Իջեւանի համայնքապետարանը քաղաքի մաքրող-սրբող ավտոմեքենաներն անհատույց տվել է Հրազդանին. որն է պատճառը

Մարտի 19-ին Իջեւան համայնքի դեռեւս գործող ավագանին ՌԵՆՈ մակնիշի լվացող եւ Միլենիում մակնիշի մաքրող-սրբող քաղաքի ավտոմեքենաները տվել է Հրազդանի համայնքապետարանին:

Համայնքի ավագանին նշում է, որ Հրազդանի համայնքապետարանը դիմել է Իջեւանի համայնքապետարանին՝ որպես աջակցություն իրենց օգտագործման տրամադրելու ՌԵՆՈ մակնիշի լվացող եւ Միլենիում մակնիշի մաքրող-սրբող ավտոմեքենաները:

«Ղեկավարվելով ՀՀ Տեղական ինքնակառավարման մասին օրենքի 18-րդ հոդվածի 21-րդ կետով եւ հաշվի առնելով համայնքի ղեկավարի առաջարկությունը՝ տալ համաձայնություն համայնքի ղեկավարի առաջարկությանը՝ վերոնշյալ մաքրող-սրբող ավտոմեքենաները անհատույց, անժամկետ օգտագործման տրամադրել Հրազդանի համայնքապետարանին»,- նշված է որոշման մեջ: 

Իջեւանի համայնքապետ Վարդան Ղալումյանը «Հայկական ժամանակ»-ի հետ զրույցում ասաց, որ այդ ավտոմեքենաները համայնքապետարանին էր նվիրել Իջեւանի քույր քաղաքը՝ Ֆրանսիայի Վալանսը. «Այստեղ արդյունավետ չաշխատեց այդ մեքենաները, քանի որ մեր քաղաքի դիրքը լեռնային է: Այդ մեքենաները իր աշխատանքի ընթացքում մեծ փոշի էր բարձրացնում եւ բնակիչները դժգոհ էին, քանի որ պատշգամբներին էր լցվում այդ փոշին՝ լվացքի վրա, մեքենաների վրա: Տեսանք, որ այդ սարքերը չեն աշխատում, սկսեցինք չաշխատեցնել: Տարածքային կառավարման նախարարությունից իմացանք, որ Հրազդան համայնքում այդ մեքենաները կարող են նորմալ աշխատել եւ որոշեցինք անհատույց տրամադրել Հրազդանին»,- ասաց Ղալումյանը:

Մեր հարցին, թե Հրազդանում նորմալ կաշխատե՞ն այդ սարքերը, Ղալումյանը պատասխանեց. «Այո, որովհետեւ այնտեղ անձրեւների լվացած փոշին չի վերցնում, իսկ մեր մոտ վերցնում է: Մենք քաղաքում մաքրման աշխատանքները այլ ձեւով ենք իրականացնում»:

Իջեւանի համայնքապետարանի առեւտրի, տրանսպորտի, սպասարկումների եւ կապի բաժնի պետ Արարատ Պարոնյանն էլ մեր զրույցում նշեց, որ այդ մեքենաները նախատեսված են ավելի շատ որակյալ տարածքների համար: Պարոնյանի խոսքով՝ այս պահին համայնքին անհրաժեշտ են մաքրման տեխնիկաներ, բայց ոչ այդ տեսակի: Պարոնյանը նաեւ նշեց, որ Հրազդանի համայնքապետարանն էր դիմել

Հրազդանի համայնքապետարանի մամուլի քարտուղար Արամայիս Պողոսյանը ՀԺ-ի հետ զրույցում նշեց, որ Հրազդանի համայնքապետարանի տեխնիկական պարկը շատ վատ վիճակում է․ «Դիմել ենք կառավարություն, տարածքային կառավարման եւ զարգացման նախարարություն՝ տեխնիկայի պակասը լրացնելու համար։ Նախարարությունից առաջարկություն եկավ, որ Իջեւանում կա տեխնիկա, որոնք չեն շահագործվում։ Տեխնիկական խնդիրներ ունեին այդ սարքերը, մեր միջոցներով վերանորոգել ենք եւ իրենք էլ պատրաստ էին տրամադրել մեզ, արդեն մեր ավտոպարկում են այդ մեքենաները։ Իջեւանից պետք է պաշտոնապես գրություն գա, մեր ավագանին էլ ընդունի, որ արդեն շահագործենք»։

Տպել
660 դիտում

Դատական դեպարտամենտի ղեկավարն ինքն է ներկայացրել հաղորդում հանցագործության մասին. ԲԴԽ

Չեմ բացառում, որ կոալիցիոն կառավարություն ստեղծվի. Վրաստանի վարչապետ

Վենետիկի հանձնաժողովն անդրադարձել է ՀՀ Սահմանադրական դատարանի հետ կապված զարգացումներին

Բռնցքամարտիկ Բարեղամ Հարությունյանը դուրս եկավ ԵԽ 1/4 եզրափակիչ՝ հաղթելով բելառուսցի մրցակցին

Մինսկ-2019․ Գ. Հովհաննիսյանը հաղթեց թուրք բռնցքամարտիկին և դուրս եկավ 1/4 եզրափակիչ (լուսանկարներ)

Թուրքիայի ղեկավարությունը շարունակում է բացահայտորեն արհամարհել միջազգային հանրային կարծիքը. Մնացականյանը՝ ՄԱԿ-ում

Հայ զինվորի ու հրամանատարի ծառայությունն ու պայքարը իրենց զավակների, հայրենիքի ապահով և խաղաղ կյանքն է. կաթողիկոս

Երևանում հայ-վրացական միջկառավարական հանձնաժողովի նիստ կանցկացվի

Քննարկվել են Հայաստանի ու Վիետնամի միջեւ համագործակցության հեռանկարները

Գորիսում եւ Կապանում ցուցադրվել են սպառազինության և զինվորական տեխնիկայի նմուշներ

Մենք չենք կարող թույլ տալ Իրանին միջուկային զենք ունենալ. Թրամփ

Թբիլիսիում քամու հետևանքով երկաթյա կոնստրուկցիան ընկել է զբոսաշրջիկների վրա. կա 1 զոհ, 2 վիրավոր

Փրկարարները քաղաքացուն դուրս են բերել գետից եւ մոտեցրել շտապօգնության ավտոմեքենային

Ուժեղացված ծառայություն Շիրակում․ բաժիններ է բերվել 129 անձ, այդ թվում՝ «օրենքով գող». (տեսանյութ)

Ֆրանսիայի Շավիլ քաղաքում Շառլ Ազնավուրի անվան հրապարակ է բացվել

Ովքեր են պայքարում անկախ դատարանների դեմ եւ ինչու է դիմադրությունը կատաղի

ԵԽԽՎ-ում քննարկում են ՌԴ-ի ձայնի իրավունքի վերականգնումը. Վրաստանը, Ուկրաինան, Բրիտանիան ծայրահեղ քայլերի են պատրաստ

Նկարիչ Հենրիկ Ոսկանյանի անունով փողոց Երեւանում չի լինի. ավագանին մերժեց նախագիծը

Կանաչապատման աշխատանքների ընթացքը գոհացուցիչ չէ. Հայկ Մարության

Մինսկ-2019. Ժիրայր Սարգսյանը պարտվեց բռնցքամարտի 1/8 եզրափակչում (լուսանկարներ)