Ոստիկանները վկայել են, որ իրականում տեղեկություն չեն ունեցել զենքի ու զինամթերքի մասին. Վահե Գրիգորյան

Մարտի 1-ի զոհերի իրավահաջորդների ներկայացուցիչ, փաստաբան Վահե Գրիգորյանը, «Ազատության» տաղավարում այսօր անդրադառնալով Ռոբերտ Քոչարյանի, Սեյրան Օհանյանի, Արմեն Գեւորգյանի եւ Յուրի Խաչատուրովի մասով նախաքննությունը ավարտվելուց հետո գործի նյութերը ստանալու մասին հարցին, ասել է, որ մոտ 80 հատոր գործի նյութերը տրամադրվել են եւ այժմ ծանոթանում են դրանց:

«Կարող եմ ասել, որ նյութերի էն հատվածը, որոնք արդեն ուսումնասիրել եմ, շոկային են: Ժամանակին, եթե հիշում եք, հնչեցվեց, որ հասարակությունը պիտի հոգեբանորեն պատրաստ լինի բացահայտումներին: Ես դա միանշանակորեն հենց հիմա կարող եմ ասել: Էդ բացահայտումներին պատրաստ լինելը․․․ ոչ սկանդալներ լսելու ակնկալիքի իմաստով պատրաստ լինի, այլ հոգեբանորեն պատրաստ լինի այս գործը իր ամբողջ խորությամբ եւ լրջությամբ գիտակցելու եւ դրանից դասեր քաղելու համար: Եվ առերեսվելու մեր ոչ շատ ուշ անցյալին: Մարտի 1-ի գործը, ինչքանով որ ես եմ պատկերացնում, ոչ միայն գործ է այն մասին, թե մենք ինչպիսին ենք եղել 10-11 տարի առաջ, այլ, կախված նրանից, թե մենք ինչպես դրանով կանցնենք: Դրա ե՛ւ իրավական, ե՛ւ քաղաքական կոմպոնենտները ի նկատի ունեմ: Դա լինելու է մի գործ այն մասին, թե մենք ինչպիսին ենք լինելու 50 տարի հետո, 100 տարի հետո՝ որպես պետություն»,- մասնավորապես ասել է Վահե Գրիգորյանը:

Պատասխանելով Ռոբերտ Քոչարյանի պաշտպանների այն պնդման մասին հարցին, թե մարտի 1-ի լուսադեմին Ազատության հրապարակում ոստիկանությունը ստիպված է եղել ուժ կիրառել, եւ այն ժամանակվա նախագահը այդ մասին իմացել է միայն առավոտյան, Վահե Գրիգորյանը ասել է.

«Հույս եմ հայտնում, որ նաեւ իմ կոլեգա Հայկ Ալումյանը այս պահին ուսումնասիրում է գործի բոլոր նյութերը, եւ թերեւս էս փաստարկը երբեւէ այլեւս չի բերվի: Որովհետեւ այնտեղ շատ հստակ, շատ պարզ, ամենաուղիղ կիրառության ապացույցներով փաստված է, եթե, իհարկե, սրանք անցնեն նաեւ դատավարական ստուգման փուլը, խոսում են հետևյալի մասին: Առաջին, զենքի եւ զինամթերքի վերաբերյալ որեւէ տեղեկատվություն ոստիկանությունը որեւէ աղբյուրից չի ստացել: Բոլոր այն փաստաթղթերը, որոնք ժամանակին կազմվել են եւ տեղադրվել են գործի մեջ, կազմվել եւ տեղադրվել են հետին թվով: Եվ բոլոր այն ոստիկանները, որոնք այդ փաստաթղթերի «հեղինակներն» են եղել... վկայել են, որ իրականում նրանք որեւէ ինֆորմացիա չեն ունեցել ո՛չ զենքի, ո՛չ զինամթերքի վերաբերյալ»:

«Մոտ 80 հատորը հիմա իրենք ձեռքում է, եւ ես կարծում եմ, որ այս խոսակցությունն առհավետ կդադարեն: Կսկսվեն բացատրություններ էն մասին, թե ինչու բանակային ստորաբաժանումները ներգրավել քաղաքական բողոքը ուժային մեթոդներով ճնշելու գործողությունների մեջ: Այ սա արդեն առարկայական խոսակցություն է»,- մասնավորապես հավելել է Մարտի 1-ի զոհերի իրավահաջորդների ներկայացուցիչը:

Տպել
8071 դիտում

Վարչապետ Նիկոլ Փաշինյանը մասնակցել է Էմանուել Մակրոնի անունից տրված պաշտոնական ընդունելությանը (լուսանկարներ)

Վարչապետի որոշմամբ Աննա Վարդապետյանն ազատվել է փոխնախարարի պաշտոնից

Անձրեւի ժամանակ ասֆալտապատված ճանապարհի վրա արդեն փոսեր են առաջացել

Ըմբիշ, չեմպիոն եւ ԱԺ պատգամավոր Արսեն Ջուլֆալակյանը 4 գոտեմարտում 4 հաղթանակ է տարել

Արվեստի ու երաժշտական դպրոցների, ինչպես նաեւ մարզադպրոցների աշխատողների աշխատավարձը կբարձրանա. Երեւանի բյուջե-2020

Վանաձոր քաղաքի 37-ամյա մի բնակչի տանը ոստիկանները 4 կգ մարիխուանա են հայտաբերել (տեսանյութ)

Բարձր մակարդակով ընդգծվել է՝  ԱՄՆ-ն շահագրգռված է հայկական սահմանների անվտանգությամբ. Մանվել Սարգսյան

15-ամյա Էրիկ Սահակյանը որոնվում է որպես անհետ կորած

Երևանում մեկնարկել է Հնդկաստան-Հայաստան դեղագործական գործարար համաժողով- ցուցահանդեսը. ԷՆ

Նիկոս Անաստասիադիսը Թուրքիայից պահանջել է Կիպրոսից դուրս բերել զորքը

Հանրապետական կոնգրեսականների մոտ տարբեր կարծիքներ են. Wall Street Journal-ը՝ Թրամփի իմպիչմենտի մասին

«Ես Ղարաբաղ գուզեմ ծառայեմ անպայման». Լեռնուտի դպրոցի ռազմագիտության դասարանն անվանակոչվեց Նարեկ Հարությունյանի անունով

Նոր սարքեր են տրամադրվել «Նորք» ինֆեկցիոն հիվանդանոցին. ԱՆ

ԱԺ խմբակցությունները, կառավարությունն ու ԲԴԽ-ն Կոռուպցիայի կանխարգելման հանձնաժողովի անդամների թեկնածուներ են առաջադրել

Այն, ինչ չհաջողվեց թշնամիներին, հայ շինարարը մալի ու բետոնի մի հարվածով արեց. Դադիվանքի մասին ահազանգ և մասնագետի կարծիք

Վարչապետի գլխավորած պատվիրակությունը ժամանել է Փարիզ

Այսօր կարեւոր է արտագաղթը կանգնեցնելն ու այն զրոյական վիճակի բերելը. Արտակ Մարկոսյան

ԻՊ-ն ստանձնել է Ղամիշլիում հայ հոգևորականների սպանության պատասխանատվությունը

Մխիթարյանը չի եկել՝ ՀՀ ֆուտբոլի հավաքականի կողքին լինելու, որ շարունակի վերականգնումը. Corriere dello Sport

Նախագահ Արմեն Սարգսյանի հրամանագրով գնդապետ Արմեն Հարությունյանին շնորհվել է գեներալ-մայորի զինվորական կոչում