Սեյրան Օհանյանը Մարտի 1-ի գործով ցուցմունք չի տվել. նրա ազատ տեղաշարժը հուլիսից սահմանափակվել է. պաշտպան

ՀՀ պաշտպանության նախկին նախարար Սեյրան Օհանյանը Մարտի 1-ի գործով հրաժարվել է ցուցմունք տալուց:

Այս մասին մեր հարցերին ի պատասխան ասաց նրա պաշտպան Ինեսա Պետրոսյանը:

Սեյրան Օհանյանին 2018 թվականի դեկտեմբերի 26-ին մեղադրանք է առաջադրվել ՀՀ քրեական օրենսգրքի 300.1 հոդվածով (սահմանադրական կարգը տապալելը) եւ որպես խափանման միջոց ընտրվել չհեռանալու մասին ստորագրությունը:

Նրա պաշտպանի հետ զրույցը ստորեւ.

- Տիկին Պետրոսյան, մինչ Սեյրան Օհանյանին մեղադրանք առաջադրելը, նա քանի՞ անգամ է կանչվել հարցաքննության եւ հարցաքննվել:

- Որոշ տեղեկություններ կան, որ այս պահին չենք կարող հայտնել, միայն կարող եմ ասել, որ 2018 թվականի դեկտեմբրի 26-ին պարոն Օհանյանը հրավիրվեց Հատուկ քննչական ծառայություն, նրան առաջադրվեց մեղադրանք ՀՀ ՔՕ 300.1 հոդվածով (սահմանադրական կարգը տապալելը) եւ նա ստացավ մեղադրյալի կարգավիճակ: Նշեմ նաեւ, որ մինչ այդ ապօրինի սահմանփակվել էր պարոն Օհանյանի ազատ տեղաշարժման իրավունքը այն է՝ նա չունենալով որեւէ կարգավիճակ այսինքն՝ ոչ կասկածյալի, ո՛չ մեղադրյալի, նրա նկատմամբ սահմանափակում էր տեղի ունեցել: Պարոն Օհանյանը այդ մասին իմացել է 2018 թվականի դեկտեմբերի 20-ին, երբ անհրաժեշտություն էր եղել, որպեսզի նա մեկ-երկու օրով մեկներ Վրաստանի Հանրապետություն: Այդ ժամանակ մենք փորձեցինք ճշտել, թե ինչու է այսպիսի  խնդիր առաջացել, բայց մեզ որեւէ պարզաբանում Հատուկ քննչական ծառայությունը հստակ չտվեց՝ նշելով, որ իրենք որեւէ կապ չունեն եւ այդ մասին կարող են մեզ պարզաբանել ԱԱԾ-ից: Դրանից հետո մեր կողմից գրություններ ուղարկվեցին երկու մարմիններին եւ միայն տեւական ժամանակ հետո, արդեն հունվարի վերջերին՝ 28-29-ին, ԱԱԾ-ից մենք ստացանք պատասխան առ այն, որ իրենք չեն առնչվում այդ սահմանափակման հետ եւ այդ մասին կարող է մեզ պարզաբանում տալ Հատուկ քննչական ծառայությունը եւ որ իրենք են սահմանափակել պարոն Օհանյանի ազատ տեղաշարժման իրավունքը: Ակնհայտ դարձավ, որ պարոն Սեյրան Օհանյանի նկատմամբ տեղի են ունենում ապօրինություններ, դեռեւս 2018 թվականի հուլիսի 11-ից. անձը եթե չունի կասկածյալի, մեղադրյալի կարգավիճակ, որեւէ մեկը իրավունք չունի սահմանափակել նրա ազատ տեղաշարժի իրավունքը:

- Այսինքն՝ դեռեւս հուլիսի՞ց է սահմանափակում եղել:

- Այո, բայց քանի որ պարոն Օհանյանը այդ ընթացքում երկրից բացակայելու անհրաժեշտություն չէր ունեցել, դրա համար տեղեկություն չէր ունեցել. դեկտեմբերի 20-ին է պարզվել, որ սահմանափակում է եղել: Ըստ էության, նրա նկատմամբ կիրրառվել էր խափանման միջոց, որի կիրառման իրավասությունը վարույթն իրականացնող մարմինը միանշանակ չուներ, քանի որ իմ պաշտպանյալը չուներ ո՛չ կասկածյալի, ո՛չ մեղադրյալի կարգավիճակ եւ նրա նկատմամբ բնականաբար չէր կարող ընտրված լինել խափանման միջոց, ավելին՝ այդ մասին որեւէ տեղեկություն պարոն Օհանյանը չուներ:

- Իսկ այդ ժամանակահատվածում՝ հուլիսին, իրեն կանչե՞լ էին հարցաքննության:

- Ընդամենը մեկ անգամ հրավիրվել է եւ որպես վկա հարցաքննվել:

- Այս մեղադրանքով այժմ կալանքի տակ է գտնվում Ռոբերտ Քոչարյանը, նաեւ կալանավորման որոշում է կայացվել ՀՀ պաշտպանության նախկին նախարար Միքայել Հարությունյանի վերաբերյալ: Ինչպե՞ս ստացվեց, որ Սեյրան Օհանյանի նկատմամբ ընտրվեց խափման այլ միջոց՝ ստորագրությունը:

- Այստեղ որեւէ բան պետք չի փնտրել ընդհանրապես եւ ոչինչ էլ առկա չէ, ուղղակի վարույթն  իրականացնող մարմինը որոշում կայացրեց ընտրել խափանման միջոց ստորագրություն չհեռանալու մասին, քանի որ մեր կարծիքով որեւէ հիմք չունեին, որպեսզի միջնորդությամբ դիմեին դատարան:

- Սեյրան Օհանյանը ցուցմունք տվե՞լ է, ասե՞լ է, թե ի վերջո ում հրամանով է Միքայել Հարությունյանը արձակել 0038 հրամանը:

- Ես չեմ կարող նախաքննական տեղեկություններ այս պահին ասել: Կարող եմ միայն ասել, որ՝ ոչ, նման ցուցմունքներ չեն տրվել եւ նման ցուցմունքներ տալու հիմքեր էլ առկա չեն:

Այսինքն՝ նախաքննական մարմինը նման հարց չի՞ բարձացրել:

- Պետք է նշեմ, որ պարոն Օհանյանը ցուցմունքներ չի տվել:

- Հրաժարվե՞լ է ցուցմունք տալուց:

- Կարող ենք այդպես արձանագրել, հայտնի պատճառներ կան դրա համար: Հայտնի ձայնագրություն կա ԱԱԾ տնօրենի եւ Հատուկ քննչական ծառայության պետի կողմից տեղի ունեցած, որից ակնհայտ է դառնում, որ ուղղորդում կա պարոն Օհանյանի նկատմամբ, մասնավորապես նրա ցուցմունք տալ-չտալու, նրան կալանավորելու հետ կապված: Գաղտնալսումը, որը հրապարակվեց, լայն արձագանք ստացավ, այդ ամենով պայմանավորված պարոն Օհանյանը նման որոշում է կայացրել:

- Այդ հեռախոսային խոսակցությունում Սասուն Խաչատրյանը Արթուր Վանեցյանին ասում է՝ «Սեյրանին էլ ենք բերելու, որովհետեւ վաբշե ուրիշ այլանդակություն ա արել»: Ձեզ հայտնի՞ է, թե ինչի մասին է խոսքը:

- Ակնհայտ է մեզ համար, որ ոչ մի բանի մասին խոսք լինել չի կարող, որովհետեւ մենք հստակ գիտենք, որ մեր պաշտպանյալի նկատմամբ առաջադրված է շինծու մեղադրանք, այդ մեղադրանքը որեւէ հիմնավորում չունի: Չեմ կարող ասել, թե Սասուն Խաչատարյանը այլանդակություններ ասելով ինչ նկատի ունի: Մեզ համար դա անհեթեթություն է եւ ակնհայտ երեւում է, որ փորձ է կատարվել ապօրինություն անել նրա նկատմամբ, ինչ եւ նրանք ի վերջո դեկտեմբերի 26-ին արեցին՝ առաջադրելով այդ շինծու մեղադրանքը:

- Ասացիք՝ ցուցմունք չի տվել, բայց այնուամենայնիվ, գուցե ձեր հետ զրույցում ասե՞լ է, թե 0038 հրամանի հետ կապված ինչ դիրքորոշում ունի:

- Ըստ էության, ցուցմունք չի տվել, ես այդ մասին ոչինչ հիմա ասել չեմ կարող, նաեւ նախաքննական գաղտնիություն կա եւ ըստ էության ցուցմունքներ էլ չենք տվել:

- Ձեր պաշտպանյալը նշե՞լ է՝ մինչ արտակարգ դրություն հայտարարելը բանակն օգտագործվել է, թե՝ ոչ, ի վերջո նա ՀՀ ԶՈՒ գլխավոր շտաբի պետն է եղել:

- Մենք տեղյակ ենք, որ որեւէ հակաօրինական արարք չի կատարվել, որեւէ անօրինականություն չի կատարվել եւ բանակը չի օգտագործվել:

- Մինչ արտակագ դրություն հայտարարելը նկատի ունե՞ք:

- Այո, եւ ընդհանրապես դրանից հետո էլ որեւէ գործողություն բանակի կողմից չի եղել, նույնիսկ մարտի 2-ից հետո, երբ որ արտակարգ դրություն է եղել:

- Բայց հրապարակված կադրերը հակառակի մասին են խոսում, ինչո՞ւ էին տանկերը տեղակայվել Երեւանում մինչ արտակարգ դրություն հայտարարելը:

- Գիտեք, հիմա ես չեմ կարող նախաքննական բոլոր տվյալները մանրամասնել, դեռեւս  նախաքննությունը չի ավարտվել, երբ այն կավարտվի, ավելի առարկայական կարելի է խոսել:

- Սեյրան Օհանյանի մասնակցությամբ որեւէ քննչական գործողություն, մասնավորապես առերես հարցաքննություններ կատարվե՞լ են:

- Այս պահին չենք կարող այդպես մանրամասներ ներկայացնել, որովհետեւ մենք, որպես պաշտպաններ, այս գործով նախազգուշացվել ենք գաղտնիքներ չհրապարակելու հետ կապված, ուստի շատ մանրամասներ չենք կարող հայտնել: Ըստ էության, այդպիսի գործողություններ չեն կատարվել:

- Ձեր պաշտպանյալի դեմ ցուցմունքներ կա՞ն տրված, ձեզ հայտնի: է:

- Մենք չենք տիրապետում այդպիսի տվյալների:

Տպագրվել է «Հայկական ժամանակ» օրաթերթի փետրվարի 16-ի համարում:

Տպել
2647 դիտում

1991-ի այս օրը Արցախի բնակչությունը ԼՂՀ անկախության հանրաքվեով արտահայտեց անկախ պետություն ունենալու իր կամքը․ Թովմասյան

Մարդու անօտարելի արժանապատվությունն իր իրավունքների և ազատությունների անքակտելի հիմքն է․ ՄԻՊ-ն ուղերձ է հղել

Սյունիքի մարզի բարձրադիր գոտիներում մառախուղ է․ կան փակ ավտոճանապարհներ

Բանկի կառավարիչը 2 քաղաքացուց խարդախությամբ շուրջ 50 մլն դրամ է հափշտակել. վարույթի նյութերն ուղարկվել են դատարան

31 խորքային հորի տանիք ամբողջությամբ վերանորոգված է․ աշխատանքների իրականացման համար 50 մլն դրամ է տրամադրվել

Երգչուհի Սիրուշոն ԱՄՆ-ից տեսանյութ է հրապարակել, որտեղ երգում է «Սարերով-ձորերով» երգը (տեսանյութ)

Չլինի այնպես՝ ԼՂՀ-ն ինքնուրույն խաղա, բայց պատասխանատվությունը կրի Հայաստանը. Խալաթյանը՝ Արցախի պաշտոնյաների մասին

Կենդանաբանական այգում երկու մասի է բաժանվում վագրերի ազատավանդակը

«Իմ ժամանակի մեծերը»․ բացվել է ՀՀ ժողովրդական նկարիչ Անատոլի Ավետյանի աշխատանքների ցուցահանդեսը

Ստեփանավանում ավտոմեքենա է այրվել

Տարածաշրջանում գլխավոր հարցը շարունակում է մնալ ԼՂ հարցի կարգավորումը․ հանդիպել են Նիկոլ Փաշինյանը և Պուտինը (տեսանյութ)

Նա կարողացավ բոլորին համոզել, որ գեղեցիկը փարթամ մարմինն է. լույս է տեսել Քիմ Քարդաշյանի մասին գրքի հայերեն տարբերակը

Հեղափոխությունը միայն այսօր մտավ Անի համայնք․ Նազելի Բաղդասարյանը ներկայացրել է համայնքապետի պաշտոնակատարին

Վարդենիսի և Նորատուսի ջրային տարածքներից դուրս են բերվել լողամիջոցները, որսագործիքներն ու ժամանակավոր կացարանները

Աննա Հակոբյանն Արմավիրի մարզում այցելել է «Ոսկենի գինիներ» գինեգործարան, Գետաշենի ագրոէկո դպրոց (լուսանկարներ)

Աշտարակի թիվ 4 և Ուշիի միջնակարգ դպրոցներն արդեն հիմնանորոգված մարզադահլիճներ ունեն

Ստեփանավանի ոլորաններում թույլ ձյուն է տեղում

Տեղի է ունեցել «ԿԱՆԱՉ Հայաստան» հարթակի քաղաքականությունների երկխոսության շարքի երկրորդ հանդիպումը

Ստեղծվելու է «ԵՊՀ ՍԹԵՄ դպրոց»․ նպատակ կա ապահովել ԵՊՀ-ում հանրակրթության ու բարձրագույն կրթության անընդհատությունը

Կալանքի տակ գտնվող Վերմիշյանն ու նրա ընտանիքի անդամները ապօրինի գույքի գործով կանչվել են դատախազություն

Գալչյանի աշխատանքները գնել են «Քրիստիան Դիոր», «Վերսաչի» նորաձևության տները․ Աննա Հակոբյանը այցելել է Արմավիրի մարզ

Բրյուսովի ռեկտորը, ՀԺ-ի հրապարակումը խեղաթյուրված համարելով, չի հերքում, որ ՊՎԾ-ի հետ ունեն անհամաձայնություն

Վահան Քերոբյանը ընդունել է Grid Dynamics ընկերության գործադիր տնօրենի գլխավորած պատվիրակությանը

Ադրբեջանի կողմից նոր սադրանքների հավանականությունը շարունակում է բարձր լինել․ Արարատ Միրզոյան

44-օրյա պատերազմի ժամանակ Մարտունու ուղղությամբ արձակված հրթիռը ֆոսֆորային ռազմամթերք է․ փորձաքննությունն ավարտվել է

Շենգավիթ վարչական շրջանում նոր կանգառասրահներ են տեղադրվել (լուսանկարներ)

ՔԿ-ն պարզաբանում է ներկայացրել Է․ Վանեսքեհյանի նկատմամբ նախաձեռնված քրեական վարույթների առնչությամբ

Ես վստահ էի, որ «Snap»-ը մեծ հաջողություններ կունենա և այդպես էլ եղավ ․ Ռոզա Լին

ՀՀ ոստիկանության պետը պարգևատրել է դատաբժշկական գիտագործնական կենտրոնի աշխատակիցների և ոստիկանների

Լաչինի միջանցքը վերջերս արգելափակվել էր, և ԼՂ-ում մեծ մտահոգություն կա այդ հարցում․ կայացել է Փաշինյան-Պուտին հանդիպումը

Մեկնարկում է «Տարվա 10 լավագույն մարզիկներ» մրցույթը․ որ մարզիկները կարող են առաջադրվել, ովքեր և ինչպես են քվեարկելու

Հալիձորից Տաթև մառախուղ է, տեսանելիությունը՝ 20-30 մետր

Ռանչպար գյուղի ջրատարում դի է հայտնաբերվել

Ծառայության նկատմամբ վարչապետը հիմա էլ ունի նույն լիազորությունը. պատգամավորը՝ անվտանգային համակարգի բարեփոխման մասին

Գլխավոր դատախազությունը Երևանի նախկին փոխքաղաքապետ Վահե Նիկոյանին ազատ արձակելու որոշումը կբողոքարկի

ՔԿ-ում քննարկվել են ընտանիքում և կանանց նկատմամբ բռնությունների դեմ պայքարի արդյունավետությունը բարձրացնելու խնդիրները

Տեղի է ունեցել Նիկոլ Փաշինյանի և Վլադիմիր Պուտինի հանդիպումը (լուսանկարներ)

Պապիկյանն ու Շոյգուն ստորագրել են ՀՀ և ՌԴ պաշտպանության նախարարությունների միջև ռազմական համագործակցության ծրագիրը

Երևանի Վ․ Բրյուսովի անվան պետական համալսարանի ռեկտորի պաշտոնում վերընտրվել է Կարինե Հարությունյանը

Կալանավորին այցի եկած քույրը արգելված իրերը թաքցրել էր մազերի մեջ