Այլընտրանքային տարածք կառաջարկվի Օպերայի հարեւանությամբ գործող սրճարաններից միայն մեկին

Երեւանի քաղաքապետարանը այսօր սկսեց Օպերային թատրոնի հարակից տարածքի առաջին գոտին սրճարաններից ազատելու գործընթացը, ինչի մտադրության մասին հայտարարել էր դեռ հունվարի սկզբին: Այդ հատվածը նախատեսվում է կանաչապատել եւ, ինչպես քաղաքապետարանն էր նշում, վերադարձնել երեւանցիներին:

Քաղաքապետարանի աշխատակիցներն առավոտյան սկսել էին սրճարանների գույքը դուրս բերել տարածքից: Մետաղական կոնստրուկցիաներն ապամոնտաժելու համար անհրաժեշտ հոսանքը սրճարանի սեփականատերերը հրաժարվել էին տրամադրել: Մի քանի ժամ անց տարածք տեղափոխվեց հոսանքի գեներատոր: Բայց այն այդպես էլ գործի չգցվեց: Աշխատանքները կասեցվեցին՝ սեփականատերերի հետ պայմանավորվածություն ձեռք բերելով երեկոյան հանդիպում անցկացնել քաղաքապետարանում:

«Դեպքի վայրում» իրավիճակը բավական լարված էր: Սրճարանների որոշ սեփականատերեր ու աշխատակիցներ պարբերաբար վիրավորանքներ էին հնչեցնում իշխանությունների հասցեին, ափսոսանք էին հայտնում հեղափոխությանը մասնակցելու համար, միացնում էին այդ օրերին հնչած երգերը՝ դրա տակ ենթատեքստ դնելով, իրենք էլ երգում էին, պարում, նաեւ կոնյակ խմում: Հայտարարում էին, թե քաղաքապետարանի այս նախաձեռնության հետեւանքով 300 մարդ դառնալու է գործազուրկ: Հետաքրքրվում էին, թե այդ մարդիկ կարո՞ղ են գնալ քաղաքապետարանի աշխատակիցների տանը ապրելու: «Ծառե՞րը պետք է ուտենք»,- նախատեսվող կանաչապատման դեմ էին բողոքում նրանք ու նաեւ խոստանում վնասել, բենզին լցնել ու վառել այդ կանաչը:

Սրճարանների սեփականատարերը կամ նրանց փաստաբանները վստահեցնում էին, որ տեղի ունեցողն ապօրինի է եւ որ քաղաքապետարանն այս քայլին դիմելու իրավական հիմք չուներ: Քաղաքապետարանի ներկայացուցիչները պնդում էին հակառակը: Ամեն դեպքում, քաղաքային իշխանության գործողություններից բողոքող կողմը դատական գործեր չի հարուցել: Այսօր տարածքից դուրս էին բերվել «Ատլանտիկ» եւ «Մոնտալ» սրճարանների գույքը: Հողային աշխատանքներ էին սկսվել նաեւ «Ռիչ» սրճարանին պատկանած խաղահրապարակում: Հաջորդ հերթում «Ջազվե»-ն էր:

Երեւանի քաղաքապետ Հայկ Մարությանն ավելի վաղ հայտարարել էր, որ Օպերայի հարակից այդ տարածքում սրճարանային գործունեություն իրականացնող տնտեսվարողներին կառաջարկվեն այլընտրանքային տարածքներ՝ քաղաքի այլ հատվածներում: Կենտրոն վարչական շրջանի ղեկավար Վիկտոր Մնացականյանն ասաց, որ այդպես կվարվեն միայն սրճարաններից մեկի՝ «Մոնտալ»-ի դեպքում, որովհետեւ սա տվյալ ընկերության միակ սրճարանն է, իսկ մնացած բոլոր դեպքերում տվյալ բինզնեսով զբաղվող ընկերություններն ունեն այլ սրճարաններ եւս: Լրագրողների հետ զրույցում նա ուշագրավ տեղեկություն հայտնեց: Օրինակ բերելով ապամոնտաժման ենթակա սրճարաններից մեկը, որի սեփականատերերն ու աշխատակցիները բողոքի ցույցեր էին անցկացնում, նկատեց, որ այդ տարածքը՝ ավելի քան 100 քմ, վարձակալվում է ամսական ընդամենը 90 հազար դրամով: «Երեւի դուք տեղյակ եք շուկայական գներից: Դե հիմա համեմատեք»,- ասաց վարչական շրջանի ղեկավարը: Նրա խոսքն, ըստ ամենայնի, վերաբերում էր «Անտլանտիկ» սրճարանին:

Օպերայի թեժ կետ էր ժամանել նաեւ Երեւանի ավագանու «Լույս» խմբակցության անդամ Անի Խաչատրյանը: Նա ասաց, որ սկզբունքորեն դեմ չէ սրճարանների ապամոնտաժմանը եւ տարածքի կանաչապատմանը, բայց եթե դա վերաբերի այնտեղ գործող բոլոր սրճարաններին: Մինչ այդ, Վիկտոր Մնացականյանը լրագրողների հետ զրույցում տեղեկացրել էր, որ մյուս գոտիներում տեղակայված սրճարանները ապամոնտաժելու հարց օրակարգում չկա:  

Երեւանի քաղաքապետի մամուլի խոսնակ Հակոբ Կարապետյանը, Ֆեյսբուքի իր էջում անդրադառնալով խնդրին, նախ հիշեցրել էր, որ Երեւանի քաղաքապետարանը դեռ 2018-ի դեկտեմբերի 13-ին ծանուցումներ է ուղարկել Օպերայի հարակից տարածքում վարձակալության իրավունքով գործունեություն ծավալող 5 տնտեսվարողի, որ համաձայն պայմանագրի, երեսնօրյա ժամկետում դադարելու է վարձակալության պայմանագրի գործողությունը։ Այնուհետեւ քաղաքապետարանը փետրվարի 13-ին ծանուցումներ է ուղարկել արդեն նախկին վարձակալներին՝ առաջարկելով ողջամիտ ժամկետում մաքրել տարածքն իրենց գույքից, այդ թվում՝ ինքնակամ կառույցներից։ 

«Սակայն նախկին վարձակալները, փաստորեն, ինչ-ինչ պատճառներով չեն մաքրել տարածքը, եւ այսօր արդեն քաղաքապետարանի համապատասխան ստորաբաժանումները սկսել են ապամոնտաժել համայքի հողի վրա գոյություն ունեցող կառույցները՝ կանաչապատման աշխատանքներն սկսելու համար։ Ուզում եմ մեկ անգամ եւս ուշադրություն հրավիրել այն հանգամանքի վրա, որ ամբողջ այս գործընթացը, իր մեկնարկի պահից ի վեր, ընթանում է օրինականության եւ նախկին վարձակալների հետ պայմանագրերի տառին համապատասխան։ Օպերայի այգին իսկապես այգի դարձնելու որոշումն աներկբա է, բխում է մեր քաղաքի շահերից ու մեր քաղաքի բնակիչների ցանկությունից»,- գրել է Կարապետյանը եւ հետգրությամբ ավելացրել. «Ի դեպ, մամուլում հայտնված կարծիքները, թե սրճարանները մաքրելու հետեւանքով իբր 300 մարդ աշխատանքից զրկվելու է, մեղմ ասած, չափազանցված են։ Միեւնույն ժամանակ, ինչպես նախկինում էլ ասել ենք, քաղաքապետարանը պատրաստ է իր լիազորությունների շրջանակներում նույն տնտեսվարողներին աջակցել զարգացնել իրենց բիզնեսը քաղաքի այլ տարածքներում՝ արդեն օրինականության սահմաններում»։

Նկատենք, որ սեփականատարերը դժգոհում էին նաեւ Հակոբ Կարապետյանի հիշատակած «ողջամիտ ժամկետ» ձեւակերպումից: Ընդգծելով դրա անորոշությունը՝ նկատում էին, որ օրինակ իրենք ողջամիտ ժամկետ ասելով հասկանում են 2027 թվականը, քանի որ նախկինում ձեռք էին բերել մինչեւ այդ ժամկետը աշխատելու իրավունք:

Տպել
4086 դիտում

Ֆիորին France 3-ի եթերում չկարողացավ զսպել հուզմունքը Ազնավուրի «Քեզ համար Հայաստան» երգի կատարման ժամանակ (տեսանյութ)

Աննա Հակոբյանն այցելել է անմահացած ժամկետային զինծառայող Վահան Աղախանյանի ընտանիքին

Ցավում եմ, որ այս բարձրագույն կոչումը հանձնում եմ ոչ թե անձամբ Կոմանդոսին, այլ Ձեզ, և հանձնում ենք հետմահու. Փաշինյան

Պետական սահմանում պահպանվել է օպերատիվ մարտավարական կայուն իրավիճակ

Ֆրանսիական Ալպերում ձնահյուսի պատճառով չորս մարդ է մահացել

Օտարերկրացի ապագա բժիշկները 100+33 ծառ տնկեցին «Եռաբլուր» զինվորական պանթեոնում

Իսպանիայում ՀՀ դեսպանության ներկայացուցիչները մասնակցել են նացիզմից Եվրոպայի ազատագրման օրվա միջոցառմանը

Կամո Ցուցուլյանը նշանակվել է ՀՀ ոստիկանության պետի տեղակալ

Թաղավարդ և Մեծ Թաղեր գյուղերի գերեզմանատները ոչնչացնելու դեպքերի վերաբերյալ հրապարկումներն ուղարկվել է ԱՀ ոստիկանություն

Հետախուզվողը հայտնաբերվեց Հանրապետության հրապարակում

Երևանի քաղաքապետարանի ենթակայությամբ գործող մանկապարտեզներում կվերսկսվի երեխաների ընդունելությունը

Գյումրիում կարդիականացվի փողոցային լուսավորության համակարգը

Ներքին Հանդ-Ծավ ճանապարհից 20-ամյա տղամարդ է բերման ենթարկվել

Ադրդեջանի կողմից հայկական դիրքերի գրավման փորձ չի եղել, լուրը չի համապատասխանում իրականությանը. Info chechk

Նիկոլ Փաշինյանն Արկադի Տեր-Թադևոսյանին շնորհված Հայրենիքի շքանշանը հանձնել է նրա որդուն՝ Հայկ Տեր-Թադևոսյանին

Շաբաթ և կիրակի օրերին պոլիկլինիկաներում պատվաստումների համար սահմանվել են հերթապահություններ

«Mitsubishi montero»-ն ընկել է Ասկերանի գետը. մեքենայում նաև վարորդի 80-ամյա տատն է եղել

Սփյուռքահայ բժիշկները հայրենիքի համար ծանր ժամանակահատվածում եղել են թիկունքի զինվորները

Քրեական գործ է հարուցվել Երևանում հնչած կրակոցների դեպքի առթիվ. սպանվածը 1984 թվականին ծնված տղամարդ է

Կայացել է «Երաժշտություն հանուն ապագայի» կրթաթոշակառուների համերգը

Օդի ջերմաստիճանը կնվազի 5-ից 7 աստիճանով. լեռնային շրջաններում ձյուն է սպասվում

Պուտինը Հայրենական պատերազմում հաղթանակի 76-րդ տարեդարձի առթիվ շնորհավորել է Փաշինյանին և ՀՀ քաղաքացիներին. «Արմենպրես»

Շիրակի մարզպետն ու Գյումրու քաղաքապետը հարգանքի տուրք են մատուցել հանուն հայրենիքի նահատակվածների հիշատակին

Շատինցի տղամարդն ու գյուղի անասնապահը արջ են սպանել

«Շուշիս». Ստեփանակերտում բացվել է բերդաքաղաքի հայկականությունը փաստող հետազոտությունների ցուցահանդես. «Արցախպրես»

Ռուս խաղաղապահները Լեռնային Ղարաբաղում ականազերծել են շուրջ 2087 հա տարածք

Նիդերլանդներում հայ կնոջ դանակահարության դեպքը ճշտվում է. լուսանկարի կինը ողջ ու առողջ է. դեսպանություն

Պետք է համախմբվենք, չկորցնենք հույսը, որ Շուշին հետ բերենք. Սասուն Միքայելյանն ու ԵԿՄ-ն այցելել են Եռաբլուր

Արցախի ՄԻՊ-ն առցանց հանդիպում է ունեցել «Վերադարձ դեպի Քաշաթաղ» հկ-ի ներկայացուցիչների հետ

Ստեփանակերտ-Դրմբոն ավտոճանապարհին մեքենան ձորն է ընկել. տուժածը տեղափոխվել է զինվորական հոսպիտալ

Նախագահ Արմեն Սարգսյանի անունից ծաղկեպսակ է դրվել «Եռաբլուր» զինվորական պանթեոնում

Արցախում հաստատվել է կորոնավիրուսի 13 նոր դեպք. ստացիոնար բուժում է ստանում 16 մարդ

Դեպքի վայր ժամանած փրկարարներն օգնություն են ցուցաբերել քաղաքացիներին

Կորոնավիրուսի 411 նոր դեպք է հաստատվել. առողջացել է 814, մահացել՝ 16 մարդ

ՀՀ տարածքում կա դժվարանցանելի ավտոճանապարհ, Լարսը բաց է

Տուն, վագոն-տնակ, անասնագոմ. հրդեհի 5 ահազանգ ՀՀ մարզերից

Կրակոցներ Երևանում. կա մեկ զոհ, մեկ վիրավոր. shamshyan.com

Արկադի Տեր -Թադևոսյանին Հայաստանի Ազգային հերոսի կոչում է շնորհվել

Արտենիի կամրջից մեքենան ձորն է գլորվել. տուժածների վիճակը ծանր է

Երևանի Մարգարյան փողոցում ծայրահեղ անընդունելի և դատապարտելի դեպք է տեղի ունեցել. Հակոբ Կարապետյան