «Հայկական ժամանակ»-ին պատմեց, որ Նիկոլ Փաշինյանի՝ ներդրումներ անելու, գործունեություն ծավալելու վերաբերյալ կոչից հետո որոշել է հիմնել «Թիվ 1 տրանսպորտ» ՍՊԸ-ն, որի նպատակով Գերմանիայի Դաշնությունից ձեռքբերման փաստաթղթով Հայաստան է ներկրել բեռնատար մեքենա։ Այն առանց արգելքների ու խնդիրների տեղափոխվել է Վրաստան, որտեղ իր փաստաթղթերով հանձնվել է ՍՊԸ-ի կողմից լիազորված վարորդին։ Հետո բեռնատարը փոխադրվել է հայ-վրացական սահման, սակայն սահմանային անցակետի աշխատակցի կողմից արձակվել է բանավոր կարգադրություն՝ մեքենայի մուտքը ՀՀ սահման արգելելու վերաբերյալ։ 

Բեռնատարի վարորդն Անտոնյանին հայտնել է, որ սահմանապահների պնդմամբ՝ պակաս փաստաթուղթ կա, Անտոնյանը բոլոր փաստաթղթերի էլեկտրոնային տարբերակները ներկայացրել է սահմանապահներին, սակայն նրանք հրաժարվել են դրանք հիմք ընդունել։ Աշխատակիցը պնդել է, որ պարտադիր պահանջ է նաեւ ներկայացնել մեքենայի տեխանձնագիրը։ Հրայր Անտոնյանը տվյալ փաստաթղթի օրիգինալ տարբերակը ներկայացնել չէր կարող, քանի որ այն ունենալու համար մեքենան պետք է անցնի մաքսազերծում, հաշվառվի, իսկ դրա համար պետք է մտնի Հայաստան։

Այս հարցով Անտոնյանը սահմանապահ զորքերի աշխատակիցներին խնդրել է իր գրավոր դիմումը՝ ուղղված սահմանապահ զորքերի ղեկավարին՝ Վաղինակ Սարգսյանին, որում պահանջում է փաստացի արձանագրել խնդիրը, փոխանցել վերջինիս։ Դիմումը, սակայն, աշխատակիցները չեն փոխանցել առանց պատճառաբանության, ասել են՝ պետերին դիմիր, իսկ թե ինչ պետերի մասին է խոսքը՝ Հրայր Անտոնյանը չգիտի, հարցրել է՝ չեն ասել։ Վերջինս գնացել է Բագրատաշենի մաքսակետ, այնտեղ էլի են ասել՝ պետք է դիմել պետերին։

Ոստիկանության ու մաքսակետի աշխատակիցները Անտոնյանին ասել են, որ եթե բեռնատարը փաստացի հասել է ՀՀ, պիտի մտնի երկիր, որպեսզի մաքսազերծումից հետո որեւէ խախտման դեպքում կարողանան արձանագրել։

Անտոնյանը դիմել է Գերմանիայի Դաշնություն եւ Հայաստանում Գերմանիայի դեսպանատուն, որպեսզի իրեն ուղարկեն կորած եւ մյուս փաստաթղթերի օրիգինալ տարբերակները։ Գերմանիայից պատասխանել են՝ խնդիր չկա, որ կորել է, բայց պետք է թույլ տան՝ մեքենան մտնի Հայաստան, եւ այստեղից Գերմանիա օրինական հարցում ուղարկվի, իրենք էլ պաշտոնապես պատասխանեն։ Բայց քանի դեռ մեքենան չեզոք գոտում է, իրենք չեն կարող ուղարկել այդ փաստաթղթերը։

Անտոնյանը դիմել է ՀՀ կառավարություն, այդ դիմումի հիման վրա, ըստ Անտոնյանի, իրեն կանչել են ՀՀ ազգային անվտանգության ծառայություն։ Հրայր Անտոնյանն ասաց, որ ԱԱԾ աշխատակիցները, որոնցից մեկը Առաքելյան է ներկայացել, անհարգալից վերաբերմունք են ցույց տվել իր ու իր ընտանիքի անդամների հանդեպ, անհասկանալի սպառնալիքներ հնչեցրել, թե՝ ի՞նչ ես ուզում մեզնից, ինչո՞ւ ես մեզ դիմել, քեզ պատասխանատվության կենթարկենք եւ այլն։ Անտոնյանը պնդում է՝ չգիտի՝ ինչի համար են պատասխանատվության ենթարկելու, եթե ինքը հանցանք չի գործել, մեքենայի օրինականության բոլոր փաստաթղթերն ունի եւ ընդամենն ուզում է, որ այդ բեռնատարը գա Հայաստան, մնացյալը իրավապահները պարզեն։ Վերջինս ասաց, որ օրեր շարունակ իրեն որեւէ փաստաթուղթ չեն տվել, թե ինչն է սխալ, ինչն է անօրինական, միայն բանավոր մեկնաբանություններ են տվել, եւ չեն օգնել հասկանալ՝ ում պետք է դիմել։

«Եթե ես որեւէ անօրինական բան արած լինեի, էդ բոլոր փաստաթղթերը ցույց չէի տա, փաստացի կան բոլոր ապացույցները, որ մեքենան ոչ գողացված է, ոչ այլ ինչ։ Կան վաճառքի փաստաթղթերը, բեռնատարը մի քանի պետությունով անցել է, հիմա միայն Հայաստանում է էդ խնդիրը։ Երկու շաբաթ է՝ ինձ տանում բերում են, չեն ասում՝ ինչ անեմ»,-մեր զրույցում ասաց Հրայր Անտոնյանը։

Բացի այս, Անտոնյանը պատմեց, որ իր կնոջը եւ դստերը եւս հրավիրել են ԱԱԾ, եւ ասել՝ Հրայր Անտոնյանին պատասխանատվության կենթարկենք եւ այլն․

«Եթե իմ ընտանիքի անդամներից որեւէ մեկին մի բան պատահի, ապա, անպայման նշեք, որ իրենք են պատասխանատու։ Ես չեմ հասկանում՝ ինչն է խնդիրը, ես իմ ամբողջ կյանքում քաղաքականությունից հեռու ապրել եմ, չեմ էլ կարող ասել՝ քաղաքական պահեր կան, ինչ-որ բան են ուզում հասկացնել։ Չգիտեմ՝ ինչ է կատարվում, ոչ էլ մարդավարի բացատրում են՝ հասկանամ։ Ասում են՝ ում ուզում ես դիմիր, գնացել մեքենա ես բերել, մե՞նք պիտի լուծենք հարցերը»,-ասաց Անտոնյանը։

ՀՀ Ազգային անվտանգության ծառայության մամուլի կենտրոնից մեզ պատասխանեցին, որ սույն թվականի նոյեմբերի 4-ին, ՀՀ ԱԱԾ սահմանապահ զորքերի «Բագրատաշեն» հսկիչ անցագրային կետի զինծառայողները Հրայր Անտոնյանին չեն թույլատրել «ԴԱՖ» մակնիշի բեռնատար ավտոմեքենան ներմուծել Հայաստանի տարածք, քանի որ անցակետում ներկայացվել են մեքենայի տեխնիկական անձնագրի և ձեռք բերման փաստաթղթերի ֆոտոպատճեները։

ԱԱԾ-ից հավելեցին, որ ՀՀ կառավարության 2011թ. որոշման համաձայն՝ ՀՀ պետական սահմանի անցման կետ տրանսպորտային միջոցների մուտքը թույլատրվում է «Գրանցման վկայագրի կամ ձեռքբերման օրինականությունը հաստատող փաստաթղթերի հիման վրա», ինչը Անտոնյանը չի ներկայացրել՝ փաստաթղթերի բնօրինակները չունենալու պատճառով:

Այսպիսով, ՀՀ ԱԱԾ մամուլի կենտրոնի պատասխանի համաձայն՝ ԱԱԾ սահմանապահ զորքերի զինծառայողները ղեկավարվել են ՀՀ իրավական ակտերի պահանջներով և նրանց գործողությունները եղել են իրավաչափ, իսկ ԱԱԾ-ում Անտոնյանը պատշաճ բացատրություն է ստացել իր գործողությունների անօրինականության մասին, նաև համապատասխան պարզաբանում է ստացել, թե ինչ օրինական միջոցներ կան՝ ստեղծված իրավիճակը լուծելու համար։ ԱԱԾ-ի պատասխանում նշված է, որ Հրայր Անտոնյանը համառորեն չի ուզում օգտվել այդ միջոցներից:

ԱԱԾ-ից մեզ փոխանցեցին նաեւ, որ Անտոնյանը, առանց անհրաժեշտ փաստաթղթերը ներկայացնելու, նոյեմբերի 15-ին փորձել է նշված ավտոմեքենայով հատել ՀՀ պետական սահմանը, ինչը ՀՀ ԱԱԾ սահմանապահ զորքերի զինծառայողների կողմից կրկին արգելվել է: Նա ավտոմեքենան կայանել է սահմանային անցակետի տրանսպորտային միջոցների հոսքագծում՝ խոչընդոտելով անցակետի բնականոն աշխատանքը՝ խախտելով նաև ՀՀ պետական սահմանի անցման կետի ռեժիմը։

Ստացվում է՝ Անտոնյանն ունի անհրաժեշտ փաստաթղթերի էլեկտրոնային տարբերակները, իսկ ՀՀ սահմանապահները եւ անցակետի աշխատակիցները պահանջում են դրանց օրիգինալ տարբերակները։ Գերմանիայի Դաշնությունից այդ փաստաթղթերը կարող են ուղարկել միայն պետական պաշտոնական հարցման դեպքում, սակայն դրա համար հարկավոր է, որ մեքենան մտնի Հայաստան, եւ իրավապահները անհրաժեշտ գործողություններ իրականացնեն։ Մինչ այս պահը բեռնատարը գտնվում է հայ-վրացական սահմանի չեզոք գոտում, իսկ Անտոնյանին, իր պնդմամբ, հստակ պատասխան չեն տվել՝ ինչ պետք է անել։

«Հայկական Ժամանակ»-ը Telegram-ում
Տպել
4088 դիտում

Հայաստանի ներկայացուցիչ Պարգն իր Survivor երգով «Եվրատեսիլ 2025»-ի եզրափակչում է

Վարչապետը հանդիպել է Անտոնիու Կոշտայի և Ուրսուլա Ֆոն դեր Լայենի հետ. ողջունվել է «Խաղաղության խաչմերուկ»-ը

Երևանի հեռուստաաշտարակը նոր լուսավորման համակարգ կունենա

Մերձավանում կատարվածի համատեքստում նույն որակումները չտանք մեր ավելի քան 400 հզր դպրոցականներին. Հարությունյան

Ծիծեռնակաբերդի բարձունքի՝ տարիներ շարունակ անխնամ մնացած տարածքն անտառային գոտու է վերածվել. տեսանյութ

Տիրանայում պատասխանեցի ադրբեջանցի լրագրողի հարցերին. Նիկոլ Փաշինյան. տեսանյութ

Պարգը Եվրատեսիլի կիսաեզրափակչում հանդես կգա 5-րդ համարի ներքո․ քվեարկությունը բաց է

Հայտնի է՝ Ստամբուլում երբ կմեկնարկեն ռուս-ուկրաինական բանակցությունները

Նախարարը ՎԶԵԲ կառավարիչների նստաշրջանում խոսել է տարածաշրջանում ներդրումային հնարավորությունների խթանման մասին

Ռուսաստանը լուրջ չի վերաբերվում բանակցություններին, չի ցանկանում դադարեցնել պատերազմը. Զելենսկի

Գևորգ Պապոյանն այցելել է «Սմարթ Ագրո» ՓԲԸ, ներկայացրել պետական աջակցության գործիքակազմը

Ռուս-ուկրաինական կողմերը պետք է քայլեր ձեռնարկեն բանակցային սեղանի շուրջ՝ զիջումների գնալով. Ֆիդան

Հանրային քրեական հետապնդում 4 անձի նկատմամբ՝ Մխչյանի դպրոցում երեխաներին սպիտակ փոշիանման զանգված տալու դեպքով

Շոկային է. Արարատի մարզպետի աշխատակազմը՝ Մխչյանի դպրոցում երեխաներին փոշիանման զանգված փոխանցելու վերաբերյալ

Գետարգել-Ջրվեժ ճանապարհին ավտոմեքենաներ են բախվել. կան տուժածներ

Հայաստանը՝ Wizz Air-ի ամսագրի հատուկ թողարկման մեջ

Իսկական տղամարդը չի կարող լինել խոսող-թռնող, կանանց մեջքի հետևում հայհոյող, Լևոն Քոչարյանը ֆեյք է. տեսանյութ

Կառավարությունը կկարողանա օտարել ռազմական նշանակության արտադրանքը ռազմարդյունաբերական ընկերություններին

Ռուսական պատվիրակությունը չի գնացել Թուրքիայի նախագահի նստավայր

Կյանքից հեռացել է ճանաչված արվեստագետ, նկարիչ Արման Գրիգորյանը

Հիմնանորոգվում է Ջրվեժից Գառնի տանող 14.7 կմ երկարությամբ ճանապարհը. տեսանյութ

ԵՊՀ-ն՝ որպես Հայաստանի Մայր բուհ, եղել և մնում է մեր գիտական ու մտավոր ներուժի հենասյուներից մեկը. ՀՀ նախագահ

Ալեն Սիմոնյանն այցելել է քաղաքական բռնաճնշումների և տոտալիտարիզմի զոհերի «Ալժիր» հուշահամալիր

Սրիկաները երես են առել, որովհետև դալաններում չենք ծեծում, մայկա-տրուսիկով չենք թողնում. տեսանյութ

Ընդգծվել է խաղաղության համաձայնագրի ստորագրման կարևորությունը. Տիրանայում հանդիպել են Փաշինյանն ու Էդի Ռամայը

Վայր եմ դնելու մանդատս ու այլևս չեմ զբաղեցնելու համայնքի ղեկավարի պաշտոնը. Դիանա Գասպարյան

Ավանդական գյուղատնտեսությունից՝ նորարարական. հզորացնել գյուղական ընտանիքների գիտելիքներն ու կարողությունները

Հանձնաժողովը մերժել է ԱԺ «Պատիվ ունեմ» խմբակցության հեղինակած հայտարարության նախագծի ընդունումը

Հանդիպում ունեցա Ալբանիայի վարչապետ Էդի Ռամայի հետ. Նիկոլ Փաշինյանը տեսանյութ է հրապարակել

Թուրքիայում երկրաշարժ է տեղի ունեցել

ԱՄԷ-ում Դոնալդ Թրամփին հատուկ արարողակարգով են դիմավորել. տեսանյութ

Նախարարությունը շրջաբերականներ է ուղարկել դպրոցներ, հորդորել դրամահավաքներից զերծ մնալ

Էրդողանն Անկարայում ընդունել է Զելենսկուն. նրանք փակ հանդիպում են ունեցել

Դիլիջանի թունելի հիմնանորոգման փոխարեն նոր թունելի կառուցման նախագիծ կմշակվի

«Հորիզոններ» ծրագրի մասնակիցները ուսումնասիրում են ջերմատնային և ինտենսիվ այգեգործություն. «Իմ քայլը»

Թագուհի Ստեփանյանն ազատվել է «Թիվ 4 պոլիկլինիկա» ՓԲԸ տնօրենի պաշտոնից

Դպրոցներում թմրանյութերի շրջանառության հարցը մտահոգիչ է, նախատեսվում է անցակետեր տեղադրել․ փոխնախարար

Երևանում երթևեկության կազմակերպման փոփոխություններ կլինեն

Դոլարն էժանացել է. ինչ փոփոխություններ է արձանագրել տարադրամի շուկան մայիսի 15-ին

Կայծակի հուժկու հարվածը Գեղարքունիքի Գագարին գյուղում. տեսանյութ