«Ուրարտու» ակումբը, բացի բասկետբոլայինից, կունենա նաեւ ֆուտբոլային թիմ

Հայաստանում գործելու է «Ուրարտու» անվանումով ֆուտբոլային թիմ: Այն հիմնում են «Ուրարտու» ակումբի ղեկավարները: Համանուն բասկետբոլային թիմն արդեն 2-րդ մրցաշրջանն է (մրցաշարի հիմնադրման պահից), ինչ մասնակցում է Հայաստանի բասկետբոլի կանոնավոր առաջնությանը, առաջատարներից մեկն է: «Հայկական ժամանակ»-ի հետ զրույցում ակումբի նախագահ Կարեն Գիլոյանը խոսեց ֆուտբոլային թիմ ունենալու ցանկության մասին ու նշեց, որ 2019-20 մրցաշրջանից այն մասնակցելու է Հայաստանի Առաջին խմբի առաջնությանը:

«Ընդհանրապես աշխարհում ընդունված է, որ ուժեղ ֆուտբոլային թիմերն են հետո վերածվում ակումբի ու իրենց բազայում ունենում բասկետբոլի, վոլեյբոլի, այլ խաղային ձեւերի թիմեր: Մենք հակառակ ուղղությամբ ենք շարժվում: Ունենք բասկետբոլային թիմ եւ մտածեցինք՝ ինչու չունենաք ակումբ եւ ֆուտբոլային թիմ: Այդ պատճառով էլ որոշեցինք քայլեր ձեռնարկել: Հաջորդ մրցաշրջանից շատ մեծ հավանականությամբ կմասնակցենք Առաջին խմբի առաջնությանը»,- ասաց նա՝ հույս հայտնելով, որ ինչպես իրենց բասկետբոլի թիմը, ֆուտբոլայինն էլ առաջատարներից կլինի:

Թիմը կրելու է «Ուրարտու» անվանումը: Այս անունը նաեւ «Բանանց» ֆուտբոլային ակումբի ուշադրության կենտրոնում է: Ակումբը նոր անվանման համար հարցում է անցկացնում իր պաշտոնական կայքում, «Ուրարտուն» 5 տարբերակներից մեկն է: Քվեարկությունը դեռ ընթացքի մեջ է, եւ «Ուրարտուն» առաջին հորիզոնականում է: Այս պահին դրա օգտին է ձայների 41.4%-ը, եւ դա 10%-ով ավելին է, քան 2-րդ տեղում  ընթացող «Մալաթիա» անվանմանը (31.4%): Ամեն դեպքում, ըստ Գիլոյանի, իրենք միակ «Ուրարտուն» կլինեն հայկական ֆուտբոլում:

«Արդեն խոսել եմ «Բանանցի» տնօրենի հետ: Ուղարկել եմ նրան հավաստագրի պատճեն, որտեղ սեւով սպիտակի վրա գրված է, որ «Ուրարտու» ֆուտբոլային ակումբ բրենդը մերն է: Համենայնդեպս, մինչեւ 2023 թ. հավաստագիր ունենք, հետո էլ, բնականաբար կշարունակենք»,- ասաց նա:

Հայաստանի Առաջին խմբի առաջնությանը մասնակցելու հայտը թիմը պետք է տա 2019 թ. մայիսին, օգոստոսից պետք է մասնակցի մրցաշարին: Այս շրջանում ընթացքի մեջ են ստեղծման աշխատանքները: Ղեկավարները զբաղվում են փաստաթղթային հարցերով, հավաքում են անձնակազմ: Սկսում են նաեւ մարզիչ ու ֆուտբոլիստներ գտնելու աշխատանքները: Ֆուտբոլիստները լինելու են ինչպես Հայաստանից, այնպես էլ արտերկրից:

«Հայաստանում ֆուտբոլիստների ավելցուկ չկա: Հայաստանում, ընդհակառակը լավ ֆուտբոլիստի կարիք շատ կա: Մենք, երեւի սկզբում 40/60 համամասնությամբ կձեւավորենք թիմը՝ հավանաբար 60%-ը դրսից, 40-ը ներսից, հետո արդեն կմտածենք, իրավիճակը կթելադրի»,- ասաց նա:

Ֆինանսական խնդիրներ, ըստ Գիլոյանի, իրենք չեն ունենա: Արդեն գտել են հովանավորներ: Առայժմ նրանց անունները չեն նշի, սակայն, երբ թիմը վերջնականապես ստեղծվի, այդ մասին հայտարարություն կլինի:

«Իհարկե, մենք մեծ գումարներ չենք ծախսելու, բայց ունենք արդեն աղբյուրներ, որտեղից կսնվի թիմը»,- ասաց նա:

Նախապատրաստական աշխատանքների կարեւորագույն մասերից է տնային մարզադաշտ գտնելը: Այս շրջանում «Ուրարտուն» բանակցում է «Միկայի» հետ: Դա, սակայն, միակ տարբերակը չէ: Հայաստանի ֆուտբոլի ֆեդերացիան նախատեսել է մարզերում մարզադաշտերի նորոգում, եւ հնարավոր է՝ դրանցից մեկում թիմը հյուրընկալի մրցակիցներին:

«Արմավիրում է նորոգվում մարզադաշտը, Իջեւանում լավ դաշտ կա, Դիլիջանում կարելի է խաղալ: Ի վերջո, կարելի է նորոգել Աշտարակի ժամանակին շատ լավ դաշտը, Աբովյանում դաշտ կա: Չեմ կարծում, որ խնդիր կունենանք այս հարցում»,- ասաց Գիլոյանը:

Թիմն իր առջեւ մի շարք նպատակներ է դնելու: Դրա հիմնական կետերից մեկը Հայաստանի Բարձրագույն խմբի առաջնությունում հանդես գալու իրավունք ստանալն է: Ապագայում ակումբը նախատեսում է ունենալ նաեւ մարզաբազա եւ մանկապատանեկան թիմեր:

Տպել
988 դիտում

Մայիսի 25-ին Չինաստանի ԱԳ նախարարը կայցելի Հայաստան. 2 միջազգային պայմանագիր կստորագրվի

Մնացականյանը կմասնակցի ՀԱՊԿ ԱԳ նախարարների նիստին, որտեղ քննարկվելու է ՀԱՊԿ գլխավոր քարտուղարի հարցը. ԱԳՆ խոսնակ

ԱՄն քաղաքացի հայազգի Արա Դոլարյանը մեղադրվում է օտարերկրյա կառավարությանը զենքի ապօրինի վաճառքի եւ փողերի լվացման մեջ

«Իմ քայլը» խմբակցության անդամ Արթուր Իսպիրյանին քաշքշողների ինքնությունը պարզվել է. ոստիկանություն

Հայ սպորտսմեն Մանվել Մամոյանը «Գինեսի» նոր ռեկորդ է սահմանել Մոսկվայում

Անձրեւները կշարունակվեն նաեւ առաջիկա օրերին, տեղ-տեղ սպասվում է կարկուտ, քամու ուժգնացում

Առաջին անգամ Երևանում անցկացվել է սպորտային պարերի մինչև 21 տ. աշխարհի առաջնությունը

Գեղարքունիքի մարզի 8 գյուղերում 36 ժամ ջուր չի լինելու

Բացահայտվել է կնոջ նկատմամբ սպանության փորձ կատարելու դեպքը. մեղադրանք՝ նախկին ամուսնուն

Միշտ պիտի Արթուրի կողքը լինեմ. Կարո Փայլանը հանդիպել է 13-ամյա Արթուրի հետ

«Mercedes E» ավտոմեքենան բախվել է կայանած 2 այլ մեքենաների. 2 ուղեւորները հիվանդանոցում են

Վանաձոր-Ալավերդի-Բագրատաշեն ճանապարհահատվածը բեռնատարների համար շարունակում է փակ մնալ

Վնասվածքից հետո ապաքինված Արթուր Ալեքսանյանը կմասնակցի միջազգային մրցաշարի

ԱԽ քարտուղար Արմեն Գրիգորյանն աշխատանքային հանդիպումներ է անցկացրել Վաշինգտոնում

Այն, ինչ կատարվել է, մեզնից՝ ինձնից, Վահե Գրիգորյանից թաքուն է կատարվել. Սեդա Սաֆարյանը՝ գործի վարույթը կասեցնելու մասին

Սևան քաղաքում շմոլ գազից թունավորվել է 3 քաղաքացի

Քոչարյանն օգտվում է պաշտոնաթող նախագահի անձեռնամխելության երաշխիքից. դատարանի որոշման հիմնավորումները

«Փյունիկը» խիստ դժգոհ է մրցավարից. արձագանքել են հայտնի ֆուտբոլիստներ (տեսանյութ)

ՀՀ ոստիկանության ստորաբաժանումները երեք օրում բացահայտել են հանցագործության 101 դեպք

Գեղարքունիքի մարզի Արգիճի գետից 30-ամյա քաղաքացու դի է դուրս բերվել