Առանց մեծածավալ ներդումների Հայաստանում չի կարող տնտեսական հեղափոխություն լինել․ Միքայել Մելքումյան

Գագիկ Ծառուկյանը հանդիսանալու է կամուրջ՝ ՀՀ տնտեսական զարգացման համար, բայց խոշոր ներդրումները ենթադրում են խաղի հստակ կանոններ, իրենց անվտանգության համար երաշխիքներ, իսկ այդ համակարգը նոր պետք է ձեւավորվի եւ կառավարությունն էլ պետք է տա այդ երաշխիքները։ Այս մասին այսօր՝ փետրվարի 18-ին, Ազգային ժողովում լրագրողների հետ ճեպազրույցի ժամանակ ասաց ԱԺ ԲՀԿ խմբակցության պատգամավոր Միքայել Մելքումյանը՝ խոսելով կառավարության նախանշած տնտեսական հեղափոխության մասին։

Մելքումյանն ասաց, որ, թեպետ ծրագրում բացակայում են հստակ ցուցանիշները, այն հնարավոր է՝ կյանքի կոչվի․

«Բայց մենք նախանշել ենք երեք կարեւոր գործիքներ, երեք հարցադրում ենք արել վարչապետին․ ծրագրում պետք է ամրագրվեն ռիսկերն ու երաշխիքները, երկրորդ՝ պետք է կոնկրետ ժամանակացույց, եւ երրորդ՝ պետք է լինեն այն մեխանիզմները, որոնք պետք է ծրագրի կյանքի կոչման երաշխիք դառնան»,-ասաց պատգամավորը՝ հավելելով, որ ներդրումների այն ծավալը, որը նախատեսված է ծրագրով, ինքը խիստ անբավարար է գնահատում․

«Այսինքն՝ հինգ տարվա ընթացքում հասնել 23 տոկոսի՞, մենք չենք հասնելու անգամ 2008 թվականի մակարդակին, դրա համար պետք է անպայման իմանալ փողի աղբյուրները»,-մասնավորապես նշեց Մելքումյանը։

Վերջինիս խոսքով՝ հարցն ունի իրավական եւ քաղաքական կողմեր, եւ եթե, ինչպես ինքն առաջարկել էր, բոլոր խմբակցություններով հավաքվեին ԱԺ նախագահի մոտ, փորձեին ձեռք բերել որոշակի քաղաքական պայմանավորվածություն, դա գուցե իրավիճակ փոխեր քվեարկության առումով։ Այնուամենայնիվ, Միքայել Մելքումյանն ասաց, որ անկախ նրանից, թե ինչպես է քվեարկել իրենց խմբակցությունը, իրենք շահագրգռված են, որ տնտեսական հեղափոխություն տեղի ունենա․

«Մենք միայն ասում ենք՝ այս ծրագրով չենք տեսնում, որ այդ հեղափոխությունը տեղի է ունենալու: Մենք ասում ենք՝ եթե չկան աղբյուրներն ու գործիքները, ժողովուրդը շատ արագ հիասթափվելու է: Բայց այն, որ շահագրգռված ենք եւ օգնելու ենք, ծրագիրը ծրագիր՝ բայց մենք ի շահ ժողովրդի ներդնելու ենք մեր ուժերը»։

Մելքումյանն ասաց, որ տնտեսական հեղափոխության իրավական ձեւակերպում չկա, բայց բոլորն էլ հասկանում են, որ տնտեսական հեղափոխություն նշանակում է կտրուկ փոփոխություն իրերի վիճակի մեջ։

«Այո՛, ժողովուրդը պետք է իր մաշկի վրա շատ արագ զգա այդ հեղափոխությունը, բայց մենք իրատես ենք․ արագ զգալու համար պետք են խոշոր ներդրումներ՝ տարեկան առնվազն 2,5-3 մլրդ դոլարի։ Արդյոք Հայաստանը կարո՞ղ է կլանել էդքան գումար եւ տեղաբաշխել, սա լրջագույն հարց է։ Առանց մեծածավալ ներդումների Հայաստանում չի կարող տնտեսական հեղափոխություն լինել, Հայաստանում տնտեսությունը պետք է կապիտալիզացիա արվի։ Մենք պետք է կարողանանք կտրուկ մեծացնել մեր բանկային համակարգից դուրս իրական սեկտորը եւ կարողանանք մեծ միջոցներ ներդնել»,-ճեպազրույցի ժամանակ ասաց ԲՀԿ խմբակցության պատգամավոր Միքայել Մելքումյանը։

Տպել
1045 դիտում

Չափազանց թանկ կվճարեն, եթե ռազմական «ավանտյուրաներ»-ի դիմեն. Թրամփը սպառնում է Իրանին

Վլադիմիր Զելենսկին 11 դեսպանների է ազատել աշխատանքից, այդ թվում՝ ՀՀ-ում Ուկրաինայի դեսպանին

Ոստիկանությունը բացահայտել է «Սևան» ազգային պարկի կապալառուի կողմից 24 միլիոն 630 դրամի յուրացում

2019-ի առաջին կիսամյակում գրանցված հանցագործությունների ընդհանուր թիվն աճել է 9 տոկոսով

Զորամասի հրամանատարի դրդմամբ մոտ 9 մլն դրամի հափշտակության մասին քրգործը 8 անձի մեղադրանքով դատարանում է

ՀՀ հավաքականի ֆուտբոլիստ Կարապետյանը պատմել է, որ գերմանական անձագրով խնդիրներ չի ունենում

Երեւանում եւ մարզերում միայն այսօր 43.63 հա խոտածածկ տարածք է հրդեհվել

ՀՀ ֆուտբոլի Բարձրագույն խմբի 2019-20 մրցաշրջանը կմեկնարկի օգոստոսի 1-ին

Նախորդ տարիների համեմատ աննախադեպ աճել են արտակարգ դեպքերը. կայացել է ԱԻՆ օպերատիվ խմբի առաջին նիստը

Բեյոնսեի կատարմամբ «Առյուծ արքան» ֆիլմի սաունդթրեքի դիտումները ժամ առ ժամ ավելանում են (տեսանյութ)

Իջեւանում գործել է մի խումբ, որը եղել է ոգելից խմիչքի ազդեցության տակ. Սիփան Փաշինյան

Սա այն բարեփոխումն է, որից մենք ակնկալում ենք կոնկրետ արդյունքներ. վարչապետը՝ Հակոբ Արշակյանին

Անշարժ գույքի առքուվաճառքի գործարքներն աճել են 11.1%-ով. Նիկոլ Փաշինյան

Հայաստանի, Ռուսաստանի եւ Բելառուսի ՔԿ ղեկավարները համագործակցության ծրագիր են կնքել

Ադրբեջանցիները ժամանակին սպառնացել են ՀՀ հավաքականի ֆուտբոլիստ Ալեքսանդր Կարապետյանին

Ռաֆիկ Գրիգորյանը նշանակվել է արդարադատության նախարարի առաջին տեղակալ

«Ես ճամփորդ դեսպան եմ». Պյոտր Սվիտալսկի

Հրդեհ` Հաղթանակ զբոսայգու մոտակայքում, հայտարարվել է հրդեհի բարդության «1-ԲԻՍ» կանչ

Արմեն Սարգսյանը ստորագրել է Ազգային ժողովի ընդունած 6 օրենքներ

«Յուվեի» սկաուտները Երեւանում բացահայտել են «Բարսայի» տաղանդին. ուզում են գնել