Ամերիկահայ բժիշկները պատրաստ են օժանդակել Հայաստանի առողջապահության ոլորտի բարեփոխումներին

04/06/2019 schedule10:40

Հայաստանի առողջապահության ոլորտի խնդիրների նվիրված համաժողովին  քննարկվեցին սփյուռքահայ կառույցների կողմից Հայաստանի առողջապահական համակարգին օժանդակելու եղանակներ: Համաժողովը կազմակերպել էր առողջապահության ոլորտի ամերիկահայ մասնագետների կազմակերպությունը, գրում է Ամերիկայի ձայնը։

«Հայաստանում քաղաքացիների շրջանում մահացության և հաշմանդամության առաջնային պատճառների բացահայտման կարողությունը հիմնական առաջնահերթություններից է»,- ասում է Նյու Ջերսի նահանգում գործող Առողջապահության ոլորտի ամերիկահայ մասնագետների կազմակերպության նախագահ, բժիշկ Լարի Նաջարյանը: Վերջերս Նյու Ջերսիի սբ. Լևոն հայ առաքելական եկեղեցում ամերիկահայ բժիշկների միությունը կազմակերպել էր քննարկում-համաժողով Հայաստանում առողջապահության ոլորտի առաջնահերթությունների ու սփյուռքահայ կառույցների օժանդակության մասին:

Կազմակերպության նախագահը պնդում է, որ Հայաստանի բնակչության առողջական հիմնական խնդիրների բացահայտումը կնպաստի տեղական բժիշկների հետ համագործակցությանն ու առողջապահության ոլորտի ճիշտ ռազմավարության մշակմանը:

Իր հերթին կալիֆոռնիաբնակ բժշկուհի, միջոցառման բանախոս Նիկա Հարությունյանն ընդգծեց նման միջոցառումների կարևորությունը: Այսօր Հայաստանում այս ոլորտի ծրագրերում ներգրավված են բազմաթիվ սփյուռքահայ կազմակերպություններ և անհատներ, պնդում է Հարությունյանը, ով Հայաստանում իրականացնում է քաղցկեղի ոլորտի հետազոտման ծրագիր:

«Համաժողովում քննարկվեց Հայաստանում առողջապահության ոլորտի օժանդակության եւ մոտեցումների վերանայման հարցը, որը ենթադրում է շարունակական ծրագրերի հաստատում»,- ասում է Հարությունյանը:

Համաժողովին քննարկվեց սփյուռքահայ կառույցների ջանքերի համախմբման հնարավորությունը: Քննարկման մասնակիցները պնդում են՝ անհրաժեշտ է միասնական հարթակ, որը հնարավորություն կտա ոլորտում ներգրավվածներին ավելի լավ պատկերացում կազմել ընթացիկ ծրագրերի ու կատարված աշխատանքների մասին:

«Այսօր Հայաստանի առողջապահության ոլորտում կան բազմաթիվ լավ նախաձեռնություններ և ծրագրեր, սակայն խնդիրը նրանում է, որ դրանք բոլորը գործում են անջատ և մեկուսացված: Մենք կցանկանայինք, որ բոլոր հասարակական կառույցները միասին աշխատեն միասնական հարթակ ստեղծելու ուղղությամբ, որտեղ առողջապահության ոլորտում ներգրավված անհատը կամ կառույցը կարող է պարզել, թե որքանով է նրա ակտիվությունը առաջնահերթ Հայաստանի առողջապահության ոլորտի համար»,- նշեց բժիշկ Նաջարյանը:

Համաժողովի ընթացքում քննարկվեցին Հայաստանի առողջապահության ոլորտի բազմաթիվ խնդիրներ: Բանախոսներն ընդգծեցին առողջապահության ոլորտի որակի բարելավման անհրաժեշտությունը: Առանձնացվեց Հայաստանում բազմաթիվ հիվանդությունների վերաբերյալ տվյալների բազայի բացակայության հիմնախնդիրը, որը խոչընդոտում է առողջապահության ոլորտի զարգացմանը:

«Առանց առողջապահության ոլորտում տվյալների բազայի դժվար է խորհուրդ տալ կամ բարելավման ուղղությամբ առաջարկներ անել»,- նշեց միջոցառման բանախոս Ալին Բաղդասարյանը:

Ամերիկահայ բժիշկների միության նախագահը շեշտեց որ իրենք պատրաստ են համագործակցել Հայաստանի կառավարության հետ՝ առողջապահության մակարդակը բարելավելու համար:

Տպել
335 դիտում

Նովոսիբիրսկ քաղաքում վթարի հետեւանքով ՀՀ քաղաքացի է զոհվել, 9 մարդ՝ վնասվածքներ ստացել

Քրեակատարողական հիմնարկներում նշեցին Սուրբ Աստվածածնի Վերափոխման տոնը

«Լիդիանը» կառավարություն է ներկայացրել ոչ հավաստի, ոչ լիարժեք տվյալներ. ՀԲՃ-ն հաղորդում է տվել հանցագործության մասին

Ավարտվեց «Իմ քայլը» խմբակցության հանդիպումը վարչապետի հետ Ամուլսարի հարցով. Նազարյանը մանրամասներ է հայտնում

Վարչապետի որոշմամբ էկոնոմիկայի նախարարի նոր տեղակալ է նշանակվել

Կարմիր Խաչի միջազգային կոմիտեի ներկայացուցիչները այցելել են Ադրբեջանում հայտնված հայ զինծառայողին

«Արարատ-Արմենիա» - «Դյուդելանժ» խաղի տոմսերի վաճառքն արդեն սկսված է

Արոնյանը սեւերով ոչ-ոքի խաղաց Անիշ Գիրիի հետ

Թիվ 17 հատուկ դպրոցի նախկին տնօրենը յուրացրել է սնունդ և մոտ 10 մլն դրամ գումար

Դավիթ Տոնոյանը մասնակցել է «Միջազգային բանակային խաղեր-2019» մրցաշարի փակման արարողությանը

ԶՈՒ գլխավոր շտաբի պետն այցելել է հյուսիսարևելյան սահմանագոտի, ստուգել պահեստավորված զինամթերքը

Վաչե Տերտերյանն ընդունել է ՅՈՒՆԻՍԵՖ-ի ներկայացուցչին

Արցախի պետնախարարի մոտ քննարկվել է զորամասերում սննդի կազմակերպման նոր ծրագիրը

Ակնհայտ էր, որ տնտեսական հեղափոխությունը ձախողված է, դրա համար էլ կառավարությանն օդ ու ջրի պես պետք է հանքի շահագործումը

Հափշտակվել է շուրջ 15 մլն դրամ. ՊՈԱԿ-ի նախկին տնօրենին մեղադրանք է առաջադրվել

Գյումրին մեծ տոնի է պատրաստվում. հյուրանոցները ծանրաբեռնված են, գնացքը կաշխատի հավելյալ չվացուցակով

Եթե ՀՀ-ին, Սեւանին, Ջերմուկին, 0.1 տոկոս վնաս կա, հանքը չի շահագործվի. Ալեն Սիմոնյան

Իմ եզրակացության վերաբերյալ երեկոյան հանդես կգամ հայտարարությամբ. վարչապետ

Պաշտպանի հանձնարարությամբ արագ արձագանքման ևս մեկ խումբ է մեկնել «Սուրբ Գրիգոր Լուսավորիչ» բժշկական կենտրոն

Ռուս սահմանապահները ձերբակալել են Վրաստանի յոթ քաղաքացու