Գոնե 50 տոկոսն իմանա, որ FM 107.7-ը Հանրային ռադիոն է. Ռուբեն Շահինյանը կմասնակցի Հանրային ռադիոյի տնօրենի մրցույթին

Հայաստանի Հանրային ռադիոյի տնօրենի պաշտոնի համար հայտարարված մրցույթին է պատրաստվում մասնակցել Հանրային հեռուստաընկերության լրատվական ծառայության պրոդյուսեր Ռուբեն Շահինյանը: Հանրային հեռուստառադիոընկերության խորհուրդը «Հայաստանի հանրային ռադիոընկերություն» փակ բաժնետիրական ընկերության գործադիր տնօրենի պաշտոնի համալրման մրցույթը հայտարարել էր փետրվարի 22-ին: Հավանական թեկանածուներից դեռեւս Ռուբեն Շահինյանի անունն է միայն հայտնի: Շահինյանի հետ մեր հարցազրույցը ստորեւ.

- Պարոն Շահինյան մրցույթում ի՞նչ ծրագիր եք ներկայացնելու:

- Չեմ ուզում փակագծեր շատ բացել, բայց փորձեմ մեկ օրինակի վրա ցույց տալ. մեր ռադիո լսող հայրենակիցների գոնե 50 տոկոսը իմանա, որ FM 107.7-ը Հանրային ռադիոյի հաճախականությունն է: Վիզուալիզացիայի մեջ եմ որոշ կետեր առանձնացրել, սակայն դրանց մասին դեռեւս չեմ ուզում բարձրաձայնել: Նպատակն է Հանրային ռադիոյի լսարանը մեծացնել, զուգահեռ՝ վստահությունը այնտեղից հնչող ամեն մի տառի նկատմամբ: Հանրային ռադիոն պետք է տարբեր քննարկումների հանրային հարթակ լինի:

- Կադրային քաղաքականության հետ կապված անելիքներ տեսնու՞մ եք:

- Այո, այդտեղ շատ անելիքներ կան: Այն ինֆորմացիան, որ ես ունեմ մամուլից եւ տարբեր տեղերից, գիտեմ, որ կա խնդիր մարդկանց աշխատավարձերի, եւ տարիների վաստակ ունեցող աշխատողների գնահատման տեսանկյունից: Բայց ավելի շատ սոցիալական խնդիրներից էին մարդիկ խոսում:

- Հանրային ռադիոյի նախկին տնօրեն Մարկ Գրիգորյանի հրաժարականի պատճառներից մեկն էր նաեւ վերջինիս կատարած կադրային փոփոխությունը: Այդ առումով մտավախություն չունե՞ք, քանի որ ռադիոյի մի շարք աշխատակիցներ բողոքի ակցիա էին սկսել եւ գործադուլ անելու հայտարարություն տարածել հենց դրանից հետո:

- Տվյալ պահին դրսից դատելը մի փոքր սխալ կլինի, բայց մի բան կարող եմ հստակ ասել, այդքան մարդ չէր կարող սխալվել եւ անհիմն բողոքել: Մեր առաջնային խնդիրներից է կադրային քաղաքականությունը, պետք է հասկանալ եւ գնահատել ըստ արժանվույնի: Չի կարելի լավագույն կադրերին հենց այնպես հանել եւ կրճատել, եթե նրանք այդ հիմնարկին պետք են եւ օգուտ են տալիս: Եթե մեկ-երկու հոգի լիներ այդ բողոքի ակցիայի մասնակիցների թվում, այլ հարց է, իսկ այս դեպքում ոտքի էր ելել Հանրային ռադիոյի ողջ անձնակազմը, այսինքն, այդտեղ առաջնահերթ լուծելու հարցեր կան: Բայց այդ հարցերն ավելի ամբողջական պարզ կդառնան, երբ նմանօրինակ խոհանոցային հարցերին ավելի ներսից ծանոթանամ: Ամեն դեպքում այդ մասով անելիքներն առաջնային են, քանի որ ցածր աշխատավարձերի պատճառով ռադիոյում կադրային կոտորած կարող է լինել, եթե շուտափույթ այդ հարցը չլուծվի:

- Նախկին տնօրենի 1 մլն 500 հազար դրամ աշխատավարձն ապշեցրել էր ռադիոյի բոլոր աշխատողներին, իրենց ստացած չնչին գումարների կողքին թերեւս սա էլ էր բողոքի ալիքի պատճառ դարձել։

- Եթե մրցույթում ես հաղթեմ, այդ աշխատավարձը նույնը չի մնա: Երկար ժամանակ աշխատել եմ պետական հիմնարկի հետ համագործակցելով, կարողացել եմ բավարարվել նրանով, ինչ ստանում եմ: Ուստի, իմ աշխատավարձն ու նույն հիմնարկի մեկ այլ աշխատողինը պարզապես չեն կարող տասնյակ անգամ տարբերվել: Ես չեմ պատրաստվում միլիոններ ստանալ: Եթե տնտեսումներ ունենամ տնօրենի աշխատավարձից կամ այլ տեղից, դա ուղղվելու է ռադիոյի կադրային քաղաքականությանը, այսինքն նոր մասնագետներ, եղածների վերանայում, կամ ենթադրենք մի տեխնիկական միջոց, որի կարիքը կա:

- Պարոն Շահինյան, տեղյա՞կ եք՝ ովքեր են ձեր մրցակիցները:

- Մամուլից մի քանի տեղեկություն ունեմ, բայց ստույգ չեն, ինքս էլ շատ չեմ խորացել, թե ովքեր են իմ մրցակիցները: Հնարավոր է՝ ռադիոյից էլ լինեն: Այս ընթացքում իմ առաջ ուրիշ խնդիր եմ դրել:

- Ինչպե՞ս եք գնահատում ձեր շանսերը:

- Եթե մրցույթ անցկացնող հանձնաժողովը կգտնի, որ ես այն մասնագետն եմ, որը պետք է այսօր ռադիոյին՝ ես կլինեմ, եթե կգտնի, որ այլ մասնագետ է իրենց պետք, այլ մարդու կընտրեն: Ամեն դեպքում, ես գոհ եմ թե՛ իմ այսօրվա աշխատանքից, որն ունեմ, թե՛ այն հնարավորությունից, որը կարող է ստեղծվել: Շանսերի մասին դեռ չեմ փորձում մտածել: Հույս ունեմ, որ այսօրվա Հայաստանում մրցույթը լինելու է անաչառ: Անկախ արդյունքներից, ես անգամ այսօր կարող եմ շնորհավորել այն մարդուն, որն ընտրվելու է, քանի որ որեւէ կասկած չունեմ անաչառության հետ կապված:

- Ըստ ձեզ, հանձնաժողովի անդամները հիմնականում կարեւորություն են տալու ներկայացված ծրագրին, դրա իրատեսական լինելուն, թե՞ այնուամենայնիվ մեծ դեր է խաղալու տվյալ մասնակցի կենսագրությունն ու գործունեությունը:

- Իմ կարծիքով՝ կառավարման փորձի եւ ծրագրերի համադրում է լինելու, գնահատելու են՝ տվյալ անձն ունի՞ կառավարման փորձ, թե՝ ո՛չ: Ըստ իս, այն ծրագիրը, որը ես եմ ներկայացնելու՝ շատ իրատեսական է: Նմանատիպ փորձ ունեմ, այս նույն ծրագիրն իրագործվել է մեկ այլ մեծ պրոյեկտում, մեծ մասն աշխատել է: Այսինքն, այն, որ իմ ներկայացրած ծրագիրը միանշանակ կաշխատի, դրանում համոզված եմ:

Տպել
3524 դիտում

Կոռուպցիոն բնույթի հանցագործություն է բացահայտվել. պետությանը պատճառվել է առանձնապես խոշոր չափերի՝ 34․723․560 դրամի վնաս

«Այո»-ի նախընտրական շտաբը դրամահավաք կկազմակերպի փետրվարի 25-ին՝ «Դվին» հյուրանոցում. Էդուարդ Աղաջանյան

Միջազգային փորձագետների մասնակցությամբ քննարկվել է ՏԻՄ ընտրությունների վերաբերյալ օրենսդրական փոփոխությունների փաթեթը

ՀՀ եւ Եգիպտոսի Արաբական հանրապետության արտաքին քաղաքական գերատեսչությունները քաղաքական խորհրդակցություններ են անցկացրել

Էրիկ Գրիգորյանը մասնակցել է «Հայանտառ»-ի անտառտնտեսությունների համար ձեռք բերված տրակտորների հանձնման արարողությանը

Բացահայտվել են Լուսաձոր համայնքի ղեկավարի ապօրինությունները. պարզվել է հողատարածքների ձեւական աճուրդի 7 դեպք

Արթուր Ալեքսանյանը չի մեկնաբանում հունահռոմեական ոճի ըմբշամարտի հավաքականի շուրջ բարձրացած աղմուկը

Մենք կորցրինք մեր լավագույն քաղաքացիներից մեկին, որն ուղենիշ էր. Արայիկ Հարությունյան

Փրկարարները մարել են Բարեկամավան գյուղի անտառում բռնկված հրդեհը. ԱԻՆ

Ոստիկանության և Քննչական ծառայություն իրականացնող պաշտոնյաների նկատմամբ վարույթներ են հարուցվել

Դարպասապահ Դավիդ Յուրչենկոն կխաղա Հայաստանի ֆուտբոլի ազգային հավաքականում. պաշտոնական

Հայկական պատվիրակության անդամները հանդիպել են Դանիայի Թագավորության Գերագույն Դատարանի դատավոր Աննա Լուիզ Բորմանին

Երբ փոթորկվում էին Երևանի փողոցները, հրապարակը, նա միշտ օրվա իշխանության դեմ ծառացած մարդկանց մեջ էր

ԱՀԿ տվյալներով՝ աշխարհում փետրվարի 20-ի դրությամբ արձանագրվել է կորոնավիրուսի 75,748 լաբորատոր հաստատված դեպք

Կոտայքի մարզի ֆերմերներին ներկայացվել են գյուղաջակցության ծրագրերը

Նախկին փոխնախարար Արսեն Դավթյանի գործով հարցաքննվեց «Էրեբունի» բ/կ-ի գլխավոր տնօրենի էկոնոմիկայի գծով տեղակալը

Հրդեհ է բռնկվել Վանաձորի Բազում թաղամասում

Նիկոլ Փաշինյանը տիկնոջ հետ մասնակցել է Երվանդ Մանարյանի հոգեհանգստի արարողությանը

Արայիկ Հարությունյանը հավատում է, որ մինչեւ 2050թ. Հայաստանը 25 օլիմպիական ոսկի կունենա

Մահակով և հակագազով ցուցմունք կորզելու քրգործով մեղադրանք է առաջադրվել ոստիկանության Արաբկիրի բաժնի ՔՀԲ նախկին պետին