Գյումրու քաղաքապետարանն ԱԺ պատգամավոր Նազելի Բաղդասարյանին հրավիրել է հարցի խորքային ծանոթացման

Գյումրու քաղաքապետարանի մամուլի ծառայությունն արձագանքել է ԱԺ պատգամավոր Նազելի Բաղդասարյանի՝ երեկ ԱԺ-ում հայտնած մտահոգությանն ու որոշ հստակեցումներ արել «Սև բերդ» ամրոցի ձեռք բերման իրական ընթացակարգի վերաբերյալ: Մամուլի ծառայությունը մասնավորապես գրել է.

«Ի պատասխան ԱԺ պատգամավոր Նազելի Բաղդասարյանի՝ «Սև բերդի» մասով արված հայտարարության.

Պատգամավոր Նազելի Բաղդասարյանը ԱԺ բարձր ամբիոնից հայտարարություն հնչեցրեց` Գյումրու պատմամշակութային արժեքների պահպանման համատեքստում շոշափելով Բալասանյան ազգանունը:

Ցավում ենք, որ պատգամավորը տարբերություն չի տեսնում պաշտոնյայի կողմից հանրային գույքը սեփականաշնորհելու և երկու տասնամյակ առաջ սեփակաշնորհված կառույցը մասնավորից գնելու մեջ, ինչն էլ տեղի է ունեցել «Սև բերդի» պարագայում: Միևնույն ժամանակ մշակույթով մտահոգ մարդկանց հիշեցնենք, թե ինչ տեսք ուներ «Սև բերդը» մինչև Բալասանյան ընտանիքի կողմից ձեռք բերվելն ու ինչ տեսք ունի հիմա: Նաև ներկայացնենք մշակութային այն միջոցառումների ցանկը (ՀՀ ժողովրդական արտիստ, պետական մրցանակի դափնեկիր, մաեստրո Տիգրան Մանսուրյանի ստեղծագործական երեկո (2016թ.), «Գյումրի ռոք-ֆեստ 2016», 2018թ.-ին Սպիտակի երկրաշարժի 30-րդ տարելիցին նվիրված մեծամասշտաբ միջոցառում և այլն), որոնք իրականացվել են այնտեղ վերանորոգումից հետո: Ուշադրություն դարձրեք՝ անվճար:

Կիսելով տիկին Բաղդասարյանի մտահոգությունը Գյումրու պատմական արժեքների պահպանման մասով՝ նրան և բոլոր շահագրգիռ անձանց սիրով հրավիրում ենք ծանոթանալու Բալասանյանների կողմից «Սև բերդի» ձեռք բերման գործընթացի մանրամասներին և վերականգման ուղղությամբ իրականացված աշխատանքներին: Հուսով ենք՝ դրանից հետո տիկին Բաղդասարյանը կկիսի հանրության հետ իր ունեցած տեղեկատվությունը:

Հ.Գ.Գյումրիում կա կիսավեր և լքված ևս մեկ մշակութային կոթող ՝ «Պայտաձև ամրոցը», որը սպասում է մտահոգ և հոգատար ձեռքի:

Գյումրու քաղաքապետի մամուլի ծառայություն»:Հիշեցնենք, որ պատգամավորը երեկ էր ԱԺ-ում ելույթ ունեցել եւ նշել, որ մտահոգ է Կումայրի արգելոցի ճակատագրով: Ելույթում մասնավորապես ասված էր. «Կումայրի արգելոցն այսօր աղճատված է, այն դեմքը, դիմապատկերը, որն ունի Գյումրին, խեղաթյուրված է, տարբեր իշխանական ռեժիմների ներքո հանրային գերակա շահ ներկայացնող տարածքները յուրացվել են: Խոսենք փաստերով: Գյումրու քաղաքային զբոսայգին վարձակալությամբ տրվել է նախկին քաղաքապետ Վարդան Ղուկասյանին, Գյումրիում մեկ այլ պատմամշակութային արժեք ներկայացնող կոթող՝ «Սև բերդ» ամրոցն այժմ գտնվում է գործող քաղաքապետ Սամվել Բալասանյանի ընտանիքի տիրապետման ներքո: Հայաստանի առաջին տիկնիկայինն այսօր լուրջ խնդիրներ ունի, որովհետեւ մուտքը մասնավորեցվել է մեկ անհատի կողմից ապօրինաբար: Տարածքը գտնվում է Կումայրի արգելոցի շրջակայքում: Կումայրի արգելոցի տարածքում այսօր վեր է խոյանում եւ շինարարություն է ընթանում հյուրանոցային ինչ-որ համալիր, որն իր ճարտարապետական տեսքով ոչ մի աղերս չունի, հարկերի բարձրությամբ չի համապատասխանում եւ ԱԻ նախարարությանը, որը հետեւում է նաեւ պատմամշակութային արժեքների պահպանմանը, որպեսզի հետեւողական լինեն այս հարցում: Նաեւ առաջարկ ունեմ, որ ԱԺ-ում ստեղծվի հանձնաժողով, որը հետեւողական կլինի, որ հասարակական այն վայրերը, որոնք տարբեր իշխանական ռեժիմների ներքո օտարվել են, վերադաձվեն հանրությանը»:

Տպել
1173 դիտում

Աշտարակի ոստիկանները հանգստի գոտուց բերման են ենթարկել երիտասարդների և հայտնաբերել թմրամիջոց (տեսանյութ)

Պաշտպանն այց է իրականացրել «Փրկություն» հաշմանդամ երեխաների և երիտասարդների կենտրոն

Սամվել Կարապետյանի եղբորորդին չի ընդունում մեղադրանքը. նա եւ Վահե Պարազյանը առերեսվել են

Մասիսի գերեզմանատան մոտակայքում ցորենի արտ է այրվում. դեպքի վայր է մեկնել 7 հրշեջ մեքենա

Դավիթ Տոնոյանն ընդունել է ՀՀ-ում ԱՄՆ դեսպանին

ԿԳՄՍ նախարարությունում քննարկվել է բարձրագույն կրթության 3-րդ աստիճանի որակի ապահովումը

Մի քանի ժամ տեւած բողոքի ակցիայից հետո ցուցարարները բացել են Հայաստան-Վրաստան միջպետական ճանապարհը

Սյունիքի մարզի Ծավ համայնքին կից անտառում հրդեհ է բռնկվել. սահմանել են հերթապահություն

Վենետիկի հանձնաժողովը բեղմնավոր է գնահատում ՀՀ իշխանությունների հետ գործակցությունը. հայտարարություն

ԵԽ փորձագիտական խումբը կաջակցի ազգային երիտասարդական ռազմավարության վերանայմանը

Երևանում հեռուստաաշտարակի հարևանությամբ կողաշրջվել է ցեմենտ տեղափոխող բեռնատարը

Գյումրու շուկայում ՍԱՏՄ-ն առանց փորձաքննության մսեղիք է հայտնաբերել (լուսանկարներ)

ԱԱԾ տնօրենի հանձնարարականով աշխատանքային խորհրդակցություն է անցկացվել

«Լուսավոր Հայաստան» խմբակցության քարտուղար Գեւորգ Գորգիսյանին դատի են տվել

«Բանանցի» երկրպագուները նայելու ոչինչ չունեին. խայտառակ պարտություն կրեց, դուրս մնաց ԵԼ-ից

Հուլիսի 4-ից ուռուցքաբանական հիվանդությունների ճառագայթային թերապիայի մասով կատարվել են փոփոխություններ

Այն, ինչ հիմա տեղի է ունենում Հայաստանում, պայքար է հին ու նոր համակարգերի, ապագան կերտելու հին ու նոր մեթոդների միջեւ

2021 թվականին ԱՊՀ զբոսաշրջության խորհրդի նիստը կանցկացվի Հայաստանում

Շորթում կատարելու համար մեղադրվող լրագրողը 2 մլն դրամ գրավի դիմաց ազատ կարձակվի

Հուլիսի 18-ին կառավարությունը կքննարկի Մարտի 1-ի ժամանակ տուժածներին որպես աջակցություն տրամադրվող գումարի չափը