Մշակույթի նախարարությունում լուծարումից առաջ Օպերային թատրոնին վերաբերող մի քանի հապշտապ որոշումներ են կայացվել

Մշակույթի նախարարությունում այսօր հապշտապ քննարկում է կազմակերպվել եւ Օպերային թատրոնի երկու նախկին աշխատակցի աշխատանքի վերականգնելու մասին որոշումն ուղարկվել թատրոն:

Օպերային թատրոնի տնօրենի ԺՊ Կարինե Կիրակոսյանը «Հայկական ժամանակ»-ի հետ զրույցում հայտնեց, որ մշակույթի նախարարությունը, խախտելով օրենքի պահանջները, մշտապես, առանց իրավական հիմքի ու առանց որեւէ վարչական կամ իրավական ակտ ընդունելու՝ պահանջել է աշխատանքում վերականգնել ՀՀ մշակույթի նախարարության գլխավոր քարտուղարի տեղակալ Արտակ Գեւորգյանի կնոջը՝ Օպերային թատրոնի իրավաբանական բաժնի նախկին պետ Քրիստինե Նաղդալյանին:

Քիչ առաջ Օպերային թատրոնը Նազենի Ղարիբյանի կողմից ստորագրված որոշում է ստացել, որով մշակույթի նախարարությունից պահանջում են 5-օրյա ժամկետում անհապաղ վերականգնել իրավաբանական վարչության նախկին պետ Քրիստինե Նաղդալյանի եւ բալետի պարող Բորիս Էմինյանի աշխատանքները:

Վերջինիս խոսքով՝ տարիներ առաջ, երբ Կոնստանտին Օրբելյանն ազատվեց հինգ փոխտնօրեններից, աշխատանքից հեռացրեց նաեւ Քրիստինե Նաղդալյանին: 2017 թվականի հոկտեմբերին Օպերայի եւ բալետի ազգային ակադեմիական թատրոնը որոշեց լուծարել իրավաբանական բաժինը, որի պետը Քրիստինե Նաղդալյանն էր:

Զավեշտալին այն է, որ Օպերային թատրոնում Քրիստինե Նաղդալյանի զբաղեցրած պաշտոնը՝ իրավաբանական վարչության նախկին պետի հաստիքը, վերացված է, որի մասին թերեւս տեղյակ էլ չեն մշակույթի նախարարությունում: Օպերային թատրոնի աշխատակիցները չեն բացառում, որ վերը նշված հանձնարարությունները մշակվել են Քրիստինե Նաղդալյանի ամուսնու՝ Արտակ Գեւորգյանի ենթակայության տակ գտնվող իրավաբանական վարչության կողմից:

Կարինե Կիրակոսյանը հայտնեց, որ այսօր առավոտյան են մշակույթի նախարարությունից զանգահարել եւ ասել, որ նման քննարկում կա եւ իրենց նկատմամբ վարչական վարույթ է հարուցված: «Օրենքով պետք է երեք օր առաջ տեղյակ պահեին մեզ, գործի նյութերը ուղարկեին, որ ՊՈԱԿ-ում ծանոթանայինք, ժամը 12:00-ին նիստն էր, բայց չենք ներկայացել քննարկմանը, քանի որ օրենք են խախտել: Իրենք նստել են, դատարանի ֆունկցիաները վերցրել են իրենց վրա, ու եզրակացրել, թե իբր անօրինական է ազատվել: Մենք պատասխանել ենք, որ չենք վերականգնի, որ դա հակասում է օրենսդրությանը, ՊՈԱԿ-ների մասին օրենքն էլ ասում է, որ տնօրենը պարտավոր է չկատարել վերադասի պահանջները, եթե դրանք օրենքին հակասում են»,-ասաց Կիրակոսյանը:

Օպերային թատրոնի աշխատակիցները հայտնում են, որ թատրոնում 2013 թվականից իրավաբանի հաստիքը զբաղեցրած Քրիստինե Նաղդալյանը դրական եզրակացությամբ տնօրենի ստորագրմանն է ներկայացրել բազում օրենքի ուժով չկնքված վարձակալության պայմանագրեր, որից հետո չի ձեռնարկել վարձակալության վճարները գանձելու որեւէ միջոց։ Օպերային թատրոնի աշխատակիցների խոսքով՝ այդ մասին կարելի է տեղեկանալ թատրոնի՝ մշակույթի նախարարությանն ուղարկված գրությունից։ Հիմնական շարժառիթներից է եղել վերջինիս աշխատավարձի կտրուկ եւ պարբերական բարձրացումը՝ ընդհուպ կես միլիոն դրամ:

Քրիստինե Նաղդալյանը դատարան չի դիմել եւ չի բողոքել ազատման հրամանը, սակայն որոշ լրատվամիջոցների միջոցով է բարձրացրել իր ձայնը: Նաղդալյանը բողոքների մեջ մատնանշել է Օպերային թատրոնում Կոնստանտին Օրբելյանի զբաղեցրած օրենքով անթույլատրելի մեկից ավելի հաստիքները:

Հիշեցնենք, որ ավելի վաղ մշակույթի նախարարությունը Քրիստինե Նաղդալյանի՝ irakanum.am կայքում հրապարակված բողոքներն ու հիմնավորումներն էր նույնությամբ վերցել եւ դրել այն փաստարկների մեջ, որոնք էլ հիմք էին հանդիսացել Կոնստանտին Օրբելյանին տնօրենի պաշտոնից ազատելու համար: 

Օպերային թատրոնի տնօրենի ԺՊ-ն նկատեց, որ մայիսի 31-ը վերջին օրն էր, երբ մշակույթի նախարարությունը կարող էր որեւէ որոշում կայացնել, քանի որ հունիսի 1-ից այն վերամիավորվում է կրթության եւ գիտության նախարարությանը: Կիրակոսյանի խոսքով` նախարարությունն իր վերջին հնարավորությունն օգտագործեց՝ ի վնաս օպերային թատրոնի:

Տպել
2628 դիտում

Նիկոլ Փաշինյանը՝ մեծ կտավի մեկ մասնիկի առաջին գնորդն ու կտավն ամբողջացնող վերջին այցելուն Գյումրիում

Աննա Հակոբյանը մասնակցել է Ararat challange փառատոնի բացման արարողությանը

Բաքվում չարտոնված ցույցի պատճառով փակել են մետրոյի երեք կայարան

Աննա Հակոբյանը մասնակցել է «Առողջ ապրելակերպը՝ բոլորի համար» խորագրով սպորտային տոնին

Ուկրաինայի խորհրդարանում Հայաստանի հետ միջխորհրդարանական կապերի պատգամավորական խումբ է ստեղծվել

Հյուսիսային մաքսատունը Գյումրիում կբացվի այս տարի. հստակ ժամկետ, սակայն, չկա

«Էրեբունի-Երեւան» միջոցառումների շրջանակներում սպասվում է անակնկալ. Հայկ Մարության

Ապօրինի գույքի «քաղհալածյալ» սեփականատերերը․ նախկին իշխանություններին խիստ մտահոգել է օրենքի նախագիծը

Վարչապետը ծանոթացել է Արտաքին տնտեսական գործունեության սպասարկման կենտրոնի շինաշխատանքներին

Այս տարվա առաջին 9 ամիսներին արձանագրվել է 3444 ճանապարհատրանսպորտային պատահար

Ոստիկանությունում տեղի ունեցած նիստից հետո մարզային պետեր են ազատվել

Հայկ Մարությանը Երվանդ Մանարյանին հանձնեց Երեւանի պատվավոր քաղաքացու կոչումը

Երկիր մոլորակին կմոտենա մեկ կիլոմետր տրամագծով երկնաքար

Արմեն Կարապետյանն ազատվել է էկոնոմիկայի նախարարության գլխավոր քարտուղարի պաշտոնից

Հերքվել է Սամվել Ֆարմանյանի հայտնած այն տեղեկությունը, թե շոգեբաղնիքում իրեն ՀՔԾ քննիչ է մոտեցել․ ոստիկանություն

Դատախազները քննարկումներ են անցկացրել հանրակրթական եւ հատուկ դպրոցների աշակերտների հետ

Մեր տարածաշրջանը վառոդի տակառ է, մեր անվտանգության երաշխիքները՝ երկուսը

Նիկոլ Փաշինյանի ելույթը՝ Պետական եկամուտների կոմիտեի Գյումրիում կազմակերպած ռազմավարական պլանավորման աշխատաժողովին

Գեղարքունիքի մարզում մեքենան բախվել է բետոնե պատնեշին․ 18-ամյա վարորդն ու նույն տարիքի ուղեւորը մահացել են

Երեւանցին նա է, ով սիրում է Երեւանը, սիրում է՝ հոգատար ծնողի ու պատասխանատու ընկերոջ նման․ Հայկ Մարության