Բժշկական կենտրոնի տնօրենն ու ակնաբույժը չլուծված հարցեր ունեն, արդյունքում տուժում է հիվանդը

Հրազդանի բժշկական կենտրոնի պացիենտներից ահազանգ ենք ստացել մեր խմբագրություն, որ իրենց ակնաբույժին զրկում են աշխատելու հնարավորությունից: Դա նշանակում է, որ բուժումը շարունակելու համար պետք է այլ բժիշկ փնտրեն, ինչն անել իրենք չեն ցանկանում: Ասվում էր, որ Նունե Գրիգորյանին այլեւս չի թույլատրվում տրամադրել ծառայությունների այն ծավալը, որը եղել է մինչեւ այժմ:

Երբ պատճառների մասին մանրամասներ հարցրինք բժշկուհուց, նա մի քանի խնդիր մատնանշեց, որոնք առաջ է քաշել բժշկական կենտրոնի ղեկավարը: Ըստ այդմ, տնօրենը հայտարարում է, որ ակնաբույժն այդտեղ կարող է միայն խորհրդատվություն իրականացնել եւ ոչ բուժել հիվանդին, մինչդեռ, ըստ Նունե Գրիգորյանի, դա այդպես չէ՝ համաձայն նախարարի հրամանով հաստատված չափորոշիչների (նշված փաստաթղթում մենք հարցի հստակ ու վերջնական պատասխանը չգտանք): Բացի այդ, ինքն էլ չի ուզում հրաժարվել մարդկանց բժշկելուց, որովհետեւ կարծում է, որ այդ դեպքում կզրոյանա որպես մասնագետ:

Նունե Գրիգորյանին, ինչպես նշեց, նաեւ մեղադրում են ստվերում աշխատելու եւ վճարովի ծառայությունների դիմաց ստացվող գումարները պաշտաճ կերպով դրամարկղ չմուծելու համար: Նա, ի դեպ, ակնաբուժական ծառայություններ է մատուցում իր սեփական՝ АМО-атос կոչվող սարքի  միջոցով: Դա նույնպես, ըստ մեր զրուցակցի, հայտարարվում է անօրինական:   

«Պատճառաբանում է, որ ես չեմ ցանկանում մտնել օրինական դաշտ, իսկ ես այդ դաշտից դուրս երբեւիցե չեմ եղել: Նոր ժամանակների լոզունգներով իրեն ծածկում է. Հանրապետականի ժամանակ Հանրապետականի լոզունգներն էր արտասանում, ակտիվ Հանրապետական էր, «Բարգավաճն» է իրեն նշանակել, ակտիվ բարգավաճական էր, հիմա էլ շատ արագ՝ մի շաբաթում ուսադիրները փոխվեցին»,- ասում է Նունե Գրիգորյանը: Նաեւ նկատում, որ մշտապես ինքը դրամակղ է վճարել շատ ավելի մեծ գումար, քան դա արել են բժշկական կենտրոնում աշխատող մյուս ակնաբույժները միասին վերցրած: «Բժշկական կենտրոնի տնօրենն ինձ ասում է, որ դու ոչ մի բան չես անի այստեղ: Մարզպետարանում ասում է, որ ինքը չի ուզում մտնել օրինական դաշտ, հիվանդներին ասում է 5 րոպեի մեջ տասը բան: Մեկ ասում է՝ ինքը շատ լավ բժշկուհի է, մեկ ասում է՝ բազմաթիվ մարդկանց աչքեր «վարի է տվել»»,- ասաց ակնաբույժը: Նա համոզված է, որ տնօրենի իրական նպատակը հիվանդանոցից իր հեռանալն է: Իսկ թե ինչ պատճառով, կարող է միայն ենթադրել:

Հրազդանի բժշկական կենտրոնի տնօրեն Լիլիա Կարապետյանը, մեկնաբանելով տեղի ունեցողը, ասաց, որ մինչեւ այդ պաշտոնում իր նշանակվելը Նունե Գրիգորյանը պայմանագիր էր կնքել նախկին տնօրենի հետ՝ իր անձնական սարքով վճարովի ծառայություններ մատուցելու վերաբերյալ: «Այսինքն՝ այդ սարքով ինքը իրավունք չունի պետպատվեր իրականացնել, քանի որ դա պետպատվերի գործառույթ չէ: Նախկին մարզպետի օրոք տվյալ վճարովի ծառայությունների դիմաց վճարի չափ է սահմանվել 8 հազար դրամ: Ավելին, նախկին տնօրենը 6 հազար դրամ էլ ամեն ամիս իրեն վճարել է, որ ինքը այդ սարքը օգտագործի Հրազդանի ԲԿ-ում: Ես մեկ տարի է, որ տնօրեն եմ: Այդ մեկ տարվա ավարտին՝ տարեվերջին, վճարովի ծառայությունների ֆինանսական մոնիտորինգ արեցինք: Պարզ դարձավ, որ ըստ արդյունքների, ինքը ամիս է եղել մեկ հատ 8 հազար դրամ է մուծել դրամարկղ, ամիս է եղել ընդհանրապես չի վճարել, ամիս է եղել 3 հատ 8 հազար դրամ է վճարել: Բայց հիմնականում եղել է մեկ հատ 8 հազար: Այսինքն՝ եթե այդ սարքից փաստացի օգտվում է մեկ հիվանդ, նշանակում է անհրաժեշտություն չկա, չէ, որ դա վարձակալվի»,- մանրամասնեց Լիլիա Կարապետյանը՝ միեւնույն ժամանակ ասելով, որ իր նշանակվելուց հետո այդ 6 հազար դրամը սարքի դիմաց վճարելուց հրաժարվել է, եւ ակնաբույժը համաձայնել է բժշկական կենտրոնի հետ կնքել անհատույց օգտագործման պայմանագիր:

Հիմա, ըստ բուժհաստատության տնօրենի, նաեւ մարզպետարանում խնդիրը քննարկելուց հետո Նունե Գրիգորյանին առաջարկվել է աշխատել 50/50 սկզբունքով: Ամբողջ գումարը վճարել դրամարկղ, հետո ստանալ դրա կեսը, ինչին բժշկուհին չի համաձայնել: Առաջարկվել է նաեւ սարքը, որը ֆիզիոթերապեւտիկ է, տեղափոխել համապաստախան բաժանմունք՝  ինչը նույնպես նա չի ընդունում:

Նունե Գրիգորյանն, ի դեպ, մեզ հետ զրույցում անդրադարձել էր այդ պահանջին եւս՝ նշելով, որ ինքը պատրաստ կլինի իր սեփական սարքը զիջել ուրիշներին, եթե այդ սկզբունքը գործեր նաեւ սեփական սարք ունեցող մյուս բժշկի դեպքում: Այնինչ՝ նույնը նրան չի առաջարկվում:

Տնօրենը դա պատճառաբանեց այդ սարքի սոնոգրաֆիկ ու մասնագիտացված լինելով: Նաեւ հավաստիացրեց, որ այդ ակնաբույժը, որը նույնպես նախկինում շատ քիչ գումարներ է վճարել դրամարկղ, հունվարից ակտիվացրել է մուծումները: Նա պնդեց, որ մարզային հիվանդանոցի բոլոր կաբինետները կրում են կոնսուլտատիվ բնույթ եւ դրանց թույլատրվում է տրամադրել միայն առաջնային բուժօգնություն՝ կարճատեսության, հեռատեսության դեպքում եւ այլն:

Տպել
1637 դիտում

Ուսման վարձի փոխհատուցման և ուսման վարկի հարցում ոչ միատեսակ մոտեցում. ՄԻՊ-ի դիտարկումը 14-րդ միջոցառման վերաբերյալ

Թատերական գործիչները ԿԳՄՍ նախարարությանը կխնդրեն աջակցել ներկայացումները վերսկսելու գործում

ԱՀ պարետի որոշմամբ, վերացվում են Գետավան և Չափար համայնքներում կիրառվող ժամանակավոր սահմանափակումները

ՀԷՑ-ը տուգանվեց 10 մլն դրամով՝ հաշվիչների ցուցմունքներն ավելի շատ գրելու համար

Այսօր ու առաջիկա օրերին սպասվում են ինտենսիվ տեղումներ, տեղ-տեղ՝ կարկուտ, քամու ուժգնացում

Էլեկտրաէներգիայի պլանային անջատումներ կլինեն Երևանում, Արագածոտնի Կոտայքի և Արարատի մարզերում

«Դղյակ» ռեստորանից «մարմնի բազմաթիվ կտրած-պատռած վերքեր» ախտորոշմամբ հիվանդանոց է տեղափոխվել 18-ամյա տղա

ԱԻՆ-ը հիշեցնում է, որ մարտից մինչ օրս դիմումներն ընդունվում են միայն էլեկտրոնային տարբերակով

Վերջին 1 օրում Գեղարքունիքի մարզում հաստատվել է կորոնավիրուսով վարակվելու 27 նոր դեպք. մարզպետ

Հրշեջ-փրկարարները մարել են խոտածածկ տարածքներում բռնկված հրդեհները՝ ընդհանուր ընդգրկելով մոտ 76 հա տարածք

Շաբաթը մեկ կարող ա 15 մանդատ ուզեք, վերջում դառնաք 250 հոգի. ԿԸՀ անդամը՝ Խաժակյանին

Խուզարկել են նախկին պատգամավոր Վանիկ Ասատրյանի տունը. պաշտպանը մի շարք բողոքներ է ներկայացրել

Երևան-Գյումրի ավտոճանապարհին մեքենաներ են բախվել. կա մեկ զոհ, մեկ վիրավոր. shamshyan.com

ՊՆ զորամասերում անցկացվել են ռադիացիոն, քիմիական և կենսաբանական պաշտպանության մարզումներ

«ՅՈՒՔՈՄ» ընկերության բջջային կապը և համացանցը մասնակի վերականգնված են. Հակոբ Արշակյան

Զորամասերում անցկացվում են ամփոփիչ ստուգումներ (լուսանկարներ)

ՄԻԵԴ-ը մերժեց ՍԴ 3 նախկին դատավորների եւ ՍԴ նախկին նախագահ Հրայր Թովմասյանի պահանջը

Ռուսաստանն ու Չինաստանը վետո են դրել Սիրիայում հումանիտար աջակցության մասին ՄԱԿ-ի բանաձեւի վրա

Դավիթ Տոնոյանն ընդունել է Եվրոպայի խորհրդի երևանյան գրասենյակի ղեկավար Նատալյա Վուտովային

«Վիվա-ՄՏՍ»-ում ևս խնդիրներ կան. ներկա պահին գործում է պահուստային ենթակառուցվածքը