Մրցույթը կայացել է. Գյումրու դրամատիկական թատրոնը տնօրեն ունի

Ապրիլի 26-ին ՀՀ Մշակույթի նախարարությունում կայացած Գյումրու Վարդան Աճեմյանի անվան պետական դրամատիկական թատրոնի տնօրենի թափուր տեղի համար հայտարարաված մրցույթի արդյունքները հայտնի են: Հանձնաժողովի որոշմամբ մրցույթում հաղթող է ճանաչվել թատրոնի գեղարվեստական ղեկավար, տնօրենի ժպ Լյուդվիգ Հարությունյանը:

«Ես մրցույթին մասնակցել եմ նշանակված օրը՝ ապրիլի 26-ին, երկու փուլ է եղել՝ գրավոր թեստային քննություն, հետո՝ բանավոր: Երկուսն էլ հաջողությամբ անցել եմ: Հանձնախմբի մեջ կային ե՛ւ մշակույթի գործիչներ, ե՛ւ կառավարութունից անդամներ: Ոչ մեկին անձամբ չէի ճանաչում: Երեկ պաշտոնապես ճանաչվել եմ մրցույթի հաղթող եւ նշանակվել եմ տնօրենի պաշտոնում»,-ՀԺ-ի հետ զրույցում ասաց Լյուդվիգ Հարությունյանը:

Ո՞վ էր ի վերջո մրցույթին մասնակցության հայտ ներկայացրած երկրորդ թեկնածուն, ում մշակույթի նախարարությունն այդպես գաղտնի էր պահում: Այս հարցի պատասխանը դրամատիկականի նորանշանակ տնօրենը չունի: Մրցույթի օրը որեւէ մեկին չի տեսել: Նա միակ մասնակիցն է հանդիսացել: Բայց, ըստ Հարությունյանի, հաստատ հայտագրված այլ թեկնածու եղել է, այլապես միայն իր թեկնածությամբ մրցույթ հայտարարելն ու կայացնելն անհնար կլիներ:

«Ինձ հետ մրցույթում այլ թեկնածու ներկա չի եղել, ես չեմ տեսել: Ոչ մի փուլի ժամանակ, ոչ գրավորի, ոչ բանավորի: Քանի որ ես մրցույթի մասնակից էի, ինձ մանրամասները չեն ասել, միայն գիտեմ, որ մինչ այդ հայտերը եղել են, բայց քննությանը չեն ներկայացել, թե ի՞նչ պատճառով, մշակույթի նախարարությունը չի ասում»,-ասաց Լյուդվիգ Հարությունյանը:

Շարունակելո՞ւ եք մնալ թատրոնի նաեւ գեղարվեստական ղեկավարը՝ ՀԺ-ի հարցին Լյուդվիգ Հրությունյանը պատասխանեց. «Ես կլինեմ տնօրեն, ով բեմադրություններ անելու իրավունք կունենա»:

«Մենք խնդիր չենք ունենա: Միանշանակ շարունակելու եմ ստեղծագործական գործունեությունս: Թե դա ինչպես կկոչվի, այս պահին չեմ կարող ասել: Դրամատիկականում որոշ ժամանակ հետո կառուցվածքային փոփոխություն է լինելու, ոչ թե հաստիքային կրճատումներ, այլ՝ ընդամենը փոփոխություններ: Եվ պարտադիր չէ, որ ես իմ բեմադրություններն անեմ որպես գեղարվեստական ղեկավար: Թատրոնում ունենք ռեժիսորներ՝ հանձինս Նիկոլայ Ծատուրյանի, ով կզբաղվի նաեւ գեղարվեստական որակով, բայց թե դա ինչ անվանում կունենա, դեռ չգիտեմ: Մենք խնդիր չենք ունենա, որովհետեւ որպես այդպիսին թատրոնը չունի հաստիքով ռեժիսորներ, մեր քաղաքի ռեժիսորներն են անում բեմադրությունները, եւ ես հրավիրում եմ: Նույն սկզբունքը կշարունակվի, ես պարբերաբար կհրավիրեմ ռեժիսորների, բացի մեր քաղաքի ռեժիսորներից, նաեւ հանրապետության այլ թատրոններից կունենանք հյուրեր»,- ասաց դրամատիկականի նորանշանակ տնօրենը:

Առաջիկայում դրամատիկականը շատ անելիք ունի: Այս պահին հյուրախաղերի են պատրաստվում: Մայիսի 3-ին Կ.Ստանիսլավսկու անվան ռուսական դրամատիկական թատրոնում կկայանա «Ոչինչ չի մնա»-ի երևանյան պրեմիերան:

Հիշեցնենք, որ Գյումրու դրամատիկական թատրոնի գեղարվեստական ղեկավար Լյուդվիգ Հարությունյանը տնօրենի ժամանակավոր պաշտոնակատար էր նշանակվել 2018 թվականի նոյեմբերի 1-ին, քանի որ թատրոնի տնօրեն Տիգրան Վիրաբյանը Երեւանի ավագանու հոկտեմբերի 29-ի նիստում նշանակվել էր Երեւանի քաղաքապետի տեղակալ:

Տպել
872 դիտում

Կառավարությունում քննարկվել են ընտանիքի ապահովության գնահատման համակարգի բարեփոխման հարցեր

Այդ բարեփոխումների իրականացման ճանապարհին ՀՀ կառավարությունը կարող է մեզ վրա հույս դնել. Սվիտալսկի

Մոսկվա է մեկնել ՀՀ ԶՈՒ գլխավոր շտաբի աշխատանքային խումբը

Լոռու մարզպետը դատի է տվել նախկին լրագրողին՝ ֆեյսբուքում իրեն վիրավորելու համար

Հերքում եմ, որ խմբակցության հանդիպման ընթացքում ԲԴԽ կամ ՍԴ կառույցները ցրելու մասին խոսակցություն է գնացել. Մակունց

Մխիթարյանը խոսել է իր ընտանիքի հետ ու որոշել չգնալ Բաքու. ասել է թիմի գլխավոր մարզիչը

Վարույթը կասեցված եւ ՍԴ ուղարկված դատական ակտի դեմ հնարավոր է վերաքննիչ բողոք ներկայացնել. դատախազություն

Հնարավոր կլինի հանցագործության մասին անանուն հաղորդումներ ներկայացնել

Միջազգային մամուլը լի է Մխիթարյանի մասին նյութերով. երկրպագուները պահանջում են բոյկոտել ԵԼ-ն

2018-ի հունվար-ապրիլ ամիսներին Երեւանի քաղաքապետին սպասարկող ավտոմեքենան ծախսել է 5200 լիտր բենզին. Կարապետյան

Մրցավար Արտակ Սիմոնյանը որակազրկվել է. խաղի ժամանակ ակնհայտ սխալ որոշում է կայացրել

Նախատեսված է 7-ից 100 տարեկան երեխաների համար. լույս է տեսել Երեւանի մասին գրված առաջին հեքիաթաշարքը

ԿԳ նախարարը տնօրեններին հրահանգել է փաստաթղթերն ընդունել ամեն օր. որոշ դպրոցներում տեղերը սպառվել են

Նախկինները հենց այնպես չեն զիջելու իրենց վերջին փրկօղակը

Հորդորում ենք լինել օբյեկտիվ. ՀՀ ոստիկանությունն անդրադարձել է անփաստարկ քննադատական հայտարարություններին

Ավտոմեքենան դուրս է եկել ճանապարհի երթևեկելի հատվածից և կողաշրջվել. կա տուժած

Տիգրան Ավինյանը հանդիպում է ունեցել Ուկրաինայի նորընտիր նախագահ Զելենսկիի հետ

Դ. Տոնոյանը Վանաձորում 48 բնակարանների բանալիներ է հանձնել սպաների ընտանիքներին (լուսանկարներ)

Մեր տեսլականն է Հայաստանը դարձնել երկիր, ուր տաղանդը զարգացնելու անսահմանափակ հնարավորություններ կան. վարչապետ

ՈՒԵՖԱ-ի կարծիքը Մխիթարյանի վերաբերյալ «Արսենալի» որոշման մասին. ըստ The Sun-ի՝ պաթետիկ պատասխան է