Գյումրիում Էտել ծառը, նշանակում է՝ այն հատել արմատից. առողջ բարդիներ են հատվել (լուսանկարներ)

Արդեն երկրորդ օրն է՝ Գյումրիում ծառերը մասսայական հատվում են: Գյումրու քաղաքապետարանի «Գյումրու կոմունալ ծառայություն» բյուջետային հիմնարկը, սակայն, պնդում է, որ իրենք ոչ թե հատում են, այլ՝ կտրում:Ռիժկովի ճեմափողոցում, օրինակ, այս պաշտոնական էտը հետեւյալ տեսքն ունի. արծաթափայլ հսկա 4 բարդիները հատված են, ծառից մնացած բներն արմատին մոտ հատված, բայց պոկված չեն, կոտրված են տարածքի նստարանն ու գովազդային վահանակը, փշրված են եզրաքարերը:

Այս հատված բարդիների նկատմամբ վատ վերաբերմունքը նորություն չէ, պարբերաբար բնակիչներն ու տարածքի խանութի տերը բողոքել, պնդել են, որ ծառը կտրեն, արմատախիլ անեն, քանի որ այն իրենց խանգարում է: Արմատները հողից դուրս են գալիս, ագռավները վերեւից ծրտում են:«5 տարի առաջ բողոք եղել է, բայց մենք տեխնիկա չենք ունեցել, որ էտենք: Բնակիչներն էլ իրենց ուժերով բերել են կռան, արել են: Բայց ծառը փտած չէր, ծեր չէր, բայց բարձր էր ու հաստ էր: Ու ընդհանրապես էդ ծառը էդտեղ չպետք է լիներ: Ագռավների բներ էլ կար վրան: Դե բողոք շատ էր եղել, բայց մենք վերելակ չունեինք, չէինք կարողացել անել»,-ասաց Ազատ Խաչատրյանը:

Փաստորեն, առողջ բարդիները հատվել են, քանի որ ագռավները տարածքը կեղտոտել են: Գործը գլուխ է բերել «Արզուն» խանութի սեփականատերը՝ շենքի բնակիչների համաձայնությամբ: Կատարվածի հետ համաձայն է Գյումրու քաղաքապետարանը: Բայց զավեշտն ամենավերջում է: Քոթուկների վերածված բարդիների բներից ինչ-որ քանդակներ են արվելու: Ստացվում է, որ փոշու մեջ թաղված Գյումրուն ոչ թե ծառեր, այլ ծառաբների քանդակներ են պետք, կամ միայն ծառաբներ՝ առանց քանդակների: Հենց այստեղ էլ չեն համընկնում Գյումրու քաղաքապետարանի եւ գիտնականների կարծիքները՝ կապված թթվածնի աղբյուրի հետ:Ռիժկովի ճեմափողոցից հետո շարքով, կարգով նույն սկզբունքով խորը, մինչեւ արմատները էտվել են Տիգրան Մեծ փողոցի ծառերը: Այս մասին նաեւ ԱԺ պատգամավոր Նազելի Բաղդասարյանն է իր ֆեյսբուքի էջում գրել, լուսանկարներ տեղադրել: ՀԺ-ի հետ զրույցում պատգամավորն ասաց՝ անձամբ է լուսանկարել, հարցրել է՝ ինչու՞ եք ծառը կտրում, ասել են՝ ծեր է, չորացած է, դրա համար:

«Ինձ ասեցին՝ պարզապես չորացած ծառ է, կտրում ենք: Ասեցի՝ լավ, ես կպարզեմ: Ես ավելի շատ կասկած ունեցա, որ ծառերը կտրում են, որ որեւէ մեկին տաղավար հատկացնեն, կամ նման այլ բան: Մասնագետներից հարցրել եմ, ասել են, որ տարվա այս ժամանակահատվածում որեւէ մեկը չի կարող ասել՝ ծառը չորացած է, թե՝ ոչ: Հատկապես Գյումրու պարագայում»,-ասաց Նազելի Բաղդասարյանը:Քաղաքապետարանի պատասխանատու Ազատ Խաչատրյանը ՀԺ-ի հետ զրույցում մեկ անգամ եւս ընդգծեց, որ կատարվածը խորը էտ է: Այդ աշխատանքները հիմնականում իրականացվում են այն փողոցներում, որոնցում մեկնարկել են փողոցաշինական աշխատանքներ: Տիգրան Մեծ, Գարեգին Նժդեհ, Վազգեն Սարգսյան: Ծառերի ճյուղերը մինչեւ բները կտրվում են, քանի որ դրանք խանգարում են նոր լույսերի տեղադրմանն ու տարածքում առկա հաղորդալարերին:«Էդ փողոցներում մենք պետք է հենասյուներ տեղադրենք, իսկ ծառերը խանգարում են, եթե չխանգարեն, բնականաբար մենք սանիտարական էտ կկատարեինք: Ընդհանրապես 5-6, կամ 4 մետր բարձրությամբ կթողնինք»,-բացատրեց Ազատ Խաչատրյանը:Հիմա, երբ միայն բներն եք թողել, դրանք էլ տակից վնասված են հիմնականում, ակնկալում եք, որ նոր ճյուղեր են աճելու, կամ տերեւնե՞ր՝ ՀԺ-ի հարցին քաղաքապետարանի պատասխանատուն վստահ ասաց՝ էտված ծառի վրա քնած աչքեր կան, ժամանակի ընթացքում կբացվեն, այն էլ ոչ թե գալիք տարում, այլ հենց այս տարի, այսինքն՝ շուտով: Տեւական զրույցի ընթացքում քաղաքապետարանի պատասխանատուն, այնուամենայնիվ, ասաց, որ վտանգված ծառեր, իսկապես կան: «Վտանգը էն է, որ ծառի ետեւի մասից է կտրվում բորդյուր շարելու համար, դեմից էլ կտրվում է՝ հաղորդալարը անցկացնելու համար: Այսինքն, ծառի արմատները վնասվում են: Էդ է վնասը: Կլինեն ծառեր, որ կչորանան, ընչի չէ, որ ծառի հետեւի մասը կտրեն, դեմի մասը կտրեն, արմատները թողնին մենակ մե կողմի վրա, նույնիսկ եթե ուժեղ քամի էղնի, էդ ծառն էլ կարող է շուռ գա»:

Պնդումներից հետո, որ այնուամենայնիվ քաղաքում կտրված ծառեր կան, Ազատ Խաչատրյանն ասաց՝ իրենք չեն արել: «Լինում են դեպքեր, երբ քաղաքացին դիմում է գրել, թե ծառն իր լուսավորությանն է խանգարում, կտուրին տերեւներ են թափվում, մենք ծառը կտրում, տեսքի ենք բերում, հետո էդ  բնակիչը մարդ է գտնում, բերում արմատից ծառը կտրում է, արդեն մենք որ փոքրացնում ենք, 5-6 մ թողնում ենք, իրեն էլ բան չի մնում անելու: Կտրում, փայտը վաճառում է: Անցյալ տարի մեկին բռնել ենք, բայց էս տարի չէ: Մենք էդ մարդուն բերել, քաղաքապետարան հասցրել ենք, բայց հետո չգիտեմ ինչ է եղել»,-պատմեց պաշտոնյան:

Ի դեպ, քաղաքապետարանը չի էտել կամ հատել միայն իրեն պատկանող այս կեղտ ու փոշու մեջ կորած, բայց ժամանակին գեղեցիկ սպիտակ գույն ունեցող ծաղկած այս արհեստական ծառը, որի հարեւանությամբ ծառաբնի վերածված բնական ծառի բունն է կանգնած: Ծառը կտրվել կամ էտվել էր, երբ սրճարանային այս վրանն էր հայտնվել: Վրանի չափով կատարված Էտի արդյունքում ծառից ծառաբնի վերածված եւ կանգուն մնացած ծառերի թիվը Գյումրիում մեծ է:

Տպել
533 դիտում

ՀՀ-ն Մինսկ 2019-ի թիավարությունում որակազրկվել է մարզչի թերացման պատճառով

Իմ քվեն տեխնիկական պատճառով գրանցվել էր դեմ և ոչ թե կողմ. Ռուբեն Ռուբինյանը՝ ՌԴ-ի ԵԽԽՎ վերադառնալու մասին

ՌԴ և Վրաստանի հարաբերությունների վատանալու համար մեղավոր են իշխանությունները. Բուրջանաձե

Ո՛չ Ռոբերտ Քոչարյանը, ո՛չ նրա պաշտպանական խմբի անդամները չեն մասնակցի այսօրվա դատական նիստին. հայտարարություն

Դանակահարություն Արաբկիր վարչական շրջանում. մեղադրանք է առաջադրվել 32-ամյա տղամարդուն

Մանվել Գրիգորյանի պաշտպանը միջնորդեց գործը քննել դռնփակ. դատարանը մերժեց

Լոռու մարզում կինը ձեռքերով սեղմել է անչափահաս դստեր պարանոցին և խեղդամահ անելով սպանել նրան. ՔԿ

Սյունիքի մարզի Գորայքում արտահերթ ընտրություններ տեղի կունենան. փակել են միջպետական ճանապարհը, լարված իրավիճակ է

ԱԺ-ն երկրորդ ընթերցմամբ և ամբողջությամբ ընդունեց Հարկային օրենսգրքի փոփոխությունների փաթեթը

ՀՀ պաշտպանության նախարարի գլխավորած պատվիրակությունը մասնակցում է միջազգային ռազմատեխնիկական համաժողովին

Մանվել Գրիգորյանի ինքնազգացողությունը վատացավ. պաշտպանը խնդրեց, որպեսզի բժիշկը նրան թթվածին տրամադրի

ՄԱԿ-ը հարցեր է հղել Թուրքիային 1915-1923թթ. բռնի տեղահանված հայերի ճակատագրի և նրանց վախճանի մասին

Մանվել Գրիգորյանը քիչ առաջ անվասայլակով բերվեց դատարան

Վարչապետը Մասիսում ներկա է գտնվել Ֆրանկոֆոնիայի զբոսայգու և ընտանեկան մարզահամալիրի բացման արարողությանը

Հանուն ձեր մայրերի և քույրերի, եղե՛ք միմյանց նկատմամբ խնամքով, պատասխանատու և զգոն. Աննա Հակոբյանը՝ զինծառայողներին

Ավարտվեց Կոպա Ամերիկա 2019-ի խմբային փուլը

Իտալիան կընդունի 2026 թ. ձմեռային օլիմպիական խաղերը. ՄՕԿ-ը 925 մլն դոլար կտրամադրի

ՀՀ-ն Վրաստան-Ռուսաստան լարվածությունը հանելու համար պատրաստ է երկկողմ օդային ուղեւորափոխադրում իրականացնել. Ճաղարյան

Ստորագրվել է 35 որոշում՝ մաքսային գործի տարբեր բնագավառների վերաբերյալ. ՊԵԿ

Էլմար Մամեդյարովի պնդումները չեն համապատասխանում իրականությանը. ԱԳՆ-ի արձագանքը