ԱԺ-ն քննարկում է մարտիմեկյան դեպքերին տուժած անձանց աջակցություն տրամադրելու հարցը․ քայլ՝ դեպի հանրային համերաշխություն

Ազգային ժողովը քննարկում է ԱԺ փոխնախագահներ Ալեն Սիմոնյանի ու Լենա Նազարյանի հեղինակած՝ «2008 թվականի մարտի 1-2 իրադարձություններին տուժած անձնաց աջակցության տրամադրման մասին» օրենքի նախագիծը։ Օրինագիծը ԱԺ պետաիրավական հանձնաժողովում դրական եզրակացություն էր ստացել։

Նախագծի հիմնական զեկուցող Լենա Նազարյանն իր ելույթում ասաց, որ աջակցություն տրամադրվելու է մարտիմեկյան իրադարձություններին զոհված կամ մահացած անձի իրավահաջորդներին, եւ այն անձնաց, որոնց առողջությանը պատճառվել է ծանր կամ միջին ծանրության վնաս։

Ինչ վերաբերում է աջակցություն տրամադրելու ձեւին, չափին, դիմումի համար անհրաժեշտ փաստաթղթերին՝ Նազարյանը հայտնեց, որ դրանք սահմանվելու են ՀՀ կառավարության որոշմամբ։

ԱԺ փոխնախագահն ասաց, որ այս նախագծով վերահաստատում են պետության դերը՝ որպես քաղաքացիների քաղաքական, քաղաքացիական իրավունքների, ազատությունների եւ ժողովրդավարական արժեքների պաշտպան․

«Հայաստանի քաղաքացիներից խլվել է քաղաքական կամարտահայտման եւ քաղաքական ազատությունների իրավունքը, կասեցվել է ՀՀ-ի ժողովրդավարական զարգացումը՝ մահաբեր ուժի գործադրմամբ»,-ասաց Լենա Նազարյանը՝ շեշտելով, որ Հայաստանում ընտրությունները էլի են կեղծվել, բայց մարտի մեկին նշանառության տակ է եղել քաղաքացին, այն դեպքում, երբ նրա կյանքի եւ ազատությունների երաշխավորը պետք է լիներ պետությունը։

Նազարյանը հիշեցրեց, որ Նիկոլ Փաշինյանն իր ուղերձում ներողություն հայցեց Մարտի մեկի զոհերի հարազատներից, տուժածներից, անարդարությանը բախված քաղաքացիներից, եւ ասաց, որ հերթը հիմա Ազգային ժողովինն է․

«Հերթը հիմա Ազգային ժողովինն է, մեր հերթն է, որ ընդունենք եւ ճանաչենք բոլոր տուժածների տառապանքը եւ վերահաստատենք պետության դերը՝ որպես քաղաքացիների իրավունքների եւ ազատությունների, ժողովրդավարական արժեքների երաշխավոր»։

Նազարյանի խոսքով՝ սրանով քայլ ենք անում՝ դեպի հանրային համերաշխության հաստատում․

«Մենք սրանով չենք հատուցում այն կորուստները, որ կրել են քաղաքացիները, չենք վերադարձնում նրանց առողջությունը, չենք ամոքում նրանց ցավը, բայց քայլ ենք անում հանրային համերաշխության հաստատման համար»։

ԱԺ փոխնախագահն իր ելույթում ասաց, որ նախկին իշխանությունների օրոք ոչ բոլոր տուժածներն են ընկալվել տուժած․

«Նրանց հանդեպ եղել է տարբերակված մոտեցում։ Ես տեղեկանքներ ունեմ, որ որոշ տուժածների տրամադրվել է օգնություն, երբ մյուսները ստացել են 0 դրամ։ Մեր հանրության ներսում բաժանարար գծերը ամրապնդվել են՝ տուժածներին բաժանելով յուրայինների եւ օտարների։ Մեր պարտքն է կասեցնել անարդարությունը։ 11 տարի անտեսված լինելով՝ մեր քաղաքացիները փորձել են անձնական միջոցներով վերականգնել իրենց առողջությունը, նրանց մեծ մասը հոգեբանական, տնտեսական, առողջապահական խնդիրների առաջ կանգնած է եղել միայնակ՝ հուսահատության մատնված»։

Լենա Նազարյանը նախկին իշխանությունների օրոք արդարադատության խոչընդոտումը, պետական աջակցության բացառումը գնահատեց անմարդկային վերաբերմունք այդ մարդկանց հանդեպ, եւ կոչ արեց կողմ քվեարկել այս օրինագծին՝ նրանց հոգսերն ինչ-որ չափով մեղմելու եւ դեպի հանրային համերաշխություն գնալու համար։

Տպել
780 դիտում

Վանաձոր-Ալավերդի-Բագրատաշեն ճանապարհը բեռնատարների և ավտոբուսների համար փակ է

Ամբողջական ու միացյալ Հայաստանի տեսլականի իրագործումն Արցախի միացումն է Հայաստանին. Արամ Ա

Սյունիքում մեքենան մոտ 50 մետրից ընկել է ձորակը․ կա մեկ զոհ, երկու վիրավոր

Դպրոցի տնօրենի 17-ամյա որդին հոր մեքենայով վթարի է ենթարկվել․ 3 դպրոցականներ հիվանդանոցում են

Ըմբիշ Արթուր Ալեքսանյանը ոսկե մեդալ է նվաճել Ղազախստանի միջազգային մրցաշարում

Ջիվան Աբրահամյանն ազատ է արձակվել

Անակնկալ Հայաստանի համար. եկան, կարդացին, գնացին

Քաղաքական լեզվամարտ. ճշմարտությունը միայն կոնյակն էր

Էս ո՞վ է. նա մի տղա էր՝ միշտ տխուր աչքերով

Պատրաստ ենք խորացնել փոխշահավետ գործակցությունը. Վվարչապետն ընդունել է Չինաստանի ԱԳ նախարարին

Հայաստանի և Չինաստանի ԱԳ նախարարները Երևանում ստորագրել են մի շարք փաստաթղթեր

ՀՀ մի մասում տեղումները կշարունակվեն առաջիկա օրերին. սպասվում է անձրեւ,տեղ-տեղ՝ կարկուտ

Հրդեհ Լուսառատ գյուղի պահեստի տարիքում. այրվել է շինությունը, անասնակեր ու վառելափայտ

Ըստ Թուրքիայի սահմանադրական դատարանի՝ Հայոց պատրիարքի ընտրություններում խախտվել է կրոնի ազատությունը

Ազատության հրապարակի ակցիայի հետ մենք կապ չունենք՝ ոչ ուղղակի, ոչ անուղղակի. «Իմ քայլը» դաշինք

ՌԴ Հարավային ռազմական շրջանը ստեղծել է զինվորների ջերմահարումից պաշտպանելու համար նախատեսված 50 կետ

«Մայր Հայաստան» թանգարանում տարածք կհատկացվի ապրիլյան պատերազմի բոլոր զոհերի հիշատակի անկյուն ստեղծելու համար

Զոհրաբ Մնացականյանը հանդիպել է չինացի գործընկերոջ հետ

Հանրահավաքի ընթացքում սպառնալիքներ հնչեցնելու կասկածանքով բերման է ենթարկվել Ջիվան Աբրահամյանը

Վանաձոր-Դիլիջան ճանապարհին մինչև հիմնանորոգումը սկսելը կատարվում են ժամանակավոր անցանելիության համար աշխատանքներ