Ստամբուլում արգելել են անցկացնել Հայոց Ցեղասպանության զոհերի հիշատակին նվիրված միջոցառումներ (լուսանկարներ)

Ստամբուլում արգելել են անցկացնել Հայոց Ցեղասպանության զոհերի հիշատակին նվիրված միջոցառումներ, որոնք պետք է սկսեին Սուլոան Ահմեդի մզկիթի մոտ։ Այնտեղ պետք է տեղի ունենար նաեւ մամլո ասուլիս։ Թույլատրվել է անցկացնել լուռ երթ՝ առանց պաստառների։ Այս արգելքը զայրացրել էր տեղի իրավապաշտպաններին ու արտասահմանից ժամանած հյուրերին, որոնց թվում կան նաեւ քաղաքական գործիչներ Եվրախորհրդատանից ու Ֆրանսիայի խորհրդարանից։

Հիշատակի միջոցառման կազմակերպիչները հայտարարեցին, որ չեն ենթարկվում արգելքին եւ մամուլի ասուլիսն ընդհատումներով տեղի ունեցավ։

«Սա Թուրքիայում օրեցօր վատթարացող քաղաքական ու իրավական միջավայրի հետեւանքն է», - մեզ հետ զրույցում ասաց միջոցառմանը մասնակից, Թուրքիայի Խորհրդարանի պատգամավոր Կարո Փայլանը՝ հավելելով, որ անցած տարիներին նման միջոցառումներ անցկացվել են։

Ըստ կազմակերպիչների փոխանցման՝ հիշատակի միջոցառումն արգելել է ոչ թե Ստամբուլի քաղաքապետարանը, որ վերջին ՏԻՄ ընտրություններից հետո անցել է Ժողովրդահանրապետական կուսակցության վերահսկողության տակ, այլ տարածաշրջանի իշխանությունը, որն ուղիղ կերպով ենթարկվում է երկրի կառավարությանը։

Ի դեպ տարբեր երկրներից լրագրողների ու հասարակական գործիչների այցը Ստամբուլ՝ Ցեղասպանության հիշատակի միջոցառումներին մասնակցելու նպատակով, կզամակերպել էին Հայկական բարեգործական ընդհանուր միությունը (AGBU) եւ (EGAM) European Grassroots Antiracist Movement-ը:

Եվրախորհրդարանի պատգամավոր Ժոզե Ինասիո Ֆարիան «Հայկական ժամանակ»-ի հետ զրույցում քննադատեց Թուրքիայի իշխանությունների որոշումը։ Նրա խոսքով, սա մարդու իրավունքների կոպտագույն խախտում է, եւ իրավիճակն այս ոլորտում գնալով խորանում է Թուրքիայում։ Նա կարծում է, որ Թուրքիան պետք է քաջություն ունենա եւ առերեսվի իր պատմության հետ։ Եվրապատգամավորը նաեւ կոչ է անում Եվրամիությանն՝ ավելի կոշտ արձագանքելու Թուրքիայում մարդու իրավունքների խախտումներին։

«Պետք է ուղղակի պատժամիջոցներ կիրառել։ Սա անցնում է բոլոր սահմանները»,- նշեց նա։ Հիշատակի միջոցառումները Ստամբուլում այսօր կշարունակվեն նաեւ կենտրոնական Իստիկլալ փողոցում:

Այսօր առավոտյան Մեծ եղեռնի զոհերի հիշատակին պատարագ է մատուցվել Ստամբուլի Կում Գափու թաղամասում գտնվող Սուրբ Աստվածածին աթոռանիստ մայր եկեղեցում՝ արքեպիսկոպոս Արամ Աթեշյանի գլխավորությամբ։

Տպել
2372 դիտում

Հրդեհ Երեւանում. փրկարարները բնակարանից դուրս են բերել երեխաներին

Ողբերգական դեպք Երևանում․ «Սուրբ Գրիգոր Լուսավորիչ» բժշկական կենտրոնում 1,5 ամսական աղջնակ է մահացել

Գառնիի բնակարաններից մեկի նկուղում թմրանյութ է հայտնաբերվել

«Գիշեր էր: Մենք բախվեցինք փայտի մի մեծ կտորի».Վրաստանում ձկնորսական նավ է խորտակվել

«ԵՄ-ն շարունակելու է աշխատել հանուն Լեռնային Ղարաբաղի հակամարտության խաղաղ կարգավորման». Մոգերինի

Քաղաքական դաշտի որակը մտահոգիչ է․ իսկական ընդդիմություն է պետք

Ստեփանավան-Բերդ ավտոճանապարհին ավտոմեքենա է այրվել

ՀՀ պաշտպանության նախարար Դավիթ Տոնոյանն այցելել է զինվորական հոսպիտալ

Երեւանում Nissan March-ը բախվել է ծառին, հետո՝ գազատարին. կա 4 տուժած

Արցախում հարգանքի տուրք է մատուցվել Սպիտակի երկրաշարժի զոհերի հիշատակին

«Զվարթնոց» օդանավակայանում հայտնաբերվել է գումարով պայուսակ

Լոռու մարզում ՀՀ վարչապետը ներկայացրել է աղետի գոտու բնակարանաշինության ծրագրերը (լուսանկարներ)

Ո՞ւմ է պետությունը բնակարան պարտք, ինչո՞ւ օգտվել սուբվենցիոն ծրագրերից. վարչապետը պատասխանել է շիրակամուտցիների հարցերին

Ինչ անել երկրաշարժից առաջ, հետո, և հատկապես՝ ցնցումների ժամանակ

Գեւորգ Լոռեցյանը, նրա վարորդը եւ ֆուտբոլային ակումբներից մեկի նախագահը կալանավորվել են

Թալանել են ՀՀ ԱԺ «Լուսավոր Հայաստան» խմբակցության պատգամավոր Հրանտ Այվազյանի ավտոմեքենան

Կոտայքի մարզի Նոր Երզնկա գյուղի տներից մեկում հրդեհ է բռնկվել, բնակիչները ծխահարվել են

«Բրատիսլավան Մինսկի խմբի համանախագահների շուրթերով Ադրբեջանին ասաց՝ ոչ». քաղաքագետ

Ֆինանսների նախարարությունը պարգևատրումներ կտա աշխատակազմի թվի փոփոխության հաշվին արված տնտեսումով

Զինված հարձակում Բաղդադում. կա 16 զոհ