Ինչո՞ւ է արթնացել Սորոսի հետաքրքրությունը Հայաստանի նկատմամբ

Փետրվարի 2-ին ամերիկացի միլիարդատեր, «Բաց հասարակություն» հիմնադրամի հիմնադիր Ջորջ Սորոսը թվիթերյան իր էջում գրառում էր կատարել, որում ընդգծել էր Հայաստանի քաղաքացիական հասարակությանը «ուժեղ աջակցություն ցուցաբերելու կենսական անհրաժեշտությունը»:

«Ուժեղ աջակցությունը Հայաստանի քաղաքացիական հասարակությանը կենսական է երկրի ժողովրդավարական ներկայի եւ ապագայի համար», - ասել էր Սորոսը՝ կիսվելով «Բաց հասարակություն» հիմնադրամի կայքի հրապարակմամբ, որում դիտարկվում էր ԱՄՆ-ի հնարավոր աջակցությունը «Հայաստանի նորածին ժողովրդավարությանը»:

Հոդվածից կարելի է եզրակացնել, որ «Բաց հասարակությունը» հստակ ըմբռնել է Կառավարության ծրագրի գլխավոր ազդակը՝ կոռուպցիայի դեմ պայքարը: Միացյալ Նահանգների հնարավոր օգնությունը դիտարկվում է հենց այդ տեսանկյունից:

Հոդվածում, մասնավորապես, ասվում է, որ ԱՄՆ-ն, որը «շահագրգռված է ճգնաժամային այս տարածաշրջանում կայունություն ապահովելու մեջ», կարող է օժանդակել ՀՀ կառավարությանը արդարադատության համակարգը բարեփոխելու եւ կոռուպցիայի դեմ պայքարի գործում: Համագործակցության հնարավոր տարբերակներից ամենաուշագրավը, թերեւս, ԱՄՆ-ի կողմից Հայաստանի «նախկին ռեժիմի օլիգարխների ունեցվածքի մասին» տեղեկատվության տրամադրումն է: Նման քայլն, անշուշտ, շատ օգտակար կլիներ, սակայն քիչ հավանական է, որ դա կարվի «գեղեցիկ աչքերի համար»: Այլ կերպ ասած՝ ԱՄՆ ցանկացած ազնիվ մղում ողջունելի է, սակայն, եթե դրա դիմաց որոշակի նախապայմաններ են առաջ քաշվելու՝ խնդրահարույց: Իսկ այն, որ նախապայմաններ լինելու են, կասկած գրեթե չի հարուցում, այլապես «տարածաշրջանում կայունության» ջատագով Միացյալ Նահանգները հեղափոխությունից հետո մինչեւ օրս ժամանակ ունեին այդ տեղեկատվությունը տրամադրելու համար:

Համագործակցության ընդլայնման հեռանկարն, ընդհանուր առմամբ, ողջունելի է, սակայն պետք է հաշվի առնել, թե ով եւ ինչու է դրա օգտին հանդես գալիս: Սորոսի տարատեսակ հիմնադրամներն աշխարհում հայտնի են «գունավոր հեղափոխությունների» կազմակերպման եւ անցկացման մեջ մասնակցությամբ: Ընդ որում խոսքը ոչ թե դասական, այլ արտաքին քաղաքական օրակարգ պարունակող «գունավոր հեղափոխությունների» մասին է:

2016 թ. օգոստոսին DC leaks հաքերների խումբը հրապարակեց «Բաց հասարակություն» հիմնադրամի ներքին տեղեկատվությունը, որից պարզ է դառնում, որ առնվազն 2013-14 թթ. «Եվրոմայդանի» կազմակերպման մեջ զգալի ներգրավվածություն են ունեցել անձամբ Սորոսը եւ նրա հիմնադրամները: Նրան մասնակցություն է վերագրվում նաեւ մինչ այդ Ղրղզսատնում, Վրաստանում, ինչպես նաեւ Բալկաններում իրականացրած հեղափոխություններին:

Սորոսի հիմնադրամներն առանձնանում են նաեւ ծայրահեղ լիբերալ եւ գլոբալիստական հայացքներով: Եվրոպայում նրա ֆինանսավորած շարժումներն աչքի են ընկնում հենց փոքրամասնությունների իրավունքների պաշտպանության (ընդհուպ մինչեւ պոզիտիվ խտրականություն) եւ գլոբալ քաղաքական ու տնտեսական տարածքի պահպանման համար պայքարով:

Մյուս կողմից, Սորոսի ֆինանսավորած շարժումների անհաջողությունները եւս պայմանավորված են գաղափարական առանձնահատկություններով: Դեռեւս 2017 թ. Հունգարիայում, որը վաղուց է գտնվում Սորոսի ուշադրության կենտրոնում, երկրի վարչապետ Վիկտոր Օրբանի դեմ բողոքի զանգվածային ցույցեր էին ընթանում: Պատճառը Կենտրոնական եվրոպական համալսարանի գործունեության հնարավոր կասեցման մասին որոշումն էր: Բանն այն է, որ այդ համալսարանը, որը գրանցված է որպես ամերիկյան, ԱՄՆ-ում չունի կրթական կառույց, իսկ 2017 թ. ապրիլին ընդունված փոփոխություններից հետո նման ուսումնական հաստատությունների գործունեությունը Հունգարիայում արգելված է:

2017 թ. Հունգարիայում պարբերաբար ընթացող այս, ինչպես նաեւ սոցիալական եւ քաղաքական դրդապատճառներով պայմանավորված ցույցերը որեւէ զգալի արդյունք առայժմ չեն տվել: Պատճառը, թերեւս, իշխանության եւ ընդդիմության գաղափարների նկատմամբ հասարակության համակրանքի հարաբերակցությունն է: Ընդ որում հենց գաղափարների նկատմամբ համակրանքի, քանի որ Հունգարիայի կառավարությունն ու վարչապետը եւս սուրբ չեն եւ ներքաշված են տարատեսակ կոռուպցիոն սխեմաների ու սկանդալների մեջ:

Նման իրավիճակում հունգարացիները ստիպված են լինում ընտրություն կատարել ազգայնականության հետ սահմանակից հայրենասիրական պաթոսի եւ ԼԳԲՏ ու միգրանտների ջատագով «լիբերալ ժողովրդավարական» ուժերի միջեւ՝ նախապատվությունը տալով առաջինին:

Հայաստանում էլ նման պայմաններ էին եւ, թերեւս, նաեւ այդ պատճառով արտաքին ուժերին չէր հաջողվում պայքարել իրեն ազգային-պահպանողական կուսակցություն հայտարարած ՀՀԿ-ի դեմ: Ինչ վերաբերվում է հետհեղափոխական շրջանում Սորոսի՝ Հայաստանի նկատմամբ հանկարծակի արթնացած հետաքրքրությանը, ապա այն զգոնացնող է: Կասկածելի է ոչ թե այն, թե ուր էր այդ հետաքրքրությունը մինչեւ հեղափոխությունը, այլ ինչու այն առհասարակ արթնացավ եւ ինչու է Սորոսի խոսքում ակնարկ նկատվում, թե հայկական ժողովրդավարությունն առանց «ուժեղ աջակցության» չի հաջողի: Որքան էլ սպառիչ պատասխաններ տրվեն այդ հարցերին՝ նման «օգնությունից» անհրաժեշտ է օգտվել ծայրահեղ զգուշությամբ:

Տպել
9441 դիտում

Տեղի է ունեցել «Քաղաքացիական պայմանագիր» կուսակցության 4-րդ Քաղաքական ժողովը

ՀՀ վարչապետի աշխատակազմը հայտարարություն է տարածել. ինչ է առաջարկվում Ադրբեջանին

Իսլամական համագործակցության կազմակերպությունը ողջունել է Հայաստանի կողմից Պաղեստինի Պետության ճանաչումը

Նոր Նորք վարչական շրջանում հողազավթումներից ազատվել է 25 հազար քմ տարածք, որոնց փոխարեն կլինեն բարեկարգ բակեր. Ավինյան

ՀՀ ԶՈՒ ստորաբաժանումները կրակ չեն բացել. Ադրբեջանը շարունակում է ապատեղեկատվություն տարածել. ՊՆ

Տղամարդիկ Վայոց ձորի մի քանի գյուղում կեղծ թղթադրամներով գնումներ են արել. երկուսն էլ ձերբակալվել են

Ուրախ ենք աջակցել Հայաստանում այլ մշակույթների հանրահռչակմանը. Կասկադում նշվել է Յոգայի միջազգային օրը

Մոսկվան համարժեք պատասխան կտա ԱՄՆ-ին. Զախարովա

Լալայի կորուստը, իսկապես, մշակութային կորուստ է, մեծ դիապազոնի դերասանուհի էր. Հայաստանի կինոգործիչների միություն

Քավորի շունը կծել է սանիկին. 34-ամյա տղամարդն այրունահոսությամբ տեղափոխվել է բժշկական կենտրոն

ԱՄՆ-ը ծանուցել է ռուսական վիզաների կենտրոնի փակման և դիվանագետներին հարկային արտոնություններից զրկելու մասին

Գյումրեցի Գրետա Վարդանյանը Փարիզի 2024 թվականի Պարալիմպիկ խաղերի ուղեգիր է նվաճել

Աղետի գոտում գրեթե բոլորը միաբերան գոհունակություն հայտնեցին Կառավարության այս ընթացքի աշխատանքից. Սանոսյան

Աստանայում 26 հարկանի բնակելի շենք է այրվում

Գազայում գնդակոծության հետևանքով վնասվել է Կարմիր խաչի միջազգային կոմիտեի գրասենյակը. 22 մարդ է զոհվել, կան վիրավորներ

Քաղաքացին ցանկացել է ինքնասպանություն գործել՝ ցած նետվելով ժայռից

Սաուդյան Արաբիան ողջունել է Պաղեստինը որպես պետություն ճանաչելու Հայաստանի որոշումը

Եվրո-2024. Սերբիայի հավաքականի պաշտպանը ուշագնաց է եղել

Բնության հեքիաթը. ինչ տեսք ունեն Հայաստանի արգելոցները (լուսանկարներ)

Դա դրական քայլ է. Քուվեյթը ողջունել է Հայաստանի Հանրապետության կողմից Պաղեստինի Պետության ճանաչումը

Դերեր, կոչումներ, մրցանակներ. ՀՀ վաստակավոր արտիստ Լալա Մնացականյանը 66 տարեկան էր

Շահրամանյանը որ նման դիմադրություն ցույց տար Արցախի համար, ինչպես ծառայողական մեքենայի՝ այլ կարգավիճակ կլիներ. Առաքելյան

Իմ լավ ընկեր, հազար ափսոս. Աշոտ Ղազարյանը Լալա Մնացականյանի հետ լուսանկար է հրապարակել

Ծոցի արաբական պետությունների համագործակցության խորհուրդը ողջունել է Հայաստանի կողմից Պաղեստինի Պետության ճանաչումը

Կասպից ծովում՝ Ադրբեջանի ափերի մոտ երկրաշարժ է գրանցվել

Հայտնի են Լալա Մնացականյանի հոգեհանգստի և հուղարկավորության օրերն ու վայրը

Հրդեհ է բռնկվել Երևանի քաղաքապետարանին պատկանող աղբատար ավտոմեքենայում

Օդի ջերմաստիճանը կբարձրանա. առանձին շրջաններում կարճատև անձրև և ամպրոպ կլինի

Երևանյան նախաճաշ. Աննա Հակոբյանը դուստրերի հետ տեսանյութ է հրապարակել

Հրաձգություն ԱՄՆ-ի սուպերմարկետներից մեկում. 3 մարդ է զոհվել, տուժածների թվում ոստիկաններ կան

Եվրո-2024․ ինչ հանդիպումներ կկայանան հունիսի 22-ին, ժամանակացույց

Կարևոր քայլ է. Կատարը ողջունել է Հայաստանի Հանրապետության՝ Պաղեստին պետությունը ճանաչելու հայտարարությունը

ՀՀ ԶՈՒ ստորաբաժանումները կրակ չեն բացել, Ադրբեջանը ապատեղեկատվություն է տարածել. ՊՆ

Քննիչների՝ հարսանիքի պատճառով գործողություներ չիրականացնելու փաստաբանի պնդումները անհիմն են, մանիպուլյատիվ. Աբրահամյան

Հայաստանի բասկետբոլի հավաքականը հաղթել է Գվատեմալայի թիմին

Կուզենա՞ք հունիսի վերջին կրկին գարուն գա. Գագիկ Սուրենյան

Տեղի է ունեցել ՀՀ և Հունաստանի ԱԳ նախարարների հեռախոսազրույցը. Այման ալ Սաֆադին ողջունել է Պաղեստինի պետության ճանաչումը

Երևանում փոշու պարունակությունը գերազանցել է սահմանային թույլատրելի կոնցենտրացիան

Զինված ուժերում մարդու իրավունքների երաշխավորումը յուրաքանչյուրիս համար պետք է լինի ամենօրյա գաղափար. ՄԻՊ

Բա սենց ոնց ախր, Լալա ջան. Զառա Արամյանի գրառումը