«Արսենալը» 2-րդ անգամ փրկվեց Եվրոպա լիգայում, «Վալենսիան» մոտ էր ողբերգության (տեսանյութ)

«Արսենալը» հերթական անգամ Եվրոպա լիգայի ընթացիկ մրցաշրջանում դիմակայության առաջին խաղում պարտվելուց հետո ձեռքից բաց չթողեց հաջորդ փուլի ուղեգիրը: Երեկ՝ մարտի 14-ին, 1/8 եզրափկչի պատասխան խաղում ոչ մի շանս չթողեց «Ռենին»: Սեփական հարկի տակ հաղթեց 3:0:

Ֆրանսիայում «Ռենը» «զինագործներին» պարտության էր մատնել 3:1 ու ամենայն հավանականությամբ գործն ավարտված էր համարում, սակայն երեկ լոնդոնցիներն արագ ամեն ինչ իրենց ուզածով դասավորեցին: 5-րդ րոպեին Պիեռ Էմերիկ Օբամեյանգը բացեց հաշիվը: 15-րդ րոպեին Էնսլի Մեյթլենդ-Նայլզը կրկնապատկեց առավելությունը:

Այս հաշիվն արդեն «Արսենալին» էր հաջորդ փուլ դուրս բերում, սակայն Ունաի Էմերիի թիմն  այսքանով չբավարարվեց: 2-րդ կեսում զարգացրեց հաջողությունը: 72-րդ րոպեին Օբամեյանգը դուբլ ձեւակերպեց: «Արսենալը» քառորդ եզրափակիչ անցավ դիմակայությունում հաղթելով 4:3:

Հանդիպմանը մասնակցեց նաեւ ՀՀ հավաքականի ավագ Հենրիխ Մխիթարյանը, որը նոր է ապաքինվել մեջքի վնասվածքից: Նա 69-րդ րոպեին փոխարինեց Մեսութ Օզիլին:

2018-19 մրցաշրջանի ընթացքում սա 2-րդ դեպքն է, որ լոնդոնյան թիմը պարտվում է առաջին խաղում, սակայն դիմակայությունում հաղթում է: 1/16 եզրափակչի առաջին խաղում հյուրընկալվելիս 1:0 զիջել էր բելառուսական ԲԱՏԷ-ին, սակայն տանն առավելության էր հասել 3:0:

Թրիլերային ստացվեց երեկվա «Կրասնոդար»-«Վալենսիա» հանդիպումը: Առաջին խաղում «Վալենսիան» տանը հաղթել էր 2:1, սակայն երեկ քիչ էր մնում դուրս մնար մրցաշարից: Խաղավարտին մոտ գոլ բաց թողեց: 85-րդ րոպեին հիանալի հարվածով Մագոմեդ-Շապի Սուլեյմանովը գնդակն ուղարկեց մրցակցի դարպասը: Այս գոլը ռուսական թիմին դուրս էր բերում հաջորդ փուլ: «Վալենսիան» հրաշք գործեց մրցավարի եզրափակիչ սուլիչից վայրկյաններ առաջ: Վերջին՝ 93-րդ, րոպեին «չղջիկներից» Գոնսալու Գեդեշը խփեց պատասխան գնդակը: Խաղն ավարտվեց 1:1, եւ «Վալենսիան» 1/4 եզրափակիչ անցավ ընդհանուր դիմակայությունում հաղթելով 3:2:

Երեկ կայացած մյուս խաղերում գրանցվեցին հետեւյալ արդյունքները.

«Զալզբուրգ»-«Նապոլի» 3:1

«Դինամո Կիեւ»-«Չելսի» 0:5

«Վիլյառեալ»-«Զենիթ» 2:1

«Սլավիա Պրահա»-«Սեւիլիա» 4:3

«Բենֆիկա»-«Դինամո Զագրեբ» 3:0

«Ինտեր»-«Այնթրախտ» 0:1

Բացի «Արսենալից» ու «Վալենսիայից»՝ 1/8 եզրափակիչը հաղթահարել են նաեւ «Բենֆիկան», «Չելսին», «Այնթրախտը», «Նապոլին», «Սլավիա Պրահան» եւ «Վիլյառեալը»: Քառորդ եզրափակչի վիճակահանությունը կկայանա այսօր Շվեյցարիայում՝ Նիոնում: Այս փուլի վիճակահանության ժամանակ թիմերը տարբեր զամբյուղների չեն բաժանվելու: Չկան նաեւ այլ սահմանափակումներ. այսինքն՝ նույն երկրի ներկայացուցիչները կամ խմբային փուլում միմյանց դեմ խաղացած թիմերը կարող են մրցակիցներ դառնալ:

Տպել
592 դիտում

Ավիապատահար Գյումրիում. «Պոբեդայի» ինքնաթիռը վայրէջք կատարելիս ետնամասով հպվել է վազքուղուն

Սիրիայում թուրքական զինուժը կրակ է բացել քուրդ զինյալների դեմ

Թոշակառուն գերեզմանատան տարածքից 4 սոճի է հատել. վնասի չափը պարզվում է

Մարտական հերթափոխի նախապատրաստում զորամասերից մեկում

«Ձյունիկ սառնարան» ՍՊԸ-ի պահեստներից ծուխ է նկատվել (տեսանյութ)

Ոստիկանները ակցիայի մասնակիցներին բերման ենթարկելիս կիրառել են օրենքը խախտող անհամաչափ ֆիզիկական ուժ. ՄԻՊ

Վարչապետի աշխատակազմը ներկայացրել է այսօր կառավարությունում Ամուլսարի հանքի վերաբերյալ խորհրդակցության սղագրությունը

Ամուլսարի հանքի շահագործումը ոչ Սեւանին, ոչ Ջերմուկի ջրերին ոչ մի վնաս չի հասցնելու. վարչապետ

Ո՞ւմ է պետք Սերժ Սարգսյանի ձերբակալությունը. ՀՀԿ-ի՞ն, թե՞ ինշխանությանը

Ստեփանավանի անտառներում 3 տարում ապօրինի հատվել է 1462 ծառ. մեղադրանք է առաջադրվել 16 անձի

Նովոսիբիրսկ քաղաքում վթարի հետեւանքով ՀՀ քաղաքացի է զոհվել, 9 մարդ՝ վնասվածքներ ստացել

Քրեակատարողական հիմնարկներում նշեցին Սուրբ Աստվածածնի Վերափոխման տոնը

«Լիդիանը» կառավարություն է ներկայացրել ոչ հավաստի, ոչ լիարժեք տվյալներ. ՀԲՃ-ն հաղորդում է տվել հանցագործության մասին

Ավարտվեց «Իմ քայլը» խմբակցության հանդիպումը վարչապետի հետ Ամուլսարի հարցով. Նազարյանը մանրամասներ է հայտնում

Վարչապետի որոշմամբ էկոնոմիկայի նախարարի նոր տեղակալ է նշանակվել

Կարմիր Խաչի միջազգային կոմիտեի ներկայացուցիչները այցելել են Ադրբեջանում հայտնված հայ զինծառայողին

«Արարատ-Արմենիա» - «Դյուդելանժ» խաղի տոմսերի վաճառքն արդեն սկսված է

Արոնյանը սեւերով ոչ-ոքի խաղաց Անիշ Գիրիի հետ

Թիվ 17 հատուկ դպրոցի նախկին տնօրենը յուրացրել է սնունդ և մոտ 10 մլն դրամ գումար

Դավիթ Տոնոյանը մասնակցել է «Միջազգային բանակային խաղեր-2019» մրցաշարի փակման արարողությանը