Իշխանությունը՝ ի դեմս վարչապետի, կարեւորում է մարզերի համաչափ զարգացումը. Մեսրոպ Առաքելյան

Հայաստանի 4 մարզերում արդեն անցկացվել են ներդրումային բիզնես ծրագրերի համաժողովներ՝ «Իմ քայլը հանուն Լոռու մարզի», «Իմ քայլը հանուն Տավուշի մարզի», «Իմ քայլը հանուն Արարատի մարզի» եւ «Իմ քայլը հանուն Սյունիքի մարզի»:

Համաժողովների ընթացքում լինում են ցուցահանդեսներ, որին մասնակցում են նաեւ փոքր, միջին եւ խոշոր բիզնեսի ներկայացուցիչներ, ներդրողներ, օտարերկրացի գործարարներ, ֆինանսական կառույցների ներկայացուցիչներ եւ այլք: Բնականաբար ծրագիրն անցկացվելու է նաեւ Հայաստանի մյուս մարզերում: Նպատակը մեկն է՝ մարզերի համաչափ զարգացումը, ներդրումները: Իսկ, թե ի՞նչ արդյունք է ստացվել այս 4 մարզերում կազմակերպված համաժողովներից հետո, ՀԺ-ի հետ զրույցում մանրամասնում է ՀՀ վարչապետի հասարակական հիմունքներով խորհրդական, տնտեսագետ Մեսրոպ Առաքելյանը:

«Ընդհանրապես տարածքների համաչափ զարգացումը մեր երկրի տնտեսության կարեւորագուն խնդիրներից մեկն է եղել, որը երկար տարիներ չի կարեւորվել, ինչի արդյունքում մենք ամբողջ տնտեսությունը կենտրոնացրել ենք Երեւանում՝ ներդրողներ, համախառն ներքին արդյունք, եկամուտների գեներացում: Ինչով պայմանավորված՝ արտագաղթից բացի ունեցել ենք ներքին միգրացիա եւ մարդիկ մարզերից տեղափոխվել են Երեւան՝ որոշակի գործունեություն իրականացնելու համար՝ այդ թվում նաեւ ձեռնարկատիրական: Երբ իշխանությունը գնում է դեպի մարզեր, դա շատ կարեւոր գործոն է եւ արդեն տեղի ունեցած էքսպոները բավականին մեծ, դրական մթնոլորտ էեն ձեւավորվել: Ես չէի ասի, որ այս 1-օրյա միջոցառումների արդյունքում մարզերում էականորեն տնտեսության զարգացում ենք ապահովում, ամենեւին: Հաշվի առնելով խնդիրները՝ մենք երկարաժամկետ բարեփոխումների կարիք ունենք, քանի որ ենթակառուցվածքների, կոմունիկացիաների խնդիր ունենք:

Սակայն սրանով իշխանությունը՝ ի դեմս վարչապետի, կարեւորում է մարզերի համաչափ զարգացումն ու արդեն էքսպոյի մասնակիցների քանակը բավականին ոգեւորիչ է: Թեկուզ փոքր ընկերություններ, բայց մարզերում առկա են եւ դրանով նաեւ այդ փոքր ընկերություններին աջակցության քայլ է արվում, որպեսզի նրանք ներգրավվեն տնտեսության ամբողջ զարգացմանը: Ինչու չէ նաեւ պետական ծախսերի մասով է շատ կարեւոր պետություն-մասնավոր համագործակցությունը՝ ե՛ւ պետգնումների մասով ե՛ւ նաեւ համատեղ ծրագրերի մասով: Հետեւաբար, այս տեսանկյունից ես բավականին կարեւորում եմ նման միջոցառումները ու կարծում եմ, որ երկարաժամկետ հաջողության համար շատ կարեւոր հիմք են դրանք»,- ասաց Առաքելյանը:

Մեր հարցին, թե բացի մասնակցությունից գործարարները ներդրումային առաջարկներ անո՞ւմ են, Առաքելյանը պատասխանեց. «Մարզերում կան եւ եղել են փոքր ընկերություններ: Մարդիկ փորձել են մարզի մակարդակով իրենց ջանքն ու միտքը դնելով՝ որոշակի հաջողության հասնել: Սա հնարավորություն է տալիս այդ մարդկանց՝ ավելի ակտիվանալ, մեծացնել իրենց բիզնեսը: Այդ մասով ես կարծում եմ՝ ոչ արագ, բայց փոքր, նույնիսկ գյուղական նշանակության ընկերությունները հնարավորություն կունենան գոնե հանրապետության մասշտաբով որոշակի հաջողությունների հասնել: Ինչու չէ նաեւ իրենց արտադրանքն արտահանել, ինչը նաեւ կառավարության գերակայություններից մեկն է: Այսինքն՝ աջակցել տեղական այնպիսի արտադրողների, որոնք հնարավորություն կունենան իրենց արտադրանք, արտահանել»:

Առաքելյանի խոսքով՝ մարզերում ոչ միայն գյուղատնտեսական արտադրության վերաբերյալ են քննարկումներ լինում, այլեւ արդյունաբերական. «Ունենք նաեւ թեթեւ արդյունաբերություն: Նախկինում ունեցել ենք նման ճյուղ ու շատերն իրենց գաղափարներն այժմ փորձում են գեներացնել, որ ունենան փոքր արտադրություններ: Այսօր շատ ենք ականատես լինում, որ բազմաթիվ ապրանքներ ներմուծում ենք, բայց հիշում ենք, որ ունեցել ենք տեղական որակյալ արտադրություն: Ու մտածում ենք, թե ինչո՞ւ ենք մենք սա ներմուծում: Հետեւաբար, նույնիսկ այդ փոքր արտադրությունները, որ տեսնում ենք, շատ կարեւոր են նաեւ ներմուծման փոխարինիչներ դառնալու տեսանկյունից»:

Առաքելյանը նշեց, որ այս պահին Երեւանից հետո աշխատատեղերի առումով բավականին ակտիվ է Սյունիքի մարզը, սակայն դա ավելի շատ պայմանավորված է հանքարդյունաբերության հանգամանքով, որը ոլորտային կենտրոնացվածություն ունի: «Որոշակի ակտիվություն է նկատվում Երեւանի մոտակա մարզերում, սակայն մենք չպետք է մոռանանք 2 խոշոր քաղաքները: Չմոռանանք, որ այդ միջոցառումներից առաջինը տեղի ունեցավ Վանաձորում»:

Մեր հարցին, թե Երեւանում գործունեություն ծավալող խոշոր գործարարները ցանկություն չունե՞ն մարզերում նույնպես գործունեություն ծավալել, Առաքելյանը պատասխանեց. «Նորից գանք հենց այս խնդրին. ցանկացած բիզնեսի վերջնական նպատակը սպառումն է: Այսօր ցավոք մեր երկրի՝ նաեւ եկամուտների մասով ունենք բավականին մեծ բեւեռացում Երեւանում: Այստեղ մենք ունենում ենք սպառման խնդիր: Այսինքն, հեռավոր մարզերում մարդիկ արտադրություն իրականացնեն, գան Երեւան...: Այստեղ որոշակի բիզնես գործոնների կարեւորություն կա: Շատերը նաեւ որոշակի գործունեություն են սկսում ծավալել Երեւանամերձ հատվածներում: Գոնե Երեւանի Կենտրոնից կենտրոնացվածությունը դուրս է մնում: Նորից եմ կրկնում՝ այստեղ մենք ունենք ընդհանուր խնդիր՝ սկսած ենթակառուցվածքներից: Հնարավոր է, որ ցանկություններ կան մեծ ձեռնարկություններ հիմնելու, սակայն այստեղ կառավարությունն ունի որոշակի քայլերի անհրաժեշտություն՝ սկսած տրանսպորտային համակարգի բարելավումից, որովհետեւ մարդիկ պետք է գնան, աշխատեն: Նաեւ դրանով է պայմանավորված, որ ընդհանուր հարմարավետությունը պետք է ապահովենք, որ բիզնեսը գնա դեպի մարզեր»:

Տպել
43025 դիտում

Ալավերդի ընթանալիս «06»-ը վթարի է ենթարկվել, 12-օրական երեխան տեղում մահացել է

Աշոտ Մելքոնյանն այսուհետեւ կարող է անարգել մտնել Վրաստան. խնդիրն առաջացել էր տեխնիկական սխալմունքի պատճառով

Հայաստանն ու Արցախը պատերազմ չեն ուզում, բայց պատերազմի սպառնալիքով որեւէ մեկը չի կարող մեզ վախեցնել․ Փաշինյան

Ջերմաստիճանի բարձրացումը հրդեհի պատճառ կարող է դառնալ. ԱԻՆ-ը զգուշացնում է

ԿԲ-ն պահուստավորել է 131 մլն դոլար, մինչեւ ԿԲ նախագահը հասել է բանկ՝ թիվը հասել է 154 մլն-ի․ վարչապետը՝ տուրիզմի մասին

Եթե մարդը մեղավոր է, պետք է պատժվի, եթե ոչ, ոչ. Սամվել Հարությունյանի հայրը դատարանից օբյեկտիվություն խնդրեց

Կայացել է Հյուսիս-Հարավ ճանապարհային միջանցքի, կայուն զարգացման ներդրումային ծրագրերի խորհրդի նիստը

Իմ ընդդիմադիր գործունեության ընթացքում դուք չեք գտնի մի նախադասություն, որ իշխանությունից որեւէ լծակ ուզենամ․ վարչապետ

Ի՞նչ կենսագրություն ունի արդարադատության նորանշանակ նախարար Ռուստամ Բադասյանը

Վերջին ամիսներին ջրային ոլորտում ճգնաժամային կառավարում է իրականացվում․ Սուրեն Պապիկյան

Բակո Սահակյանը և Արկադի Ղուկասյանը միջնորդության փոխարեն պետք է վկայություն ներկայացնեին. կարծում է մարտի 1-ի զոհի այրին

4680 դպրոցահասակ երեխա կհանգստանա ամառային ճամբարներում

Գյումրիում մաքսատուն կառուցելու ծրագիրն ընթացքի մեջ է, տարածքն արդեն ընտրվել է․ վարչապետ

Զենքն անզգուշությամբ մաքրելիս Ուկրաինայի Գերագույն ռադայի պատգամավորը մահացել է

Սարգսյանն առաջարկում է փակել հիմնադրամի հաշվին խաղադրույք կատարող Վարդանյանի էջը, վերջինս արձագանքել է (տեսանյութ)

Քաղսի համայնքի երեխաներն իրենց ձեռքով իրենց համար ֆուտբոլի դարպաս են սարքել (լուսանկարներ)

Մխիթարյանը մեղրամիսն անցկացնում է Մալդիվներում

Բոլորի ելույթները լսելով՝ շատ հուզվեցի. Լեւոն Քոչարյանը՝ Մարտի 1-ի զոհերի հարազատների ելույթների մասին

Պետբյուջեի կատարողականում տեսնում ենք ալարկոտություն եւ հարմարվողականություն․ Արման Բաբաջանյան

Որդիս ինչո՞ւ սպանվեց, բա ես ի՞նչ անեմ հիմա, ասեք. մարտի 1-ի զոհերից Տիգրան Աբգարյանի մայրը՝ դատարանում