Երեւանում կկառուցվի մետրոյի 2 կայարան եւ ճոպանուղի. քննարկումներ՝ իտալական եւ շվեյցարական կազմակերպությունների հետ

Երեւանի մետրոյի կայարաններն առաջիկայում կհամալրվեն երկու կայարանով: Բացի այդ նախատեսվում է մայրաքաղաքում կառուցել ու շահագործել ճոպանուղի:

Այս թեմաներին այսօր անդրադարձավ Երեւանի գլխավոր ճարտարապետ Արթուր Մեսչյանը՝ ամփոփելով պաշտոնավարման 100 օրը:

Մետրոյի նոր կայարանները գործելու են Աջափնյակ վարչական շրջանում:

«Մենք չենք ուզում տարածվել եւ ապագա զարգացման տենդենցի մեջ նայել այս խնդիրը, որովհետեւ ֆինանսական բավականին մեծ ծախսեր են կապված այդ կառույցի հետ, մենք ուզում ենք սահմանափակվել ամենաստրատեգիական գծով՝ քաղաքը կապենք Աջափնյակի հետ: Հետագայում դա կշարունակվի դեպի Դավթաշեն, բայց դա կլինի մի փոքր հետո»,- ասաց նա։

Ինչ վերաբերում է ճոպանուղուն, նախատեսվում է, դա Նոր Նորք վարչական շրջանը կապելու է Կենտրոնին: Գլխավոր ճարտարապետը կարծում է, որ ճոպանուղին իրագործելը հնարավոր կլինի ավելի կարճ ժամկետներում, որովհետեւ պահանջվող ֆինանսական ներդրումն էլ համեմատաբար համեստ է: Բայց թե հատկապես որքան, Մեսչյանը դեռ չի մանրամասնում:

«Ճոպանուղին, ինչպես գիտենք, լինում է երկու տիպի, մեկը ռեկրեացիոն, որն աշխատում է գլխավորապես զբոսաշրջիկների համար, մյուսը՝ կանոնավոր ուղեւորափոխադրումներ իրականցնելու համար: Բայց մենք ունենք ուրիշ պրոբլեմ. տրանսպորտային կոլապսը, որ կատարվում է Նորքից դեպի կենտրոն, վեց տեղանոց մոդուլներով մենք չենք կարող լուծել: Ուրեմն դա պետք է լինի առնվազն 12 տեղանոց: Եվ դրանք չպետք է լինեն ընդամենը երկուսը՝ տարբեր ուղղություններով շարժվող: Ճոպանուղին բազմամոդուլ պետք է լինի, որպեսզի աշխատի որպես տրանսպորտ: Դա, իհարկե, բերում է որոշակի թանկություն, բերում է որոշակի տեխնիկական բարդություններ, բայց այլ տարբերակ չկա»,- ասաց Արթուր Մեսչյանը:

Նա ընդգծեց, որ Երեւանում երբեւիցե հնարավոր չի լինելու Նոր Նորքն ապահովել մետրոյով, եթե անգամ ֆինանսական շատ մեծ միջոցներ ստեղծվեն, հետեւաբար տրանսպորտային խնդիրը ինչ-որ չափով լուծելու միակ տարբերակը մնում է ճոպանուղին:

Գլխավոր ճարտարապետը տեղեկացրեց, որ այժմ քննարկումներ են անցկացվում իտալական եւ շվեյցարական երկու կազմակերպությունների հետ: Ավելի վաղ էլ երկու այլ կազմակերպությունների հետ քննարկումներ էին իրականացրել նախորդ իշխանությունները: Արթուր Մեսչյանը հույս հայտնեց, որ լրագրղների հետ հաջորդ հանդիպման ժամանակ արդեն կկարողանա այս ծրագրի վերաբերյալ մանրամասներ ներկայացնել:

Տպել
9409 դիտում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)