Ապամոնտաժված սրճարանների տարածքում հող է ավելացվել. ընթանում են հարթեցման եւ խոտածածկման աշխատանքներ

Երեւանի Օպերային թատրոնի հարակից տարածքի ապամոնտաժված սրճարանների տեղում հողային աշխատանքներ են իրականացվում: Երեք սրճարանների՝ «Ատլանտիկի», «Ջազզվեի» եւ «Ռիչ»-ի՝ օպերային մոտակա տարածքներն արդեն ամբողջությամբ ազատված են: Պահպանվել է միայն «Ատլանտիկի» շատրվանը: Մյուս երկու սրճարանների հարցով, ինչպես հայտնի է, քաղաքապետարանը դիմել է դատարան, եւ «Շոկոլադնիցան» ու «Մոնտալը» առայժմ անձեռնմխելի են:

Ազատված տարածքների մի մասում հողի թմբեր կային: Քաղապետարանի՝ կանաչապատում իրականացնող աշխատակիցներն ասացին, որ հողը բերվել է: Այն շուտով կհարթեցնեն եւ խոտ կցանեն: Նաեւ ոռոգման ցանց է անցկացվել այն հատվածներում, որտեղ դա բացակայել է:

«Կենտրոն-կանաչապատում» ՓԲԸ տեղամասի գյուղատնտես Մարիետա Բաբայանը «Հայկական ժամանակ»-ի հետ զրույցում կարեւորեց, որ քաղաքացիները սրտացավ լինեն ու խնամքով վերաբերվեն կանաչ տարածքին: Նկատեց, որ առնվազն մինչեւ գազոնի ամրանալը լավ կլինի այն ոտքի տակ չտալ: «Այսպես թե այնպես մենք ժողովրդին չենք կարողանում հաղթել, իրենք են հաղթում: Թող մտնեն, նստեն, նստում են, պռճոկում են ջահել աղջիկները, թփուտներ ենք դրել, թփուտները կոտրատում են, ինչքան կարելի է ծախս նախատեսել եւ ոչ մի արդյունքի չհասնել»,- ասաց նա:

Նկատեց, որ քաղաքի բնակիչները հաճախ նաեւ շներին են բերում զբոսանքի ու աղտոտում տարածքը: «Երկու-երեք հատով բերում են այստեղ: Ինչքանո՞վ հաճելի է, որքա՞ն կարելի է, որ բանվորը կռանա թուղթը, աղբը հավաքելու եւ ձեռքը մեկնի կեղտի կողքը: Դա ոչ մեկը չի անի, որ այս աշխատողներն ու այս բանվորներն են անում: Իսկապես շատ տանջալի աշխատանք է»,- ընդգծեց Մարիետա Բաբայանը:

Օպերային թատրոնի հարակից տարածքում նոր ծառատեսակներ, ըստ ամենայնի չեն ավելացվի: «Նախատեսել ենք այն կողմի վրա թփուտներ երեւի: Առայժմ հարթեցում կատարենք, հողային աշխատանքը վերջացնենք, ըստ այնմ կորոշվի ղեկավարության կողմից՝ որտեղ ինչ թփուտներ կարելի է դնել: Բայց ծառերը բավականին են, խիտ են: Յուրաքանչյուր դեկորատիվ ծառ 3-4 մետր պետք է իրարից հեռու լինեն, բարձրանալու են, միմյանց կխանգարեն: Այնպես լինի, որ տարածքը փոցխվի, ոռոգվի, գեղեցիկ աշխատանքն ու կանաչը երեւան»,- ասաց մասնագետը:

Տպել
4724 դիտում

ԱԱԾ-ում ավարտվել է ՍԱՊԾ պաշտոնյաների կողմից կաշառք ստանալու դեպքի հետ կապված քրգործի նախաքննությունը

Վարշավայի ֆոնդային բորսան մտադիր է ձեռք բերել Հայաստանի ֆոնդային բորսան

Նորքի տներից մեկի բակում կեսգիշերն անց հրավառություն իրականացրած տղամարդը հայտնաբերվել է

«Oրենքով գող» Ալոյի եւ քրեական հեղինակություն «Տիզ»-ի կալանավորման միջնորդությունները կքննվեն նորից

ՎՏԲ Բանկն առաջարկում է շահավետ պայմաններ՝ ֆինանսական կազմակերպություններից գույքի գրավադրմամբ վարկեր գնելու նպատակով

Վաղվանից Հայաստանի տարածքում ջերմաստիճանը կնվազի, սպասվում են տեղումներ

Արցախի Մարտունու շրջանի Սոս և Մաճկալաշեն համայնքներում դպրոցները դեռ փակ կմնան

Գազամատակարարման պլանային ընդհատումներ կլինեն Երևանում, Լոռու, Կոտայքի, Արագածոտնի և Սյունիքի մարզերում

Ադրբեջանը պատասխանել է իրենց մոտ հայտնված ՀՀ քաղաքացի Ն. Սարդարյանի վերաբերյալ ՄԻԵԴ-ի հարցերին. փաստաբանը մանրամասնում է

Արցախի նախագահն ընդունել է ՀՀ ԱԳՆ պատվիրակությանը. քննարկվել է արտաքին քաղաքականության հարցերի լայն շրջանակ

Եկամտահարկով ուսման վարձի փոխհատուցումը կատարվում է ուսումնական տարվա ավարտից հետո. ԿԳՄՍՆ-ն մանրամասնում է

Անկախության տոնին առաջին անգամ կհանձնվի շախմատի Երևանի գավաթը

Քրեակատարողական ծառայության ղեկավար անձնակազմն այցելել է «Գորիս» քրեակատարողական հիմնարկ

ՍԴ նորընտիր դատավոր Երվանդ Խունդկարյանն ԱԺ ամբիոնից երդվեց լինել անկախ եւ անաչառ

Ուսումնական տարին սկսվեց` երթուղայինների թիվը չավելացավ. Երեւանի քաղաքապետարանը նախապատրաստական աշխատանքներ է անում

Հարձակում Սան-Ֆրանցիսկոյի հայկական կենտրոնի վրա. անհայտ անձինք այն հրկիզել են (լուսանկարներ)

Վարչապետը շնորհավորել է Հայաստանի հրեական համայնքին՝ Ռոշ Հաշանայի կապակցությամբ

Անկախության օրվա կապակցությամբ սեպտեմբերի 21-ին Երևան-Գյումրի-Երևան ուղղությունում կաշխատեն լրացուցիչ էլեկտրագնացքներ

Կոռուպցիոն չարաշահումներ Ամասիայի առողջության կենտրոնում. հարուցվել է քրեական գործ

«Սխալվելու վճռականությունը՝ ճշմարիտ ճանապարհ». Նիկոլ Փաշինյանը՝ ՔՊ-ի սխալների մասին