Որոշ համայնքապետեր սաբոտաժ են անում. Կոտայքի մարզպետը անուններ է հնչեցնելու

ՀՀ տարածքային կառավարման եւ զարգացման նախարար Սուրեն Պապիկյանը վերջերս հայտարարել էր, որ նախարարությունը նախաձեռնել է «Տեղական ինքնակառավարման մարմինների մասին» օրենքում փոփոխություն՝ ոչ լեգիտիմ համայնքի ղեկավարների պաշտոնավարումը կասեցնելու համար: Պապիկյանը նշել էր, որ սրա նպատակը բնակչի ձայնը լսելի դարձնելն է եւ դրա հիմքում պետք է դրվի հանրաքվեի ինստիտուտը: Այսինքն, հանրաքվեով համայնքը կարտահայտվի՝ կողմ է արդյոք տվյալ համայնքապետի հետագա գործունեությանը:

«Ունենք համայնքներ, որտեղ ինչ-որ անձնավորություն տասնամյակներով համայնքի ղեկավար է եւ նրա արժանիքը ընդամենը նրանում է, որ ունի մեծ ազգակցական կապեր»,- այս մասին «Հայկական ժամանակ»-ի հետ զրույցում ասաց Կոտայքի մարզպետ Ռոմանոս Պետրոսյանը:

- Պարոն Պետրոսյան, շուտով տարածքային կառավարման նախարարությունը օրենսդրական նախագծով հանդես կգա ՏԻՄ-երում հանրաքվեի ինստիտուտ ներդնելու համար: Ինչպե՞ս եք վերաբերվում այս նախագծին:

- Բնականաբար, շատ դրական եմ վերաբերվում, քանի որ ինքս էլ իմ 9 ամսվա պաշտոնավարման ընթացքում, որպես տարածքային կառավարման մարմնի ներկայացուցիչ, եկա այդ եզրահանգմանը, որ բոլոր առումներով տեղական ինքնակառավարման մասին գործող օրենքը չափից ավելի է անկախացրել եւ ինչ-որ առումով նաեւ անվերահսկելի է դարձրել ՏԻՄ գործունեությունը: Այս պահին ունենք մի իրավիճակ, երբ փաստացի ընտրված համայնքապետերի գերակշիռ մասը դեռեւս նախկին իշխանության օրոք են ընտրված եւ դեռեւս նախկին քաղաքական իրողություններով պայմանավորված խաղի կանոններով են ընտրված, այսօր ոչ մի կերպ չեն օժանդակում բարեփոխումներին շատ համայնքներում: Լինում են դեպքեր, որտեղ նաեւ ակնհայտ սաբոտաժով է դա ուղեկցվում: Կոնկրետ մեր մարզում, ցավոք, ունենք նման համայնքներ:

Եւ ահա այդ փոփոխությունները, որը պարոն Պապիկյանն է ցանկանում շրջանառել եւ շուտով արդեն ԱԺ պետք է մտնի, շատ ողջունելի է եւ ինքս էլ իմ մասով որոշակի խորհրդակցական քննարկումներ եմ ունեցել նախարարի հետ եւ նաեւ իմ դիտարկումներն եմ ունեցել:

- Նախագիծը բացասական կողմեր չունի՞: Օրինակ, եթե ինչ-որ համայնքի ընտրություններում մասնակցել է 3 թեկնածու, իսկ արդյունքում ասենք 1 թեկնածու ստացել է 45 տոկոս ձայն եւ ընտրվել, իսկ մնացած 2 թեկնածուներն իրար հետ 55 տոկոս ձայն են ստացել, հնարավո՞ր է, այդ 2 թեկնածուների կողմնակիցները ստորագրահավաք իրականացնեն, ասեն՝ մենք չենք ուզում այս համայնքապետին: Որքանո՞վ իրեն կարդարացնի այս նախագիծը:

- Օբյեկտիվ իրողությունների դիտանկյունից ժողովրդավարության հիմնասյունը հենց մեծամասնության կամքի, այսպես ասած, թելադրումն է` փոքրամասնությանը: Դա է ժողովրդավարությունը, ուզենք, թե չուզենք: Եւ եթե թեկնածուներից մեկը համայնքի ղեկավար ընտրվելիս ունի բացարձակ մեծամասնության աջակցությունը, ապա այդ դեպքում ինքը նաեւ պետք է վայելի բացարձակ մեծամասնության աջակցությունը` նման ստորագրահավաքների կամ հանրաքվեների պարագայում: Մեկը մյուսին չի հակասում: Ասեմ ավելին՝ այդ նախագծում նաեւ նախնական քննարկված դրույթ կա` ավագանիների 2/3-ի կողմից համայնքի ղեկավարին անվստահություն հայտնելու եւ ըստ այդմ ինստիտուցիոնալ ուղիներով պաշտոնազուրկ անելու` արդեն կառավարության կողմից: Մարզում քննարկումների ժամանակ դարձյալ այդպիսի մտահոգություններ են հնչել, որ եթե ընտրված համայնքապետ է, ապա ավագանու 2/3-ի անվստահության թեզը կարծես թե հակասում է ժողովրդից ստացած քվեի իրավաչափությանը: Բայց նաեւ հարցը նրանում է, որ հենց այդ նույն ժողովուրդն է ընտրել այդ նույն համայնքապետին եւ հենց այդ նույն ժողովուրդն է ընտրել իր ավագանուն: Եւ եթե ավագանու 2/3-ը անվստահություն է հայտնում համայնքապետին, ապա այդ ավագանու հայտնած անվստահության հիմքում պիտի լինեն իրենց ընտրազանգվածի տրամադրությունները: Դառնում է համաչափ եւ լիարժեք գործընթաց:

Ժողովուրդը ընտրում է ավագանուն եւ համայնքի ղեկավարին, ապա հետագայում` կախված համայնքի ղեկավարի գործունեությունից ու վարքից, իր կողմից ընտրված ավագանուն պատվիրակում է համայնքի ղեկավարի հետկանչը, ինչը այսօր, ցավոք, չունենք: Այսօրվա ՏԻՄ օրենքը թույլ չի տալիս որեւէ կերպ անվստահություն հայտնել:

Ունենք համայնքի ղեկավարներ, որոնց նկատմամբ քրեական գործեր են հարուցված: Ճիշտ է, դեռեւս դատական վճիռ չկա եւ անմեղության կանխավարկածը գործում է, բայց առնվազն քաղաքական վստահության առումով այդտեղ խնդիր կա: Եթե համայնքի ղեկավարի նկատմամբ մի քանի տասնյակ, որոշ դեպքերում 100 մլն դրամի յուրացմամբ փաստերով քրեական գործեր են հարուցված, որքան էլ մեղքը դեռեւս ապացուցված չէ, հետագա կառավարման կոնտեքստում փոխվստահության, քաղաքական վստահության խնդիր կա այդ համայնքի ղեկավարի նկատմամբ: Եւ շատ հաճախ ինչ-որ առումով կանխակալ մոտեցում է ձեւավորվում նման համայնքապետի նկատմամբ, քանի որ հանրությունն ակնհայտորեն տեսնում է, որ այս, այն դրվագներով յուրացումների փաստեր են ի հայտ եկել, հանրությունը տեսնում է, որ այս այն դրվագներով համայնքի զարգացման ամբողջ պոտենցիալը մսխվել է` բառի ամենաբուն իմաստով: Ու ահա այդ հետկանչի ինստիտուտը, վերահսկողության ինստիտուտը շատ կարեւոր է, որ կարողանանք այդ բարեփոխումները հասցնել յուրաքանչյուր համայնք:

- Իսկ ժամկետներ լինելո՞ւ են, թե մոտավորապես ինչքան ժամանակ հետո հանրությունը կարող է ստորագրահավաք իրականացնել ընդդեմ համայնքապետի: Թե՞ ընտրվելուց մի քանի օր հետո մարդիկ արդեն կարող են իրականացնել այդ ստորագրահավաքը բողոք ունենալու դեպքում:

- Չէ, այդտեղ 1 տարվա նորմ է սահմանված: Ես մի քիչ ուսումնասիրել եմ նախագիծը` դեռ ոչ վերջնական տեսքով: Այսինքն, այդ նորմը կիրառելի է առնվազն 1 տարի պաշտոնավարած համայնքի ղեկավարի նկատմամբ: Այստեղ կցանկանայի նաեւ մատնանշել համայնքի ղեկավարների ընտրության համամասնական ընտրակարգի կարեւորությունը, որի մասին կարող եք տեսնել այդ նախագծի մեջ: Դա էլ բավականին մեծ հարց է լուծում այն համատեքստում, որ ունենք համայնքներ, որտեղ ինչ-որ անձնավորություն տասնամյակներով համայնքի ղեկավար է եւ նրա արժանիքը ընդամենը նրանում է, որ ունի մեծ ազգակցական կապեր: Անկախ նրա աշխատանքի արդյունավետությունից, անկախ համայնքի զարգացման տենդենցներից եւ առկա սոցիալական, բնապահպանական խնդիրներից՝ մարդիկ պարզապես տուրք են տալիս իրենց ազգակցական, բարեկամական հարաբերությանը եւ ընտրում են այն անձնավորությանը, ով իրենց ազգակցական այդ մեծ շրջանակներն ու շահերն է առաջ տանում:

Իսկ համամասնական ընտրակարգով կարող ենք համայնքներում այդ անընդունելի երեւույթի դեմն էլ առնել, քանի որ պարզապես կգնա քաղաքական պայքար` քաղաքական ասելիքի, քաղաքական անելիքի:

Շատ դեպքերում ասում են՝ ՏԻՄ-երը ապաքաղաքականացված են: Այո, ՏԻՄ աշխատանքն ապաքաղաքականացված է, բայց կառավարչական, վարչական հանրային ծառայողի աշխատանք է: Խոշոր հաշվով՝ դա էլ է քաղաքականության բաղադրիչ, ո՞ր քաղաքական ուժն է իշխանությունը երկրում, ո՞ր քաղաքական ուժի ներկայացուցիչներն են այդ քաղաքական ուժի ծրագրերը համակարգում այդ մարզում եւ մասնավորապես համայնքում: Կա՞ արդյոք փոխվստահություն, կա՞ գաղափարների ու գաղափարախոսության նմանություն, արդյո՞ք ՏԻՄ ղեկավարը կիսում է տարածքային կառավարման մարմնի ներկայացուցչի տեսլականը` մարզի զարգացման հայեցակարգի գործում, թե ՏԻՄ ղեկավարը պարզապես իր եւ իր ընտանիքի հարստացման եւ բարեկեցության համար է միայն գործում, ինչը, ցավոք սրտի, մեր բազմաթիվ համայնքներում դեռեւս ունենք:

- Արդյո՞ք հնարավոր է, որ մարզպետների լծակներն ավելի շատանան եւ նրանք հնարավորություն ունենան ազդելու համայնքի ղեկավարների վրա:

- Ես չէի ասի, որ մարզպետի լիազորություններն ավելի են մեծանում: Ավելի շատ ՏԻՄ ղեկավարի լիազորություններն են կրճատվում: Հիմա կոնկրետ ունենք փաստ. Կոտայքի մարզում կա բավականին խոշոր համայնք, բավականին լավ ֆոնդային բյուջեով, որի մասին ես առաջիկայում արդեն փաստերով եւ առարկայական կխոսեմ, որտեղ կան կոնկրետ թաղամասեր, կոնկրետ փողոցներ` կյանքի որակի վրա ազդող վատ իրողություններով, սակայն քաղաքապետը, լինելով նախկին իշխանությունների օրոք ընտրված, մեր բազմաթիվ հորդորներին, որ ֆոնդային բյուջեում եղած ահռելի բյուջեի մի մասն ուղղի սուբվենցիոն ծրագրերով քաղաքի բարեկարգումը իրականացնելուն, կյանքի որակը փոխելու գործընթացներին, կարծես թե անթաքույց սաբոտաժի ճանապարհով այդ համայնքապետերը չեն ուզում ոչինչ արած լինել:

Ցավոք, օրենքով սահմանափակում կա եւ մենք չենք կարող միջամտել ՏԻՄ աշխատանքներին: Բայց, որպես կառավարության քաղաքականությունը իրականացնող տարածքային կառավարման մարմին, մենք նաեւ պատասխանատու ենք մեր մարզում, մեր համայնքներում կյանքի որակի բարելավումն ապահովելու համար: Ու այդ համայնքապետերն այդ սաբոտաժով, ինչ-որ առումով չարաշահելով իրենց լիազորությունները` ֆոնդային բյուջեները տնօրինելու առումով, չեն գրում սուբվենցիոն ծրագրեր, քանի որ հանրությունը գիտի, որ սուբվենցիոն ծրագրերը պետություն-ՏԻՄ համաֆինանսավորման արդյունքում իրականացվող ծրագրերն են, որպեսզի ցույց տան նաեւ հանրությանը, որ տեսեք՝ նոր իշխանությունները ոչինչ չեն փոխում, նոր իշխանությունների գալով ոչինչ չի փոխվում մեր քաղաքում, ամեն ինչ նույնն է:

Իսկ մեր հանրությունը, ցավոք, այդքան իրազեկված չէ ՏԻՄ օրենքի, տարածքային կառավարման նորմատիվ ակտերին եւ շատ դեպքերում պարզապես բոլոր առումներով սլաքներն ուղղում են կառավարությանը կամ կառավարության ներկայացուցիչ մարզպետին, իսկ մենք գործիքակազմ չունենք ազդելու, եթե իհարկե համայնքի ղեկավարի բարի կամքը չկա այդտեղ:

- Ո՞ր համայնքի մասին է խոսքը:

- Ավելի ուշ այդ մասին կխոսեմ: Անպայման նշելու եմ` կոնկրետ առարկայական փաստերով:

Տպել
7279 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում