Բողոքի ակցիա անող աշխատակիցները դիմում ուղարկեցին վարչապետին՝ երկուշաբթի օրն իրենց հանդիպելու պահանջով

Կառավարության շենքի դիմաց օպտիմալացման ծրագրի դեմ բողոքող մշակույթի նախարարության աշխատակիցները վարչապետին ուղղված նամակ հանձնեցին քաղաքացիների ընդունելության և դիմումների քննարկման վարչություն պետ Ալեքսանդր Ղազարյանին և հայտարարեցին իրենց բնականոն աշխատանքին վերադառնալու մասին:

Մշակույթի նախարարության աշխատակիցներն այդ նամակով պահանջում են չեղարկել նախարարությունների օպտիմալացում ենթադրող նախագիծը, խնդրի շուրջ քննարկումներ կազմակերպել մասնագետների հետ: Նրանք այն կարծիքին են, որ մշակույթի նախարարությունը Հայաստանի համար ունի նույնքան կարևոր նշանակություն, որքան պաշտպանության նախարարությունը, ուստի չի կարելի այն միացնել այլ նախարարության:

Մշակույթի նախարարության աշխատակիցները նշեցին, որ մինչև երկուշաբթի կսպասեն Նիկոլ Փաշինյանի արձագանքին, իսկ եթե իրենց բարձրացրած հարցերին լուծում չտրվի, պատրաստ են օրինական բոլոր միջոցներով շարունակել պայքարը: Աշխատակիցները հույս հայտնեցին, որ խնդրին լուծում կտրվի եւ հայտարարեցին, որ վերադառնում են աշխատանքի, իսկ բողոքի ակցիան անցկացրել են իրենց ձայնը կառավարությանը լսելի դարձնելու համար:

Այս պահին կառավարության շենքի դիմաց շարունակում են մնալ սփյուռքի նախարարության աշխատակիցները, ովքեր նամակ են պատրաստում վարչապետ Նիկոլ Փաշինյանին հանձնելու համար: Նրանք նշում են, որ իրենց հետագա գործողությունները պարզ կդառնան նամակին տրվելիք պատասխանից հետո:

Մշակույթի նախարարության աշխատակիցներն իրենց բաց նամակը փոխանցեցին Կառավարության նամակների և դիմումների բաժնի պետին՝ պահանջելով վարչապետին ասել, որ երկուշաբթի ցանկանում են հանդիպել նրա հետ՝ դիմումի պատասխանը ստանալու ակնկալիքով։

Բացի այս՝ աշխատակիցներն ասացին, որ պատրաստ են անգամ տոնական օրերին ակցիաներ, նստացույց իրականացնել, քանի որ հունվարի 1-ից օպտիմալացում է իրականացվելու:

Բաց նամակը հանձնելուց հետո աշխատակիցները դադարեցրին ակցիան:

Հիշեցնենք, որ կառավարության կառուցվածքի փոփոխությունների արդյունքում ՀՀ նախարարությունների թիվը 17-ից կհասնի 12-ի։ Փոփոխությունների համաձայն` լուծարվելու է սփյուռքի նախարարությունը, իսկ մշակույթի, սպորտի ու երիտասարդության նախարարությունները միավորվելու են կրթության և գիտության նախարարությանը։ Վաղ առավոտից էլ մշակույթի եւ սփյուռքի նախարարության աշխատակիցները օպտիմալացման դեմ բողոքի ակցիա էին սկսել։

Տպել
1226 դիտում

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան

Հրաժարվեք Հայաստանում օտարերկրյա ներդրողների գործունեության մեջ քաղաքական ենթատեքստ փնտրել. «ԳեոՊրոՄայնինգ»-ը՝ ԶԼՄ-ներին

Վարչապետ Նիկոլ Փաշինյանի մոտ կայացել է խորհրդակցություն երեխաների որդեգրումների թեմայի վերաբերյալ

«Սիթի օֆ Սմայլ/Ժպիտների քաղաք»-ը անհրաժեշտության դեպքում կաջակցի 21-ամյա Արամի բուժմանը

Կեղծված են և՛ ԱԺ պատգամավորի բլանկի ձևը, և՛ իմ ստորագրությունը. Հրաչյա Հակոբյանը մեկնաբանել է ռուսական կայքի հոդվածը

Նիկոլ Փաշինյանի վերջին այցից հետո զբոսաշրջիկների թիվը Գյումրիում կրկնապատկվել է. Սամվել Բալասանյան

Գերմանիայի պաշտպանության նախարարը հրաժարական է տվել Scorpions-ի «Փոփոխությունների քամի» երգի հնչյունների ներքո

Գտնվում ենք այն քոթեջում, որտեղ ապրել և ստեղծագործել է Առնո Բաբաջանյանը, մթնոլորտը հիասքանչ է. Աննա Հակոբյան

Երեւանի ավագանու նախկին անդամ Սոնա Աղեկյանը ազատ է արձակվել

ԿԳՄՍ նախարար Արայիկ Հարությունյանն ընդունել է Ճապոնիայի դեսպան Ջուն Յամադային

Երևանի թիվ 17 հիմնական դպրոցի կառավարման խորհուրդը հայտարարում է տնօրենի թափուր պաշտոնի մրցույթ

Ձերբակալվել է «Սևան ազգային պարկ» ՊՈԱԿ-ի «Արևիկ» մասնաճյուղի անտառագետը

Արցախում 2 տարեկան երեխան թունավորվել է մոր տված սխալ դեղահաբից

Քննարկվել է «Զվարթնոց» օդանավակայանի ընդլայնման հարցը

«Պոբեդա»-ն այսօր կվերականգնի Գյումրիում ձմեռային չվացուցակով թռիչքների ավիատոմսերի վաճառքը

Սոնա Աղեկյանը քաղաքապետարան է ներկայացել կոյաջրերի տարայով. նրան բերման են ենթարկել

Հայաստանում անշարժ գույքի գործարքները աճել են, եւ աճը մարզերի ու ոչ Երեւանի հաշվին է. Նիկոլ Փաշինյան

Մալաթիայի շուկայի տարածքում հրդեհը բռնկվել է արագ սննդի կետում. մանրամասներ

Ծնելիության ցուցանիշի նվազման տեմպը դանդաղում է. Արսեն Թորոսյան