Գյումրիի արյունոտ լուսաբացը. լրացավ Ավետիսյանների սպանդի 4-րդ տարին

4 տարի առաջ, 2015 թվականի նոր տարվա առաջին ամիսը Գյումրիում վատ իրադարձության սպասելիքով էր մեկնարկել: Սուրբ ծննդից երկու օր հետո՝ հունվարի 8-ի առավոտյան անսպասելիորեն շուռ էր եկել քաղաքի գլխավոր հսկա տոնածառը: Կոտրվել էր 24 մ բարձրություն եւ 10 մ լայնություն ունեցող երկաթե հիմնաձողը, եւ բարեբախտություն էր միայն այն, որ որեւէ մեկը դեպքի հետեւանքով չէր տուժել, քանի որ հենց տոնածառի տակ՝ քարե գորգի վրա մանկական տարբեր ատրակցիոններ, խաղեր եւ տոնական փոքրիկ առեւտրի սեղանիկներ էին տեղադրված: Նրանք, ովքեր ասում էին՝ սա վատ նշան է, պարսավանքի էին արժանանում: Ասում էին՝ սնահավատներին պետք չէ լսել: Բայց գրեթե բոլորը ներքուստ անհանգիստ էին:4 օր անց՝ հունվարի 12-ին, Գյումրին հերթական, այս անգամ՝ արդեն ողբերգական ցնցումն ապրեց: Բարի լույսի փոխարեն քաղաքում կայծակնային արագությամբ տարածվեց Ավետիսյան ընտանիքի առանձնակի դաժանությամբ սպանդի ենթարկվելու լուրը: Մարդիկ սկզբում չհավատացին, կարճ ժամանակ անց Մյասնիկյան 188 հասցեն դարձավ հայտնի ամբողջ հանրապետությունում:Այդ հասցեի մի փոքրիկ տանն էր տեղի ունեցել անմարդկային ոճիրը: Իրենց խաղաղ անկյունում, քնած ժամանակ սպանվել էին Հասմիկ, Սերյոժա, Աիդա, Արաքսյա, Արմեն Ավետիսյաններն ու Արաքսիայի եւ Արմենի մանկահասակ երեխաները՝ 2-ամյա Հասմիկն ու 6 ամսական Սերյոժան:Վերջինս ընտանիքի միակ անդամն էր, որը սվին դանակով վիրավորումներ ստացած էր հայտնավբերվել, սկզբում տեղափոխվել էր Գյումրու Ավստրիական մանկական հիվանդանոց, այնուհետ՝ Երեւանի «Սուրբ Աստվածամայր» բժշկական կենտրոն, որտեղ երեխայի կյանքը փրկել չէր հաջողվել: Ավետիսյանների ընտանիքի մյուս անդամները սպանվել էին հրազենից արձակված կրակոցներից: Պաշտոնական մեղադրանքի համաձայն՝ ոճիրն իրականացրել էր Գյումրիում տեղակայված ՌԴ 102-րդ ռազմաբազայի ժամկետային զինծառայող Վալերի Պավելի Պերմյակովը, ում նկատմամբ էլ քրեական գործ հարուցվեց: Վալերի Պերմյակովը մեղադրվեց ՀՀ օրենսգրքի 104 հոդվածի 2-րդ մասի 1-ին, 5-րդ, 8-րդ կետերով (նախատեսում է ցմահ ազատազրկում), 175-րդ հոդվածի 2-րդ մասի 3-րդ, 4-րդ կետերով (ազատազրկում 10 տարի ժամկետով) եւ 34-329 հոդվածի 1-ին մասով (ազատազրկում 2 տարի ժամկետով): Դատարանը չանդրադարձավ Վալերի Պերմյակովի պատժի կրման վայրին: 9 ամիս տեւած դատավարությունը, սակայն, գյումրեցիներն ու Ավետիսյանների հարազատները համարեցին ձեւական, քանի որ մինչ օրս էլ որեւէ մեկը չի հավատում Պերմյակովի կողմից այդ սպանդի իրականացմանը: Գյումրիում դեռ բազմաթիվ ինչուներ են օդում կախված մնացել:

Այսօր՝ 2019 թվականի հունվարի 12-ին, լրանում է ոճրի 4-րդ տարին: Գյումրիում կեսօրին բողոքի մեծ ակցիա է անցկացվելու ՌԴ 102-րդ ռազմաբազայի զորամասերից մեկի մոտ, որը գտնվում է Շիրակացի փողոցում: Այսօր նաեւ լրանում է ռուս զինվորականի ծեծի հետեւանքով մահացած գյումրեցի Ջուլիետա Ղազարյանի մահվան 40-րդ օրը: Գյումրին այսօր բողոքելու է ռուս զինվորականների սանձարձակության, անվերահսկելիության դեմ եւ պահանջներ է ներկայացնելու ինչպես ՀՀ, այնպես էլ ՌԴ իշխանություններին:

Տպել
1430 դիտում

Այս տարի ավելի շատ զբոսաշրջիկ է ժամանել Հայաստան՝ նախորդ տարվա համեմատ. վարչապետ

Արդարադատության նախարարը պատրաստ է ցանկացած լրագրողի հետ այցելել հիվանդանոց, անցնել հետազոտություն

«Միսս տիեզերք Արմենիայի» ու «Միսս աշխարհ Արմենիայի» մասնակիցների սոցցանցի չատում վեճեր չկան

2019 թ. հունվար-մայիսին ՀՀ ներմուծված մարդասիրական օգնության աճի տեմպը նախորդ տարվա համեմատ նվազել է 46,4 %-ով

Հայաստանի ճանաչելիությունը գնալով բարձրացել է, մենք միջազգային խաղացող ենք դարձել. Մեխակ Ապրեսյան

Սևանա լճում ավարտված է ջրիմուռների աճման շրջանը, ջուրն ինքնամաքրվում է

Բակո Սահակյանն այցելել է «Կարկառ» զբոսաշրջային հանգստյան համալիր

Եթե հարցեր լինեն Սերժ Սարգսյանին, կդիմենք, որ ինքն էլ պատասխանի. Անդրանիկ Քոչարյան

Հայաստանը չի կարող հրաժարվել պատժամիջոցների տակ հայտնված Իրանից գազ գնելուց. Արարատ Միրզոյանը՝ ԱՄՆ-ում

Հայաստան-Սփյուռք կապերը պետք է էլ ավելի ճկուն ու դինամիկ դարձնել. վարչապետ

Օհանյանին ու Բաբաջանյանին ես էի հրավիրել աշխատանքի, երբ սոցապի պետն էի. ԱԺ պատգամավորը գոհ է եղել աշխատակիցներից

Խնդիրը 3 միլիարդ դրամի ծախս է պահանջում. վարչապետն անդրադարձել է աղետի գոտու բնակարանային խնդիրների լուծմանը (տեսանյութ)

Ինչո՞ւ են ՔԿ-ի քննիչները և փորձագետներն Ամուլսարի հանքավայր այցելել «Լիդիան Արմենիա»-ի մեքենաներով. պարզաբանում

«Սիգ» ձկնատեսակի որսի արգելված լինելու պայմաններում 44 000 կգ սիգի իրացման փաստեր են պարզվել. հարուցվել է քրգործ

Արարատի մարզի Բուրաստան համայնքի տարածքում տեղադրվել է լուսանկարահանող արագաչափ. ոստիկանությունը զգուշացնում է

Հեռացող Տուսկի այցը. ԵՄ-ն աջակցո՞ւմ է Ադրբեջանի տարածքային ամբողջականությանը

Արարատ Միրզոյանը Atlantic Council-ում ներկայացրել է Հայաստանում սպասվող դատական համակարգի բարեփոխումները

Տիգրան Պասկեւիչյանն ազատվել է ՀՌՀ խորհրդի նախագահի խորհրդականի պաշտոնից

Հայաստանը 114-րդ հորիզոնականում է. հրապարակվել է ամենաթանկ ու էժան երկրների վարկանշային աղյուսակը

Եվրո 2020-ի դեսպան Նունու Գոմեշը, «Ռեալից» ու այլ հայտնի թիմերից մի շարք սկաուտներ Հայաստանում են