Ես խրախուսում եմ իրազեկվածությունն ու պաշտպանվածությունը. Բաթոյանը՝ «Իմ մարմինն անձնական է» գրքի եւ տեղի ունեցածի մասին

Երեկվա իմ հայտարարությամբ ես դատապարտել եմ «Սեռական բռնության ճգնաժամային կենտրոն»-ի կազմակերպած միջոցառումը խափանելու փորձը: Սա կարեւոր է բոլոր այն կազմակերպությունների համար, որոնք իրականացնում են նաեւ պետության գործառույթը: Արդյո՞ք ճիշտ եք համարում, որ պետությունը չի պաշտպանում սեռական բռնության ենթարկվածներին. ինձ մնում է միայն շնորհակալություն հայտնել այդ կազմակերպություններին, որ այդ գործառույթն իրենք են իրականացնում:

Այսօր այս մասին ասուլիսի ընթացքում հայտարարեց աշխատանքի եւ սոցիալական հարցերի նախարար Զարուհի Բաթոյանը: Անդրադառնալով մայիսի 5-ին «Բուկինիստ» սրճարանում տեղի ունեցածին, երբ փորձ էր արվել խափանել «Սեռական բռնության ճգնաժամային կենտրոն» ՀԿ-ի կազմակերպած «Իմ մարմինն անձնական է» գրքի շնորհանդեսը:

Գրքի նպատակն է՝ կանխարգելել երեխաների նկատմամբ սեռական բռնությունը, այն նախատեսված է 3-ից 6 տարեկան երեխաների համար:

«Քննչական կոմիտեի տվյալների համաձայն՝ 2017 թվականին քննված սեռական բնույթի 161 հանցագործություններից 101-ը երեխաների նկատմամբ է եղել»,-ասաց Բաթոյանը՝ հավելելով, որ երեկ ֆեյսբուքյան իր էջում գրքի հրապարակումը նպատակ ուներ ցույց տալու, որ բարձրացված աղմուկն ու տարածված թյուր կարծիքներն իրականությանը չեն համապատասխանում: Գրքում այլասերման ոչ մի նշույլ չկա:

Լրագրողների հարցին, թե գրքում առկա լեզվամտածողությունը բավարարե՞լ է նախարարին, Բաթոյանը չցանկացավ գնահատականներ տալ՝ ասելով. «Ես գրախոսությամբ չեմ զբաղվել եւ չեմ էլ պատրաստվում: Յուրաքանչյուր ծնող ինքն է որոշում՝ իր երեխային ինչպես պաշտպանել եւ դաստիրակել»:

Նախարարը նշեց, որ «Սեռական բռնության ճգնաժամային կենտրոն» ՀԿ-ին հետ զուտ գործընկերային հարաբերություններ են եւ ինքը որեւէ կազմակերպության չի պաշտպանում: Բաթոյանը հայտնեց, որ «Սեռական բռնության ճգնաժամային կենտրոն»-ը նախարարության միակ գործընկերն է, որը Հայաստանում մատուցում է մասնագիտացված ծառայություններ սեռական բռնության ենթարկված անձանց: Եվ այդ կազմակերպության ջանքերով 2013 թվականին ՀՀ քրեական օրենսգրքում փոփոխություններ կատարվեցին, եւ ավելի խիստ պատասխանատվություն սահմանվեց անչափահասների նկատմամբ սեռական բռնության հանցագործությունների համար: 

«Ես զուտ պաշտպանում եմ Հայաստանում հասարակական կազմակերպության գործունեության իրավունքը: Ես խրախուսում եմ կրթությունը, իրազեկվածությունն ու պաշտպանվածությունը: Մեթոդները կարող են լինել տարբեր»,- նկատեց Զարուհի Բաթոյանը:

Հիշեցնենք, որ մայիսի 4-ին, «Սեռական բռնության ճգնաժամային կենտրոն» ՀԿ-ն ֆեյսբուքյան իր էջում տեղեկացրել էր, որ «Բուկինիստ» գրախանութում հրավիրված միջոցառման ընթացքում գրախանութ են ներխուժել մոտ 25 անձ եւ խափանել «Իմ մարմինն անձնական է» գրքի շնորհանդեսը:

Ավելի ուշ ՀԿ-ից հայտնել էին, որ «Բուկինիստ» սրճարանի մուտքի մոտ մի շարք տղամարդիկ, այդ թվում՝ նաեւ Վահագն Չախալյանը, մասնակիցների ուղղությամբ ձվեր են նետել: Զարուհի Բաթոյանը ֆեյսբուքյան իր էջում դատապարտել էր տեղի ունեցած միջադեպը:

Տպել
334 դիտում

Հունաստան-Հայաստան հանդիպման տոմսերի արժեքն է 20 եվրո. ՀՖՖ-ն հայտնում է՝ ինչպես ձեռք բերել

Թրամփն իր համար նախագահության եւս 6 տարի է կանխատեսել

1000 խոշոր հարկ վճարողների վերաբերյալ հրապարակված ցանկերը հանրության մոտ որոշակի հարցեր են առաջացրել. ՊԵԿ

Վանաձոր-Ստեփանավան ավտոճանապարհին բախվել են 3 մեքենաներՎանաձոր-Ստեփանավան ավտոճանապարհին բախվել են 3 մեքենաներ

Բանջարեղեն հավաքելիս զենք-զինամթերք է հայտնաբերել ու հանձնել ոստիկանություն

Քոչարյանը եւ Սարգսյանը պետք է մեկուսացվեն՝ հանցավոր համագործակցություն ստեղծելու եւ պետական դավաճանության մեղադրանքներով

Դատաիրավական տրամադրություն. Մկրտիչ Արզումանյանի նոր լուսանկարն ու գրառումը

Չունեմ որեւէ՝ ընդունելի բառապաշարով արտահայտման ենթակա մեկնաբանություն. Քոչարյանի եւ մյուսների գործի մասին

Նուր-Սուլթանում կկայանա Հայաստան-Ղազախստան բարեկամական նիստը. Ա. Միրզոյանը հանդիպել է Ն. Նիգմատուլինի հետ

ՀՀ իշխանությունների հաջողությունը համայն հայության հաջողությունն է. Արցախի ԱԺ նախագահ

Բիշքեկում ՀԱՊԿ խորհրդի արտագնա նիստին որոշվել է լիագումար նիստն անցկացնել աշնանը Երեւանում

Վարչապետն ընդունել է Հարվարդի համալսարանի Քենեդիի անվան կառավարման դպրոցի ուսանողներին

Ուկրաինայի վարչապետը հայտարարել է կառավարության հրաժարականի մասին

ՀՀ թաեքվոնդոյի հավաքականը մոտ 5 մլն դրամ է ստացել, ու ոչ մի մարզիկ չի մասնակցել ԱԱ-ին

Քոչարյանի կալանքը փոփոխելու մեր միջնորդությունը նպատակ չէր հետապնդում լրացուցիչ լարվածություն առաջացնելու․ Բակո Սահակյան

Զորամասերից մեկի հրաձգային գումարտակի հետ անցկացվել է ցուցադրական զորավարժություն

«Նուբարաշեն» ՔԿՀ-ի կալանավորին այցելած քաղաքացու մոտ 3 գր սպիտակ, փոշենման զանգված է հայտնաբերվել

Ռոբերտ Քոչարյանի եւ մյուսների գործով վարույթը կասեցվել է եւ ուղարկվել Սահմանադրական դատարան

Աննա Հակոբյանն այցելել է Ապրիլյան հերոս Ժորա Եսայանի անվան դպրոց (լուսանկարներ)

Բոլիվիայում մրցավարը մահացել է ֆուտբոլային խաղի ժամանակ ուշաթափվելուց հետո