ՀՀ թաեքվոնդոյի հավաքականը ԱԱ չի մեկնել վիզաների պատճառով. պնդում է ֆեդերացիայի փոխնախագահը

Հայաստանի Թաեքվոնդոյի ֆեդերացիայի փոխնախագահ Վարդան Ղահրամանյանը վստահեցնում է, որ հավաքականն աշխարհի 2019 թ. առաջնության չի մեկնել վիզաների պատճառով: Նա այս մասին նշեց «Հայկական ժամանակ»-ի հետ զրույցում: Ավելի վաղ Մանչեստերում մայիսի 15-ին մեկնարկած մրցումների 54 եւ 68 կգ քաշային կարգերի վիճակահանության արձանագրություններից պարզ էր դարձել, որ հայ մարզիկներ չկան:

«Այսօր նոր կարողացել եմ վերցնել Զորիկ Մեքինյանի (խմբ. մարզիչ) անձնագիրը, որովհետեւ Անգլիայի դեսպանատուն չկա այստեղ, մի ահավոր վիճակ: Նույն կերպ իրանցիների վիզաները չեն բացել, Վրաստանի հավաքականից միայն մեկ մարզիկի են բացել, մերն էլ վիզաները բացել են, անձնագրերը նոր այսօր եկել են, երբ որ թիմը պետք է 2-3 օր առաջ այնտեղ լիներ: Հասցնում ենք, որ գոնե Զորիկն ու Արսեն Գրիգորյանը (-87 կգ)՝ ծանր քաշը, գիշերը թռնում են»,- ասաց նա՝ ավելացնելով, որ Գրիգորյանի անձնագրին դեռ սպասում են, ու հույս ունեն, որ երեկոյան այն կլինի:

Ղահրամանյանը պատմեց, որ իրենց Անգլիայից ասել էին, որ դիմեն վիզաների կենտրոն, ու Անգլիայից անձնագրերն ուշացել են: Պարզաբանեց, որ մարտի 18-ին տվել են հավաքականի անդամներից 4-ի հայտերը, Լեւոն Գասպարյանի (54 կգ) ու Ռոման Հայտապետովի (63 կգ) անձնագրերը ՀՀ Պաշտպանության նախարարությանն են տված եղել, որպեսզի ժամկետները երկարաձգեն, ու նրանց հայտերը 5 օր հետո են տվել:

Տեւական ժամանակ է՝ ՀՀ Թաեքվոնդոյի ֆեդերացիան նախագահ չունի: Նախկին նախագահի՝ Կարեն Գրիգորյանի պաշտոնավարման ժամկետն ավարտվել է 2018 թ. նոյեմբերին, ու մինչեւ հիմա նոր ընտրություններ տեղի չեն ունեցել: Ղահրամանյանը վստահեցնում է, որ դա ոչ մի կապ չունի այս իրավիճակի հետ: Նաեւ ընդգծում է, որ ֆեդերացիայի՝ նապագահ չունենալու փաստը հավաքականի համար միջազգային ասպարեզում խնդիրներ չի առաջացնի:

«Դա կապ չունի, ամենամեծ կապը Անգլիան է: Այնքան նամակ ենք գրել: Ի՞նչ են պատասխանում: Ասում են՝ մեր սպորտի նախարարության ազդեցությունն էմիգրացիոն ծառայությունների վրա զրո է»,- ասաց նա:

Ըստ Ղահրամանյանի՝ վիզայի հետ կապվախ նույն խնդիրներն ունեն նաեւ մի շարք այլ ֆեդերցիաներ: Նշում է, որ դրանց թվում են Ուկրաինայի, Վրաստանյի, Իրանի ֆեդերացիաները:

Աշխարհի 2019 թ. առաջնությունն ավարտվելու է մայիսի 19-ին: Այն վարկանիշային միավորներ է տալիս 2020 թ. օլիմպիական խաղերի համար: Ղահրամանյանը նշեց, որ մտածում են այդ թեմայով նամակ գրել Միջազգային օլիմպիական կոմիտե ու թաեքվոնդոյի միջազգային ֆեդերացիա: Ասաց, որ բողոքներ կարող են ներկայացնել նաեւ այլ երկրների ֆեդերացիաներ:

Բացի Գասպարյանից, Հայրապետովից ու Գրիգորյանից՝ հավաքականի կազմում էին նաեւ Սերգեյ Վարդազարյանը (68 կգ) եւ Սերգեյ Ավանեսովը (74 կգ): Մրցաշարի ժամանակացույցն այնպես է դասավորված, որ այս պահին միայն Գրիգորյանը կարող է հասցնել մասնակցել: Ինչպես Ղահրամանյանը տեղեկացրեց, հավաքականը մոտ 5 մլն դրամ ֆինանսավորում էր ստացել այս մրցաշարին մասնացկելու համար, եւ քանի որ չի մասնակցում, այդ գումարը կօգտագործվի այլ մրցումների գնալու համար:

Տպել
468 դիտում

«Մալաթիա մոլ»-ի շենքում բռնկված հրդեհը մեկուսացվել է. հրդեհաշիջման աշխատանքներին մասնակցում է 13 մարտական հաշվարկ

ԱԻ նախարարը հրդեհի վայրում է. ձևավորվել է 30 հոգուց կազմված աշխատանքային խումբ, աշխատում է 19 մարտական հաշվարկ

Հրդեհի հետևանքով Հանրապետական հիվանդանոց տեղափոխված 2 քաղաքացիները դուրս են գրվել

Վայոց Ձորում վթարի հետևանքով զոհվել է 3 քաղաքացի, եւս 3-ը հիվանդանոցում են

Հրդեհի ծավալը մեծ էր, հարկ համարեցի գալ. Վ. Օսիպյանը ժամանեց հրդեհի վայր ու նկատողություն արեց ոստիկաններին

ՀՀ վարչապետը ելույթ է ունեցել «Քայլ դեպի տուն» ծրագրի փակման արարողության ժամանակ (տեսանյութ)

Մալաթիայում տեղի ունեցած հրդեհի հետևանքով ևս 1 տուժած տեղափոխվում է «Աստղիկ» Բ/Կ

«Մալաթիա մոլ»-ի հրդեհը դեռ չի մարվել. նախնական վարկածով՝ կրակը բռնկվել է «ՎԵԳԱ»-ի պահեստում

Մալաթիայի հրդեհի հետեւանքով տուժած քաղաքացիները ծխահարվել են, 6 անձ է տուժել. ԱՆ խոսնակ

Մալաթիայի խոշոր հրդեհի հետևանքով 4 անձ տեղափոխվել է «Աստղիկ» Բ/Կ, 2-ը՝ Ճառագայթային բժշկության կենտրոն

Խոշոր հրդեհ «Մալաթիա մոլ»-ի շենքում. բարձրացվել է բարդության «Թիվ 3» կանչ, կան տուժածներ (տեսանյութ). ԹԱՐՄԱՑՎԱԾ

Շոգ, առանց տեղումների եղանակը կպահպանվի առաջիկա օրերին. եղանակն այս շաբաթ

ՃՏՊ Կրասնոդարի երկրամասի Ռ-217 ավտոճանապարհին. զոհերն ու տուժածները հայեր են (լուսանկարներ)

Դատարկ ապարների լցակույտի տարածքի ուսումնասիրությունները ոչ լիարժեք են. Ամուլսարում ուրանի և թորիումի առկայության մասին

Երևանում և Ագարակ գյուղում փրկարարները բռնել են 1 շահմար, 1 սահնօձ և 1 գյուրզա

«ԳեոՊրոՄայնինգ» ընկերությունը աջակցեց մանկական քաղցկեղի կենտրոնին (լուսանկարներ, տեսանյութ)

Ստեփանակերտում 16-ամյա երեխայի նկատմամբ բռնության դեպքը կանխվել է

Արցախում՝ Ամարասի դաշտում, տղամարդու դի է հայտնաբերվել. հավանաբար մահացել է ցուլի հարվածից

Ստեփանակերտի ջրամատակարարման խնդիրը լուծման փուլում է. Բակո Սահակյանը ծանոթացել է աշխատանքներին

Սասունիկ-Էջմիածին ճանապարհին «ԶԻԼ»-ը դուրս է եկել ճանապարհից ու կողաշրջվել