Վարչապետը հանձնարարական է տվել քննարկում կազմակերպել՝ նախքան նման օրենքի ընդունումը. Եգանյան

ՀՀ վարչապետ Նիկոլ Փաշինյանը հանձնարարական է տվել եւս մեկ անգամ, հաշվի առնելով բոլոր կողմերի շահերը, քննարկում կազմակերպել նախքան Իրանից ներկրվող ցեմենտի համար պետտուրք սահմանելու մասին օրենքի ընդունումը: Այս մասին Տնտեսական զարգացման նախաձեռնությունների կենտրոնի կազմակերպած ցեմենտի օրինագծի շուրջ ստեղծված իրավիճակի վերաբերյալ քննարկմանը հայտնեց ՀՀ տնտեսական զարգացման եւ ներդրումների նախարարության արդյունաբերական քաղաքականության վարչության պետ Արմեն Եգանյանը:

«Պետք է հաշվի առնել կառուցապատողների, ցեմենտ օգտագործողների շահերը: Օրենքը քննարկման փուլում է, եւ դեռ ԱԺ-ի լիագումար նիստի օրակարգ պետք է ներառվի: Հաշվի առնելով նաեւ կլինկերի հետ կապված խնդիրները, որոնք բարձրաձայնվեցին թե՛ կազմակերպությունների, թե՛ արտադրողների կողմից, վարչապետը հանձնարարական է տվել եւս մեկ անգամ, հաշվի առնելով բոլոր կողմերի շահերը, քննարկում կազմակերպել՝ նախքան նման օրենքի ընդունումը: Կարծում եմ, առաջիկայում այդ քննարկումը կլինի»,-ասաց Եգանյանը:

Եգանյանի խոսքով՝ օրենքի նախագիծն ի սկզբանե մշակվել է՝  հիմք ընդունելով տեղական արտադրողների շահերի պաշտպանությունը: Նա նշեց, որ 15-20 դոլար ցեմենտի արժեքը Իրանի հետ սահմանին բավականին ցածր գին էր, եւ նման գնով Հայաստան ներկրելը լուրջ վտանգ էր հայկական արտադրանքի ծավալների համար: Այդ թեմայով տարբեր քննարկումներ են եղել թե՛ ներմուծողների, թե՛ շինարարությամբ զբաղվող ընկերությունների եւ արտադրողների հետ, ինչից հետո կայացվել էր համապատասխան նախագծի մշակման որոշում եւ դրվել քննարկման:

Եգանյանը նաեւ ներկայացրեց որոշակի թվային տվյալներ: Ցեմենտի արտադրության ոլորտում նախորդ տարի աճ է արձանագրվել: 2018 թվականին Հայաստանում իրացման ծավալը կազմել է 700 հազար տոննայից ավել, որից 180 հազար տոննան ներկրվել է, իսկ 540 հազար տոննան արտադրվել է տեղում: Սակայն ներկրվող ցեմենտի ծավալներն աճել են 3.3 անգամ:

«Հայաստանի կառուցապատող ընկերությունները իրանական ցեմենտի տուրքի սահմանման, հետեւաբար՝ գնի բարձրացման պարագայում արդեն նախապես կնքված գործարքները վերանայելու եւ կառուցապատման արժեքների բարձրացման խնդիր են ունենալու»,- այս մասին ասաց «Իսթեյթ Ինվեսթմենթ ընդ Դիվելոփմենթ» ընկերության օտարերկրյա ներդրող-բաժնետիրոջ ներկայացուցիչ Կարեն Գասպարյանը:

«Կառուցապատողների համար առաջանալու են իրավական խնդիրներ: Կառուցապատողները նախքան շենքը կառուցապատել, ավարտելը գնման իրավունքի շրջանակներում պայմանագրեր են կնքում գնորդների, տարբեր մատակարարների, ծառայություն մատուցողների հետ: Կառուցապատողը պայմանական 1 քառ. մետրի համար 500 հազար դրամով պայմանագիր է կնքել պոտենցիալ գնորդի հետ, ստանձնել է պարտավորություն, որ այդ գնով պետք է փոխանցի գնորդին: Բայց եթե շինարարության ընթացքում ցեմենտի գինը թանկանում է, շինարարական կազմակերպությունները կառուցապատման արժեքի բարձրացման խնդիր են դնում եւ առաջանում են խնդիրներ, ճեղքվածքներ կամ ինքնարժեքի բարձրացում, շահույթի նվազում, որը նվազեցնում է կառուցապատման ոլորտում ներդրումներ կատարելու գրավչությունը»,-ասաց Գասպարյանը:

Գասպարյանի խոսքով՝ իրանական ցեմենտը միշտ եղել է ավելի մատչելի եւ որակյալ: Նա նշեց, որ իրանական ցեմենտի գինը միշտ զսպող գործիք է հանդիսացել տեղական շուկայում արտադրողների համար, եւ ներկրվող ցեմենտի գնի բարձրացումը փակելու է տեղական արտադրողների համար մրցակցության ապահովման վերջին լուսամուտը:

Կառուցապատող մեկ այլ ընկերության «Արթ քոմփանի» ՍՊԸ-ի ներկայացուցիչ Վահե Պետրոսյանի կարծիքով՝ իհարկե տեղական արտադրողին պետք է պաշտպանել, սակայն իրանական ցեմենտը վաճառելու համար առանց այդ էլ խոչընդոտեր կան: «Մեր կլիմայական պայմաններում ցեմենտը մինչ Մեղրիից Երեւան է հասնում, բավականին թանկանում է՝ տարբեր գնահատականներով 15-19 հազար դրամով: Այդ թանկացումն արդեն իսկ օգնում է բոլոր տեղական արտադրողներին, եւ պետական տուրք գումարելը, մեր գնահատականով, ներմուծմանը խիստ վնաս է հասցնելու: Իրանական արտադրանքը լավն է, ավելի արդյունավետ է, կարծում ենք՝ պետք է հնարավորություն տանք, որ տեղական արտադրողները պաշտպանված լինեն, սակայն ներմուծման համար էլ չփակենք դռները»,-նշեց Պետրոսյանը:

Ըստ Տնտեսական զարգացման նախաձեռնությունների կենտրոնի վերլուծության՝  2018 թվականին Հայաստանում ցեմենտի տարեկան իրացման ծավալը կազմել է 680 000 տոննա, որի 75%-ը եղել է տեղական ցեմենտը, իսկ մնացյալ՝ 25%-ը ներմուծված: Կենտրոնի տնօրեն Մարինե Առաքելյանի խոսքով, օրինագիծը մեծ ռիսկեր է պարունակում:

«Կառուցապատողներն արդեն իսկ ունեն կնքված պայմանագրեր՝ հիմք ընդունելով ցեմենտի նախկին գինը»,- նշեց Մարինե Առաքելյանը: 

Իսկ «Առնի Թրեյդ» կառուցապատող ընկերության ներկայացուցիչ Արամ Խաչատրյանը նկատեց, որ ներկայացրած թվերը այդքան էլ չեն համապատասխանում իրականությանը: Խաչատրյանի խոսքով՝ Հայաստանում միշտ եղել է ցեմենտի բարձր արտադրողականություն:

«Հայաստանում միշտ ցեմենտի գործարանները արտադրել են 800 000 տոննայից ոչ պակաս: Տարիներ շարունակ 80%-ը ստվերում է եղել, գնալով կրճատվել է այդ ստվերը, անցյալ տարի 30%-էր»,- նկատեց ընկերության ներկայացուցիչը: Կառուցապատող ընկերության ներկայացուցիչը վստահեցնում է, որ իրանական ցեմենտն ավելի որակյալ է:

«Նախորդ կառավարությունները միշտ սահմանել են շատ բարձր հսկիչ գին, որը եղել է 200 դոլարին մոտ: Իշխանափոխությունից հետո ընդամենը 1 ամսով հսկիչ գինը իջեցվել է 100-ին մոտ, տեմպերով սկսել են ներկրել իրանական ցեմենտ եւ մեր ժողովուրդը տեսավ, որ այն շատ որակով է: Բայց հետո տեղական արտադրողների հետ լոբբինգի շնորհիվ գինը նորից բարձրացավ 200 դոլար»,- նկատեց Արամ Խաչատրյանը:

Տպել
985 դիտում

Այն, ինչ կատարվել է, մեզնից՝ ինձնից, Վահե Գրիգորյանից թաքուն է կատարվել. Սեդա Սաֆարյանը՝ գործի վարույթը կասեցնելու մասին

Սևան քաղաքում շմոլ գազից թունավորվել է 3 քաղաքացի

Քոչարյանն օգտվում է պաշտոնաթող նախագահի անձեռնամխելության երաշխիքից. դատարանի որոշման հիմնավորումները

«Փյունիկը» խիստ դժգոհ է մրցավարից. արձագանքել են հայտնի ֆուտբոլիստներ (տեսանյութ)

ՀՀ ոստիկանության ստորաբաժանումները երեք օրում բացահայտել են հանցագործության 101 դեպք

Գեղարքունիքի մարզի Արգիճի գետից 30-ամյա քաղաքացու դի է դուրս բերվել

Սահակաշվիլիի կինը Վրաստանում պարտություն է կրել քաղաքապետի ընտրություններում

Բռնցքամարտի ֆեդերացիային սպառնու՞մ են. ահազանգում են եւ հորդորում պաշտոնյաներին հեռու մնալ իրենցից

Բացահայտվել է Երեւանում տերմինալների գողության երկու դեպք

Դատական համակարգի հանդեպ եղած հանրային անվստահությունն այն աստիճանի է, որ vetting-ի կիրառումը դարձել է հրամայական

Խ. Աբովյանի տուն-թանգարանը նոր տնօրեն ունի. 60 տարի առաջ գրված համանուն օպերան կրկին կբեմադրվի

Բուժվող հիվանդն իրեն ցած է նետել Արտաշատի հիվանդանոցի 2-րդ հարկից ու ժամեր անց մահացել է

Նրանք պատրաստ են ամեն ինչ անել, միայն թե իրենք հետ գան եւ շարունակեն իրենց թալանը. Բադասյան

ԵԹԿՊԻ ուսանողները բողոք ունեն. վաղը նրանց կհանդիպեն ռեկտորի պաշտոնակատարն ու բուհի խորհրդի նախագահը

ՀՀ դատախազությունը եւս չի ստացել Քոչարյանի եւ մյուսների գործը կասեցնելու մասին որոշումը

Ս. Հովհաննիսյանը նշանակվել է «Զվարթնոց» միջազգային օդանավակայանի հանրային կապերի պատասխանատու

«Ազգային վերածնունդ» կուսակցությունն անվերապահ աջակցում է ՀՀ վարչապետին. հայտարարություն

Ավարտվեց Բակո Սահակյանի ու «Իմ քայլի» պատգամավորների հանդիպումը. ինչ է քննարկվել՝ պարզաբանում է նախագահը

ԱՄՀ-ն հաստատել է Հայաստանին «Սթենդ-Բայ» տեսակի վարկային միջոցների տրամադրումը

ՀԱՅԲԻԶՆԵՍԲԱՆԿՆ ամփոփեց MasterCard ընկերության հետ անցկացրած համատեղ ակցիան