Ցեմենտ արտադրողների փոշիացումը չի բխում մեր ազգային, պետական շահերից․ Միքայել Մելքումյան

Երբ նախարարն ասում է՝ մեկ է՝ մեկը տուժելու է, դա քաղաքական լավ մեսիջ չէ։ Այս մասին այսօր Ազգային ժողովում «Պետական տուրքի մասին» օրենքում փոփոխություններ կատարելու մասին հարցի քննարկման ժամանակ ասաց ԲՀԿ խմբակցության պատգամավոր Միքայել Մելքումյանը․

«Մենք պետք է էնպես անենք, որ այդ տուժելը նվազագույն լինի եւ բոլորի համար առաջանա որոշակի կոնսենսուսային վիճակ։ Այս քննարկումը ցույց է տալիս, որ բոլորի հետ չեք քննարկել, քննարկել եք մի մասի հետ, եւ շատ բանական հարց է առաջանում՝ ո՞ւմ շահերն եք դուք սպասարկում»,-ասաց պատգամավորը։

Նա ներկայացրեց, որ մենք ունենք 2 խոշորագույն, հիմնական ցեմենտ արտադրողներ՝ «Արարատցեմենտ»-ը եւ Հրազդանի ցեմենտի գործարանը։ Իսկ այն երրորդ գորածարանը, որի մասին իր ելույթում նշել էր «Իմ քայլ»-ի պատգամավոր Հայկ Սարգսյանը, դա ցեմենտ արտադրող ձեռնարկություն չէ, այլ, ինչպես ասաց Միքայել Մելքումյանը, գաջ արտադրող պրոֆիլային գործարան է․

««Արարատցեմենտ»-ն ունի 1400 աշխատող, Հրազդանի գործարանը՝ 400 աշխատող, «Արարատցեմենտ»-ն ունի մոտ 500 վարորդներ, եւ այլն, եւ միասին մոտ 2500 մարդ է։ Աշխատավարձ ստանո՞ւմ են, այո, ստանում են։ Հիմա շուկայի չափերը նայենք։ Այս երկու գործարաններն արտադրում են մոտ 80 տոկոս, ներկրում 20 տոկոս, եւ կլինկեր աղալով՝ հինգ տոկոս են կազմում։ Եթե մենք հարկում ենք ցեմենտը, դա շատ նորմալ է, բայց եթե սահմանին իրանական ցեմենտն ու կլինկերը համարյա նույն գինն են, նշանակում է՝ համարյա նույն արտադրանքն է։ Ստացվում է՝ ցեմենտը հարկեցինք՝ լավ ա, մյուս արտադրանքը՝ կլինկերը՝ ոչ, եւ դուրս է գալիս՝ ցեմենտը հարկելու էֆեկտը հավասարվում է զրոյի։ Որովհետեւ խոշոր գործարանները, որոնք արտադրում են կլիներ, այլեւս ձեռնտու չի լինի, որ արտադրեն, իրենք էլ կբերեն, էդ վերջին աղալն էլ կանեն, եւ արդյունքում ամբողջ ծավալը, ինքնարժեքի ծախսերը, աշխատողները, ամեն ինչ կխարխլվի, եւ արդյունքում մենք կունենանք աղացներ, մենք ցեմենտի կարողությունները կկորցնենք»,-ասաց ԲՀԿ-ական պատգամավորը՝ հարց հնչեցնելով՝ իսկ ո՞վ է թույլ տվել, որ ստրատեգիական հումք հանդիսացող ցեմենտի կարողությունները կորցնենք, որովհետեւ կարող է տարբեր պատճառներով կլինկեր այլեւս չգա Հայաստան, ի՞նչ է լինելու այդ դեպքում։

Մելքումյանն իր ելույթում ասաց, որ Հայաստանում ցեմենտ արտադրող երկու խոշոր գործարանները կարողության քսան տոկոսով են աշխատել, դրա պատճառով էլ ցածր կլինի շահութաբերությունը․

«Դրա համար Ծառուկյանը 50 հազարն իջեցրեց 40-ի որպես տնտեսական հեղափոխության առաջին քայլ»։

Միքայել Մելքումյանն ասաց, որ ցեմենտի վրա տուրք դնելը ճիշտ է, բայց պետք է կլինկերի վրա էլ դրվի․

«Եւ դուք դնելու եք դա, ոնց որ նոյեմբեր ամսին 115 մլն դրամի շեմը ասացին չկա, հիմա բերում եք Հարկային օրենսգրքով էն, ինչ մենք ասում էինք։ Սա էլ եք բերելու, որովհետեւ ցեմենտ արտադրողների փոշիացումը չի բխում մեր ազգային, պետական շահերից»,- եզրափակեց պատգամավորը։

Տպել
1064 դիտում

35 մլն դոլար հատկացնում ենք ճանապարհաշինությանը եւ ամեն անգամ սթրեսի մեջ ենք՝ կարողանալո՞ւ ենք գումարը ծախսել․ վարչապետ

Մասիսի քաղաքապետի նկատմամբ «Էրեբունիի գործով» քրեական հետապնդումը դադարեցվել է, բայց նա մնում է մեղադրյալ

363 մլն 110 հազար դրամի ներդրում, 13 նոր աշխատատեղ՝ 350,000 դրամ միջին աշխատավարձով․ «Ջերմուկ գրուպ» ՓԲԸ-ն ներդրում կանի

Սիս գյուղի երեխեքը հարցազրույց են տալիս, ասում են՝ Նիկոլն եկավ, խոստացավ, «գլխառադ» արեց․ էդ ճանապարհը խի՞ չեն սարքում

Վարշավան և Վաշինգտոնը մոտ են Լեհաստանում ԱՄՆ ռազմական ներկայությունը մեծացնելուն

Երեւանում կկառուցվի ժամանցային, զվարճանքի այգի․ կգործեն եվրոպական արտադրության վերջին սերնդի կարուսելներ

Քոչարյանի և մյուսների գործով դիմումը ՍԴ-ում նախնական ուսումնասիրության փուլում է. հայտարարություն

ԵԱՀԿ-ն անցկացրել է հայ-ադրբեջանական սահմանագոտու հերթական դիտարկումը

Գործադիրը հավանություն տվեց շուրջ 5 մլն դոլարի ներդրումային ծրագրին․կստեղծվի 20-50 նոր աշխատատեղ

Հայաստանի Հանրապետության եւ Չինաստանի Ժողովրդական Հանրապետության միջեւ վիզային ռեժիմը կվերանա

Գործադիրը հավանություն տվեց «Պետ․ նպաստների» եւ «Կենսաթոշակների մասին» օրենքներում լրացումներ կատարելու մասին նախագծերին

Իռլանդիայի արդարադատության և հավասարության նախարարն ափսոսանք է հայտնել Մխիթարյանի՝ Բաքու չմեկնելու առթիվ

Հասանովն Ադրբեջանում ընթացող լայնամասշտաբ զորավարժությունների շրջանակում այցելել է առաջնագիծ

Մեկնարկել է ՀՀ կառավարության հերթական նիստը․ օրակարգում 49 հարց է, 35-ը՝ չզեկուցվող

Վահե Ղազարյանը նշանակվել է ՀՀ ոստիկանության զորքերի հրամանատար, ոստիկանության պետի տեղակալ

Ոստիկանները թրաֆիքինգի դեպք են բացահայտել․ կասկածյալները տղամարդ ու կին են (տեսանյութ)

Թող Վազգեն Մանուկյանը չվախենա, բացահայտումները լինելու են ի շահ մեր պետականության․ Անդրանիկ Քոչարյան

Ինչպե՞ս ամրապնդել հայ-վրացական տնտեսական փոխգործակցությունը. քննարկում նախարարությունում

Վանաձորում գործադուլը շարունակվում է. քաղաքի երթուղայիններին միացել են միջհամայնքային գծերի վարորդները (լուսանկարներ)

Ինքնաթիռում կրակոցներ չեն եղել. ասում է ԱԺ պատգամավոր Աշոտ Աղաբաբյանը