«Շալախո չի պարե, բայց սիրուն ձեն գուկա». Սամվել Բալասանյանն ընդունել է Ժոնաթան Լաքոտին

Ճանաչողական առաջին այցով Գյումրի այցելած ՀՀ-ում Ֆրանսիայի արտակարգ եւ լիազոր դեսպան Ժոնաթան Լաքոտը Գյումրու քաղաքապետ Սամվել Բալասանյանին ողջունեց հայերենով: Շնորհակալություն հայտնեց ընդունելության համար եւ տեղեկացրեց, որ սա իր առաջին պաշտոնական այցն է, սակայն Գյումրիում երկրորդ անգամ է:

«Դեկտեմբերի 7-ին այստեղ էի, 88-ի երկրաշարժի 30-րդ տարելիցի օրը: Իսկ սա առաջին  պաշտոնական այցս է: Նպատակ ունեմ ավելի հաճախակի այստեղ գալ: Տեսնում եմ, որ Գյումրին Հայաստանի 2-րդ մայրաքաղաքն է, եւ պետք է Երեւանից դուրս ավելի շատ ժամանակ անցկացնել: Բայց 2018-ին երեւանցիները մեզ շատ զբաղեցրեցին: Եւ հեղափոխությունը, եւ ֆրանկոֆոնիայի գագաթաժողովը հնարավորություն չտվեցին Երեւանից դուրս գալու: Հիմա արդեն ձյուն գա, թե անձրեւ գա, թե քամի լինի, ես Գյումրի կգամ»:

Դեսպանը Գյումրիում էր կարեւոր առաքելությամբ: Մարտի 21-ից 4 օր շարունակ քաղաքի ռեստորաններն ու հյուրանոցներն առաջարկելու են ֆրանսիական մենյու: Մարտի 21-ն աշխարհում նշվում է որպես ֆրանսիական գաստրոնոմիայի օր եւ այդ նույն միջոցառումն անցկացվում է նաեւ աշխարհի տարբեր երկրներում: Հայաստանում այն առաջին անգամ Երեւանում է անցկացվել, 2018 թվականին:

«Այդ օրերին Գյումրին կլինի այն միակ վայրը, որտեղ կկարողանան համտեսել ֆրանսիական կերակուր: Օգտագործելով այս առիթը՝ մենք նպատակ ունենք տարբեր ոլորտների մարդկանց միջեւ հաղորդակցման հարթակ ստեղծել: Այս ծրագրին կարող են միանալ բոլոր մեծ ու փոքր ռեստորանները: Ես մինչեւ մարտի 21-ն անընդհատ գալու եմ Գյումրի, որպեսզի հստակեցնենք մասնակիցներին եւ ձեւաչափը: Սա նաեւ ինձ համար ճանապարհային նոր քարտեզ ունենալու հնարավորություն կլինի: Այսօր ինձ հետ նաեւ իմ խոհարարին եմ բերել»,-ՀԺ-ի հետ զրույցում ասաց դեսպանը:Քաղաքապետ Սամվել Բալասանյանը Ժոնաթան Լաքոտին տեղյակ պահեց, որ Գյումրիում մեծ խնդիր է  ծագել կապված «Վեոլիա ջուր» ընկերության հետ: Գյումրու ջրագծերի եւ կոյուղատար համակարգի փոխման համար ընկերությանը KFW բանկը գումար չի հատկացնում:«Զարմանալի է, իրենք ասում են, որ ֆինանսի հետ կապված խնդիր է, ինչ-որ քաղաքական խնդիր է: Մենք Անի թաղամասում պետք է ջրամատակարարում եւ ջրահեռացում անցկացնենք վերջնական, որպեսզի կարողանանք ասֆալտապատման աշխատանքները սկսել: Այդ գումարը իրենց հատկացնում էր KFW գերմանական բանկը: Իսկ մենք ծրագիր ենք անում ՎԶԵԲ-ի հետ: Ես կուզենայի, հնարավորության դեպքում էս հարցին ուշադրություն դարձնեիք, եթե իրականում ինչ-որ քաղաքական խնդիր կա, հասկանայիք: Ճիշտն ասած, ինձ համար անհասկանալի բան են ասում, ասում են իբր գերմանական բանկը չի ֆինանսավորում մինչեւ հիմա: Բայց տրամաբանական չէ սա, որովհետեւ արդեն ծրագրի երրորդ փուլն է, եւ մենք պետք է դա շատ արագ հստակեցնենք, որ կարողանանք ասֆալտապատումն արագ սկսել էդ թաղամասում: Էդ ի միջիայլոց ասեցի, եթե ցանկություն կունենաք ասելու, ասեք, եթե չէ, պարզ է, ես կպայքարեմ քաղաքի համար, էնպես չէ, որ չեմ պայքարի»,-դեսպանին ասաց Սամվել Բալասանյանն ու նրան մուշուրբա, մյուս հյուրերին նաեւ «Գյումրի» վերնագրված գրքեր նվիրեց: Նաեւ բացատրեց, որ ջուրը լցնել, խմելիս, բաժակը երգում է: Դեսպանը տեղում մուշուրբան փորձարկեց:«Իհարկե շալախո չի պարե, բայց սիրուն ձեն գուկա»,-կատակեց Սամվել Բալասանյանը:

Տպել
644 դիտում

Հայաստանի ամենամեծ գյուղում գյուղատնտեսությունը եկամտաբեր չեն համարում (լուսանկարներ)

«Հայաստանի փոքրիկ երգիչներ» ՀՈԱԿ-ն անհասցե է. քաղաքապետարանը պնդում է, որ իրավական որեւէ պարտավորություն չունեն

Ապօրինի հատված ծառերը տարեկան մոտ 40 մլն դոլարի չափով եկամուտ են ապահովում

Կարող եմ ասել, որ որեւէ մտահոգիչ բան այս պահի դրությամբ չունենք. նախարարը շաբաթ օրը կլողա Սեւանա լճում

Հայաստանում ՈՒԵՖԱ-ի 4-րդ կարգի մարզադաշտ է կառուցվելու. Գևորգ Լոռեցյան (տեսանյութ)

Եթե Դատավորների ընդհանուր ժողով չի եղել, պատերի տակ պիտի երդվեի՞. Նախշուն Տավարացյան

Ոստիկանությունն ունի օպերատիվ տվյալներ, թե ովքեր են վառելափայտի բիզնեսների ղեկավարները. փոխոստիկանապետ

Կիպրոսում «Մելքոնյան Վարժարանը» պետք է վերաբացվի. Եվրոպայի հայերի համագումար

Մոտ 12մլն դրամ. Արմավիրի մարզում ավարտված կոռուպցիոն գործերով 63 տոկոսով ավելի շատ վնաս է վերականգնվել, քան 2018թ-ին

Վրացական «Ռուսթավի 2» հեռուստաընկերությունը կվերադարձվի նախկին սեփանականտիրոջը. ՄԻԵԴ-ը խախտում չի արձանագրել

Սեպտեմբերի 1-ից Հայաստանի երիտասարդական հիմնադրամը կլուծարվի

Հայաստանը հուսով է ՄԱԶԾ-ից լրացուցիչ աջակցություն ստանալ. Տիգրան Ավինյանը՝ ՄԱԿ-ի զարգացման ծրագրի կառավարչին

Եվրո 2019. ՀՀ հավաքականը տեղավորվեց խմբի վերջին տեղում

Մեկնարկել է Երևան-Սևան-Իջևան-հայ-ադրբեջանական սահման ավտոճանապարհի նորոգումը

Չեմ կարծում, որ Իրանի դեմ կա մոտալուտ պատերազմի վտանգ. ԱՄՆ-ի պաշտպանության նախարարի թեկնածու

Տեսչական մարմինների ղեկավարների 16 տեղակալներ չեն ունենալու ծառայողական ավտոմեքենաներ

Ճանաչելիության բարձրացում և ենթակառուցվածքների զարգացում․ գործադիրը գումար հատկացրեց զբոսաշրջության զարգացմանը

Հանկարծ չստացվի, որ մենք չուզողություն ենք անում, ջուրն անվճար չենք տալիս. վարչապետ

Իջեւանում քաղաքացիները մետաղյա ձողերով ու քարերով հարվածներ են հասցրել ոստիկաններին․ Օսիպյանը մանրամասներ է ներկայացնում

Սեւանում քաղաքացիները կարող են լողալ, բայց պետք է մաքուր պահեն շրջակայքը. վարչապետ