Բաքվում ԵԼ եզրափակչի ժամանակ մարդկանց անվճար ներս են թողել, որ մարզադաշտը դատարկ չլինի

Եվրոպա լիգայի 2018-19 մրցաշրջանի եզրափակչի ժամանակ Ադրբեջանի իշխանությունները բացել են «Օլիմպիական» մարզադաշտի դարպասներն ու անվճար ներս թողել բազմաթիվ երկրպագուների: Այս մասին գրում են բրիտանական The Independent-ը, The Times-ը, The Sun-ը եւ այլն: Դա տեղի է ունեցել առաջին խաղակեսում: Իշխանությունները նման որոշում են կայացրել, քանի որ տրիբունաներում քիչ մարդ է եղել:

«Արսենալի» երկրպագուներից մեկը պատմել է, որ հանդիպման մեկնարկից մոտ կես ժամ անց տրիբունաները լցվել են: Ֆուտբոլասերը նշել է նաեւ, որ մարզադաշտ մտած երեխաներին «Արսենալի» դրոշներ են տված եղել:

Նշվում է, որ ՈՒԵՖԱ-ն դեմ է եղել այդ քայլին, ու դա արվել է առանց եվրոպական ֆուտբոլը ղեկավարող մարմնի թույլտվության: ՈՒԵՖԱ-ն զայրացած է, ու տեղի ունեցածի վերաբերյալ հետաքննությունն է սկսելու:

Եզրափակչի մասնակիցների՝ «Արսենալի» ու «Չելսիի» երկրպագուները շատ քիչ են եղել: Թիմերից յուրաքանչյուրին հատկացված էր մոտ 6000 տոմս: Դրանցից մեծ մասն ակումբները նախապես հետ էին վերադարձրել ՈՒԵՖԱ-ին: Ըստ լրատվամիջոցների՝ Բաքու է գնացել 2 թիմերի ընդամենը 5500 երկրպագու: Պատճառը եղել է հեռավորությունը, չվերթների սահմանափակ ու թանկ լինելը, ինչպես նաեւ այն, որ Ադրբեջանում թանկ է կեցությունը: Նշվում է, որ միայն ճանապարհորդության համար ֆուտբոլասերները ծախսել են 1000-ական ֆունտ ստեռլինգ՝ չհաշված այլ ծախսերը:

Ներկա գտնված երկրպագուներն էլ դժգոհ են մնացել: Նրանք ասել են, որ բավական հեռու են եղել խաղադաշտից: Մթնոլորտից բողոքել են նաեւ հեռուստատեսությամբ մեկնաբանող Սեսկ Ֆաբրեգասն ու Էյդուր Գուդյոնսենը: Լրատվամիջոցներն էլ ընդգծում են, որ դա կարծես ոչ թե եզրափակիչ լիներ, այլ նախամրցաշրջանային ընկերական հանդիպում:

Լրատվամիջոցները նաեւ հերթական անգամ պատմում են եզրափակչի հետ կապված գլխավոր սկանդալը՝ այն, որ «Արսենալի» կիսապաշտպան Հենրիխ Մխիթարյանը Բաքու չէր մեկնել՝ անվտանգության նկատառումներով: Նաեւ նշում են, որ Բաքվի փողոցներում ոստիկանները կանգնեցրել են Մխիթարյանի մարզաշապիկով ֆուտբոլասերներին: Լրատվամիջոցները նաեւ հիշեցնում են, որ այս մարզադաշտը դեռ պետք է ընդունի Եվրո 2020-ի մի քանի հանդիպումներ:

Տպել
5232 դիտում

Արթուր Վանեցյանը ներկա է «Արարատ-Արմենիա»-«Լինկոլն Ռեդ Իմփս» խաղին

Լոռու մարզային հոգենյարդաբանական հիվանդանոցը նոր տնօրեն ունի

Վայոց Ձորի մարզում КамАЗ-ը գլխիվայր շրջվել է. 3 վիրավորներից մեկը 6-ամյա տղա է

Մի ձեռքով բանակցելը, իսկ մյուսով կրակելն անհնար է հայկական կողմի դեպքում. ԱԳՆ խոսնակ

Մասիվցի Անդիկի սպանության գործով խուզարկել են քրեական հեղինակություն Արտյոմ Կանեւսկոյի բնակարանը

Բակո Սահակյանն ընդունել է ՀՅԴ Արցախի կենտրոնական կոմիտեի անդամներին

Հին խաղամոլների՝ «խոշոր խաղադրույքներով» քաղաքական կեղտոտ խաղի գործիքները

Ադրբեջանը պատերազմի սանձազերծման մենաշնորհ այլեւս չունի. Արծրուն Հովհաննիսյան

Օդեսսայում ՀՀ գլխավոր հյուպատոսն այցելել է Խերսոն քաղաք, մասնակցել ագրոարդյունաբերական ֆորումին

Գորիսում քննարկվել է Հակակոռոպցիոն ռազմավարության նախագիծը

«Սասստեքս»-ում իրավիճակ է փոխվել. դժգոհ աշխատակիցներն այլեւս չեն խոսում լրագրողների հետ (լուսանկարներ, տեսանյութ)

Հայկական բռնցքամարտի անվերջ ճգնաժամը. սկանդալային զարգացում է սպասվում

Վալերի Օսիպյանը անակնկալ այց է կատարել ոստիկանության Սևանի բաժին (տեսանյութ)

Սահմանապահ Կոթին ընդգրկվել է էկոգյուղերի ցանցի զարգացման ծրագրում (լուսանկարներ)

Թուրքիայի ոստիկանները մաքսանենգությամբ զբաղվելու կասկածանքով ՀՀ քաղաքացի են ձերբակալել

Քաղաքացին տպարանում տպագրել է 10 հազար դրամանոց թղթադրամներ և իրացրել դրանք Երևանում ու մարզերում. ԱԱԾ (տեսանյութ)

Պետության հետ վերջնագրերով խոսելն անթույլատրելի է. Օսիպյանը ներկայացրել է Տավուշի մարզի նոր ոստիկանապետին (լուսանկարներ)

Սինգապուրի իշխանությունները 9 տոննա անօրինական փղոսկր են առգրավել

Քաղաքացին նետվել է Դավթաշենի կամրջից. տեղում են փրկարարները. ԱԻՆ

ՍԴ-ն կասեցրել է Ռոբերտ Քոչարյանի գործով առաջին ատյանի դատարանի դ իմումի հիման վրա գործի վարույթը