Կոտրել է դուռս, առանց զգուշացնելու՝ քանդել տանս պատը. ապօրինություններ ու պայքար սեփական բիզնեսների համար

Երեւանի Վարդանանց փողոցի 24 շենքի թիվ 3 բնակարանի սեփականատեր Մարիամ Հակոբյանն ու ամուսինը՝ Հովհաննես Տոնոյանը, բողոքում են առաջին հարկում գտնվող իրենց բնակարանի նկուղային հարկի սեփականատեր Հրաչյա Գրիգորյանից ու Մարգարիտա Ամիրբեկյանից:

Հայտնում, որ վերջիններս 2011 թվականին շինարարական աշխատանքներ են սկսել եւ անձրեւածածկ տեղադրել, որը խանգարում է առաջին հարկի իրենց բնակարանին: «Օրերս իմ բնակարանի պատուհանի առջեւ գովազդային պաստառ է է փակցրել՝ ծակծկելով պատուհանները»,- ասաց Հովհաննես Տոնոյանը:

Լուսանկարում՝ Հրաչյա Գրիգորյանին պատկանող խանութն է, գովազդի պաստառի հետեւի ճաղավանդակներով պատուհանները Հովհաննես Տոնոյանի բնակարանինն են

Ի սկզբանե, տեղեկանալով անձրեւածածկի մասին, շենքի հարեւաններով բողոքով դիմել են Երեւանի քաղաքապետին, որն էլ անվավեր է ճանաչել 2011 թվականի սեպտեմբերի 6-ին տրված շինթույլտվությունը: Որոշման հիմքում դրվել է, որ շինարարություն իրականացնող Մարգարիտա Ամիբեկյանը խախտել է թիվ 24 շենքի բնակիչ Մարիամ Հակոբյանի եւ մյուս սեփականատերերի իրավունքները:

Որից հետո Մարգարիտա Ամիբեկյանը Երեւանի քաղաքապետի որոշումը հայցադիմումով վիճարկել է ՀՀ վարչական դատարանում: Վերաքննիչ դատարանի 2014 թվական ապրիլի 22-ի որոշմամբ՝ հայցը մերժվել է: Սակայն ավելի ուշ Մարգարիտա Ամիրբեկյանին եւ Հրաչյա Գրիգորյանին հաջողվել է շինարարությունը շարունակել: Նրանք սկսել են տարածքն ընդլայնել:

Քաղաքացի Մարիամ Հակոբյանն ու ամուսինը՝ Հովհաննես Տոնոյանը, բողոքում են ու նշում, որ տարածքը նախկին վիճակին չի բերվել: Բացի այդ, հայտնում են, որ Հրաչյա Գրիգորյանը շարունակում է խախտել իրենց իրավունքները՝ պարբերաբար վնաս պատճառելով: Երկու ընտանիքների պայքարը Երեւանի քաղաքապետարանի կողմից շինարարության թույլատրմամբ, կամ արգելմամբ չի սահմանափակվում: Դատարանում քննվում է Հովհաննես Տոնոյանի հայցն ընդդեմ Հրաչյա Գրիգորյանի:

Մարիամ Հակոբյանն ու Հովհաննես Տոնոյանը հայտնում են, որ թեեւ բնակարանի օրինական սեփականատերն են, սակայն մինչ օրս չեն կարողանում այն վերանորոգել եւ բնակության համար պիտանի դարձնել:

Հովհաննես Տոնոյանի խոսքով՝ բնակարանը, որն իրենք այդպես էլ չեն կարողանում իր նպատակին ծառայեցնել, նախկինում պատկանել է Հրաչյա Գրիգորյանի ընտանիքին: Ծնողների մահից հետո Հրաչյա Գրիգորյանի քույրը՝ Լոլիտա Գրիգորյանը, բնակարանը վաճառել է իրեն: Հովհաննես Տոնոյանը վստահեցնում է, որ տարիների ընթացքում Հրաչյա Գրիգորյանի բազմաթիվ վնասներն ու բնակարանի վերանորոգմանն ու շահագործմանը խոչընդոտելը մեկ պարզ պատճառ ունի՝ Հրաչյա Գրիգորյանը հայրական տնից ոչինչ չի ժառանգել:

Նշենք, որ Երեւան քաղաքի Կենտրոն եւ Նորք-Մարաշ ընդհանուր իրավասության դատարանում է գտնվում Հրաչյա Գրիգորյանի հայցն ընդդեմ իր քրոջ՝ Լոլիտա Գրիգորյանի:

Կռվախնձոր դարձած բնակարանն այս պահին անմխիթար վիճակում է: Տոնոյանի խոսքով՝ Հրաչյա Գրիգորյանի ձեռքով այնտեղ քանդման եւ ապօրինի շինարարական աշխատանքներ են ծավալվել: «Նա կոտրել է դուռս, առանց մեզ զգուշացնելու՝ մտել տուն, քանդել պատը, ավիրել տունը: Այդ ամենը հաստատվել է փորձագետի տված եզրակացության հավելված լուսանկարներում: Բնակարանը դարձել է բնակության համար ոչ պիտանի», -ասաց Հովհաննես Տոնոյանը՝ ավելացնելով, որ բնակարանը մինչ օրս ջուր չունի:

Հրաչյա Գրիգորյանը ՀԺ-ի հետ զրույցում չթաքցրեց, որ դիտավորյալ է կազմակերպել, որ Տոնոյանի բնակարանը ջուր չունենա: Նաեւ նշեց, որ Հովհաննես Տոնոյանի ընտանիքի հետ թշնամիներ են: Հայտնեց, որ նշված մեղադրանքների հետ կապված քրեական գործ կա հարուցված է, բայց իրականում տան կոյուղին շատ շուտ է վնասված եղել, որի հետեւանքով ջուրը լցվել է իր խանութ, չկարողանալով կապ հաստատել սեփականատերերի հետ՝ բարձրացել եւ «վերանորոգել է»:

Վերջինիս խոսքով՝ դուռը բաց է եղել, բարձրացել, ջուրը փակել է, սակայն Հովհաննես Տոնոյանն էլ այլ բանի մասին է փաստում՝ նշելով, որ Հրաչյա Գրիգորյանը ապօրինաբար ներխուժել է իր բնակարան, կոտրել դուռը, ապա քանդել հյուրասենյակի այն հատվածը, որտեղով ջրատար խողովակն է անցնում:

«Քրեական գործ է հարուցված ինձ վրա, դե թող ապացուցեն՝ ինձ դատի տան: Իրենք ամեն գնով ուզում են ինձ վնասներ տան: Դրանք երկար տարիներ Վլադիմիր Գասպարյանի եղբոր՝ էն հանցագործ Կարեն Գասպարյանի կռիշի տակ են եղել: Անգամ Կարեն Գասպարյանն է ինձ կանչել ռազբոռկի, ասել՝ էդ խանութդ փակել կտամ»,-ասաց Հրաչյա Գրիգորյանը:  

Վերջինիս խոսքով՝ դեռեւս նախկին քաղաքապետ Տարոն Մարգարյանի օրոք են փորձել իրեն հալածել, սակայն չի ստացվել: «Նրանք ուզում էին այդ տունը առնելուց հետո փողոցի կողմից շինարարություն անել եւ խանութ դարձնել, իմ խանութն էլ խոչընդոտ է, միակ պատճառը դա է, ուրիշ ոչինչ»,- ասաց Հրաչյա Գրիգորյանը:

Տպել
1648 դիտում

Վիլնյուսի օդանավակայանում տոնածառը զարդարել են ուղեւորներից վերցված իրերով

Խորանաշատ վանքը և կարասը՝ 2020-ի եվրոպական մշակութային ժառանգության ամենավտանգված հուշարձանների ցանկում են

ԱՄՆ-ը արգելափակել է ԿԺԴՀ-ում մարդու իրավունքների հարցերով ՄԱԿ-ի Անվտանգության խորհրդի նիստը

«Նարգիլեի օգտագործումը թերևս ավելի վնասակար է». նախարար Արսեն Թորոսյանը պատասխանել է դպրոցականների հարցերին

Ինչ կապ ունեն TRACECA-ն ու պանթեոնը. Բաքու մեկնած հայ պաշտոնյաները հրաժարվել են մասնակցել ընթրիքի, այցելել գերեզման

Գեղարքունիքի մարզում ձմեռային զորակոչը կմենկնարկի 2019 թվականի դեկտեմբերի 16-ին

Բնապահպանության եւ ընդերքի տեսչական մարմնի ղեկավարի նախկին տեղակալը դատի է տվել վարչապետին

Իրանի խորհրդարանական ընտրություններին ավելի քան 15 հազար 500 թեկնածու է գրացվել

ԱԺ-ում քննարկվել են տեղական ինքնակառավարմանն առնչվող հարցեր

Գյումրիում ձերբակալվել է Շեկոյի ընկերը՝ Զոհրաբ Ե.-ն

Պետության աջակցությամբ Արամուսում հիմնովին կառուցվում է մանկապարտեզի նոր շենք. համայնքը 40 տարի մանկապարտեզ չի ունեցել

ԱՄՆ-ի Ներկայացուցիչների պալատը 2 մեղադրանք է առաջադրել նախագահ Դոնալդ Թրամփին

ՀՀ արդարադատության նախարարության ու IRZ-ի միջեւ հնարավոր է համագործակցություն անչափահասների արդարադատության ոլորտում

Ոստիկանները բացահայտել են Գյումրիում կատարված դանակահարությունը (տեսանյութ)

«Միսս տիեզերք 2019»-ում Հայաստանի ներկայացուցիչն ընկճված է ներկայացրել ազգային հագուստը. զարդերը տրամադրել էր Սիրուշոն

Մալյանին աղբարկղը նետելը միջոցառում էր, որի նպատակը հանրային իրազեկումն էր. Դավիթ Պետրոսյան

«Աջափնյակ» բարեգործական հիմնադրամից յուրացվել է 10 միլիոն դրամից ավելի գումար․ նոր բացահայտում

Մենք շատ ընդհանրություններ ունենք և շատ բան կարող ենք սովորել միմյանցից. Արմեն Սարգսյանն ընդունել է Ֆինլանդիայի դեսպանին

Կխնդրեմ՝ ներողություն խնդրեք ՀՀ քաղաքացիներից. Սուրեն Գրիգորյանը՝ Գևորգ Գորգիսյանին

Ուռուցքաբանության ազգային կենտրոնում հերթական բարդ վիրահատությունն է կատարվել. ԱՆ