«Կառավարության կառուցվածքի եւ գործունեության մասին» Հայաստանի Հանրապետության օրենքում փոփոխություններ եւ լրացումներ կատարելու մասին» օրենքի նախագիծը դեռ չի ուղարկվել Ազգային ժողով։ Մոտ օրերս այն կներկայացվի խորհրդարանի դատին։ Խոսքն աղմկոտ այն նախագծի մասին է, որով նախատեսվում է կառավարության 17 նախարարությունների փոխարեն ունենալ 12-ը։

Դեռեւս նախորդ տարվա դեկտեմբերին ներկայացրել էինք, որ նախագծով նախատեսվում է մշակույթի, կրթության եւ գիտության, սպորտի եւ երիտասարդության հարցերի նախարարությունների միավորումից ստեղծել կրթության, գիտության, մշակույթի եւ սպորտի նախարարություն, լուծարել Սփյուռքի նախարարությունը, գյուղատնտեսության նախարարությունը միավորել տնտեսական զարգացման եւ ներդրումների նախարարությանը եւ այլն, ապա, ըստ այդմ ունենալ հետեւյալ նախարարությունները՝

  1. աշխատանքի եւ սոցիալական հարցերի նախարարություն
  2. առողջապահության նախարարություն
  3. արդարադատության նախարարություն
  4. արտակարգ իրավիճակների նախարարություն
  5. արտաքին գործերի նախարարություն
  6. բնապահպանության նախարարություն
  7. կրթության, գիտության, մշակույթի եւ սպորտի նախարարություն
  8. պաշտպանության նախարարություն
  9. տարածքային կառավարման եւ ենթակառուցվածքների նախարարություն
  10. բարձր տեխնոլոգիաների եւ ռազմարդյունաբերության նախարարություն
  11. տնտեսական զարգացման եւ գյուղատնտեսության նախարարություն
  12. ֆինանսների նախարարություն։

Սակայն մինչ այս պահը նախագծում նոր փոփոխություններ են արվել։ Մասնավորապես՝ բնապահպանության նախարարությունը վերանվանվել է շրջակա միջավայրի նախարարություն, բարձր տեխնոլոգիաների եւ ռազմարդյունաբերության նախարարությունը դարձել է բարձր տեխնոլոգիաների արդյունաբերության նախարարություն, գյուղատնտեսությունը դուրս է եկել տնտեսական զարգացման եւ գյուղատնտեսության նախարարության նախնական անվանումից եւ բուն կազմից։

Ըստ այդմ, ինչպես տեղեկանում ենք իրավական ակտերի նախագծերի հրապարակման միասնական կայքից՝ նախագծի ներկա տարբերակով կառավարության կառուցվածքում ընդգրկվելու են հետեւյալ նախարարությունները.

1․ աշխատանքի եւ սոցիալական հարցերի նախարարությունը,
2․ առողջապահության նախարարությունը,
3․ արդարադատության նախարարությունը,
4․ արտակարգ իրավիճակների նախարարությունը,
5․ արտաքին գործերի նախարարությունը,
6․ շրջակա միջավայրի նախարարությունը,
7․ կրթության, գիտության, մշակույթի եւ սպորտի նախարարությունը,
8․ պաշտպանության նախարարությունը,
9․ տարածքային կառավարման եւ ենթակառուցվածքների նախարարությունը,
10․ բարձր տեխնոլոգիաների արդյունաբերության նախարարությունը,
11․ Էկոնոմիկայի նախարարությունը,
12․ ֆինանսների նախարարությունը:

Գյուղատնտեսությունը, փաստացի, նախագծի հաստատման դեպքում այլեւ նախարարություն չի ունենալու եւ այլ նախարարության կազմում նույնպես ընդգրկված չի լինելու։ Սակայն էկոնոմիկայի նախարարությունը մշակելու եւ իրականացնելու է գյուղատնտեսության, գյուղատնտեսական մթերքների վերամշակման, անասնաբուժության, բուսասանիտարիայի, սննդամթերքի անվտանգության, գիտատեխնիկական ապահովման եւ խորհրդատվության, գյուղատնտեսության արտադրատեխնիկական սպասարկման, գյուղատնտեսական հողերի մոնիտորինգի եւ գյուղատնտեսությանը պետական աջակցության ոլորտներում կառավարության քաղաքականությունը: Բացի այս՝ էկոնոմիկայի նախարարությունը մշակելու եւ իրականցելու է տնտեսության ճյուղերի, այդ թվում` արդյունաբերության մրցունակության բարձրացման, գործարար միջավայրի բարելավման, արտաքին առեւտրի խթանման, արտահանման շուկաների հասանելիության ապահովման եւ արտահանման զարգացման, ներդրումների խթանման, պետություն-մասնավոր գործընկերության զարգացման, ձեռնարկատիրության խթանման, փոքր ու միջին ձեռնարկությունների զարգացման, զբոսաշրջության, մտավոր սեփականության պաշտպանության, տարածքային տնտեսական զարգացման, մրցակցային պայմանների բարելավման, որակի ենթակառուցվածքների զարգացման, սպառողների շահերի պաշտպանության համակարգի զարգացման ոլորտներում կառավարության քաղաքականությունը:

Կառավարության կառուցվածքի փոփոխության այս նախագծի համաձայն՝ Սփյուռքի նախարարությունը միացման ձեւով վերակազմակերպվելու է՝ միանալով վարչապետի աշխատակազմին՝ այնտեղ ստեղծելով Սփյուռքի գործերի գլխավոր հանձնակատարի գրասենյակ: Սփյուռքի վերաբերյալ քաղաքականությունը, սփյուռքի հետ տարվող աշխատանքների միասնականությունը ապահովելու է վարչապետը։ Գլխավոր հանձնակատարի եւ գրասենյակի գործունեության կազմակերպմանն առնչվող հարցերով որոշումներ է ընդունելու եւ հանձնարարականներ տալու կրկին վարչապետը։ Իսկ Սփյուռքի գործերի գլխավոր հանձնակատարը ենթակա եւ հաշվետու է լինելու վարչապետին։

Ի դեպ՝ իրավական ակտերի նախագծերի հրապարակման միասնական կայքում գրանցված օգտատերերից 261-ը նախագծի այս տարբերակին քվեարկել են 261 դեմ, 22-ը՝ կողմ։ Այս քվեարկությունը միայն ցուցիչ է, այն պարտադրանքի ուժ չունի։ Կայքում նաեւ նախագծում որոշակի փոփոխություններ անելու առաջարկներ կան։ Մինչեւ Ազգային ժողովին ներկայացնելը՝ հնարավոր է նախագիծը կրկին փոփոխությունների ենթարկվի։

Հիշեցնենք, որ կառավարության կառուցվածքի այս փոփոխությունների հիմնավորումն, ըստ էության, այն էր, որ պետական կառավարման համակարգն ուռճացված է եւ պետապարատի արդյունավետությունը բարձրացնելու համար դրա աշխատակիցների մի մասը պետք է տեղավորվի մասնավոր հատվածում, իսկ համակարգը որոշակի առումով օպտիմալացվի։

Եւ քանի որ կառավարության կառուցվածքում փոփություններ կատարելու մասին օրենքի նախագծի հրապարակումից հետո բողոքի որոշակի ալիք բարձրացավ, թե օպտիմալացման հետեւանքով մեծ թվող քաղաքացիներ դառնալու են գործազուրկ, հարկ է նշել, որ «Քաղաքացիական ծառայության մասին» ՀՀ օրենքի՝ նախարարության լուծարման կամ օպտիմալացման դեպքում դրանց՝ քաղաքացիական ծառայության պաշտոններից ազատված քաղաքացիական ծառայողները գրանցվում են քաղծառայության կադրերի ռեզերվում եւ պետբյուջեից մի քանի ամիս շարունակ ստանում աշխատավարձ։ Բացի այս՝ նույն օրենքի հոդված 24-ի համաձայն՝ կադրերի ռեզերվում գրանցված լինելու ժամանակահատվածը եւս համարվում է քաղաքացիական ծառայության ստաժ:

Տպել
8171 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում