Մեր վատը ուզողներն են նման տեղեկություններ տալիս. նախկին գյուղապետի որդին՝ աղբավայր դարձած Կորեայի ձորի մասին

Արդեն երկար տարիներ է՝ աղբավայրի վերածված Հրազդանի կիրճը այդպես էլ չի մաքրվում:

Կոտայքի մարզի Զովունի համայնքի նախկին գյուղապետ, ՀՀԿ-ական Սերժիկ Ավետիսյանը գյուղապետի պաշտոնում եղած ժամանակ սեփականաշնորհել է Զովունի գյուղին կից Կորեայի ձոր կոչվող հատվածը, որն այսօր դարձել է աղբավայր: Եվ չնայած բնապահպանների տեւական բողոքներին՝ կիրճի հիմնական հատվածում՝ Կորեայի ձորում, աղբատարությունը շարունակվում է:

Եղվարդ համայնքի Զովունի գյուղի վարչական ղեկավար Վրույր Սիմոնյանը եւս չի ժխտում, որ բնակիչներն իրենց աղբը լցնում են Հրազդան գետը, իսկ ինչ վերաբերում է աղբավայրի վերածված Կորեայի ձորին, համայնքի ղեկավարի խոսքով՝ տարածքն աղբավայր չէ, բայց աղբն անխնա լցնում են, ինչի դեմ ինքն անզոր է:

Զովունու վարչական ղեկավարից տեղեկացանք, որ նախկին գյուղապետ Սերժիկ Ավետիսյանի ընտանիքն այդ տարածքում հատուկ մարդիկ է նշանակել, որոնք հսկում են, թե ովքեր են մեքենաներով աղբ տանում ու լցնում, որտեղից էլ այն թափվում է Հրազդան գետը: Մամուլում հրապարակված այն տեղեկությունը, թե բեռնատար յուրաքանչյուր մեքենա նախկին գյուղապետի որդուն վճարում է 1000-ական դրամ եւ շինաղբը լցնում Հրազդան գետը, Վրույր Սիմոնյանը չմեկնաբանեց՝ ասելով, որ գումարի մասին տեղեկություն չունի, միայն գիտի, որ հսկվում է նրանց կողմից:

2018 թվականից Զովունի համայնքի ղեկավարի պաշտոնը զբաղեցնող Վրույր Սիմոնյանը հայտնեց, որ մի քանի անգամ բարձրաձայնել է խնդրի մասին, դիմել տարբեր գերատեսչությունների, սակայն ապարդյուն:

«Հայկական ժամանակ»-ը կապ հաստատեց նախկին գյուղապետի՝ Սերժիկ Ավետիսյանի որդիներից Արտյոմ Ավետիսյանի հետ, որն էլ ասաց, որ Կորեայի ձոր կոչվող հատվածն իրենց սեփականությունն է, դրա համար էլ հսկողություն են իրականացնում: «Ոչ մի տեղ էլ աղբ չեն թափում, չեն կարող նման բան անել, մեր վատը ուզողներն են նման տեղեկություններ տալիս ձեզ, դա աղբավայր չէ»,-ասաց նախկին գյուղապետի որդին: Տարածքում աղբ թափողներից 1000-ական դրամ վերցնելու մասին մեր հարցը լսելուց հետո Արտյոմ Ավետիսյանը հեռախոսն անջատեց:

Սակայն տեղի բնակիչների խոսքով՝ Կորեայի ձորն այսօր լրիվ աղբանոցի է վերածվել, կանաչ տարածքը նմանվել է բաց թափոնատեղի։ Ձորում ամեն քայլափոխի կարելի է հանդիպել աղբ թափելն արգելող նշանների, սակայն դրանք որեւէ ազդեցություն չեն թողնում։ Այնտեղ թափում են ոչ միայն շինարարական աղբ, այլեւ ուտելիքի մնացորդներ, եւ ինչ պատահի դրանից նաեւ տհաճ հոտ է առաջանում:

Տպել
1774 դիտում

«Մալաթիա մոլի» շենքում բռնկված հրդեհը մարվել է

Գյումրու օրվա տոնական միջոցառումներին է միացել վարչապետ Նիկոլ Փաշինյանը (լուսանկարներ, տեսանյութ)

Գյումրին բոլոր հարցերում յուրահատուկ տեղ ունի․ ԱԺ փոխնախագահ Ալեն Սիմոնյանը մասնակցում է «Քաղաքի օր» միջոցառմանը

Չապնի եւ Սեւաքար գյուղերում անօդաչու թռչող սարքերով հետազոտվել են հրդեհի օջախները․ 110 բնակիչ տարհանվել է

Գյումրիում մեծ տոնախմբություն է. նշվում է քաղաքի օրը (լուսանկարներ)

Երեւանյան բնակարանում հայտնաբերվել է ԱԱԾ նախկին աշխատակցի դին, կողքին՝ ատրճանակ. Shamshyan.com

Էստոնիայի հավաքականի պաշտպանը տեղափոխվեց Ալաշկերտ

«Մալաթիա մոլ»-ի շենքում բռնկված հրդեհի հետեւանքով տուժած բոլոր քաղաքացիները դուրս են գրվել հիվանդանոցներից

Փաշինյանը հրապարակել է իր եւ տիկնոջ լուսանկարը՝ գովազդելով հայկական արտադրության վերնաշապիկները

Հունան Պողոսյանը արտահերթ խորհրդակցություն է հրավիրել՝ Սյունիքի մարզում աննախադեպ հրդեհների առնչությամբ

Արայի լեռան ստորոտում հրդեհաշիջման աշխատանքները շարունակվում են. առկա է 5 ծխացող օջախ

ՊԵԿ-ը 1 մլն 938 հազար դրամով տուգանել է «Ֆլեշ» ընկերությանը

«Պրծնենք, սաղիդ տանելու եմ «Փարվանա», պատիվ տամ». Սամվել Ալեքսանյանը գոհ է հրշեջների աշխատանքից

Մեկ օրում ՀՀ տարածքում գրանցվել է խոտածածկ տարածքներում բռնկված 75 հրդեհ

G7-ի ղեկավարները դեմ են Իրանի՝ միջուկային զենք ունենալուն

Գյումրին պատրաստ է քաղաքի տոնին. միջոցառմանը ներկա է լինելու նաեւ վարչապետ Նիկոլ Փաշինյանը

«Մալաթիա մոլ»-ի շենքում բռնկված հրդեհը մեկուսացվել է. հրդեհաշիջման աշխատանքներին մասնակցում է 13 մարտական հաշվարկ

ԱԻ նախարարը հրդեհի վայրում է. ձևավորվել է 30 հոգուց կազմված աշխատանքային խումբ, աշխատում է 19 մարտական հաշվարկ

Հրդեհի հետևանքով Հանրապետական հիվանդանոց տեղափոխված 2 քաղաքացիները դուրս են գրվել

Վայոց Ձորում վթարի հետևանքով զոհվել է 3 քաղաքացի, եւս 3-ը հիվանդանոցում են