Բաքվեցի բազմանդամ ընտանիքը 30 տարի ապրել է N17 հատուկ դպրոցում, իսկ նոր տնօրենը թույլ չի տալիս

Արամայիս Մելքումովի ընտանիքը 1988 թվականի Սումգայիթյան ջարդերից հետո տեղափոխվել է Հայաստան: ՀՀ քաղաքացիություն չունեցող բազմանդամ ընտանիքն այսօր անօթեւան է: Մելքումովների ընտանիքը 1988 թվականի դեկտեմբեր ամսից բնակվել է «Նոր նորքի 2-րդ զանգված» Մոլդովական 41 հասցեում գտնվող «Հենաշարժողական համակարգի խնդիրներ ունեցող երեխաների Երեւանի թիվ 17 հատուկ դպրոց»-ին պատկանող տարածքում, սակայն այսօր թույլ չեն տալիս վերադառնալ՝ ասելով, որ սանիտարական պայմաններին այլեւս չի համապատասխանում:

«Էդ ո՞նց եղավ, 30 տարի համապատասխանում էր, երբ ավելի վատ սանիտարահիգիենիկ պայմաններ էին, այսօր չի համապատասխանում».-«Հայկական ժամանակ»-ի հետ զրույցում ասաց Արամայիս Մելքումովը:

Մելքումովների ընտանիքը նախքան կացարանն անժամանակետ ազատելը պայմանագիր էր կնքել դպրոցի նախկին տնօրեն Վերգինե Եսայանի հետ՝ պայմանով, որ վերանորոգումից հետո դպրոցը կրկին վերադարձնելու էր իրենց հատկացրած սենյակները: Վերգինե Եսայանը 2018-ին ազատվել էր տնօրենի պաշտոնից՝ իր սեփական դիմումի համաձայն, նա կրթության եւ գիտության նախկին փոխնախարար Բագրատ Եսայանի կինն է:

Նկատենք, որ «Հենաշարժողական համակարգի խնդիրներ ունեցող երեխաների թիվ 17 հատուկ դպրոց»-ը բազմիցս հայտնվել է լրատվամիջոցների ուշադրության կենտրոնում: Տնօրենի թափուր պաշտոնի մրցույթի արդյունքները մի քանի անգամ այստեղ չեղյալ են արվել: Մարտի 11-ին, այս էլ արդեն որերորդ անգամ, կանցկացվի տնօրենի նոր ընտրություն: 

Մինչեւ տնօրենի պաշտոնից ազատվելը Վերգինե Եսայանի եւ Մելքումովների ընտանիքի հետ համաձայնություն էր ձեռք բերվել, համաձայն որի, վերջիններս ժամանակավոր կազատեն սենյակը, որպեսզի չխոչընդոտեն ընթացող հիմնանորոգման աշխատանքներին՝ տեղափոխելով իրենց գույքը մեկ այլ սենյակ, իսկ շինարարական աշխատանքներն ավարտին հասցնելուց հետո հնարավորություն կունենան կրկին տեղափոխվել իրենց հատկացված սենյակներ:

Մելքումովի ընտանիքն ընդգրկվել է ՀՀ կառավարության 2004 թվականի թիվ 747 Ն որոշմամբ հաստատված՝ 1988-1992թթ. «Ադրբեջանից բռնագաղթած անձանց բնակարանային ապահովության առաջնահերթ ծրագրում»:

Դեռես 2017 թվականի նոյեմբերի 14-ին նա դիմել է ՀՀ տարածքային կառավարման եւ զարգացման նախարարության միգրացիոն պետական ծառայությանը եւ տեղեկացրել, որ դպրոցի տնօրինությունը պահանջում է իր բազմանդամ ընտանիքին ազատել նշված տարածքը: «Մենք մտածում էինք, որ կարող ենք փաստի առաջ կանգնել, դրա համար էլ դիմել ենք ԿԳ նախկին նախարար Լեւոն Մկրտչյանին, իր խոսքը մեզ համար հիմք էր, նախարար մարդ էր: Այսօր, եթե ուզեմ, կոպիտ ասած, կարող եմ գնալ դուռը ջարդել ու ապրել, ո՞վ կարող է ինձ ինչ-որ բան ասել, գրանցումս ամեն ինչ այնտեղ է»,-ասաց Արայիկ Մելքումովը:

Մլեքումովների ընտանիքում կա զինհաշմանդամ, հայրն էլ Արցախյան պատերազմի մասնակից է. «Այսօր փոխանակ մեզ մի բանով օգտակար լինեն, աջակցեն, տարիներ առաջ տվածն են խլում, իսկ մեր բազմանդամ ընտանիքն ի վիճակի չէ վարձով ապրել: Խաբելով հանեցին, դուրս գցեցին՝ ոչ մի այլընտրանք չառաջարկելով»,- ասում են Մելքումովները:

«Հայկական ժամանակ»-ը կապ հաստատեց «Հենաշարժողական համակարգի խնդիրներ ունեցող երեխաների Երեւանի թիվ 17 հատուկ դպրոց»-ի տնօրենի ԺՊ Արուսյակ Թաիրյանի հետ, վերջինս ասաց, որ խնդրին քաջատեղյակ է, սակայն ոչինչ չի կարող անել եւ ընտանիքի բնակությունն այդ կենտրոնում նորմատիվներին չի համապատասխանում: Տնօրենի ԺՊ-ն նկատեց, որ դրանք սենյակներ կոչելն էլ է սխալ, քանի որ հատուկ դասասենյակներ են: Նախկին ձեւով չի մնացել 17 հատուկ դպրոցն ամբողջովին վերափոխվել է:

«Եթե գան ստուգման, մենք խնդիրներ ենք ունենալու: Նախ, խոհանոց չկա, այն սանհանգույցից, որից օգտվելու են իրենք, օգտվում են նաեւ խնդիր ունեցող երեխաները: Ամեն ինչ փոխվել է, նախկին տեսքին չի մնացել, դասասենյակով հատուկ ձեւի հարմարեցված է խնդիր ունեցող երեխաներին: Այժմ, նախկինի նման առանձին մուտք էլ չկա, որպեսզի ընտանիքը կարողանա ելումուտ անել: Այնուամենայնիվ, եթե հրաման լինի ԿԳՆ-ի կողմից, ես, որպես տնօրեն, իմ թույլտվությունը կտամ, չնայած՝ դեմ եմ»,- եզրափակեց տնօրենի ԺՊ-ն:

Տպել
658 դիտում

Առաջիկա օրերին սպասվում է անձրև եւ ամպրոպ

850 հազար դոլարի ներդրում Կոտայքի մարզում (տեսանյութ)

Դատական համակարգի փոփոխությունը հանրային պահանջ է, հետեւաբար հակառակը լինել չի կարող․ Արթուր Ավագյան

Հրդեհ է բռնկվել Շիրակի մարզի Անուշավան գյուղի տներից մեկում. ամբողջությամբ այրվել է տան տանիքը

Հայաստանի ֆուտբոլի ֆեդերացիայի գործկոմը որոշումներ է ընդունել

Ոստիկանները Վանաձորում չարաշահումներ են բացահայտել․ համայնքին պատճառվել է մոտ 16․9 մլն դրամի վնաս

Հադրութի վարչակազմի ղեկավարն ազատվել է պաշտոնից. Բակո Սահակյանը ներկայացրել է նոր ղեկավարին

ՀՀ գլխավոր շտաբի պետն ընդունել է Կարմիր խաչի միջազգային կոմիտեի պատվիրակությանը

Փամբակ գյուղի բնակիչն ապօրինաբար ծառեր է հատել, օգտագործել տան ջեռուցման համար

Տաշիր համայնքում երեխաները հնարավորություն կունենան բացահայտել իրենց տաղանդները․ Սուրեն Պապիկյան

Վ․ Օսիպյանը խորհրդակցություն է անցկացրել ԿՀԴՊ եւ ՔՀ գլխավոր վարչությունների անձնակազմի հետ. տրվել են հանձնարարականներ

Սա Հայաստանի ժողովրդավարացման ժամանակն է. Լենա Նազարյանի հոդվածը՝ անցումային արդարադատության մասին

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 120 անգամ

Երեւանի «Տաշիր Պիցցա» արագ սննդի կենտրոններից մեկում հրդեհ է բռնկվել

Ռոբերտ Քոչարյանն այսօր «Իզմիրլյան» բժշկական կենտրոնում է եղել

Շաբաթ օրը ստացված կարելի է համարել, քանի որ fake news-ի ֆաբրիկայի «հեղինակները» գերազանցեցին իրենց․ Աննա Նաղդալյան

Մարկ Փրիթչարդի հետ քննարկվել են բարձր տեխնոլոգիաների եւ ճանապարհաշինության ոլորտներում գործակցության հնարավորությունները

Ադրբեջանում հայերի նկատմամբ ռասիստական դրսեւորումներն անհնար դարձրին Մխիթարյանի մեկնելը Բաքու. ՀՀ ԱԳՆ մեկնաբանությունը

Համաշխարհային մաքսային կազմակերպության փորձագետները տպավորված են վերջին 10 տարիներին ՀՀ ՊԵԿ-ում տեղի ունեցած առաջընթացից

ՊԵԿ նախագահ Դավիթ Անանյանն արձակուրդ է գնում, նրան կփոխարինի Ռաֆիկ Մաշադյանը