Սորոսի հիմնադրամի դեմ բողոքի ակցիա անողները վիրավորել են լրագրողին, վերջինիս խմբագիրը պաշտպանել է վիրավորողներին

04/06/2019 schedule11:00

Երեկ «Բաց հասարակություններ-Հայաստան» հիմնադրամի առաջ բողոքի ակցիա իրականացնողները վիրավորական արտահայտություններ են արել իրենց «անհարմար» հարցեր տվող՝ 24News լրատվական կայքի արդեն նախկին լրագրող Դիանա Դավթյանի հասցեին։ Նրանցից մեկը ընդուպ սպառնացել է՝ «զգույշ դուրս կգաս խմբագրությունիցդ»։

Լրագրող Դիանա Դավթյանը «Հայկական ժամանակ»-ի հետ զրույցում պատմեց, որ երեկ ժամը երեքին ինքն ու իր օպերատորը գնացել են «Բաց հասարակություններ-Հայաստան» հիմնադրամի առաջ բողոքի ակցիան լուսաբանելու։ Ընթացքում բողոքի ակցիայի մասնակից, նախկին ոստիկանապետ Վլադիմիր Գասպարյանի նախկին խորհրդական Նարեկ Մալյանը հրապարակավ հայտարարել է, որ «այսօրվա կառավարության ամենավերին էշելոնները հրահանգ են ստանում Սորոսի կողմից՝ Հայաստանում վիճակն ապակայունացնելու համար»․

«Այդ ժամանակ Նարեկ Մալյանին հարցրի՝ ինչ ապացույցներ ունի նման բան հայտարարելու համար, ինչ փաստեր ունի, ասաց՝ առաջիկայում կհրապարակի, բայց այդ ընթացքում ինձ կողքից սկսեցին ասել, որ 1in.am-ի լրագրող եմ, Արման Բաբաջանյանի սադրիչն եմ, հատուկ եկել եմ նման հարցեր տալու, Փաշինյանի լրագրողն եմ եւ այլն, եւ այլն։ Չգիտեմ՝ այդ որն է Փաշինյանի լրագրողը, բոլոր լրագրողները լուսաբանում են Նիկոլ Փաշինյանին, նրա այցերը։ Ինչ վերաբերում է 1in.am լրատվականին՝ այո, ես երկար տարիներ աշխատել եմ այնտեղ, Արման Բաբաջանյանը իմ խմբագիրն է եղել, որի համար շատ հպարտ եմ, բայց արդեն մոտ 7 ամիս է՝ այնտեղ չեմ աշխատում, այսինքն Բաբաջանյանի հետ որեւէ առնչություն չունեմ, եւ նա որեւէ կերպ չէր կարող ինձ ուղարկել հարցեր տալու»,-պարզաբանեց Դավթյանը՝ ասելով, որ այդ ռեպլիկներից հետո այլեւս դադարեց հարցեր տալ ակցիայի մասնակիցներին, քանի որ նմանատիպ մարդկանց հետ նպատակահարար չհամարեց հարցազրույց անել։

Բայց լրագորղի հասցեին այս մեկնաբանություններն ամենը չեն։ Դիանա Դավթյանի խոսքով՝ այս միջադեպից մոտ քառասուն րոպե հետո մի երիտասարդ իր տեսախցիկով անդադար նկարել է իրեն եւ գործըներոջը, սակայն ակնհայտորեն այդ մարդը լրագրող չի եղել, նրա վրա անձը հաստատող որեւէ փաստաթուղթ կամ բեյջ չի եղել․

«Լրագրողներն այնտեղ իրար ճանաչում են, եւ իմ պրակտիկայում չի եղել դեպք, երբ մի լրագրողը մյուսին առանց զգուշացնելու կամ առհասարակ նկարի։ Իմ գործընկերը զգուշացրեց, որ այդ մարդն արդեն երկար ժամանակ նկարում է մեզ, եւ քանի որ մեր օպերատորները ուղիղ եթերում հեռարձակում էին տեղի ունեցող ակցիան, մենք առանց տեսախցիկների մոտեցանք այդ մարդուն եւ պահանջեցինք ջնջել նկարները, քանի որ ոչ մեկն իրավունք չունի մեզ առանց զգուշացնելու նկարել։ Այդ մարդը չներկայացավ, ապա ասաց, որ իր անձնական բլոգի համար է նկարել մեզ։ Հարցրի՝ ինչ բլոգ է, ասաց, թե անունը չի հիշում։ Ես կրկին պահանջեցի ջնջել մեր նկարները, քթի տակ ասաց՝ հալներդ կտեսնեք, թե ինչ։ Այդ պահին մեզ մոտեցավ Նարեկ Մալյանը, հարցրեց՝ ինչ է կատարվում, այդ մարդն էլ ասաց, որ պահանջում ենք ջնջել մեր նկարները։ Մալյանն ասաց՝ լավ ես անում, չջնջես։ Ասում եմ՝ ես ոչ ակցիայի մասնակից եմ, ոչ քաղաքական գործիչ, ոչ էլ հասարակ քաղաքացի, ես իմ լրագրողական պարտականություններն եմ անում, եւ որեւէ մեկն իրավունք չունի ինձ նկարել»,-պատմեց լրագրողը՝ ընդգծելով, որ օպերատորները հավանաբար չեն ֆիքսել այդ պահը, քանի որ ոստիկանների եւ Մալյանի միջեւ լարված երկխոսությունն էին հեռարձակում։

Միջադեպի ժամանակ, ըստ Դիանա Դավթյանի, իրենց է մոտեցել «Անալիտիկ» լրատվական կայքի խմբագիր, պատգամավոր Տիգրան Ուրիխանյանից վերջինիս հասցեին զրպարտություններ եւ վարկաբեկիչ նյութեր չհրապարակելու համար գումար շորթելու գործով ազատազրկված Անինա Հովհաննիսյանը, եւ ասել, որ ինքը լավ տիրապետում է ԶԼՄ մասին օրենքին, երկար տարիներ լրագրող է եղել եւ գիտի՝ ինչ նպատակով է լրագրող Դիանա Դավթյանը եկել այդ ակցիային։ Ի պատասխան՝ Դավթյանը հարցրել է՝ Հովհաննիսյանը քրեակատարողական հիմնարկից դուրս գալուց հետո ի՞նչ գործունություն է ծավալում, ինչո՞ւ է մասնակցում այս ակցիային, սակայն Հովհաննիսյանը ինչ-որ բաներ աելով շրջվել, գնացել է։ Այդ ժամանակ բողոքի ակցիա իրականացնողներից մեկը Դիանա Դավթյանին ասել է «լեզուդ շատ է երկար», ապա որոշ ժամանակ անց հենց ինքն էլ ասել է՝ «խմբագրությունիցդ զգույշ դուրս կգաս»․

«Քանի որ բոլոր լրատվականները Մալյանի եւ ոստիկանության միջեւ տեղի ունեցողն էին լուսաբանում, իմ կողքին քիչ լրագրողներ կային։ «Հրապարակ» օրաթերթի լրագրողն իր հեռախոսով ֆիքսել է ակցիայի մասնակիցներից մեկի պահվածնքն ու իմ հասցեին վիրավորական արտահայտությունները»,-ասաց Դիանա Դավթյանը։

Մեր զրույցում նա պատմեց, որ նույն այն պահին, երբ ուղիղ եթերով հեռարձակվել է ակցիայի մասնակիցների՝ լրագրողի հասցեին վիրավորական արտահայտություններ, 24News-ի գլխավոր խմբագիր Նարեկ Գալստյանը զանգահարել է իրենց օպերատորին եւ հրահանգել անջատել ուղիղ եթերն ու վերադառնալ խմբագրություն։ Դիանա Դավթյանի համար սա զարմանալի է թվացել, քանի որ նյութեր պատրաստելու ժամանակ նախ եւ առաջ պատասխանատու է լրագրողը եւ առաջին հերթին լրագրողին են տեղյակ պահում նյութը չեղարկելու մասին։

Դավթյանն ու իր գործընկեր-օպերատորը վերադարձել են խմբագրություն, եւ գլխավոր խմբագիրը՝ Նարեկ Գալստյանը, Դավթյանին կանչել է իր աշխատասենյակ․

«Խմբագիրս ասում է՝ արի իմ սենյակ, գնում եմ, ասում է՝ դուռը փակիր, մտածում եմ՝ պետք է հարցնի՝ ինչ է եղել, ով է վիրավորել, ինչ միջադեպ է եղել եւ այլն, ինչպես պետք է լիներ աշխատակից-խմբագիր նորմալ զրույցի ժամանակ, բայց սկսում է ձայնը բարձրացնելով խոսել, թե՝ քեզ քանի անգամ եմ ասել՝ հավասարակշռված կպահես քեզ։ Ասում եմ՝ այսինքն՝ հավասարակշռվածը ո՞րն է։ Անինա Հովհաննիսյանի նկարը ցույց տալով՝ ինձ ասում է՝ էս խեղճ աղջիկն է՞ քեզ վիրավորել, դու իրեն ոչ կոռեկտ հարց ես տվել, խորը վիրավորել ես։ Ասում եմ՝ ակնհայտ փաստի մասին հարց տալու ի՞նչն է վիրավորական, որ հարցրել եմ՝ դրամաշորթության համար պատասխանատվության ենթարկվելուց հետո, ՔԿՀ-ից դուրս գալուց հետո ինչով է զբաղվում, դրա ի՞նչն է վիրավորական։ Ասում է՝ Մալյանն իմ ընկերն է, ասեիր՝ սպառնացել են, զանգեինք, ասեինք՝ նման բան է եղել, բայց դու գնացել ինձ ու իմ լրատվականն ես խայտառակել, ձեռքիդ՝ 24News-ի բարձրախոսը։ Ասում եմ՝ ինձ վիրավորել ու սպառնացել են որպես անհատ լրագրող, եւ եթե դու ինձ ուղարկում ես աշխատանքի, նշանակում է նաեւ պատասխանատու ես իմ անվտանգության համար, խմբագիրս էլ պատասխանում է՝ «կարող ա՞ գիտես հետդ ախռանիկ պիտի դնեմ»։ Ցավոք, հեռախոս կամ ձայնագրիչ չէի վերցրել հետս՝ իմ ու խմբագրիս զրույցը ձայնագրելու համար, քանի որ չէի սպասում նման խոսակցություն»,-մեր զրույցում պատմեց լրագրողը՝ հավելելով, որ թեժ զրույցի ժամանակ խմբագիրն ասել է, որ այլեւս չի պատկերացնում իրենց համագործակցությունը։ Դիանա Դավթյանը միանգամից հեռացել է աշխատանքից։

Ի դեպ՝ լրագրողը մեր զրույցում նաեւ նշեց, որ նա այսօր միայն երկրորդ անգամ է գնացել լուսաբանելու «Ադեկվադներ»-ի ակցիան։ Առաջինը եղել է ԵՊՀ-ի դիմաց՝ ի աջակցություն նախկին ռեկտոր Արամ Սիմոնյանի՝ ընդդեմ «Ռեստարտ» նախաձեռնության։ Այդ ժամանակ էլ իր խմբագիրն ասել է, որ իրենց ռեկտորին են պաշտպանելու, ոչ թե «սորոսականներին»՝ նկատի ունենալով «Ռեստարտ» նախաձեռնության անդամներին։

Նշենք նաեւ, որ այս բողոքի ակցիային ներկա են եղել Նարեկ Մալյանը, Բլոգնյուզ կայքի խմբագիր Կոնստանտին Տեր-Նակալյանը, «Ադեկվադ» նախաձեռնության անդամ Արթուր Դանիելյանը, Մենուա Հարությունյանը եւ այլք։

Տպել
21961 դիտում

Երևանում 9 ժամով փակ կլինի Մաշտոցի պողոտայի՝ Խորենացի-Լուսավորիչ ամբողջ հատվածի երթևեկությունը

«Զինվորի տուն»-ն այսօրվանից աղոթքի սրահ ունի

Եթե Ադրբեջանն Արցախում գործադրի ռազմական ուժ, կնշանակի՝ ունի համաձայնություն, և հակագործողություններ չեն լինի. քաղաքագետ

Վթարային ջրանջատում Արարատի մարզում․ 8 ժամով ջուր չի լինի Նոր Խարբերդի և Այնթապի որոշ հասցեներում

Աննա Հակոբյանն այցելել է «Ուրարտու» ֆուտբոլային ակումբ (տեսանյութ)

Առանց արտահանման լիցենզիայի և պետական վերահսկողական ակտի ՀՀ-ից 3-րդ երկրներ է արտահանվել շուրջ 28տ կերամիկական թափոն

Ոլորտն իրոք կանոնակարգման կարիք ունի. մարզերում հրավառությունների հաճախականությունը և դրա հետևանքով առաջացող խնդիրները

ՃՈ ուժեղացված ծառայություն մարզերում. հայտնաբերվել է 2724 խախտում

Պարահոկեյի Հայաստանի հավաքականը պատրաստվում է աշխարհի առաջնությանը (տեսանյութ)

Վստահ եմ՝ Փաշինյանի մեղադրանքը ՀԱՊԿ-ին տեղին է, անգամ՝ մեղմ. ՀՀ-ին օգնելը Կրեմլի հերթական մանիպուլյացիան է. Միսկարյան

Երիտասարդը ինքնաշեն գրիչ-ատրճանակով անզգուշաբար կրակել է ոտքին

1 ոսկե և 2 արծաթե մեդալ հրաձգության Լեհաստանի բաց առաջնությունից

ՀԱՊԿ-ին ուժի կիրառման հարցում տարածաշրջան ներքաշելը կարող է լուրջ բախման պատճառ դառնալ. Սեյրան Օհանյան

Դուք Հայաստանում եք մեզ համար շատ դժվար ժամանակաշրջանում․ Արման Եղոյանն ընդունել է հույն պատգամավորներին

Սիգի ձվադրման ժամանակահատվածով պայմանավորված կարգելվի բոլոր տեսակի որսագործիքների և լողամիջոցների մուտքը Սևանա լիճ

Երևանի գերեզմանատները մաքրվում են տասնամյակների շինաղբից․ աղբակույտերի տակ էին մնացել հին գերեզմանատեղերը

Ձերբակալվել են «Հայանտառ» ՊՈԱԿ-ի «Թումանյանի անտառտնտեսություն» մասնաճյուղի տնօրենն ու ևս երկու անձ

Վանաձորում ՀՀ ոստիկանության աշխատակիցների և քաղաքացիների միջև տեղի ունեցած միջադեպի առթիվ նախաձեռնվել են քրվարույթներ

Ադրբեջանի ԶՈՒ-ն խախտել է հրադադարը, կիրառվել է նռնականետ․ ՊԲ-ն ունի 2 վիրավոր

Միջազգային համաժողովի մասնակիցներն այցելել են Հայոց ցեղասպանության հուշահամալիր

ՀՀ գլխավոր դատախազության ավտոմեքենան վթարի է ենթարկվել

Ալիևը հնարավոր էսկալացիայի պատասխանատվությունն այս գլխից վերցնում է իր վրա. Արարատ Միրզոյանի հարցազրույցը «Արմենպրես»-ին

Ադրբեջանը հայկական կողմին է փոխանցել սեպտեմբերյան ագրեսիայի ժամանակ զոհված 13 հայ զինծառայողի մարմին

Դատավոր Դավիթ Բալայանը հրաժարվել է պաշտոնի առաջխաղացումից

Կկայանա զինծառայության զորակոչից տարկետման դիմումների բողոքարկումը․ մասնակցությունը պետք է հաստատել այսօր՝ մինչև 18։00-ն

Մինչև 2028թ․ տիեզերք կարձակվի հայկական ևս 2 արբանյակ․ վարչապետին է ներկայացվել ԲՏԱ նախարարության 2022-ի գործունեությունը

Քննարկվել է ԱՄՆ-ի կողմից ՀՀ-ին շուկայական տնտեսության կարգավիճակ տրամադրելու գործընթաց իրականացնելու հարցը

Հայտնաբերվել է վտանգավոր սննդամթերք

Երևանում կանցկացվի «Ընդդեմ ցեղասպանության հանցագործության» 4-րդ գլոբալ ֆորումը

Խորհրդակցություն ՀՀ պաշտպանության նախարարի գլխավորությամբ. քննարկվել են զինված ուժերում իրականացվող աշխատանքները

Հայաստանը կմասնակցի ՅՈՒՆԵՍԿՕ-ի ոչ նյութական մշակութային ժառանգության պաշտպանության հարցերով միջկառավարական նստաշրջանին

Կրկին փակվելու է Պուշկինի հատման անկյունից մինչև Հանրապետության հրապարակ հատվածի երթևեկությունը

Դիտողությունը ճիշտ էր. Գյումրիում Ամանորի համար տրամադրվելիք գումարը դարձել է 12 մլն 100 հազար դրամ

Հայ-ադրբեջանական սահմանին գրեթե ամեն օր փոխհրաձգություն է, բոլորի նպատակը տարածաշրջանի խաղաղության հասնելն է. Զաս

Նախագահի նստավայրում տեղի է ունեցել Հակակոռուպցիոն դատարանի դատավոր Լիլի Դրմեյանի երդման արարողությունը

Ընդդեմ Թուրքիայի՝ ՄԱԿ-ի գրասենյակի դիմաց քրդական համայնքն այսօր ակցիա է իրականացրել

Պատերազմի ժամանակ հաշմանդամություն ստացած տղաներին նվիրված համերգի ժամանակ ոչ ոք չհիշեց զոհված տղաներին. Աննա Հակոբյան

Շատ մարտահրավերներ մնում են չլուծված. Տոյվո Կլաարն ամփոփել է Բաքվի այցը

Գեղարքունիքի տեղահանված բնակչության մոտ 90 տոկոսը վերադարձել է բնակության վայրեր. մարզպետը՝ ՄԱԿ-ի պատվիրակությանը

Եկամտի ավելացմամբ պայմանավորված՝ քաղաքացին կարող է դուրս մնալ անապահովության համակարգից. պարզաբանում