ԱՊԼ ավարտված մրցաշրջանում Մխիթարյանը 6 գոլ է խփել, 4 լավ հնարավորություն բաց թողել

ՀՀ ֆուտբոլի ազգային հավաքականի ավագ Հենրիխ Մխիթարյանն «Արսենալի» հետ ավարտեց ելույթներն Անգլիայի Պրեմիեր լիգայի 2018-19 մրցաշրջանում: «Զինագործները» չկարողացան առաջնության արդյունքներով տեղ զբաղեցնել լավագույն քառյակում ու Չեմպիոնների լիգայի հաջորդ մրցաշրջանի ուղեգիր ձեռք բերել: 70 միավորով 5-րդ տեղում են՝ Եվրոպա լիգայի գոտում, ու Չեմպիոնների լիգայի ուղեգիր կարող են նվաճել, եթե մայիսի 29-ին Եվրոպա լիգայի եզրափակչում հաղթեն «Չելսիին»:

Մրցաշրջանի ընթացքում լոնդոնցիներն ԱՊԼ շրջանակներում մրցակիցների դարպասը գրավել են 73 անգամ: Դրանցից 22-ի հեղինակը Պիեռ-Էմերիկ Օբամեյանգն է, որն այդ ցուցանիշով դարձել է առաջնության 3 ռմբարկուներից մեկը: Մխիթարյանը, որը մասնակցել է 25 հանդիպման, խփել է իր թիմի գոլերից 6-ը: Նա մեկական անգամ գրավել է «Բորնմութի», «Վուլվերհեմփթոնի» ու «Չելսիի», 3 անգամ՝ «Սաութհեմփթոնի» դարպասը, որի դեմ հանդիպումներից մեկում դուբլ է ձեւակերպել:

Կիսապաշտպանը նաեւ գոլային 4 փոխանցում է կատարել: Ըստ Transfermarkt-ի՝ նա ընդհանուր առմամբ 1642 րոպե է անցկացրել խաղադաշտում ու աչքի է ընկել ամեն 274 րոպեն մեկ: Անգլիայի Պրեմիեր լիգայի պաշտոնական կայքն ավելի մանրամասն է ներկայացնում հայ ֆուտբոլիստի վիճակագրությունը: Նշվում է, որ 1 անգամ նա աչքի է ընկել գլխով հարվածով: Մնացած գոլերից 3-ը խփել է աջ, 2-ը՝ ձախ ոտքով: 1 անգամ նրա հարվածից հետո գնդակն անդրադարձել է դարապսաձողից: Ընդհանուր առմամբ նա դեպի դարպասը 49 հարված է կատարել, դրանից 14-ը եղել է դարպասին: Հարվածների ճշգրտությունը 29% է: 4 անգամ նա բաց է թողել դարպասը գրավելու լավ հնարավորություն: 3 անգամ հայտնվել է խաղից դուրս վիճակում:

25 խաղում Մխիթարյանը 796 փոխանցում է կատարել՝ միջինում 1 խաղում 31.84 փոխանցում: 10 անգամ թիմակիցների համար գոլ խփելու հնարավորություն է ստեղծել:

ԱՊԼ ավարտված մրցաշրջանի ընթացքում հայ ֆուտբոլիստը կանոնները խախտել է 27 անգամ: Ոչ մի անգամ չի հեռացվել խաղադաշտից: Ընդամենը 1 դեղին քարտ է ստացել:

Ավարտվող մրցաշրջանում Մխիթարյանին 1 խաղ է մնացել «Արսենալի» կազմում՝ Բաքվի եզրափակիչը: Դա, ըստ բրիտանական մամուլի, կարող է եւ լինել նրա վերջին հանդիպումը որպես լոնդոնյան թիմի ֆուտբոլիստ: Նշվում է, որ կիսապաշտպանը չի մտնում գլխավոր մարզիչ Ունաի Էմերիի հաջորդ մրցաշրջանի ծրագրերում: Թե որտեղ կհայտնվի Մխիթարյանը, մամուլը հստակ տարբերակներ չի նշում: Նոր թիմ գտնելու հարցում կարող է խնդիրներ ստեղծել այն հանգամանքը, որ նրա գործակալ Մինո Ռայոյան ՖԻՖԱ-ի կողմից 3 ամսով՝ մինչեւ օգոստոսի 9, զրկվել է տրանսֆերներ կատարելու իրավունքից:

Տպել
636 դիտում

Հրդեհվել է Սպիտակ քաղաքի զինկոմիսարիատի տանիքը

Հավատարիմ եմ եղել իմ կանանց ու դավաճանել եմ սիրուհիներիս. հայտնի մտքեր Ազնավուրից

Չենք բողոքարկի որոշումը, քանի դեռ դատարանը չի հանդիսանում խախտված իրավունքը վերականգնող մարմին. Սանասարյան

Մայիսի 27-ին դատավորների արտահերթ ժողով է հրավիրվել

Բյուջեի 62 մլրդ դրամ ավելցուկի մի մասով զինվորների և ուսուցիչների աշխատավարձը կբարձրանա. ինչպես ծախսել մնացածը

Շիրակի մարզից ԱՆ ուղղաթիռով հիվանդ է տեղափոխվել Երեւան

Չենք փորձել մեղավորներ փնտրել այլ ակումբներում. «Արարատ-Արմենիան» պատասխանում է

Ազարը, Ժիրուն հայ են. «Արսենալի» երկրպագուները ծաղրում են Ադրբեջանի պատճառով ստեղծված իրավիճակը

ԵՄ -ն 2019-ին ՀՀ-ին տրամադրվող աջակցությունը ավելացրել է 25 մլն եվրոյով. հանդիպում կառավարությունում

Կրթության եւ գիտության նախարարը բողոքող ուսանողներին հրավիրել է նախարարություն. մինչ վերադարձը բուհի դռները չեն բացվի

Դուք հայրենասիրության վառ օրինակ եք. վարչապետը շնորհավորել է Կոմանդոսին՝ ծննդյան 80-ամյակի առթիվ

5 աղբատար նոր մեքենաները սկսել են աղբի հավաքումը. եւս 20 մեքենա ու մի քանի հազար աղբաման ձեռք կբերվի

ԱԺ «Իմ քայլը» խմբակցությունը հյուրընկալել է ՄԹ պաշտպանության հետազոտությունների արքայական քոլեջի ունկնդիրներին

Թյորբորն Յագլանդը հաստատել է ԵԽ-ի լիակատար աջակցությունը ՀՀ բարեփոխումների օրակարգին

ՀՀ մարմնամարզիկները կարեւորագույն ստուգատեսներից առաջ փորձնական մրցումների կմասնակցեն

Նորընտիր ռեկտորը խոստացավ հրաժարականի պահանջին պատասխանել վաղը. ուսանողները հայտարարեցին՝ մինչ այդ բոլորը կմնան շենքում

Բակո Սահակյանը խորհրդակցություն է անցկացրել

60 տարի բեմում լինելու, վիրահատության եւ երաժշտական դադարի մասին պատմում է Ռոզի Արմենը. նա Հայաստանում է

Երաշխիք չունեմ, որ կեսից չեն փոշմանի ու հետ վերցնի. քաղաքապետարանը «Կանազ»-ի շենքը տրամադրելու ռիսկեր է տեսնում

Ազնավուրին ե՛ւ ճանաչում եմ, ե՛ւ չէ, մեր հանդիպումներն այդպես էլ չստացվեցին. Ռոզի Արմեն