ԵԱ չեմպիոն հայ ձյոդոիստն ասում է՝ անձնագրի պատճառով մրցումներ է բաց թողել. մարզիչը պնդում է՝ վատ է մարզվել

ՀՀ ձյուդոյի ազգային հավաքականում խառը իրավիճակ է ստեղծվել: ՀՀ հավաքականի առաջատար, Եվրոպայի չեմպիոն Ֆերդինանդ Կարապետյանն անհաջող է հանդես եկել այս տարվա իր մեկնարկներում: Իսրայելում, Ֆրանսիայում ու Գերմանիյում կայացած միջազգային մրցաշարերում չի պայքարել մեդալների համար: Հետագայում նա հայտարարել էր, որ վատ մարզավիճակի պատճառն այն է, որ ամիսներ շարունակ չի կարողացել արտասահմանում հավաքների ու մրցումների մասնակցել, քանի որ հայկական անձնագրի ժամկետը լրացած է եղել, իսկ 2019-ի սկզբի մրցումներին գնացել է ռուսական անձնագրով: «Հայկական ժամանակ»-ի հետ զրույցում նա հաստատեց դա:

«Այո՛, երկար ամիսներ ելույթ չեմ ունեցել: Չէի կարողանում մրցումների ու հավաքների մեկնել, քանի որ անձնագիր չունեի: Տարկետումս վերջացել էր, այդ պատճառով մի քիչ խնդիր ունեի, բայց այդ հարցը լուծվում է: Մեր ֆեդերացիան անում է հնարավոր ամեն բան, որպեսզի փաստաթղթերը պատրաստվեն: Կարծում եմ՝ մոտ 6 ամիս չեմ մասնակցել»,- ասաց նա՝ ավելացնելով, որ տարեսկզբի մրցումներին օպտիմալ մարզավիճակ չի ունեցել:

Հավաքականի գլխավոր մարզիչ Արմեն Նազարյանը, սակայն, հերքում է, որ անձնագրի ժամկետի հարցը խանգարել է Կարապետյանին մրցումների մասնակցել: Նա նաեւ նշում է, որ այդ 6 ամիսների ընթացքում մարզիկը ելույթներ ունեցել է. Այն բանից հետո, ինչ 2018-ի սեպտեմբերին աշխարհի առաջնությունը բաց է թողել, քանի որ Ադրբեջանում էր, մասնակցել է Դուբայում հոկտեմբերին ու Չինաստանում դեկտեմբերին տեղի ունեցած միջազգային մրցումների:

«Մրցումներին մասնակցել է, անձնագրի ու վիզայի խնդիրներ չի ունեցել»,- ասաց նա:

Նազարյանը նշեց, որ հայկական անձնագրի հարցերը լուծելու համար ժամանակ էր պետք, քանի որ կառավարությունը պետք է որոշում կայացներ: Այդ ընթացքում, նրա խոսքով, ֆեդերացիան վերահսկել է ռուսական անձնագրով վիզա ստանալու գործընթացները, անհրաժեշտության դեպքում միջամտել է ֆեդերացիայի նախագահ Վարդան Ոսկանյանը:

«Փարիզի մրցաշարի համար ֆեդերացիայի նախագահի կապերով ֆրանսիական ֆեդերացիան մեզ հրավեր տվեց: Իսրայելից (խմբ. մրցումներից) հետո նա մնաց Մոսկվայում, մտավ ֆրանսիական դեսպանատուն, ռուսական անձնագրով նրան 6 ամիս վիզա բացեցին, ու կարողացավ մասնակցել: Հունվարից սկսած 6 ամիս կարող է բոլոր մրցումներին մասնակցել: Խնդիր չկա: Բացի դրանից էլ՝ կառավարությունն արդեն որոշումը կայացրել է, նրան երկարաժամկետ հայկական անձնագիր կտան, ու խնդիր չի լինի: Բայց բացի դրանից էլ՝ խնդիր չի ունեցել մասնակցելու»,- ասաց նա:

Նազարյանը կարծում է, որ անձնագրի այդ խնդիրը Ֆերդինանդի համար պարզապես արդարացում է: Ըստ նրա՝ մարզիկը չի կարողանում լավ հանդես գալ ու այդպիսով է փորձում բացատրել ոչ գոհացուցիչ արդյունքները: Իսկ մրցելույթները, մասնագետի խոսքով, վատն են, քանի որ լավ չի մարզվում:

«Մի քիչ էլ իրենից է կախված, որ չի ստացվում, լավ չի մարզվում, այդ ամենը ֆեդերացիայի վրա է գցում»,- ասաց նա:

Մարզիչը նշեց, որ նախկինում մարզիկը շարժվել է իր ցուցումներով: Դրա արդյունքը եղել է այն, որ 2018 թ. նվաճել է Եվրոպայի չեմպիոնի կոչումը: Սակայն հիմա ձյուդոիստը չի հետեւում իր կազմած ծրագրին ու այլ կերպ է որոշել պատրաստվել:

«Իմ պլանը գրված է, թե ինչ մրցումների պետք է մասնակցի: Գերմանիայից հետո Եկատերինբուրգում Գրան պրիի պետք է մասնակցեր, ուսումնամարզական հավաք աներ, դրանից հետո Վրաստանում պետք է հավաք աներ: Հրաժարվել է»,- ասաց նա:

Նազարյանը խոսեց նաեւ Կարապետյանի այսպիսի տրամադրվածության պատճառներից: Ըստ նրա՝ հաջողությունը հավանաբար բացասական ազդեցություն է ունեցել: Ամեն դեպքում նա սպասում է, որ մարզիկը կհավաքվի ու պատշաճ ելույթներ կունենա օլիմպիական վարկանիշային մրցումներում:

«Դե մի քիչ, երեւի, աստղային պահեր կան: Խոսել ենք, որ օլիմպիական խաղերի է պատրաստվում, պետք է լրջանա»,- ասաց նա:

Այս շրջանում Կարապետյանը պատրաստվում է առաջիկա մրցումներին, որոնք նախորդելու են ամռանը կայանալիք Եվրոպայի 2019 թ. առաջնությանը: ՀԺ-ին նա ասաց, որ իր համար ամենակարեւոր մրցումներն աշխարհի ու Եվրոպայի առաջնություններն են եւ որ Եվրոպայի առաջնությանը կհասցնի լավ մարզավիճակում լինել:

Տպել
570 դիտում

Ավիապատահար Գյումրիում. «Պոբեդայի» ինքնաթիռը վայրէջք կատարելիս ետնամասով հպվել է վազքուղուն

Սիրիայում թուրքական զինուժը կրակ է բացել քուրդ զինյալների դեմ

Թոշակառուն գերեզմանատան տարածքից 4 սոճի է հատել. վնասի չափը պարզվում է

Մարտական հերթափոխի նախապատրաստում զորամասերից մեկում

«Ձյունիկ սառնարան» ՍՊԸ-ի պահեստներից ծուխ է նկատվել (տեսանյութ)

Ոստիկանները ակցիայի մասնակիցներին բերման ենթարկելիս կիրառել են օրենքը խախտող անհամաչափ ֆիզիկական ուժ. ՄԻՊ

Վարչապետի աշխատակազմը ներկայացրել է այսօր կառավարությունում Ամուլսարի հանքի վերաբերյալ խորհրդակցության սղագրությունը

Ամուլսարի հանքի շահագործումը ոչ Սեւանին, ոչ Ջերմուկի ջրերին ոչ մի վնաս չի հասցնելու. վարչապետ

Ո՞ւմ է պետք Սերժ Սարգսյանի ձերբակալությունը. ՀՀԿ-ի՞ն, թե՞ ինշխանությանը

Ստեփանավանի անտառներում 3 տարում ապօրինի հատվել է 1462 ծառ. մեղադրանք է առաջադրվել 16 անձի

Նովոսիբիրսկ քաղաքում վթարի հետեւանքով ՀՀ քաղաքացի է զոհվել, 9 մարդ՝ վնասվածքներ ստացել

Քրեակատարողական հիմնարկներում նշեցին Սուրբ Աստվածածնի Վերափոխման տոնը

«Լիդիանը» կառավարություն է ներկայացրել ոչ հավաստի, ոչ լիարժեք տվյալներ. ՀԲՃ-ն հաղորդում է տվել հանցագործության մասին

Ավարտվեց «Իմ քայլը» խմբակցության հանդիպումը վարչապետի հետ Ամուլսարի հարցով. Նազարյանը մանրամասներ է հայտնում

Վարչապետի որոշմամբ էկոնոմիկայի նախարարի նոր տեղակալ է նշանակվել

Կարմիր Խաչի միջազգային կոմիտեի ներկայացուցիչները այցելել են Ադրբեջանում հայտնված հայ զինծառայողին

«Արարատ-Արմենիա» - «Դյուդելանժ» խաղի տոմսերի վաճառքն արդեն սկսված է

Արոնյանը սեւերով ոչ-ոքի խաղաց Անիշ Գիրիի հետ

Թիվ 17 հատուկ դպրոցի նախկին տնօրենը յուրացրել է սնունդ և մոտ 10 մլն դրամ գումար

Դավիթ Տոնոյանը մասնակցել է «Միջազգային բանակային խաղեր-2019» մրցաշարի փակման արարողությանը