Բերդի բժշկական կենտրոնի աշխատակիցները գործադուլ են անում. հրաժարվել են ընդունել տնօրենի ԺՊ-ին

Բերդի բժշկական կենտրոնի բուժաշխատողները այսօր գործադուլ են հայտարարել: Նրանք հրաժարվում են ընդունել օրեր առաջ տնօրենի ժամանակավոր պաշտոնակատար նշանակված Համլետ Ադամյանին: Ասում են, որ ժամանակին աշխատել են միասին եւ լավ են ճանաչում, հետեւաբար վստահ չեն, որ արդեն շեն հաստատությունը նահանջ չի ապրելու:

Բուժհիմնարկը նախորդ տարվա ապրիլից գտնվում է Պաշտպանության նախարարության ենթակայության տակ: Ինչպես մեզ հայտնեցին բուժաշխատողները, այդ ժամանակ էլ ԲԿ-ն իրավաբանորեն միավորվել է Բերդի զինվորական հոսպիտալի հետ, իսկ հիմա նախատեսվում է դա իրագործել նաեւ փաստացի: Ու որպես առաջին քայլ՝ աշխատանքից ազատվել է նախկին տնօրենը:

Պաշտպանության նախարարության ներկայացուցիչն այսօր փորձել է աշխատակազմին ներկայացնել նորանշանակ տնօրենի պաշտոնակատարին: Բայց դա անել չի հաջողվել, որովհետեւ գրեթե ամբողջ բուժանձնակազմը առավոտյան չի գնացել աշխատանքի: Հիվանդանոցում եղել են միայն հերթապահ բժիշկը եւ բուժքույրերը: Գործադուլի ընթացքում աշխատում է միայն անհետաձգելի ծառայություն շտապ օգնությունը: Անհրաժեշտության դեպքում բուժօգնություն կազմակերպվում է նաեւ տանը՝ գիտակցելով, որ Բերդում, ի տարբերություն, օրինակ Երեւանի, չկա երկրորդ հիվանդանոց, որտեղ կարող են դիմել հրատապ բուժօգնության կարիք ունեցող մարդիկ: Բերդի բժշկական կենտրոնը սպասարկում է 16 համայնք:

Բերդի բուժանձնակազմը համախմբված է եղել նախկին տնօրեն Արմեն Մարդանյանի շուրջը եւ կցանկանար, որ նա շարունակեր պաշտոնավարումը, քանի որ նրա օրոք ունեցած ձեռքբերումները երկար են թվարկում: Բայց եթե անգամ դա հնարավոր չէ, գտնում են, որ որպես տնօրենի պաշտոնակատար պետք է նշանակել աշխատակազմից որեւէ մեկին: Պաշտպանության նախարարությունն Արմեն Մարդանյանի պաշտոնավարման անհնարինությունը պայմանավորել է նրա՝ պայմանագրային զինվորական բժիշկ լինելու հանգամանքով:

Մինչեւ այս գործադուլը, բուժանձնակազմի գերակշիռ մեծամասնությունը՝ 110 հոգուց 91-ը, նամակով դիմել է վարչապետ Նիկոլ Փաշինայնին: Նրանք վստահ են, որ գրությունը դեռ հասցեատիրոջը չհասած՝ իրենց փաստի առաջ են կանգնեցրել: «2017թ. հուլիսին Բերդի բժշակական կենտրոնի տնօրեն է նշանակվել Արմեն Սամվելի Մարդանյանը: Ընդունման պահին ԲԿ-ում առկա էր մասնագետների խիստ պակաս: Մասնավորապես առկա էր թերապեւտիկ բաժանմունք՝ առանց թերապեւտի, վիրաբուժական բաժանմունք՝ առանց վիրաբույժի: Կարելի է ասել՝ հիվանդանոցի հենքը կազմող երկու մեծ բաժանմունքների աշխատանքները պարալիզացված էին: Բուժկենտրոնն ուներ շուրջ տասը միլիոն ՀՀ դրամ պարտք: Ա. Մարդանյանի նշանակումից հետո մեկ տարվա ընթացքում բուժկենտրոնը համալրվեց 7 բժիշկ մասնագետներով (2 վիրաբույժ, 1 վիրահատող քիթ-կոկորդ-ականջաբան, 1 գինեկոլոգ, 1 թերապեւտ, 1 սրտաբան, 1 տրավմատոլոգ): Կոլեկտիվի անձնվեր աշխատանքի ընթացքում մեկ տարում մարվեցին բոլոր ֆինանսական պարտավորությունները, ութ տարի դադարից հետո վերսկսվեց եւ մեկուկես տարվա ընթացքում բուժկենտրոնում կատարվեց շուրջ 240 վիրահատություն: Վերականգնվեց ազգաբնակչության վստահությունը բուժկենտրոնի նկատմամբ»,- մասնավորպես ասվում է վարչապետին ուղղված նամակում՝ շարունակելով ձեռբերումների երկար շարքը: Ի դեպ, նախորդ տարվա սեպտեմբերին առողաջապահության նախարար Արսեն Թորոսյանն այցելել էր Բերդի բժշկական կենտրոն եւ դրա աշխատանքն ընդհանուր առմամբ գնահատել գերազանց:

«Մենք չենք անձնավորում խնդիրը, մենք ուզում ենք ուղղակի, որ կոլեկտիվը չքայքայվի, չպառակտվի, մեր ստեղծածը մնա: Բժշկական կենտրոնը միացվել է հոսպիտալին, Պաշտպանության նախարությունը խոստանում էր, որ մեզ աջակցելու է, բայց նույնիսկ մեկ կադրով նրանք մեզ չեն աջակցել: Մենք մեր ուժերով՝ Մարդանյանը իր անձնական կապերով, մյուսը իր գիտելիքներով, ամեն ինչը ներ ենք դրել, որպեսզի օգնեք մեր ժողովրդին: Մի քիչ ծիծաղելի է հնչում այս պայմաններում, բայց իրոք այդպես է: Ու այսօր կանգնում են լավ աշխատող հիմնարկը, աշխատող կոլեկտիվ, քանդում են կամայականորեն, որովհետեւ լսում են մի կողմին»,- ասում էին մեր զրուցակիցները: Ավելացնում, որ իրենց մեղադրում են հոսպիտալի աշխատանքները կազմաքանդելու, եւ պացիենտներին իրենց կողմը գրավելու համար:

Տեղեկացրին, որ մինչեւ գործադուլը ստացիոնար ծառայության բոլոր բժիշկները՝ շուրջ տասը հոգի, Մարդանյանի հետ միաժամանակ աշխատանքից ազատման դիմում են գրել: Հետագայում որոշել են, որ ավելի ճիշտ է ոչ թե իրենք հեռանան, այլ չընդունեն Համլետ Ադամյանին: Այսօր Բժշկական կենտրոն այցելած ՊՆ ներկայացուցիչն ասել է, որ բոլոր դիմումներն առանձին կքննվեն ու դրանց հեղինակները կենթարկվեն պատասխանատվության:

Գործադուլ հայտարարած բուժաշխատողները, բացի տնօրենի ԺՊ-ից, դեմ են նաեւ ԲԿ-ն հոսպիտալի հետ միավորելու որոշմանը: Ասում են՝ իրենց խոստացվել է, որ միավորման արդյունքում աշխատավարձի բարձրացում է լինելու եւ ոչ ոք գործազուրկ չի դառնա, բայց նրանք թերահավատ են:

Տպել
10914 դիտում

Հայ-վրացական սահմանին տեղի է ունեցել Նիկոլ Փաշինյանի և Իրակլի Ղարիբաշվիլիի առանձնազրույցը (լուսանկարներ)

Արդարադատության փոխնախարարն այցելել է «Աբովյան» ՔԿՀ, որտեղ ընթանում են վերանորոգման աշխատանքներ

Վարչապետը ծանոթացել է Բագրատաշենի մաքսակետի գործունեությանն ու նախատեսվող բարեփոխումներին

Ներկայիս բարդագույն մարտահրավերների պայմաններում ակնառու աճ է արձանագրվել հայ-վրացական հարաբերություններում. Փաշինյան

Քննարկվում է «Սուրմալուի» պայթյունից զոհվածների ընտանիքներին եւ տուժածներին աջակցության տրամադրելու հարցը

Իսակովի պողոտայի բնակարաններից մեկում տեղի է ունեցել գազի բալոնից արտահոսք՝ հրդեհի բռնկմամբ

Տրակտորավարն ընկել է տրակտորի տակ ու մահացել

Քննարկվել է Սևանա լճում կողակ ձկնատեսակի վերականգնման գործընթացը

Օգոստոսի 1-12-ը իրականացված ԲԸՏՄ ստուգումների արդյունքում արձանագրվել է 32 դեպք

Վրաստանում 3,6 մագնիտուդով երկրաշարժ Է տեղի ունեցել

Մենք հրաժարվել ենք անբավարար գնահատման շեմից. Ժաննա Անդրեասյան

Գնել Սանոսյանը ծանոթացել է Տաթև-Լծեն և Լծեն-Շամբ ճանապարհահատվածների շինարարության ընթացքին

Տավուշում արձանագրվել է շան կատաղություն հիվանդության դեպք. գյուղացիներից մեկի շունը կծել է մեկ այլ համագյուղացու

Հանրապետությունում օդի ջերմաստիճանն աստիճանաբար կնվազի 2-3 աստիճանով

Այսուհետ IDBank-ի միջոցով վճարելիս Հարկադիր կատարումն ապահովող ծառայության ապաարգելադրումը կկատարվի ավտոմատ

Հայաստանի ու Վրաստանի վարչապետները այսօր կհանդիպեն հայ-վրացական սահմանին

«Երևանի օրեր՝ Գյումրիում» միջոցառումը տեղափոխվում է սեպտեմբերի 2-ին և 3-ին

Ազատ ոճային ըմբիշները 1 արծաթե և 1 բրոնզե մեդալ են նվաճել Մ20 տարեկանների աշխարհի առաջնությունում

Բարդ է անհետ կորածի մարմինը հայտնաբերելը, նա պատահարի էպիկենտրոնում է եղել. ՓԾ տնօրեն

Տիգրան Մեծ փողոցում գտնվող հանրային սննդի օբյեկտի գործունեությունը կասեցվել է

«Սուրմալու» առևտրի կենտրոնում որոնողական աշխատանքները շարունակվում են. անհետ կորած է համարվում երկու քաղաքացի

ՌԴ ԱԻ նախարարը ցավակցություն է հայտնել Երևանին «Սումալու» առևտրի կենտրոնում տեղի ունեցած պայթյունի կապակցությամբ

Հայաստանի և Արգենտինայի արտաքին գերատեսչությունների միջև քաղաքական խորհրդակցությունների հերթական փուլն է սկսվել

ՊՎԾ-ն տվյալներ ունի քաղաքապետարանի պաշտոնատար անձանց կողմից օրենքի խախտումներով համայնքային հողատարածքների օտարման մասին

Երևանի մետրոպոլիտենի տնօրենի պաշտոնակատարն ազատվել է պաշտոնից․ ով է նրան փոխարինում

Արցախի ԱԽ քարտուղարը դիմել է ռուս խաղաղապահ զորակազմին

Հայաստանում մեկնարկում է սիրողական որսաշրջանը. ՇՄ նախարարությունը հրապարակել է որսի ենթակա կենդանիների ցանկը

Հրազդանի մի շարք փողոցներում այսօր 8 ժամ գազ չի լինի

Գործազուրկ, այդ թվում՝ նպաստառու քաղաքացիներին աշխատանքի ընդունելու դեպքում գործատուները կխրախուսվեն

Ողբերգական դեպք Գեղարքունիքի մարզում. Գետիկի գյուղապետարանի մոտ՝ տրակտորի տակ, հայտնաբերվել է տղամարդու դի

Գյումրիում ահաբեկչության մասին կեղծ ահազանգ հնչեցրած անձը կալանավորվել է. դատախազություն

Երևանի և 9 մարզերի բազմաթիվ հասցեներում այսօր սպասվում են հոսանքազրկումներ

Կարմիր նախազգուշացում Ադրբեջանին. Ցեղասպանության կանխարգելման Լեմկինի ինստիտուտի հայտարարությունը

Երևանի որոշ հասցեներում մի քանի ժամով ջրանջատում կլինի

Թումանյան փողոցի բնակարաններից մեկում հրդեհ է բռնկվել

Երեք օրում ԱԻՆ-ը ստացել է հինգ ահազանգ. որ համայնքներում են օձեր հայտնաբերվել

Մարտաֆիլմ հիշեցնող կրակոցներ Էջմիածնում․ վիրավոր վարորդը մեքենան վարել է դեպի հիվանդանոց ու վթարվել, կա զոհ

Մեր ծնողները գնացել են շուկաներ, հիմա էլ պետք է այդպես լինի. ավագանու անդամները՝ փողոցային առևտուրը արգելելու մասին

Չենք խնայել ու չենք խնայի մեր ուժերը ամեն ինչ անելու և Վանիկ Ամիրխանյանին հայտնաբերելու համար․ ԱԻ նախարար

Եթե ահազանգը ՀՀ տարածքից է՝ արագ բացահայտվում է, եթե էլեկտրոնային է և ենթադրաբար այլ երկրից, որոշակի դժվարություններ կան