Երևան
22 °C
searchclose
today
menuclose
Երևան
22 °C
Սոցիալական ցանցերի ռուսական տիրույթում շրջանառվում է Հայաստանի քաղաքացիներից մեկի լուսանկարն ու անձնագրի պատճենը՝ հաշվառման հասցեով: Օգտատերերն այդպիսով հույս ունեն, որ կգտնվեն տղամարդուն ճանաչող մարդիկ կամ նրա հարազատները: Նշվում է, որ Արմեն Պետրոսյանը (անունը փոխված է) ընդունվել է Յարոսլավլի հոգեբուժական հիվանդանոց եւ ունի հիշողության կորուստ:
1964 թվականին ծնված Արմենը հաշվառված է Երեւանի Էրեբունի վարչական շրջանում: Նշված հասցեում մեզ ասացին, որ իրականում նա այնտեղ չի ապրել կամ գրեթե չի ապրել: Կինը, որը չցանկացավ անունը հրապարակել, պատմեց, որ դա Արմենի հայրական տունն է: Նրա ծնողներն ամուսնալուծվել են տղայի ծնվելուց շատ կարճ ժամանակ անց, եւ մայրը փոքրիկ Արմենի հետ վերադարձել է ծնողների տուն: Հետագայում պարտքերի պատճառով այդ տունը վաճառվել է: Ու քանի որ մշտական բնակության վայր չեն ունեցել, թե՛ Արմենի ամուսնալուծված մայրը, թե՛ Արմենը եւ թե՛ նաեւ նրա կինն ու երեխաները հաշվառվել են Արմենի հայրական տանը: Այստեղ ասացին, որ Ռուսաստանում գտնվող Արմենի հայրը մահացել է: Մահացել է նաեւ նրա մայրը, իսկ նախկին կնոջից ու երեխաներից տեղեկություն չունեն:
«Շատ թղթեր են գալիս դատարաններից, վարկային կազմակերպություններից, որ իրենք պարտքերի տակ են, զգացվում է, որ շատ խնդիրներ ունեն պետական մարմինների հետ, որովհետեւ հիմա ընդհանրապես չեն պատասխանում զանգերին, թե ինչու, չեմ հասկանում, երեւի այդ պարտքերի պատճառով»,- ասաց մեր զրուցակիցը: Նրա խոսքով, Արմենից նույնպես լուրեր գրեթե չեն ունեցել եւ միայն վերջերս լսել են, որ հոգեբուժարանում է հայտնվել: «Տեղեկություն չունենք՝ որտեղ է, ինչ պայմաններում է, դե գիտենք, որ ամուսնացել է, կարծեմ երեխեք էլ ունի»,- ասաց մեր զրուցակիցը:
Արմենի հայրը երկրորդ ամուսնությունից երկու որդի ունի: Հետաքրքրվեցինք՝ նրանք մտադի՞ր են հետաքրքրվել եղբոր վիճակով: «Եթե ընդհանրապես առնչություն չեն ունեցել, ինչ զգացմունք պիտի լինի իրենց մեջ: Ճիշտը խոսենք: Ոչ մի զգացունք: Արմենի մայրը թույլ չի տվել, կտրականապես արգելել է, որ նա կապ ունենա հոր ու եղբայրների հետ»,- ասաց Արմեն Պետրոսյանի հաշվառման հասցեում մեզ հյուրընկալած կինը եւ ավելացրեց. «Ես օրինակ, որպես մարդ, շատ ցավ ապրեցի, երբ եկան, ասացին՝ ինքը հոգեբուժարանում է պառկած: Հարցրի՝ որ հոգեբուժարանն է, մտածում էի՝ գոնե գնամ, մի հատ տեսնեմ էդ էրեխուն, դե հայր չունի, մայր չունի, ընտանիքն էլ երես է թեքել: Բայց ասացին, որ Ռուսաստանում է: Երբ մարդն ամեն ինչ կորցնում է, ոչ մի բանի հետ կապ չունի, ոչ մի հարազատություն չի մնացել, կարող է եւ խանգարվել, ճիշտը խոսենք: Ամեն մարդ ինքն է կառուցում իր կյանքն ու ճակատագիրը, այնպես որ այս կողմնակի բաները ոչ մի անգամ մարդու վրա չպիտի ազդեն, եթե խելացի մարդ է»:
Յարոսլավլի հոգեբուժական հիվանդանոցից Արմեն Պետրոսյանի մասին որեւէ տեղեկություն պարզել մեզ չհաջողվեց: Այստեղից պատասխանեցին, որ պացիենտների վերաբերյալ ցանկացած տեղեկատվություն գաղտնի է եւ կարող է տրամադրվել միայն դատարանի որոշմամբ:
Ռուսաստանի Դաշնությունում Հայաստանի դեսպանությունում տեղյակ են, որ Հայաստանի քաղաքացի Արմեն Պետրոսյանը տեղափոխվել է հոգեբուժարան, որ կորցրել է հիշողությունը, որ հարազատների մասին ոչինչ հայտնի չէ: Բայց այդ մասին գիտեն միայն սոցիալական կայքերից: Արտակարգ եւ լիազոր դեպսան Վարդան Տողանյանը մեզ հետ զրույցում ասաց, որ թե՛ տեղի իշխանություններին եւ թե՛ հոգեբուժական հաստատություն ուղղված իրենց հարցումների արդյունքում չի հաստատվել նման մարդու գոյությունը: «Մեր աշխատակիցներն այդ ինֆորմացիան սոցիալական կայքերում տեսել են, փորձել են, որեւէ պատասխան չկա, որեւէ պաշտոնական հաստատում չկա նման մարդու գոյության մասին: Որեւէ տեղից որեւէ փաստ չունենք: Կարող է ուրիշ ազգանունով է, կարող է փաստաթուղթ չի ունեցել, կարող է հոգեբուժարան այդ անձնագրով չի ընդունվել»,- նկատեց դեսպանը:
Նրան, ի դեպ, հայտնի էր երկու այլ քաղաքացիների մասին, որոնք նույնպես վերջին մեկ ամսվա ընթացքում հայտնվել են հոգեբուժարանում՝ Վ.Գ.-ն եւ Ա.Ե.-ն: «Նրանք Յարոսլավլից են, հարկադիր բուժում են ստանում մերձմոսկովյան տարբեր հոգեբուժարաններում»,- նշեց Վարդան Տողանյանը: Այս անձինք կտրականապես հրաժարվում են հաղորդակցվել բուժաշխատողների հետ եւ պարզ չէ՝ ուղղակի այդպե՞ս են ցանկանում, թե՞ լեզուն չգիտեն: Դեսպանն ասաց, որ պայմանավորվածություն է ձեռք բերել, եւ հյուպատոսության ներկայացուցիչն ու թարգմանիչը պետք է այցելեն Հայաստանի՝ հոգեբուժարանում գտնվող քաղաքացիներին: Այժմ սպասում են, որ բուժհաստությունը հանդիպման օր նշանակի՝ ըստ համապատասխան ընթացակարգի:
2016 թ․-ի ապրիլյան պատերազմի հանգամանքներն ուսումնասիրող ԱԺ քննիչ հանձնաժողով ստեղծելու ժամանակը հասունացել է․ Փաշինյան
Խնդրում եմ 13։30-ից վերացնել դատարանների արգելափակումը․ անկախ դատական համակարգ ունենալու գործընթացը սկսված է․ վարչապետ
Նիկոլ Փաշինյանը շնորհավորական ուղերձ է հղել Վլադիմիր Զելենսկիին՝ Ուկրաինայի նախագահի պաշտոնն ստանձնելու կապակցությամբ
Վեթինգի ենթարկվողները, նրանց հարազատները հայտարարագրում են իրենց ողջ գույքը. Զրվանդյան
Կայծակի հարվածից վնասված տրոլեյբուսը վերադարձել է երթուղի. Երեւանի քաղաքապետարան
Խուսափե՛ք փողոցում պատրաստվող և վաճառվող «քաղցր բամբակ» գնելուց. Երեւանի քաղաքապետարան (տեսանյութ)
Հայաստանում գործող բոլոր դատավորները պետք է ենթարկվեն, այսպես ասած, vetting-ի. վարչապետի ելույթը
Եկել է դատական համակարգում վիրահատական միջամտություններ իրականացնելու ժամանակը․ վարչապետը ներկայացրեց օրակարգը
Պատրաստ եմ անհրաժեշտության դեպքում դատարանի նախագահի պաշտոնից ազատման դիմում ներկայացնել. Վարդազարյան
ՀԱՊԿ ԽՎ աշնանային նիստը տեղի կունենա Երևանում
Զելենսկին հայտարարեց Վերին Ռադան ցրելու և երկրում արտահերթ խորհրդարանական ընտրություններ անցկացնելու մասին
Արայիկ Հարությունյանը կմասնակցի 2020թ.-ին հանրապետությունում կայանալիք նախագահական ընտրություններին
ԲԴԽ նախագահ Գագիկ Հարությունյանին չեն թույլատրում դուրս գալ շենքից
ՄԻՊ-ը, Մակունցն ու Վարդանյանը ժամանեցին կառավարություն. խորհրդակցություն տեղի կունենա
Դատական համակարգի որոշումները խորապես անվստահելի են հանրության համար․ վարչապետը սկսեց իր ուղերձը (ուղիղ)
Քոչարյանին ազատ արձակած դատավորը 2014-ին 83 մլն դրամի անշարժ եւ շարժական գույք է նվիրատվություն ստացել
Եղեգնաձորում այս պահին ամեն բան հանդարտ է, քաղաքացիները խաղաղ իրացնում են իրենց իրավունքը. Թեւոսյան
Վարչապետը չէ, որ իրացնում է իր իրավունքը, սա ժողովրդի կամքն ու ցանկությունն է
Փաստաբան Էրիկ Ալեքսանյանին չթույլատրեցին դատարանից վերցնել Արմեն Գեւորգյանի գործով որոշումը. նա կդիմի գլխավոր դատախազին
Խոսակցությունը, թե սա սահմանադրական կարգի տապալում է, իրականությանը չի համապատասխանում. Նազելի Բաղդասարյան
