Հրդեհի պատճառով ընտանիքը զրկվել է առանձնատնից. փորձաքննությամբ վնասն ընդամենը 2 միլիոն է գնահատվել

2018 թվականի փետրվարի 1-ին Երեւանի Բրյուսովի փողոցի 62/1 հասցեում գտնվող տանն առաջացած հրդեհի հետեւանքով այրվել է բնակելի առանձնատան գույքն ու տանիքածածկը, որոշ հատվածներում էլ փուլ են եկել պատերն ու առաստաղը:

62/1 հասցեի բնակիչ Մարինե Պետրոյանը «Հայկական ժամանակ»-ի հետ զրույցում ասաց, որ դեպքից անմիջապես հետո նամակների միջոցով պետությունից աջակցություն է խնդրել, սակայն ապարդյուն: Պատահաբար բռնկված հրդեհից գրեթե մեկ տարի է անցել, սակայն մինչ օրս համապատասխան գերատեսչությունները որեւէ ձեւով չեն աջակցել:

Մարինե Պետրոսյանն այրված տանն ապրելիս է եղել ամուսնու հետ: Ինչպես ինքն է ասում՝ հրդեհի օրը բարեբախտաբար տանը չեն եղել, ամուսնացած դստեր տանն են հյուրընկալվել:

Ծանր կացության մեջ հայտնված ընտանիքը բազմիցս դիմել է Երեւանի քաղաքապետարան եւ ստացել նույնաբովանդակ պատասխաններ: Վերջին անգամ Մարինե Պետրոսյանին քաղաքապետարանից գրավոր պատասխան են տվել 2018 թվականի հոկտեմբերի 26-ին: Երեւանի քաղաքապետարանի աշխատակազմի եւ անշարժ գույքի կառավարման վարչությունից հայտնել են, որ բարձրացված հարցն ուսումնասիրվել է, սակայն բնակության համար պիտանի տարածք տրամադրելու հնարավորություն քաղաքապետարանը չունի:

Նոր քաղաքապետի ընտրությունից հետո Մարինե Պետրոսյանին հորդորել են մի փոքր էլ սպասել, քանի որ Հայկ Մարությանն ընդունելություն է կազմակերպելու քաղաքացիների հետ, սակայն ավելի ուշ տեղեկացրել են՝ ընդունելություն չի լինելու:

«Փորձաքննություն արեցին, ինչից հետո թաղապետարանից եկան, իբր թե այրված ոչ պիտանի աղբը տանելու, բայց ոչ մի աղբ էլ չտարան. հին լվացքի մեքենա ու սառնարան ունեինք, մինչեւ գլխի կընկնեի, դրանք դրեցին մեքենան, ամենայն հավանականությամբ՝ որոշ մասեր օգտագործելու նպատակով: Մինչդեռ տանը դրանից բացի հսկայական չափերի հասնող աղբ կար»,-պատմեց Մարինե Պետրոսյանը:

ՀՀ փորձագիտական կենտրոնը փորձաքննությունն է իրականացրել հրդեհից մեկ շաբաթ անց՝ փետրվարի 7-ին, ինչի արդյունքում պարզվել է, որ տան հաղորդալարերը գտնվել են լարման տակ եւ մոնտաժված են եղել հին՝ բաց ձեւով: Ժամանակի ընթացքում հաղորդալարերի մեկուսիչ շերտի ճաքճքումը բերել է հոսանքի կորստի, որի հետեւանքով էլ տեղի է ունեցել էլեկտրական հաղորդալարերի ջղերի գերտաքացում եւ բոցավառում:

Մարինե Պետրոսյանը սոցիալապես անապահով է: Հավաքարար է աշխատում: Ասաց, որ որոշ ժամանակ դստեր տանն է ապրել, ապա ընկերուհու, սակայն երկար մնալ չի կարող՝ արդեն շատ է չարաշահել մտերիմների եւ բարեկամների գթասրտությունը: Մարինեի ամուսինն էլ կնոջից առանձին ժամանակավոր կացարանում է տեղավորվել:

Քաղաքապետարանից այսօր էլ հայտնում են, որ նրանց խնդրանքը բավարարելու համար համապատասխան բնակելի ֆոնդ Երեւանի քաղաքապետարանի տնօրինության տակ չկա:

ՀՀ փորձագիտական կենտրոնը Բրյուսովի 62/1 հասցում գտնվող բնակելի տանը պատճառված վնասի արժեքը գնահատվել է 1 միլիոն 878 հազար 660 միլիոն դրամ: Եզրակացության մեջ նշված է, որ գնահատումը կատարվել է փորձաքննության կատարման ժամանակահատվածում գործող շուկայական միջին արժեքներից ելնելով:

Առանձնատան սեփականատեր Մարինե Պետրոսյանի խոսքով՝ չափազանց չնչին գումար են հաշվել՝ անտեսելով ոչնչացված գույքի մեծ մասը: «Արդեն որեւէ նշանակություն էլ չունի, թե ինչ են գնահատել, որովհետեւ ոչ մի փոխհատուցում չի եղել ու չգիտեմ էլ՝ կլինի՞ թե՝ ո՛չ»,-ասաց նա:

Տպել
989 դիտում

Սոչիում կայծակը հարվածել է ինքնաթիռին վայրէջքի ժամանակ

Նորատուս գյուղի ռեստորանի շոգեբաղնիքը հրդեհվելու հետեւանքով մոխրացել է

Հայաստանի մեծ մասում ձյուն է տեղում, Շիրակի մարզի մի շարք հատվածներում բուք է, Լարսի ճանապարհը՝ փակ

Սյունիքի մարզում Իրանի քաղաքացին իր մեքենայով ընկել է ձորը. նա հոսպիտալացվել է

Թուրք մասնագետները կմեկնեն Ադրբեջան՝ S-300-ներն ուսումնասիրելու համար

73-ամյա Ժորայի ջերմոցում ոստիկանները հայտնաբերել են ավելի քան 12 կիլոգրամ կանեփ

ՀՀ և Վրաստանի վարչապետները Ենոքավանում ոչ ֆորմալ հանդիպում են ունեցել (լուսանկարներ)

Ստեփանծմինդա–Լարս ավտոճանապարհը փակ է տրանսպորտային բոլոր միջոցների համար

Վարչապետին է ներկայացվել Ենոքավանի զարգացման ռազմավարությունը. զբոսաշրջիկների թիվը կհասնի 250 հազարի

Այսօր ու առաջիկա օրերին սպասվում է ձյուն եւ անձրեւ, քամու ուժգնացում, ջերմաստիճանի անկում

Աննա Հակոբյանի պաշտոնական կայքէջը պատրաստ է, մարտի 26-ից կսկսի գործել

Մասիսում մեքենա է այրվել. 12-ամյա երեխան այրվածքներով հոսպիտալացվել է ծայրահեղ ծանր վիճակում

Լոռու կրակոցները տեղի էին ունեցել Շիրակամուտի դաշտում. ոստիկանությունը փնտրում է դեպքի մասնակիցներին

Հայկական կողմն ինտենսիվ աշխատում է Կարեն Ղազարյանին վերադարձնելու ուղղությամբ. նախարարը՝ գերեվարվածի հորը

Հանրապետության մի շարք ավտոճանապարհներին ձյուն է տեղում, Աշոցքում բուք է

Զինծառայողները մասնակցել են համապետական շաբաթօրյակին ու ծառատունկին (լուսանկարներ)

Նորատուս գյուղի ռեստորանային համալիրի շոգեբաղնիքում հրդեհ է բռնկվել

Հայաստանի ֆուտբոլի հավաքականը պարտվեց Եվրո 2020-ի ընտրական 1-ին խաղում

Կրակոցներ Լոռու մարզում. 3 հոգի հիվանդանոցում են, այդ թվում՝ նախկին ու ներկա գյուղապետերը

Փոցխ ու ձեռնոց նաեւ ԵՄ դեսպանին. Պյոտր Սվիտալսկին Գյումրիում միացել YIC-ի շաբաթօրյակին