Ոչ ոք ինձ չի կարող ասել՝ այդ նախագիծը մի դիր շրջանառության մեջ. իմ խիղճը կարող է տանջել. Թովմասյան

Արցախի ազգային ժողովում ամենամեծ`«Հայրենիք» խմբակցության ղեկավար Արթուր Թովմասյանը դեռեւս 2018 թվականի սեպտեմբերին ՀԺ-ի հետ զրույցում նշել էր, որ պատրաստվում է հանդես գալ օրենսդրական նախաձեռնությամբ եւ առաջարկել, որ «Արցախի հերոս» կոչումն այսուհետեւ շնորհվի միայն հետմահու: Սակայն Թովմասյանն այժմ մտափոխվել է:

- Պարոն Թովմասյան, ո՞րն է պատճառը, որ դեռես հանդես չեք եկել «Արցախի հերոս» կոչումը հետմահու շնորհելու օրենսդրական նախաձեռնությամբ:

- Քանի որ «Արցախի հերոս»-ը տրամադրվում է ոչ միայն ռազմական գործիչներին, այլեւ քաղաքական, հասարակական գործիչներին: Կարող են նաեւ մեծ բարերաները դառնալ «Արցախի հերոս»: Իմ կարծիքով՝ կան այդպիսի կենդանի հերոսներ, ասենք, օրինակ, Սամվել Կարապետյանը (Տաշիր), ով իր ներդրումների չափով մեծ գործ է կատարել Արցախում, Վարդան Սրմաքեշը:

Ուղղակի բարոյական հարց ինձ մոտ առաջացավ: Կարծում եմ, որ Հայաստանում էլ կան ՀՀ հերոսներ` Քըրք Քըրքորյան, Էդուարդո Էռնեկյան, ովքեր ներդրումներ են արել եւ օրենքն էլ թույլ է տալիս այդ մարդկանց նաեւ իրենց կատարած գործերի համար կենդանության օրոք հերոսի կոչում շնորհել: Փաստորեն, ինչքան Արցախի ողջ հերոսներ ունենք, բացի Արկադի Տեր-Թադեւոսյանից (Կոմանդոս) բոլորին այս վերջին տարիներին ինչ-որ բան ասվել է:

Ես հունվարի 28-ին Եռաբլուրում էի եւ բազմաթիվ 1992-94 թթ. ազատամարտի մասնակիցների հանդիպեցի, որոնք կամ «Արցախի հերոս» են, առայժմ հարցաքննման չեն կանչվել, կամ «Մարտական խաչ» 1-ին աստիճան ունեն: Ինձ հարցեր էին տալիս, թե ինչպե՞ս կլինի, որ միայն հետմահու շնորհեն: Ասացի, որ եթե որեւէ մեկը ինչ-որ մի բան է արել, դա չի նսեմացնում 1992-94 թվականների ղարաբաղա-ադրբեջանական պատերազմում ձեր հաղթանակը, ոչ ՀՀ իշխանությունները տրամադրություն ունեն այդ հերոսամարտը նսեմացնելու, ոչ Արցախի իշխանությունները եւ ոչ էլ հայ ժողովուրդը:

Ադրբեջանի զինված ուժերում նույնպես խայտառակ երեւույթներ կան: Այնտեղ կան մարդիկ, ովքեր հերոսաբար են կռվել, մարդիկ էլ կան, որոնք շակալներ են` սպանել են քնած հայի, երեխաների, բայց պարտվել: Այնտեղ էլ է հիմա խնդիր առաջացել զոհված հերոսների եւ քնած ժամանակ մարդուն սպանած մարդկանց հետ կապված: Այդ մտավախությունից ելնելով՝ ես կարծում էի, որ հետմահու շնորհելն ավելի ճիշտ է:

- Հնարավոր չէ՞ օրինակ, որ Վարդան Սրմաքեշը կամ Սամվել Կարապետյանը հետագայում ինչ-որ բացասական քայլ անեն:

- Դա գիտակցաբար կլինի, թե ոչ գիտակցաբար` կենդանի մարդը ապահովագրված չէ սխալներ կատարելուց: Որեւէ մեկը չի կարող էլի ասել, որ մարդը հերոսի կոչում է ստանում եւ սկսում երկնային կյանքով ապրել, այդպես չի լինում:

- Փաստորեն, այլեւս այդ նախաձեռնությամբ հանդես չեք գալու:

- Այդ նախագիծը սեղանին դրված է: Ես ուզում եմ հավատացած լինեք, ոչ ոք ինձ չի կարող ասել՝ այդ նախագիծը մի դիր շրջանառության մեջ կամ դիր: Նորից եմ ասում` իմ խիղճը կարող է տանջել: Ես զգայուն մարդ եմ այս առումով: Բայց վերջին հաշվով Արցախի հերոս ոչ թե Արթուր Թովմասյանն է տալիս, այլ երկրի նախագահը եւ հանձնաժողով կա ստեղծված, որի մեջ ես չկամ: Ցանկացած երկրի հերոսի կոչում ստանալու դեպքում մեծ առաքելություն է դրվում տվյալ անձի վրա եւ նա այնպես պիտի ինտեգրվի հասարակության մեջ, այնպես պիտի ապրի, որ չկորցնի մարդկային դեմքը։

Տպել
1171 դիտում

Հսկվող այրում է իրականացվել Երեւանի մոտ 5,45 հեկտար տարածքում

Դասախոսների մրցույթին մասնակցելու համար ՀՊՏՀ է դիմել 450 մասնագետ. ռեկտորի ԺՊ դասախոսին թեժ մրցակցություն է սպասվում

Ճգնաժամ Սահմանադրական դատարանում. ինչպես է Վահե Գրիգորյանը ստանձնում Սահմանադրական դատարանի նախագահի լիազորությունները

Ռուստամ Բադասյանը «Կոնցեռն դիալոգ» փաստաբանական ընկերության բաժնետեր չէ. ՀՀ ԱՆ

Մեզ համար սպասելի չէր դատարանի՝ խորհրդակցական սենյակ հեռանալը. Երեւան քաղաքի դատախազ

Երևանի կենդանաբանական այգում 4 եվրոպական եւ 1 պտավոր եղջերու է ծնվել

Միջգերատեսչական հանձնաժողովը հաստատել է համայնքների 3 մլրդ դրամի սուբվենցիայի ծրագրային 52 հայտ

Թուրքիայում դատում են Հրանտ Դինքի որդուն. նրան սպառնում է մինչև 5 տարվա ազատազրկում

Որեւէ մեկը չհամարձակվի մի թթու խոսք ասել տուժողներին. Ռոբերտ Քոչարյանի պաշտպանը զգուշացրեց համակիրներին

Վաշինգտոնում մեկնարկել է Մնացականյան-Մամեդյարով հանդիպումը

Ոստիկանությունը Հրայր Թովմասյանին չպետք է թույլ տա վաղը մտնել դատարան. Ն. Բաղդասարյան

«Դիլիջան ՖԱ»-ի տերն ուզում է բյուջեն հասցնել 1 մլն դոլարի ու օգտագործել «Քրիստլ Փելըսի» իր կապերը

Մեքենաների կոտրված ապակիներ. ոստիկանները բացահայտել են գողություններ

«Կթողները» չկան, համազգային բյուջե ունենալու ժամանակն է

Փլուզում Վանաձոր քաղաքում. տուժածներ չկան

Արման Թաթոյանը Իրանի ՓԲ պատվիրակության հետ քննարկել է մարդու իրավունքների հետ կապված խնդիրները

ՊԵԿ-ը հրավիրում է շահագրգիռ անձանց ներկա գտնվել հարկային և մաքսային մարմինների բողոքարկման հանձնաժողովի նիստին

Անասնագոմում հիվանդ տղայի հետ ապրող ազատամարտիկի հոսանքն են հիմա էլ անջատել (լուսանկարներ)

Վարչապետ Փաշինյանը ԳԴՀ դեսպանի հետ քննարկել է Գերմանիայի կառավարության հետ համագործակցությունը

ՎՏԲ-Հայաստան Բանկն առաջարկում է քարտից քարտ փոխանցումներ կատարել մոբայլ և ինտերնետ բանկի միջոցով