Երևան
12 °C
Հայ-ռուսական հարաբերություններում, ցավոք, ամեն ինչ չէ, որ հարթ է, եւ դրանից օգտվելով՝ երկրի ներսում իրենք իրենց «հիմնական ընդդիմադիր» հռչակածները փորձում են դիվիդենտներ շահել։ Ռուսաստանյան որոշակի շրջանակներ նույնպես ամեն առիթով փորձում են ցույց տալ, որ հայ-ռուսական հարաբերություններում «ինչ-որ բան այն չէ», ու քանի որ բուն խնդրին անդրադառնալը շահական չէ, լայն քննարկման առարկա է դառնում ցանկացած մանրուք՝ «շնորհավորանքն ուշացավ», «խոսնակի սանրվածքը լավը չէր», «ԵԱՏՄ երկրների ղեկավարները Նիկոլից մի քիչ հեռու էին նստել» եւ այլն։
Իսկ բուն խնդիրը հետեւյալն է՝ Հայաստանի իշխանությունները հայ-ռուսական հարաբերությունների նոր մոդել են առաջարկում։ Եվ եթե Ռուսաստանում մեր նկատմամբ անվստահություն կա՝ անվստահությունը ոչ թե Նիկոլ Փաշինյանին է վերաբերում, այլ այդ նոր մոդելին։
Բանն այն է, որ Ռուսաստանը գերադասում է դաշնակցային հարաբերություններ ունենալ այնպիսի երկրների հետ, որոնք մեծ կախում ունեն Ռուսաստանից (ռազմաքաղաքական, տնտեսական, մշակութաբանական եւ այլն) ու «փախչելու տեղ չունեն»։ Երեւի Ռուսաստանում գտնում են, որ հարաբերությունների այդ մոդելն ավելի հուսալի է, իսկ ռազմաքաղաքական այն դաշինքները, որոնց անդամները դաշինքի մեջ են մտել ինքնակամ (ոչ պարտադրված), կարող են ցանկացած պահի փլուզվել։
Հայաստանի իշխանությունները տարիներ շարունակ Ռուսաստանի հետ հարաբերվել են հենց այդ մոդելով ու չեն էլ թաքցրել, որ հարկադրված են անդամակցել ՀԱՊԿ-ին ու ԵԱՏՄ-ին, ճար ունենային՝ մեկ օր անգամ չէին մնա այդ կառույցներում։ Իսկ ահա նոր իշխանություններն ասում են «հարկադրել պետք չէ, պարտադրել պետք չէ, ճնշումների ու սպառնալիքների կարիք չկա, հարգանքով վերաբերվեք մեր դիրքորոշմանը, եւ մենք հուսալի դաշնակիցներ կմնանք՝ ոչ թե այն պատճառով, որ «փախչելու տեղ չունենք», այլ որովհետեւ դա բխում է մեր պետության շահերից»։ Պարզ ասած՝ Հայաստանը ձգտում է, որ ՀԱՊԿ-ն ու ԵԱՏՄ-ն լինեն անկախ ու ինքնիշխան պետությունների դաշինքներ, որի անդամները դրանցում ընդգրկվել են ոչ թե վախից (անցանկալի հետեւանքներից խուսափելու նպատակով), այլ առաջնորդվելով ընդհանուր շահերով։ Մի բան է, երբ ընտանիքի անդամները համերաշխ ապրում են մի հարկի տակ, եւ բոլորովին այլ բան, եթե նույն հարկի տակ են ապրում միայն այն պատճառով, որ «պապան» դուռը փակել ու բանալին դրել է գրպանը, իսկ լուսամուտով փախչելը վտանգավոր է։
Հայաստանի առաջարկած նոր մոդելը հենց դա է՝ «պետք չէ դուռը փակ պահել, որեւէ մեկը փախչելու մտադրություն չունի, բայց եկեք համերաշխ ապրենք՝ իրար հարգելով»։ Դիվանագիտական լեզվով դա հնչում է այսպես․ «Հայաստանը մտադիր չէ անդամակցել ՆԱՏՕ-ին», «Հայաստանը մտադիր է ընդլայնել եւ խորացնել հայ-ռուսական հարաբերությունները», բայց՝ «ՀԱՊԿ-ում բոլոր կարեւորագույն հարցերը պետք է լուծվեն կոնսենսուսով»։ Հարց է ծագում՝ Հայաստանում կա՞ որեւէ մեկը, ով դեմ է հարաբերությունների այս մոդելին։ Թե՞ որեւէ մեկը դեմ չէ, բայց կան ուժեր, որոնք մտածում են (կամ հույս ունեն), որ մեր այդ դիրքորոշումը կբարկացնի ՀԱՊԿ անդամներին, նրանք էլ Հայաստանի նոր իշխանությունների «պորտը տեղը կդնեն», ու իրենց համար վերադարձի ճանապարհը կբացվի։
Սա ինքնախաբեություն է, նրանց վերադարձի ճանապարհը չի բացվելու։ Երկրի ներսում նրանք որեւէ աջակցություն չունեն, «դրսից» էլ, կարծես թե, նրանց ծառայություններով հետաքրքրվողներ չկան։ Որովհետեւ, կարծես թե, «դրսում» էլ են կամաց-կամաց գիտակցում, որ առանց հարկադրանքի ստեղծված դաշինքները, այնուամենայնիվ, ավելի ամուր են լինում, եւ Հայաստանի առաջարկված մոդելն ավելի արդյունավետ է։
Արմեն Բաղդասարյան
«Հայկական Ժամանակ»-ը Telegram-ում
Մտքեր են փոխանակվել Հայաստանի և Պարագվայի միջև միջխորհրդարանական կապերի ակտիվացման հնարավորությունների շուրջ
ՆԳՆ ծառայողների կատարողականի գնահատման համակարգը պետք է հիմնված լինի չափելի թիրախային ցուցանիշների վրա
Կալուգացու խմբակցությունը գերազանցում է բոլոր ռեկորդները, այս արագությամբ դեռ ոչ մի խմբակցություն չեն լքել
Հնդկաստանում ջրհեղեղներից ավելի քան 170 հազար մարդ է տուժել
Ծառուկյանը քրեաօլիգարխիկ ենթամշակույթի կրող է. նա գործիք է, այլ երկրի շահերի պաշտպան. Ազատ Արշակյան. տեսանյութ
Ինքնաբացարկների նոր դիմումներ «Ուժեղ Հայաստան»-ից
Քիչ մարդիկ կգտնվեն, որ ասեն՝ Ծառուկյանին ձերբակալելու կամ ունեցվածքը վերադարձնելու հիմքեր չկան. տեսանյութ
Apple Pay-ը և Google Pay-ն արդեն հասանելի են հանրային տրանսպորտում․ Ավինյան
Երևանում հանրային սննդի օբյեկտի գործունեություն է կասեցվել
Հայաստանը հետևողականորեն նախապատրաստվում է COP17-ին՝ նպատակ ունենալով ապահովել բարձր մակարդակի համաժողով
Լիլիթ Մակունցը չի վերցնի պատգամավորական մանդատը
Իրականացվել են ջրի և կենսաբանական նմուշառումներ․ ինչ է հայտնի Բյուրեղավանի աղիքային վարակների դեպքերից
Հաստատվել են ՀՀ լեզվական պետական քաղաքականության հիմնադրույթները
Եղվարդի Երևանյան 3/47 հասցեում վերաբացվեց Ucom-ի Վաճառքի և սպասարկման կենտրոնը
ՀԿԱԾ 2026-ի առաջին կիսամյակի արդյունքները գերազանցել են նախորդ տարվա համադրելի ցուցանիշը․ հաշվետվություն
1 արծաթե և 1 բրոնզե մեդալ Կենսաբանության 37-րդ միջազգային օլիմպիադայում
Վաղարշապատի համայնքապետարանի հարակից հատվածում երթևեկության փոփոխություն է կատարվել
Ալավերդիում 12 ժամ ջուր չի լինի․ հասցեներ
17-ամյա տղան «Տելեգրամ»-ով ձեռք է բերել թմրանյութ, օգտագործել, իրացրել՝ տեղադրելու միջոցով․ նա ձերբակալվել է
Ես հպարտ եմ ձեզանով․ Շակիրան դիմել է Մեսսիին և Արգենտինայի հավաքականին
Աննա Հակոբյանը Եթովպիայում է, մասնակցում է միջազգային համաժողովի․ տեսանյութ
COP17-ին ընդառաջ ՔԿ փորձաքրեագիտական կենտրոնի փորձագետները մասնակցել են դաշտային վարժանքի
Ի գիտություն բուհերի ընդունելության հիմնական մրցույթից դուրս մնացած դիմորդների․ ԳԹԿ հայտարարությունը
Մենք վերջ ենք դնում միջnւկային hրթիռ ունենալու Իրանի ցանկացած հնարավորության. Թրամփ
ՆԳ նախարարը անտառային հրդեհների կանխարգելման ուղղությամբ հանձնարարականներ է տվել
ՄԻՊ-ն ու Գորիսի ղեկավարը քննարկել են համայնքում մարդու իրավունքների պաշտպանությանն առնչվող հարցեր
Սերժ Սարգսյանի կողմից Սև բերդն օտարելու դեպքի առթիվ նախաձեռնված քրեական վարույթի նախաքննությունն ավարտվել է
Կոտայքի Ալափարս գյուղում բախվել են «ՈՒԱԶ»-ն ու «Hyundai»-ն. կան զnհեր և վիրավnրներ
Մեկ անզգույշ քայլը կարող է անդառնալի հետևանքներ ունենալ. ՆԳՆ-ն հայտարարություն է տարածել
Հայտնի են «Ոսկե ծիրան» միջազգային կինոփառատոնի մրցանակակիրները
Տեմպը չենք թուլացնում, մինչև չտեսնենք՝ փոշեկլանիչ ցանցերը համատարած են. խաղի նոր կանոնները պետք է պահվեն
Ֆուտբոլի Աշխարհի առաջնությունում հաղթանակը նշելու ժամանակ շատրվանի փլուզման հետևանքով դեռահաս է մահացել
2025-ի մայիսին Սյունիք կատարած այցելության ժամանակ ՀՀ ՄԻՊ-ին հասցեագրված խնդիրների մի մասը ստացել է լուծում
Պատրաստակամ ենք համագործակցել բոլոր շահագրգիռ կողմերի հետ. ՅՈՒՆԵՍԿՕ-ում ՀՀ մշտական ներկայացուցիչ
Հայտնաբերել են խախտմամբ ծառայություն մատուցելու դեպքեր, կազմվել արձանագրություններ
էական տատանումներ չեն կանխատեսվում. Սուրենյանը՝ առաջիկա օրերի եղանակի մասին. տեսանյութ
ՀՀ-ից Իսպանիա ծիրան դեռ չի արտահանվել. Արման Խոջոյանը՝ փչացած մրգի վերաբերյալ խոսակցությունների մասին
Զինծառայողների մարզումները՝ «Արամազդ» ինքնագնաց հրետանային կայանքներով. Պապիկյանը տեսանյութ է հրապարակել
Սևան քաղաքի մի շարք հասցեներում 24 ժամ ջուր չի լինի
Երևանի քաղաքապետարանի հավելյալ եկամուտները կուղղվեն ճանապարհաշինությանը. Ավինյան
