«Տարոն Ավիա»-ն Գյումրի-Լոս Անջելես թռիչք կիրականացնի. «Շիրակ» օդանավակայանը պատրաստ է

«Տարոն Ավիա» հայկական ավիաընկերությունը վերադառնում է Հայաստան: Այս մասին լրագրողների հետ զրույցում ասել է Գյումրու քաղաքապետ Սամվել Բալասանյանը: Դեռ ժամկետը հստակ չէ, սակայն շատ հարցեր արդեն կարգավորված են: 

««Տարոն Ավիա»-ի տերն ասեց՝ գաղտնիք պահի հլը, դե ես էլ գաղնիքներ չունեմ լրագրողներից, հիմա ասում եմ, որ ուզում են Գյումրիից ուղիղ Լոս Անջելես ինքնաթիռ թռնի, իսկ մեր օդանավակայանն ունի նման հնարավորություն: Ես փակագծերն ուղղակի ուրախությունից բացեցի»:

Նշենք, որ «Տարոն Ավիա»-ին հայկական շուկա վերադարձնելու ուղղությամբ կառավարության ձեռնարկած քայլերի մասին Գյումրիում հունիսի 4-ին խոսել էր այդ ժամանակահատվածում ՏԿԶ նախարար Սուրեն Պապիկյանը:

Ընդհանուր առմամբ, Շիրակ օդանավակայանի թռիչքուղին հնարավորություն է տալիս, որ տարբեր ծանրության եւ մեծության ինքնաթիռներ վայրէջք կատարեն եւ օդ բարձարանան: Վերջին շրջանում նաեւ լուրջ վերանորոգումներ են իրականացվել, սակայն ժամանման եւ սպասարկման սրահների հետ կապված խնիրներ կան: Ճարտարապետը փոփոխություն կատարել թույլ չի տալիս, այնինչ ընդլայնվելու անհրաժեշտություն կա:

«Ճարտարապետը չի թողնում, Մուշեղյանն է, ուղղակի էնտեղ էդ հարցն ընկել է ընդհանուր քննարկման փուլի մեջ: Ես Էլոյանի հետ էլ եմ խոսել, քաղշինական կոմիտեի ղեկավարի հետ էլ, տեսնենք՝ հիմա ինչ կլինի, որովհետեւ օդանավակայանը պետք է ակտիվացվի: Անպայման, մանավանդ, որ լոգիստիկ կենտրոնն էլ եղավ, երեւի էստեղից օրական տասնյակներով ինքնաթիռներ կթռնեն եւ հետ կգան, որովհետեւ էստեղից ապրանք պետք է տանեն աշխարհի տարբեր երկրներ»:

Նշենք, որ Իսրայելական «Լոջիստիք էֆ թի զի» ընկերությունը լոգիստիկ կենտրոնը Գյումրիում հիմնելու որոշումը կայացրել է հենց օդանավակայանի առկայության համար:

Հիշեցնենք, որ ընթացիկ տարվա փետրվարի 21-ին էր «Լոջիստիք էֆ թի զի» ընկերության եւ Գյումրու քաղաքապետարանի միջեւ կնքվել փոխըմբռնման հուշագիր, որով քաղաքից ընկերությանն է հանձնվել 330 հա հողատարածք՝ Գյումրու Մարմաշենի խճուղու աջ ու ձախ հատվածները: Այն բաժանված է լինելու 4 մասի, որոնց վրա կառուցվելիք շինություններում աշխատանքներ են ծավալելու ոչ միայն իսրայելական, այլեւ համաշխարհային հայտնի ընկերությունները: Ընկերության ղեկավարը դեռ փետրվարին հայտարարել էր, որ Գյումրին ծրագրի հիմքում է, քանի որ այստեղ կա օդանավակայան, նաեւ հանգիստ քաղաք է: Սրանք կարեւոր նախապայմաններ են լոգիստիկ կենտրոնի հիմնման համար: Գյումրին նախագծից իր օգուտը կունենա աշխատատեղերի մասով: Միլիոնավոր դոլարների ներդրմամբ իրականացվող ծրագրով թե ինչքան աշխատատեղ կբացվի, դեռ հստակ չէ, մի քանի հազարի մասին է խոսքը: Սկզբի համար Գյումրի կգան եւ տեղում կաշխատեն ընկերությունների արտասահմանյան մասնաճյուղերի աշխատակիցները, նրանք նաեւ տեղում կիրականացնեն վերապատրաստումներ, որպեսզի գյումրեցի աշխատակիցները եւս կարողանան գործի անցնել:  

Տպել
6125 դիտում

ԱԻ նախարարը հրդեհի վայրում է. ձևավորվել է 30 հոգուց կազմված աշխատանքային խումբ, աշխատում է 19 մարտական հաշվարկ

Հրդեհի հետևանքով Հանրապետական հիվանդանոց տեղափոխված 2 քաղաքացիները դուրս են գրվել

Վայոց Ձորում վթարի հետևանքով զոհվել է 3 քաղաքացի, եւս 3-ը հիվանդանոցում են

Հրդեհի ծավալը մեծ էր, հարկ համարեցի գալ. Վ. Օսիպյանը ժամանեց հրդեհի վայր ու նկատողություն արեց ոստիկաններին

ՀՀ վարչապետը ելույթ է ունեցել «Քայլ դեպի տուն» ծրագրի փակման արարողության ժամանակ (տեսանյութ)

Մալաթիայում տեղի ունեցած հրդեհի հետևանքով ևս 1 տուժած տեղափոխվում է «Աստղիկ» Բ/Կ

«Մալաթիա մոլ»-ի հրդեհը դեռ չի մարվել. նախնական վարկածով՝ կրակը բռնկվել է «ՎԵԳԱ»-ի պահեստում

Մալաթիայի հրդեհի հետեւանքով տուժած քաղաքացիները ծխահարվել են, 6 անձ է տուժել. ԱՆ խոսնակ

Մալաթիայի խոշոր հրդեհի հետևանքով 4 անձ տեղափոխվել է «Աստղիկ» Բ/Կ, 2-ը՝ Ճառագայթային բժշկության կենտրոն

Խոշոր հրդեհ «Մալաթիա մոլ»-ի շենքում. բարձրացվել է բարդության «Թիվ 3» կանչ, կան տուժածներ (տեսանյութ). ԹԱՐՄԱՑՎԱԾ

Շոգ, առանց տեղումների եղանակը կպահպանվի առաջիկա օրերին. եղանակն այս շաբաթ

ՃՏՊ Կրասնոդարի երկրամասի Ռ-217 ավտոճանապարհին. զոհերն ու տուժածները հայեր են (լուսանկարներ)

Դատարկ ապարների լցակույտի տարածքի ուսումնասիրությունները ոչ լիարժեք են. Ամուլսարում ուրանի և թորիումի առկայության մասին

Երևանում և Ագարակ գյուղում փրկարարները բռնել են 1 շահմար, 1 սահնօձ և 1 գյուրզա

«ԳեոՊրոՄայնինգ» ընկերությունը աջակցեց մանկական քաղցկեղի կենտրոնին (լուսանկարներ, տեսանյութ)

Ստեփանակերտում 16-ամյա երեխայի նկատմամբ բռնության դեպքը կանխվել է

Արցախում՝ Ամարասի դաշտում, տղամարդու դի է հայտնաբերվել. հավանաբար մահացել է ցուլի հարվածից

Ստեփանակերտի ջրամատակարարման խնդիրը լուծման փուլում է. Բակո Սահակյանը ծանոթացել է աշխատանքներին

Սասունիկ-Էջմիածին ճանապարհին «ԶԻԼ»-ը դուրս է եկել ճանապարհից ու կողաշրջվել

Երևանում 2 երիտասարդի վեճն ավարտվել է դանակահարությամբ ու կրակոցներով. կան տուժածներ