Հայաստանում ոչ մի նորմալ ակումբ չկա. «Բանանցի» սեփականատեր Ջեւան Չելոյանց

«Բանանց» ֆուտբոլային ակումբի սեփականատեր Ջեւան Չելոյանցը նշում է, որ իրենց նպատակը ճիշտ հիմքով նորմալ ակումբ կառուցելն է: Այս մասին նա նշեց այսօր՝ մայիսի 29-ին, լրագրողների հետ հանդիպման ժամանակ: Նախ տեղի ունեցավ թիմի գլխավոր մարզիչ Իլշատ Ֆայզուլինի նոր՝ 4 տարով նախատեսված, պայմանագրի ստորագրման արարողությունը, որից հետո Չելոյանցը ներկայացրեց պայմանագիրը թարմացնելու պատճառը եւ պատասխանեց լրագրողների հարցերին:

- Ես որոշում եմ կայացրել, որ նոր պայմանագիր կնքենք գլխավոր մարզչի հետ: Կարծում եմ՝ սա երկրում ամենաերկարաժամկետ պայմանագրերից է: Ուզում եմ ասել, որ, երբ կարեւոր մարդկանց հետ ես պայմանագիր կնքում, միշտ պետք է դա բացահայտ անել, ոչինչ չթաքցնել: Կարող ենք ներկայացնել բոլոր մանրամասները, ոչինչ չթաքցնել: Ցանկանում ենք, որ Հայաստանում այսպես լինի, այդ պատճառով էլ այսպես հրապարակային միջոցառում ենք կազմակերպել:

- Ինչո՞ւ եք որոշել երկարաձգել պայմանագրի ժամկետը:

- Ինձ դուր է գալիս նրա աշխատանքը: Ցավոք, ֆուտբոլում կան մարդիկ (ես շատ եմ տեսել), որոնք գալիս են՝ պարզապես գումար վաստակելու: Դրանում ոչ մի վատ բան չկա. ամեն մեկն էլ պետք է ընտանիք պահի, բայց երբեմն այն մարդկանց շրջանում, որոնք գալիս են՝ գումար վաստակելու, լինում են այնպիսինները, որոնք ունենում են նաեւ այլ հատկանիշ. մարդիկ ցանկանում են աճել ակումբի հետ, ցանկանում են տալ ակումբին, ինչ ունեն, եւ ինչ-որ փորձ ձեռք բերել: Դա շատ մեծ նշանակություն ունի: Սա հոգեբանական կողմն է: Նա նաեւ լավ մասնագետ է, եւ մենք դա տեսել ենք: Նույնիսկ եթե տեղեր չգրավենք, մեդալներ չնվաճենք, դա չի ազդի մեր որոշման վրա: Եթե մարդը լավ է աշխատում, նվիրվում է, նա պետք է շարունակի աշխատել:

- Հայկական ակումբային ֆուտբոլում, կարծես, ամենալավ պայմաններն ունի «Բանանցը», բայց ամեն տարի ինչ-որ բան խանգարում է թիմին չեմպիոնության պայքարում: Ի՞նչ եք մտածում այս ուղղությամբ եւ ի՞նչ է սպասվում գալիք մրցաշրջանում:

- Չեմ խորանա մանրամասների մեջ, թե ինչն է խանգարում, դա գլխավոր տնօրենի ու մարզչի հարցն է: Իմ հարցն ակումբում մթնոլորտ ստեղծելն է, որպեսզի դա հնարավոր դառնա: Իսկ մնացածը. սա սպորտ է, ցավոք՝ երբեմն ոչ միայն սպորտ: Կարծում եմ՝ եթե գնում ենք դեպի մեր նպատակը, ի վերջո կհասնենք դրան: Մեր նպատակը միայն չեմպիոնությունը չէ: Այո՛, ցանկանում ենք չեմպիոն դառնալ: Մեզ պետք է նորմալ ակումբ կառուցել: Դա է մեր համար 1 առաջադրանքը: Ընդգծում եմ՝ նորմալ ակումբ: Չեմ ցանկանում ոչ ոքի նեղացնել, բայց Հայաստանում դեռեւս ոչ մի նորմալ ակումբ չկա՝ ոչ մի:   

- Ամիսներ առաջ առաջարկություն արվեց, որ ակումբն անվանափոխվի «Ուրարտու»: Ի՞նչ փուլում է:

- Ես ոչինչ չեմ որոշել, որոշել են երկրպագուները: Քվեարկություն է եղել, եւ երկրպագուների մեծամասնությունը քվեարկել է «Ուրարտու» անվան օգտին: Ես երկրպագուների փոխարեն որոշելու իրավունք չունեմ: Դա նրանց ցանկությունն է, այդ պատճառով՝ նոր մրցաշրջանից կկոչվենք «Ուրարտու»:

- Նշեցիք, որ չեմպիոնությունն ակումբի միակ նպատակը չէ, սակայն ակումբն իր գոյության ընթացքում փորձել է հաջողությունների հասնել եվրագավաթներում, ինչը չի ստացվել: Ի՞նչ առաջադրանքներ եք դնում այդ ուղղությամբ:

- Միջազգային ասպարեզում հայկական ոչ մի թիմ էլ հաջողությունների չի հասել: Ռուսաստանում ասացվածք կա. «Պետք է քայլել այնպես, որ տաբատդ չպատռես»: Անգլերենում ասում են՝ քայլ առ քայլ: Հնարավոր չէ առանց ակումբը կառուցելու, ինչ-որ տեղ ցատկել: Բոլոր դեպքերում կարեւոր է հիմքը: Մեր հիմքը մեր երեխաներն են: Մեր նպատակը ոչ թե այն է, որ երեխաները խաղան այնպես, ինչպես առաջին թիմը, այլ որ առաջին թիմը խաղա այնպես, ինչպես ակադեմիան: Սա երկարաժամկետ նախագիծ է: Ինչպիսի հիմք կառուցես, այդպես էլ շինությունը կկանգի: Հույս ունեմ եւ առաջադրանք եմ դնում, որ պայմանագրի ընթացքում մենք մաքսիմալ հաջողությունների հասնենք ոչ միայն Հայաստանում:  

- Անցած մցրաշրջանում «Բանանցը» բոյկոտեց ֆուտբոլային խաղ (խմբ. գավաթային «Լոռի»-«Բանանց» հանդիպումը): Ո՞ր դեպքում ակումբը կարող է նորից նման քայլի: Հնարավո՞ր է նման բան կրկնվի:

- Եթե այդ մրցավարը լինի (խմբ. Գեւորգ Եղոյան), մենք չենք խաղա: Դա արդեն ասել եմ: «Ծախված» մարդիկ չպետք է աշխատեն ֆուտբոլում: Խոսքը միայն այդ մրցավարի մասին չէ, բայց նրան է վերաբերում առաջին հերթին: Ես թիմին չեմ արգելել խաղալ, խորհրդակցել եմ: Հարցրել եմ. «Ի՞նչն է ձեզ համար ավելի կարեւոր, հաստատունություն դրսեւորել եւ տղամարդ մնա՞լ, թե՞ մեղմ կեցվածք դրսեւորել ու անել այնպես, ինչպես սահմանված է կանոններով»: Ասացին՝ ո՛չ, մնալ տղամարդ:

- Խաղալը տղամարդկություն չէ՞ր լինի:

- Կլիներ, նրանք միշտ էլ տղամարդ են, եղել են եւ կլինեն: Բայց ցանկանում ենք տղամարդ դարձնել նաեւ աճող սերնդին: Ի՞նչ է ֆուտբոլը: Դա առաջին հերթին դաստիարակությունն է: Ֆուտբոլը պետք է դաստիարակի, մենք հենց դա էլ արեցինք: Մարդիկ պետք է իմանան, որ կյանքում սկզբունքներ կան, որոնք պետք է պահմանել սկսած 6 տարեկանից վերջացրած 96-ով:

Տպել
654 դիտում

Մեր ընթացիկ խնդիրը հայեցկարգային եւ գաղափարական առումով Հայաստան-Սփյուռք սահմանները վերացնելն է․ վարչապետ

Թող 98թ․-ից առաջ միլիոններ կուտակեին, առյուծներ քշեին. Փաշինյանը՝ Քոչարյանի եւ Սարգսյանի շնորհավորական ուղերձների մասին

Լինելով ԱԱԾ տնօրեն՝ նա հայտարարություն է անում գերագույն հրամանատարի դեմ․ սպայի պատվին դրանից մեծ անարգանք չկա․ վարչապետ

Աղմկոտ միջադեպի գործով Վայոց Ձորի մարզպետի օգնականը կալանավորվել է

«Հյուսիս-Հարավ»-ի գործով մեղադրյալ, «Մուլտի Գրուպ» կոնցեռնի տնօրենը 20 մլն դրամ գրավի դիմաց ազատ է արձակվել

Կդադարեցվի Ծաղկաձորի մի շարք օբյեկտների եւ Արագածոտնի մի շարք գյուղերի գազամատակարարումը

Արարատի մարզում աղջկա համար վիճաբանությունն ավարտվել է դանակահարությամբ. 2 անձ տեղափոխվել է հիվանդանոց. Shamshyan.com

Կրակել են կարմիրգրքյան Սեւ արագիլի վրա, որից Հայաստանում ընդամենը վեց զույգ կա. Նաիրա Զոհրաբյան

Մանվել Գրիգորյանը պաշտոնը դադարեցնելիս 6 անշարժ գույք եւ 9 ավտոմեքենա ավելի է ներկայացրել, քան պաշտոնը ստանձնելիս

Վարչապետ Նիկոլ Փաշինյանն արդեն Լոս Անջելեսում է

Կապանում 3 կգ-անոց գազի բալոնից տեղի է ունեցել գազի արտահոսք՝ հրդեհի բռնկմամբ․ մի քաղաքացի այրվածքներ է ստացել

Այսօր ցրտել է, սակայն առաջիկա օրերին զգալի տաքանալու է․ Գագիկ Սուրենյան

Հրշեջ-փրկարարները մարել են մոտ 59.5 հա խոտածածկ տարածք ընդգրկող 47 հրդեհ

Մեղադրանք է առաջադրվել «Վերածնունդ» միջազգային մրցույթ-փառատոն» ՀԿ նախագահին

Մարտի մեկը պետք է քննություն անցնի, ես կարծեմ 2009-ին ցուցմունք չեմ տվել. Խաչատուր Սուքիասյան

«Ամուլսարի հանքի շահագործմանը փայլուն եմ վերաբերում». Խաչատուր Սուքիասյան

Պետք է զարգացնենք հայոց պետականության նվիրական արժեքը. Արման Թաթոյան

100 փաստերը չեն տալիս ելակետային տվյալներ, որպեսզի համեմատություններ անցկացվեն. Վարդանյան

Փոխվարչապետ Ավինյանն Ուրբասեր ընկերության պատվիրակության հետ քննարկել է բիզնես և ներդրումային միջավայրի հարցեր

ՀՀ պաշտպանության նախարարն ընդունել է Բելառուսի զինված ուժերի գլխավոր շտաբի պետին